حلمي في الحياة تحطم وماعاد فيني اعيش أكثر

1. السلام عليكم ورحمة الله وبركاته

السلام عليكم ورحمة الله وبركاته

كيف حالكن ؟ انا بصراحة تعبت مليت من حياتي لين قنعتني اختي ادخل بمعرفها و اكتب وافضفض كل ما يزدحم في وجداني الم عذاب وتحطيم اولهم اني انخطبت لشاب وتم تفريقنا اجباري احبه حب جنوني اول رجل يمر علي في حياتي اهديته كل شئ روحي وعمري وحياتي واحلامي عشت ايام قليلة معاه لين حسبي الله و نعم الوكيل فرقونا مرت الايام صعبه وحده وخوف وحاجة لحبيبي كان امي وابوي واختي واخوي كان صديقي و أنيسي تعذبت من بعده و ذقت الأمرين مر فراقة ومر الوحده والحاجة دايم تراودني نفسي ارجع اكلمه لكن اخاف ربي واتراجع خلاص ماعاد زوج لي بعد فترة زوجوني لشخص ماابيه قمة العذاب شتان بين شخصية الاول و الثاني كرهته كرهت حياتي معاه كرهت كل شئ لدرجة فكرت اموت او هو يموت ابي الطلاق وهو رافض والله والله والله حياتي جحيم ماقدرت انسى ذاك وكل شئ يسويه الثاني اقارنه بالأول الأول مثقف ومتعلم وفاهم و ذوق والثاني عكسه تماما حتى اذا بيقرب مني امنعه مااقدر اتحمله احس بأعراض غريبه اخاف من بيتي اخاف من زوجي اتخيله وأشوفه بشكل بشع و اشم معه ريحة بشعه ومااحد يحس بهالشئ الا انا حتى بالنوم ماارتاح احلام وكوابيس و أشوف خطيبي واتكلم معاه احبه والله العظيم احبه موب بيدي ودي انساه ادعي واصلي الليل واستغفر و كل شئ سويته مابي الا ارتاح اخاف ربي بزوجي و طلاق ماراح يطلقني مااحس اني متزوجه مالبس ولا اتزين ولااهتم بنفسي ولااكل ولااشرب ولاشئ جالسه انتظر موتي تعبت يا بنات ادعوا لي وانصحوني ووجهوني زوجي طيب بس شكله تحطيم عكس الأول و أخلاقه زينه و أنا حريصة على صلاته و أذكاره و تنبيهه و توجيهه لكن حب مافي او رحمة .
في وحده تحس بشعوري ؟
انصحوني وجهوني والله انا ملتزمه واستغفر واصلي لا تظنون اني غافلة لكن اخاف انجرف وراء حاجتي و اكون رهينه للهوى والنفس و الشيطان
ادعوا لي وربي انا بكربه ما يعلمها الا الله
وحسبي الله ونعم الوكيل
ملاحظة : توني اشوف ذا القسم انه خاص بالهموم نزلت الموضوع مرتين
،