خ شوفوا وش سويت بنفسي وساعدوني

يافراشاات
فجأة وبينما أنا أذاكر
جاءتني فكرة خطيرة
وهي اني أصبغ شعري وأنا لأول مرة تجيني هذي الأفكار الغريبة
المهم
وجاتني على قولهم (هبقة) ماأذاكر أبدا ولا أفتح الكتاب لين أصبغه
وفعلا سويت في بالي
وأرسلتهم يجيبولي صبغة حتى من خبالتي قلتلهم لون أشقر
بعدين مالقوا الأشقر
قلتلهم جيبوا ذهبي ( يعني منجد وحدة ماعندها سالفة)
وجابولي وعلى طول أتوجه للمرايا وأطبق التعليمات
وأصبغ
وأنا مستانسة على بالي اني بطلع شيء
والنتيجة غسلت شعري
وطلعت المصيبة
لول
شعر قوس قزح بثلاثة ألوان
أسود مع بني (لون الحنة) مع أصفر
واو شيء خيال
صراحة مرة ارتعت وندمت على تهوري
والحين مأدري شي أسوي
وش تنصحوني أخلي الصبغة وأغسل شعري كل يوم مشان يروح اللون
على فكرة أنا مستخدمة صبغة الفواكة (نوتريس)
يعني فيه أمل تروح
ولا أصبغ شعري بلون ثاني؟؟
ولا عادي أخليه كذا وإذا سألني أحد أقول ( موضة)
أفيدوني