خبيرة تجميل من مركز مونتيل الالماني بالرياض تدور على البيوت بسرعه تعالوا

السلام عليكم
حبيباتي
اليوم جتني خبيرة تجميل على كلامها في البيت
تقول انها من مركز مونتيل الالماني للتجميل بالرياض
طبعا تقول انهم يدورون على البيوت ويسوون كشف مجاني على البشره والشعر ويصرفون علاجات بالتخفيض يعني يكون لي عرض خاص... في المنطقه الجنوبيه
المهم اليوم لما شافتني قالت انتي يبي لك بس مغذي للبشره ومجموعه للشعر تغذيه وماسكات وسيروم
وسوت لي عرض مره حلو تقول قبل زواجي بتسوي لي كيراتين مغذي ومجانا وراح تصبغ لي شعري كمان مجانا
طلعت التكاليف 3220 طبعا انا رفضت لانها مره غاليه وقلت لها راح استبعد مجموعة البشره وباخذ مجموعة الشعر وطلع حسابي 1200
انا من جد خايفه
سويت بحث مو طالع لي المركز هذا
ولما كتبت بالانجليزي طلع لي موقع اجنبي بس مو فاهمه منه شي
ابي اسأل بنات الرياض هل صحيح عندكم هالمركز والا كل السالفه انهم مندوبات للشركه
انا بصراحه خفت منها لان كلامها مره متناقض
قالت لصديقتي كلام وقالت لي كلام غير
وتقول انها لبنانيه والمشكله الشكل واضح انها سعوديه حتى كلامها سعودي الا بعض المصطلحات اللبنانيه تدخلها مع الكلام
تقول راح تبان نتيجة الادويه من اول استخدام
بس انا قلت ان الميزانيه عندي ماتساعد قالت راح استبعد ماسك واذا رشحتي لي 15 رقم عشان ازورهم راح اعطيك الماسك مجانا وقيمته 450
وراح تكون التكلفه 830
قلت لها اليوم ماراح اعطيك كلمه لكن بفكر وبكره ان شاء الله ارد عليك
وش رايكم يابنات
صح الموضوع يخوف
محتاره
انا زواجي بعد 3 شهور وفرصه التغذيه اللي راح يحصلها شعري وكمان الكيراتين بس مره متردده
قولوا لو كنتوا بمكاني بتشتروا
وهل صحيح المركز هذا موجود
استعلامات الدليل ماتعرف الرقم وهذا اللي خوفني
انتظركم بفارغ الصبر ابي شوركم عشان ارد عليها بكره