حفلة تخرج مميزة

يعني معقولة ماحد سوى حفلة تخرج

حبيبتي وش حفل تخرجه الناس عطلت قريب الشهر!!!!
ما أقدر أساعدك صراحه

انا عارفه ان الناس عطلت بس انا ماعندي فرصة اجلس وادور في النت الا وقت الاجازة فاحول انظم للحفلة للسنة الجاية بأذن الله لاني بعدين بانشغل بالمدرسة فياليت لو تعطوني افكار حفلات السنة الماضية

على العموم الف شكر واسفه على الازعاج

حياتي سوري ..
ما أدري وش فيهم البنات ماساعدوك غريبه منهم ..
الله يوفقك ..

مافهمت
بس طبعا ممكن تسويلهم العاب
اناشيد
هدايا بشكل مميز
تسوي ديكور للفصل
ولو تقدري ممكن تصوريهم وتضبطي صورهم على كااسات او صحون ..
ولو حابة اي مساعدة انا بالخدمة..

بسم الله الرحمن الرحيم ..
حفلات التخرج فيها كثير أفكار ، لكن أجمل شي لما تسوين لهم شي خاص فيهم ويبقى ذكرى ..
وبما انك بتسوينها السنة الجاية فأحلى فكرة أنك تصورين فصلهم وفيه شناطهم وحوستهم وصور لسبورتهم وعليها واحد من الدروس وتصورين المدرسة وحفل تخرجهم حق المدرسة وهيك وتحطينه بعرض انتي تقدرين تسوينه بالموفي ميكر ومعاه أنشودة وتوزعينه عليهم بسيديات أو تحطينه باليوتيوب وترسلينه لهم ..
بعد تقدرين تسوين لهم حفل كامل من ناحية طاولات وكراسي . ضيافة وتقديمات ، برنامج متكامل ،شغلة مهمة احرصي انه يكون مرتب وبدون حوسة ،بطاقات دعوة لكل بنت وللطاقم اللي بالمدرسة ، وكل كرسي عليه اسم البنت عشان تحس انه يوم مميز ، وتبدين بأنشودة وكلمة لك وللمديرة ومسابقات خفيفة وبعدها تقولين لهم مواقفك معاهم وتعطينهم نصائح والحفل تقدرين تخلين أكثر من معلمة تشترك فيه وركزي على المعلومات المحبوبات للبنات لأنهم بيثرون حفلك بالمتعة ..
وزعي علهيم مجلة فيها كتابات لهم ومشاعرهم بالتخرج ، هواياتهم والأشياء اللي يحبونها ، سوي لك مدونة وأعلني عنها بحفل التخرج وحطيها لهم بالمجلة وخليهم يشاركون فيها ويتواصلون مع بعض من خلالها ..
هذا اللي أقدر أفيدك فيه حالياً , أتمنى انك استفدتي ..
لا تنسيني بدعوة في رمضان (^^)

والله اني ماكنت ناوية ادخل على الموضوع مرة ثانية لكن كنت اليوم طفشانة قلت خلني اشوف موضوعي لعل وعسى احد عطاني وجه والله اني فرحت وانبسطت من ردودكم فأسال الله ان يدخل على قلوبكم البهجة والسرور في يوم البعث والنشور وان يرزقكم من خيري الدنيا والأخرة كما ادخلتم علي قلبي الفرح وان شاء الله استفيد من افكاركم جعلها الله في موازين حسناتكم

خليهم هم بنفسهم يخططون للحفل
يعني أجتمعي مع كل فصل ووزعي عليهم أوراق فاضيه
وهم يكتبون الاشياء اللي يسوونها بحفلهم<بس تكون أشياء معقوله طبعا
سوت لنا مدرستنا هالحركه وكلن أنبسط
بس ماوزعت الاوراق سألتنا شفهي
وبعده بيوم سوت أستفتاء عن لون العبايه وكم المبلغ اللي تقدر الطالبه تدفعه للحفل
بالتوفيق