خاص لبنات الشرقية

وين مكانه اختي
وبكم تسوي الشعر اذا كان يوصل الى نص الظهر

اي عرفته مركز(( الفخامه)) هذا قدام زيرو تو ناين بالمزروعيه .. خيا الي .
بس بصراحه انا ماافرد شعري لانه الحمد لله زين ...
وفعلا اليوكو شي رهيب الكل يمدحه .

اسم المركز روز مقابل مستشفى المانع بالدمام الي شعرها لنصف الظهر يسوونة 1500 والمشاغل عندهم البوي الفرنسي 1500 يعني شوفي الفرق

انا سويت اليوكو الياباني وشعري تقريبا انزل من الكتف بشوي بسعر 550 ريال طالع مره يجنن بس اكثر المشاغل مايخافون الله ضرب بالاسعار

تسلمين عزيزتيnda2 على الخبرية ، بس حبيت أسأل إختي moroj وين سويت شعرك ؟ وهل طلع ناعم زي الطبيعي ؟ ولك مني كل الشكر مقدما .

هلا اختى
حياج الله ايوه اختى انا كان شعري مو مره جعد بس اكيد السشوار كان شي ضروري وفي زواج اختى فكرت اني اسويه وسويته عند وحده تشتغل بالبيت طلع شعري جنان ومايحتاج لا سشوار ولا غيره كنت لما اسويه تمليس احسه واقف يعني مبين انه مملس اما اليوكو شي ثاني تحسيه طبيعي اللي يشوفني لاول مره مايصدق ان شعري مجعد
على العموم اللي سوته لي من الحساء اذا تبين رقمها انا حاضره ارسلي لي على الخاص واذا ماتبين على راحتك

يا اختي زهرة بقولك على شي جدا مهم ولا تزعل مني الاخت m oroj
انا خبيرة يوكو ومستحيل( فرد اليوكو سيستم الياباني ) بتطلع قيمة الفرد والمثبت وبقية المواد بسعر 500 لان قيمتها 640 يعني هل من المعقول تسوي لزبونة 550 ريال وشي ثاني مهم اكاديمية البحرين ماتمنح شهادة معتمدة الالمركز تجميل مهو لوحدة تسوي بالبيت لانة شغل اليوكو حساس جدا
وبقولك الي عندها فرد( صيني اوتايلندي اوالماني)يعني هاذا سعرة
واذا تبين يااختي زهرة رقم الاكاديمية في البحرين عشان تاكدين بنفسك ارسلي على الخاص

لا حبيبتي اليوكوالياباني وموجود حتى عند نزيه تقدر تسأل عليه لاني قبل مااسوي سألت عنه ونزيه معروف ومايشتغل الا بالمواد بالاصليه
انا سألت عن سعره تقريباً فوق الميتين وزود واجهاز الفرد بثلاث ميه يعني لو بتسوي لوحده بخمس ميه معناتها تربح فوق الميتين وشوي
انا سألت عنه لاني بسويه بالبيت وهو قال لي انه مايبيعه الا للمشاغل او اللي عندها شهاده
تقدر الاخت زهرة البريه تسأل عند نزيه وتتاكد من كلامي
بصراحه اصحاب المشاغل من جد استغلاليين
على فكره اي وحده تبي تتعلم اليوكو بمجرد ماتتصل عليهم يجونها يعلمنها للبيت اذا تبون رقمهم اجيبه مو مشكله
وبدون زعل

ياقلبي انتي وشفيكي منفعلة انا صاحبة المهنة نزية عندهم بس مو الياباني يابنات لاتنعدم شعوركم اقسم باللة العظيم اليوكو سيستم الاصلي عند اكاديمية في البحرين هي الوكيل الحصري بالشرق الاوسط وانا مستعدة اقولكم على كل المشاغل الي حاصلين على شهادات من عندهم
مو كل وحدة قالت انا عندي يوكو صلحتو عندة
يابنات نصيحة من اخت لكم اي وحدة بتفرد شعرها ضروري اول تشوف الشهادة
مكتوب فيها (اليوكوسيستم الياباني ومختومة من مركز ايلي وجان في البحرين)
يابنات شعركم تاج روسكم لاتسلمونة لاي احد ........
واللة حرام (الي مو عارفة مهو لازم انها تفرد شعرها خلية خشن ومنفوش ولاانة يصلع )
وللة على مااقول شهيد