خامان ازين فيها البيت ملكه محلات فساتين ملكه في جده

خامات ممكن تغطي الكنبة أو الكراسي الي حتقعدوا عليها
بدانتيل أو تل أو أورجانز أو قطيفة أو شيفون ...
واعملي وراكي باقات ورد 3 مثلا على اي شي مرتفع
زي استاندات أو طاولات ....
وبالنسبة للفساتين ممكن تشتري فستان سهرة مرتب وبسيط فنفس الوقت
لأنو ملكتك في البيت ... يبغالك شي ناعم مو مكلف وكمان على قد الميزانية
والمحلات كتير في عندك دبنهامز "التحلية"
كارن ميلن و محل فتياني "جدة مول" .. كلهم قطعهم مرتبة ومميزة
وجدة مليانة بوتيكات كمان

الانسه ندو
الله يسعدك ياارب
طيب حابه اشتري زي توحف او سلات اللي في محلات الهدايا
برايك ايش اشتري
انا لسه مارحت وحاسه حايسه

من الأذكار اليومية: لا إله إلا الله وحده لا شريك له ، له الملك وله الحمد وهو على كل شئ قدير ..(مائة مرة)

بالتوفيق

حبيبتي ليه ما تنزلي سوق الهنداويه والله حتشوفي بلاوي ماراح تحتاجي تفكري وانتي هناك حتشوفي وتقرري ايش تاخدي وايش تسوي والله عندهم اشياء مره حلوه ورخيصه للتزيين .. ولو تبغي راح اوصفلك بالزبط فين ..
بالتوفيق

انا سويت ملكتي بالبيت وسويت المجلس الي جلست فيه والطاوله شي جنان وربي الكل انهبل
بسم الله علي
كلها اشيا بسيطه مره
متى ملكتك يالغلا عشان انزلك الصور ماعندي وقت اليوم مسافره وارجع بداية رمضان ان شالله
جبت شيفون ابيض الي فيه لمع وورد وردي عشان فستاني وردي شوفيه بالتوقيع
وسويت الجدار الي وراي فوقي يعني حرفي وحرفه بالورد وحطيت بينهم فراشه
وفوقهم التل الابيض مايل 3وردات ماسكته وثم وطالع وهكذا
يارب فهمتي ان شالله ارسك الصور لوكانت بعد رمضان
وانا الي سويت الكاسه والشوك والمصاص والصحن وعلبة المناديل
وربي احسن واطلق من المحلات
واستخدمت خامات
الشيفون والتل الابيض والفرو الريش والفرو القماش وكم فراشه صغيره وورد ابيض وردي
وشرايط كبيره وصغيره

فستاني انا فصلتو بالمستقبل بلازا ب 1800 ومره روعه ونفس خياطين اليمامة بس لان المكان جديد ارخص..
وربي يتمم على خير..

موفقة ان شاءالله

الله يسعدكم يارب
ويوفقكم ماقصرتوا
بروح الهنداويه وبشوف
بس فين بالضبط الله يسعدك
اليوم بدور فستان في الاسواق ادعولي الاقي