حصريا على الفراشة أحلا جل طبيعي وأكيد مع رونه

مرحبا حبيبات قلبي وخواتي
شلونكم ان شاء الله بخير يارب
قبل مدة بالصدفة اكتشفت شي تقدرين تستعملينه بدل الجل
وله نفس خواصه لكن الفرق !!!!
انه طبيعي 100 % 100
ولا راح يضر شعرك ابدا
بالعكس اضافة لكل هذا راح يخلي شعرك حرير ويطوله ويكثفه
وفوق هذا كله سعره رخيص مره مايكلف عليكم
وراح ترتاحون من مشاكل الجل اللي يعدم الشعر
ويجيب القشرة ويسد مسامات الشعرة ويقصف الشعر
الوحدة لاحطته على شعرها نفش وتكسر
ومع السشوار صار كنه سعفة نخله يالله دخيلك ههه
وبرضو على مسؤليتي كالعادة وانتم عارفين اني
مااكتب لكم شي من خلطاتي واختراعاتي
الا اكون مجربته على نفسي بالأول >> ماني ناقصه ذنوب تعبكم
وخسايركم الله يغفر للجميع يارب
ادري تشوقتو تعرفونه مارح اطول عليكم كل اللي عليك تحضرينه
7
7
7
مقدار من الكثيره ( حسب طول شعرك ) + شوية ماء ساخن
واللي ماتعرف الكثيرة هي شكلها مثل المكرونه بس لونها ابيض
وقاسيه ومالها رائحة
وتلقونها متوفرة بكثرة عند جميع محلات العطارة
وتخلطينهم مع بعض وتحطينهم في مكان بارد
يعني في غرفة مكيفة او بالثلاجة براحتك انا افضل بغرفة مكيفة
وتخلينه قبل المناسبة ب 5 ساعات او تسوينه بالليل لين يذوب
واذا عندك وقت تحطينه بالخلاط اسرع او انك بإيدك تذوبينه عادي بكيفكم
تأخذين اللي يكفي شعرك وتبدين خصلة خصلة تحطين عليها من تحت وتلفينه بالرولات
وتنتظرين لين يجف او تجففينه بالسشوار
وبعد ماتفكينه راح تلقينه ملفلف وناعم ويجنن وان شاء الله تدعون لي
واللي تبي تسويه كيرلي يضبط معها كثير تحطه على كل شعرها وتظفره جدايل
اذا تبون التموجات كبيرة اظفروه جديلة وحدة
واذا تبون تموجاته صغيرة اظفروه جدايل كثيرة
ولما ينشف وتفكونه راح تبهركم النتيجة
ومابي منكم الا تدعون لي ان الله يفرج همي ويشفيني
ويوفقني عاجلا غير آجل ويرزقني الزوج الصالح اللهم آمين
تنويه : ما أحللها ليوم الدين اللي تنقل جميع خلطاتي ولاتذكر عليها اسم رونه المزيونه
لأن جميع خلطاتي من اختراعي ومجهودي الشخصي وما أنزلها الا في حبيبة قلبي الفراشة
وأي استفسار عيوني لكم الله يوفقنا ويوفقكم أجمعين حبيبات قلبي