حلويات بدره الجونه

مآعندي علم فيهآإ
ب التووفيق

الجوونه ماحبها كثير
احسن شي حلويات الروشه ^_^
موفقين

والله سمعت ان الجونه شي خيال
والله يوفقك ويسعدك يارب

انا مع ودو الروشه مره طعمه وبالتوفيق ياعسل

عزيزتي حبيت أفيدك بما إني عندي خبرة في الإثنين .. حلويات شهاب بدرة حلو شغلم وأسعاره طيبة لكن تشكيلة الحلويات محدودة ع الحلويات البلدي لكن حلويات الجونة لا يعلى عليها أبدا .. أنا قد أخذت من عندهم التقديم و البوفيه و كان خيالي بكل ما تحمله الكلمه من معنى و الكل صار يسأل من فين يعني تحجزي و انتي مغمضة و تشكيله الحلويات المنزلي مرة خطيرة و كمان اللوزيات حلوة و عندهم بتيفورات بس الناس صارت ما تاكل بتيفورات و تبغى التجديد .. و أسعارهم حلوة و معقولة و شغلهم 100% و تعاملهم حلو يعني لا تضيعي عليك الجونة ... و الله العظيم إني أتكلم عن تجربتي الخاصة و إنتي براحتك و للمعلومية الجونة فيه قاعات كثيرة في جدة صارت تتعامل معاهم ..

ألف شكر يابنات ........
الحمد الله اليوم رحت الجونه وحجزت أشيائهم لذيذه و مرتيه ......لكن أنا ذقت(( لدو و و لبنيه)) من بدره جنان عمري ما ذقت زيها ....لكن المشكله ما عرفت عنوانهم ...اللي تعرف تدلني سواء في مكه او جده ..............

عزيزتي ... كويس إنك حجزتي عند الجونة فرحتيني و الله .. شوفي أنا ما أتعامل إلا مع شهاب بدرة فرعه إللي في حي السليمانية ع الشارع العام و طبعا في جدة و ترا ألذ معمول
ذقته من شهاب بدرة مرة طعم و كأنه معمول بيتي و بهاراته تجنن .. و كمان ترا لو ما ذقتي حلويات * حلواني * زي اللدو و اللبنية و كل الحلويات البلدي ترا مرة لذيذة .. ذوقيها و أحكمي و
ترا فرع حلواني أعرف إللي بعد سوق النجار في المجمع إللي فيه مركز شاكر قدام النقلي و أكيد في جدة .. و إن شاء الله أكون أفدتك ..

هلا اختي
حلويات بدره مشهوره ومعروفه في الحلويات البلدي ومرره لذيذه واغلب الناس صارو يزعو الحلويات البلدي
وعندهم معمول مرره لذيذ
الي تتكلم عن حلواني كيف اسعاره تختلف عن بدره ولا لا