حفله بسيطه ان شاء الله تعجبكم

اول شي مرحباا بالفراشاات اللي كل وحده بتدخل بتبرد قلبي وبترد علي <<واثقه فيكم
بصراحه انا صار لي سنه مالكه وحبيت احتفل ويا خطيبي
وقلت بسوي له مفاجأه
اول شي قلت له حبيبي انا عازمتك على العشا
وسويت الاطباق اللي يحبها بس ماسويت اشيا كثيره
يعني طبقين على فتوش على عصير طازج على حلى
طبعا جا لي وقت العشا ودخلته غرفة الطعام وجلسنا ناكل
واهو مو حاس بشي ومتوقع اني ناسيه المناسبه
بعدين قلت له بروح شوي يمكن اتأخر عليك لا تمل سلي روحك بالجوال او اي شي
ورحت لبست فستاني حق الملكه وحطيت لي ميك اب يشبه حق الملكه كثير
وطبعا" كنت مجهزه غرفه حاطه فيها طاولتين
الطاوله الاولى:
حطيت فيها علبة حلاوه من باتشي وباقه ورد وشريت له هديه متواضعه ((دبله جديده على ذوقي وكتبت فيها من داخل اسمي واسمه وتاريخ ملكتنا وعلبه عطر)) وألبوم صورنا يوم الملكه
الطاوله الثانيه:
حطيت فيها كيكه انا سويتها وكتبت عليها كل سنه وانت حبيبي
وكأسين عصير فرايزز رمان احمر وحطيت شوكه فيها شريطه حمرا واشياا حمرا شموع وشمعدانات
وحطيت في الارض شموع الدواثر العاديين عشان مانحترق خ
لونهم احمر وكتبت بالشموع احبك ونثرت حولهم لمااع ناعم وورد طبيعي
بعدها نزلت من غرفتي وانا جاهزه وشغلت الشموع والكاميرا الفيديو
وناديته قلت له تعال وطبعا الغرفه اللي تعشينا فيها كانت قبال هالغرفه اللي انا مجهزتها جا
وتفاجاه مره
وبعدين باركت له وفتحت الدبله ولبسته اياها وكان مره مستانس وقصينا الكيكه وكلناها وبعدين حطيت موسيقى ورقصنا عليها وبعدين تفأجات كثير انه مانساني وجايب لي طقم ذهب حلو مره لبسني اياه
وقعدنا نتذكر ذاك اليوم وفتحنا الالبوم وكل واحد طنز على الثاني واشياا فلا وناسه
وبس
واتمنى تنال اعجابكم وحفله وناسه تستانسون ولا فيها مخاسير
اسفه طولت عليكم واتمنى فكرتي تنال اعجابكم
وتحيااني