خايفة وميتة خوف و مقهورة بنفس الوقت ساعدوني

السلام عليكم ورحمة الله وبركاته
اخواتي الفراشات ادخل بمشكلتي على طول ..
مشكلتي اني حأسكن مع اهل زوجي بنفس البناية و انا متعودة على الاستقلال التام
و استعديت للتنازل ولكن متخوفة جدا من ازعاجهم و اللي مخوفني اكثر تدخلهم في بنتي الصغيرة
مع انهم طيبين و خالتي طيبة بس تعرفوا كيف يبغوا الوحدة تعاملهم كنها بنتهم وبصراحة انا احط حدود
للناس وما ابغى تصير مشاكل معاهم ويبدأ الزعل.
كيف اتصرف؟
يعني ماابغى مثلا بنتي تقعد عندهم طول الوقت او تنزل كل شوية و تروح و تلعب مدة طويلة
في بيت العم مع الاطفال بعيد عن عيني
وهم حياتهم شوية ما تعجبني تعرفوا كيف الاجداد يخربوا الاطفال بالحلاوة كل شوية
و جلسة التلفزيون طول الوقت و تلبية طلباتهم غير السب و الشتم اللي مااحبه
سلبيات كثيرة على الرغم من طيبتهم
اش اسوي؟؟؟؟؟؟؟ انا بصراحة ناوية ما اعطيهم وجهمن البداية عشان يتعودوا ..
بانتظار شوركم