حسبي الله عليك يازوجي

1. السلام عليكم ......................

السلام عليكم ......................

خواتي انا سجلت خصيصا علشان اشكي لكم والشكوى لله اولا واخير بسس ابي افضفض بنات انا الله كتب علي وجتني وظيفه في وزاره الخارجيه في احدى الدول الأوروبيه وانا كنت متردده وكنت متفاجأه اكثر كيف وانا ماعندي غير شهادتي الجامعيه المتواضعه المهم زوجي اصر اننا نروح ومنها هو يتوظف هناك بعد لانه محرم لي فأكيد ماراح يجلس كذا راح تتدبر له وظيفه المهم يابنات انا ماتوقعت الغربه كذا اه كنت بموت والله حسيت روحي تطلع مني وصحت وبكيت واصريت ارجع ولكن مافيه فايده زوجي فصل من وظيفته وبعنا كل اللي ورانا في السعووديه بنات انا اول مره اطلع اسكن برا السعوديه الدنيا هنا غيرر ديرتنا الله يعزها الناس الحياه كل شي كل شي غير اه ياقلبي انكتب علي الهم ليتني ماقدمت ليتني ماتزوجت ليتني جلست وعنست ومتت في ديرتي مع اهلي وناسي بنات اللي زاد علي زوجي يعاملني اسواء معامله في البدايه كان يأخذ راتبي ولا يعطيني شي وبعدين طلبت منه ابي اتسوق ابي اعيش بنفس مستواي بالسعوديه وهو ماوراه الا هنا كل شي غالي طيب مو ضروري توفر على حسابي يعني يابنات يوفر اكثر من 60% من الراتب ونعيش بالباقي يؤؤؤؤؤ بنات انا مو تعوده على هالعيشه كل شي بحساب بعدها احتجيت وقلت هاتي راتبي ودخلت واحد من اهله وقلت له قول لولدكم يعطيني راتبي والا برجع للسعوديه طبعا هو رضخ امام اصراري انا صرت عصبيه وصرت احاسبه على كل فلس ينصرف رجع لي حقي بعد تعب من بعدها هو صار يسوي مشاكل وكل يوم بمشكله جديده ولا يحترم اهلي ولا شي وحارمني من كل شي حلو بنات انا طقيت بنات وش رايكم ارجع واللي يصير يصير والا اصبر واتحمل علما اني قدمت على جامعه هنا وقبلوني اكمل الماجستير عندهم وش رايكم انا حاسه اني تعبت تعبت احس كبرت 20 سنه في سنتين بنات شورو علي تكفون