خدامتج

ماخليه ياخذها ابدا لامه اذا انا طبعا محتاجتها

عادي وش يضرني لو وافقت ..
بالعكس رااح أكبر بعينه وطبيعي راح يجيب لي غيرها ...
بس طبعاً بعد لازم أذكره اني محتاجها لها بس عشان خاطره وانه اعطى امه كلمة << ههه لا بد من الكلام الحلو
أحسن من إنها تكون في باله ويغني بها كل ما بغى يقهرني وإلا تضايق ..

انا بعطيه الشغاله اكيد ماراح اقول لا لانها لأمه
بس بسوي مسرحيات ههه عشان يرحمني ويرجعها لي
ولا يعوضني بسرعه حركات حريم ههه

بقوله ولايهمك خذها ودها لامك وانا اذااحتجتها اخذها كم ساعه تساعدني
والله بتكبرين بعينه وبعين امه ومراح يخلونك تحتاجين اي شي هم يقدرون عليه
واللي ماله خير في اهله ماله خير في بنت الناس
واتركي عنك العناد وطوالت اللسان واللي جاب الخدامه الاولى يجيب الثانيه ولا تخسرين زوجك وامه بلحظة غضب وعناد

اكيد بعطيهاامه
بس بقول لزوجي ترراي محتاجتها

مراحب خواتي
انا حصل معاي هالموقف
كنت عروس جديده وكنت حامل في الشهر السادس وتعبانه وجسمي متنفخ ماي من الحمل لدرجة ان ايديني اتعورني وترقد علي ما اقدر اشتغل ولا حتى اكل بيدي
المهم ماطول عليكم
انا اللي كنت اطرش خدامتي
لاني معتبرتها مثل امي
لكن
لكن
هي ماحطتني مثل بنتها مع ان بناتها 3 وعندهم خدامات ووحده معاها في البيت مش متزوجه
وكنت اطبخ واطرش لهم
وكل شي زين سويته لهل
لكن لي عند الله
والله مابين بعينها ماتحبني ولا معتبرتني مثل بنتها وطلعت علي كلام يمس الشرف لكن الله بياخذ حقي منهم
خلاصة الكلام عندي بدل الخدامه اللحين 2 ولا افكر اطرشهم لها لو 5دقايق لانه مايبين بعينها
ماخذه المسأله تحكم فيني وانا موب لعبه في يدين النسوان اللي مثلها
المعروف مايبين بعينها
وكل اللي انسويه لنا عند الله
ومن ارادنا بسوء الله يلهيه في نفسه
والله يخلي لنا ازواجنا واولادنا ويحفظنا

انا لو اسمع ان خدامه امه مشت او شردت انا اللي راح اقول له ياخذ خدامتنه عندها لو نص اليوم تساعدها
خصوصا لو كنت انا اشتغل و مو موجودة بالبيت ماراح احتاجها الصبح خلها تاخذها
بس اكيد مو كل الوقت يعني شوي عندي و شوي عندها
ههه خل يصير عندي خدامة بلاول>> بس الله يشهد ان امه مثل امي احبها و اموت فيها

الحمد لله عارفة ام زوجي مسكينه ماتسوي هالحركات وحتى لو زوجي بادر واخذ لها الخادمة ماراح اتضايق بالعكس أتوقع ان انا اللي راح اعرض عليها وهي جزاها الله خير اتوقع انها راح تنتنع عن اخذها وهي تعرف اني محتاجه لها ..

جزاكم الله خير على ردودكم الحلوه...بس ترى القصه من خيالي ... ام زوجي مثل امي مب اعطيها خدامتي وبس لا اعطيها عيوني لو بغت...ومشكورين على تفاعلكم ..
ا