حركتآأت دلع بالتلفوؤن للمخطوبأأآت

صباحكم / مسائكم دلع وغنج وحنية ...... إلى كل مخطوبة تلون عالمها بعد خطوبتها بألوان قوس قزحية .... أقدم إاليكي مجموعة من النصائح لتكوني ملكة خطيبك ودلوعته .... بل لتجعليه عشقك وجنونك ودلعك الأبدي .... أفكار لإثارة خطيبك على الهاتف ..... وللسطيرة على تفكيره الثائر ....

• لا تكونين رسمية كثير ... ترى هالفترة فترة الدلع و الدلال والحركات

و لا تكونين جريئة كثير ... خلي مفاجآت للزواج

• حركات دلع بالتلفون .. سهلة تدرين ليش؟؟

لانك مو قدامه قاعدة و ما بتحسين بخجل كثير يمنعك من الكلام الحلو ....
يبيلها لسان حلو بس
بقولك كم شغلة حاولي تسوينها لما يتصل لك ... و كل مرة نوعي ... يعني كل مرة يتصل حاولي تطبقين شي من اللي قلته طيب ؟؟؟
اول شي .. القاعدة العامة ... الصوت يكون هاديء بالكلام معه .. و دووم نعومة .. يعني كلامك و نبرة صوتك معاه غير لما تكلمين وحدة من صديقاتك او اهلك عرفتي
و خلي ضحكتك دلال ... ضحكي بصوت واطي و نعومة وغنج ... ؟؟؟
و خلي كلمات عمري و قلبي و حياتي على لسانك .. هو حلالك
او دلعي اسمه .. لوكان محمد قوليله حمودي انا . .. يوسف ناديه يويو ....او إذا كان عبد الله قوليله ((عبوتي ))... <~ عبيد اذا عصبتي ههه

• مثلا لما يقول شي .. قوليله حاضر يا روح سارة ...الخ
• الحركة الثانية .. خليه يتكلم و اسكتي و لما يقولك وينك ..

قوليله بدلع معاك .. بس سرحت بصوتك
أو قوليله فديت صوتك
او قوليله اقولك بس ما تضحك ... كنت افكر بصوتك
واسأليه عن يومه كيف بدلع
مو تقولين شخبارك؟
هذي شخبارك للصديقات و الاخوان
قوليله.. عمري شخباره اليوم
شفتي الفرق بطريقة السؤال ؟؟
او حياتي كيف احواله ؟
او حمودها وشمسوي < فديت حمودها أانا
و اسمعيه و حسسيه انك الصديقة و الاخت و العشيقة ...
خليه ما يفضفض الا لك
و سأليه عن تفاصيل يومه .. و نصحيه بدلع
مثلا لما يتصل الظهر .. قوليله دلعي تغدى او لا
و الصبح ارسلي له مسج مثلا قوليله .. غلاها لازم( يفطر ) .. علشان فيه ناسات يخافون على صحته ...
و لما تحسينه زعلان .. و مو عادته بالكلام ((لاسمح الله )) قوليله الغلا مبوز اليوم ليش؟؟ ترى الدنيا كلها كشرت علشانه
و حاولي تفهمين شنو مشاكله و تدورين معاه حلول
و قوليله ابتسم .. ترى بسمتك احلى .. حتى شوف بالمنظرة
و لما يدق و يقول انا متزكم او مريض لا سمح الله ..
قوليله فديت روحك يا كلي انا ... القمر عليه غيمة >
كنت حاسة قلبي مقبوض .. الحين عرفت ليش
أرتاح لا تتحرك ... اجيك احس حرارتك و اسوي لك شوربة .. و اعطيك كاسة حليب ..
و كل شوية ارسلي له اخذت بندول عمري .. رحت الطبيب حياتي .. تدفى تمام عن البرد
حتى لو بس صداع .. .دليله
و خليه يموت فيكي
عرفتي كيف ؟؟
و ناقشيه بأشياء نخصك و تهوسه..
مثلا قوليله .. عمري انا اليوم رايحة اتسوق ... تمنيك تختار معاي
او قوليله شنو تحب الوان البسها لك
او قوليله عمري خاطري اغير لوكي .. شرايك؟
شنو تقترح و شنو تحب اسوي لك؟؟
و تدللي و هو يكلمك .. لما يتكلم بالموضوع قوليله بدلع .. يووه غرتي طولانه..او شعري مضايقني ..يصير اقصر منه شويونة؟؟
و دايما خلي القياسات ترجع له .. مثلا قوليله بقص شعري بس شويونة ..قد نص صبعة الصغيرون حبيبي ..
و اسأليه كم سانتي طول اصبعك
خليه مثل الطفل يطالع اصبعه و دوخيه
و امدحي ضحكته لما يضحك .. قوليله فديت ضحكتهم يا ناس
و اسأليه عن تفاصيله و تدللي ..مثلا قوليله عمري خاطري تسوي سكسوكة ..تجرب تسويها على شاني ؟
و لو قال لا..قوليله جرب مرة و لو مو حلوة تعال سطرني ولا أقولك تعال بوسني < على طول يساويها ههه
او قوليله حياتي شعرك كأنه طولان شوية ..لما كان قصير كان أحلا شرايك تروح الحلاق بكرة و تقصره .. و امانة عليك ارسلي مسج قبل ما تروح و بعد ما تخلص حياتي
و لما يرسل .. قوليله .. طيب قول للحلاق بشويش على شعرك ..بشويش ترى اموت فيه
و لما يخلص قوليله بمسج..نعيما يا قمر نعيما
هذي الاشياء سهلة ..و تخلي بينك و بينه رابطة
و تخليك بنظره دلوعته و حبيبته و حياته
والله يسعدكم كلكم ويتمم لكم على خير
عجبني الموضوع وحبيت آآنقله لكم