حزن هالكون

ليه ياشمعه؟؟
وش اللي مضيق صدرك
وش اللي حابس الدمعه
وش اللي متعب عمرك
أنا.. وإلا.. الألم نازف
أنا ..وإلا الحزن سافر
أو إنه عمرك بيفنى؟
وفجأه سالت الدمعه
بكت قدامي الشمعه وبكتني
وقالت لي: إلي منه سطع
نوري على وجهك
أشوف الدمع بعيونك وهذا شي يحزني!
إلى منك صرخت من ألألم
أحس الموت يجذبني، أحسه
حيل يجذبني وهذا شي يحزني!
وإلى منك كتبت الشعر على نوري
بقرطاسك
أحس حروفك تنادي
تبي إنسان يسمعها يفهمها
تبي إنسان يحضنها ويرجع لي
صدى الأصوات..
تجرجني.. تعذبني
وهذا شي يحزني!
وإلى منك بالدفا حسيت
وغشاك النوم،
تفز بخوف تفزعني
وهذا شي يحزني !
قلت: الله ياشمعه..
أنا اللي مضيق صدرك
أنااللي حابس الدمعه
أنا اللي متعب عمرك
أجل وشلون لو عشتي دقيقيه
عشتها بعمري!
أجل وشلون لو شفتي جروح
الناس في صدري؟
أجل وشلون لو إنك تحملتي
حزن هالكون!
أجل وشلون لو حظك رماك
بعالم مجنون؟
أجل وشلون لو يكبربك
الحرمان ياشمعه؟
وفجأه
ماتت الشمعه
من أحزاني!
صرخت وليه ياشمعه تركتيني
لحرماني
تركتيني لأحزاني
من اللي بعدك بيبقى بظلام الليل
يضويني
ومن اللي بعدك بيبقى
وإذا ونيت يحس فيني
ومن اللي بعدك بيبقى على موتك
يعزيني
وماتت الشمعه وماتت معها
أحلامي
(((كلمات احببتها واعجبتني)))