حركة تازة البارح سويتها وعجبت زوجي وكبرتني بعينه كثير

1. السلام عليكم


2. الفراشات الحلوات شلونكم حبيباتي عساكم بخير كلكم يارب

السلام عليكم

الفراشات الحلوات شلونكم حبيباتي عساكم بخير كلكم يارب

البارح سويت شي من قلبي لزوجي الحبيب وبصراحه كلش فرحت من شفتهه جابت نتيجه جيدة وتقدير كبير من زوجي الي المهم ماطول عليكم الموضوع اني متزوجه من 5 شهور وفي ناس لحد الان تجي تباركلنه وتجيب هدايه المهم عمت زوجي كانت ايام عرسنه في السويد وقبل يومين اجتي لعندنه وباركتلنه على الزواج وعطتنه مبلغ من المال هدية العرس .. المهم المره بوستني وعطتني في يدي مبلغ من المال وكالتلي هذا هديه عرسكم واني تشكرتهه وبوستهه بعد .. بالليل وقبل لا نام اني وزوجي كتله فلان تره عمتك انطتني مبلغ من الفلوس و كالت هاي هديه زواجكم وش اسوي فيه شتكول ؟؟ زوجي حبيبي كالي بكيفج اخذي الج وتصرفي بيه على راحتج اني مااريده .. كتله اوكي حياتي شكرا """ ثاني يوم فكرت ياربي شاسوي فيه شاسوي فيه بعدين تذكرت قبل فتره زوجي كالي اريد اطلع اشتري هدوم محتاج هدوم للعمل وبدل رسميه لان هو عمله يتطلب منه دائما ملابس رسميه ومرتبه والملابس الي عنده تقريبا استهلكت .. اني في نفسي كلت يابنت هذا زوجج حبيبج ومحتاج هدوم بس ياعيني مو لاكي وكت يطلع يشتري فيه اروح اني واسويها مفاجئة حلوة وتكون هديه من عندي وصدكوني يا بنات احلى هديه لاي شخص بالدنيا تكون حاجه هو محتاجهه بهذيج الفتره.. ماطول عليكم السالفه ورا ما رجعت من دوامي ارتاحيت شوي واتصلت بيه وكتله حبيبي راح اروح للصالون الي يم بيتنه عندي شغل(شلون كذابه ) واسئذنت منه وطلعت المهم رحت واشتريت له مجموعه قمصان وبناطير وملابس رسمه تفيده بالعمل ورجعت قبل رجعته .. المهم دخلت سبحت سريع ورتبت حالي وضميت الملابس حتى لا يشوفهه ؟؟دخل للبيت واستقبلته وحضرلته الغده واكل بالعافيه وارتاح وكتله حبيبي تعال ويايه للغرفه اريدك بشي .. رحنه للغرفه كتله عندي هديه الك غمض عيونك خليته يغمض عيونه 5 دقائق هعهع طلعت كل الاطقم والملابس ونثرتهم على السرير وكتله فتح .. متتخيلون يا بنات شكد عجبته الحركة وقبل لا يلمس اي شي ××××× وكلي تسلمين يا عمري هاي انتي شريتهم من وين الفلوس كتله حبيبي فلوس الهديه الي كتلي اخذيهه .. كلي بس ليش هيج سويتي اني كتلج الفلوس خذيهه الج اشتري شي بيهه لروحج واني كتله حبيبي ماكو فرق بيني وبينك واني مومحتاجه شي وفكرت كلت حبيبي وزوجي حبيبي محتاج ملابس وماعنده وكت يطلع.. ضحك ×××××××× وكالي الله لا يحرمني منج.. المهم يا بنات الفرحه بينت بعيونه وكعد يقيسهم ويشوفهم والحمدلله كله طلعت مضبوطه القياس عليه شوفو شنو كالي بالاخير ؟؟ ورا ما قاس الملابس كلهه وعجبته الموديلات والالوان جدا كالي حبيبتي منا ورايح انتي مسئوله عن شراء ملابسي لان ذوقج حلو ياعمري وتعرفين شنو يعجبني وتعرفين قياسي ومثل ما تعرفين اني مو عندي وقت دائما لهاي الامور واني كتله بعيني حبيبي تدلل من بطن عيني (واني بداخلي يا بنات جدا فرحانه انو زوجي صار يعتمد عليه باللبس والاناقه وصار عنده ثقه بذوقي ) لان مثل ما تعرفون اني متزوجه جديد واي شي ايجابي من ناحيه زوجي يفرحني ويقوي العلاقه بيناتنه ..اسفه عالاطاله بس حبيت اشاركم فرحتي وفكرتي يمكن تستفادون منهه والله يسعد الجميع يارب .. دعواتكم الي الله يسخرلي زوجي دائما ويهدي الي ..تحياتي يا حلوات