خذني بقايا جروح ارجوك داويني

تنهد ....بصمت ..وفتح الباب ....
اتجه ..لجناحهم ....
دخل بشويش..لجل مايزعجهم ...
مر على نصوري ...وهو متوقع يشوف نجلا ..نايمه ..وهو بحجرها ....
جت عينه على نصوري وبس...
هز راسه ..مو مستغرب ...
فيه امهات ..مثل امه ....بهالدنيا ...
حتى ماكلموا يسألون عنه ..يكلمون عشان ..الصرف ..والولد عنده ....بس لجل عين تكرم مدينه ..
راح لجناحهم ..واشاف الانوار مفتوحه ...
دخل..متوقع هجوم....منها ...
لكن
شافها مستلقيه ....
قرب ..من ...الكراسي المتقابله ...رمى .جاكيته ...وسند الاب توب ..
ناظرها ..بحنان ....كبير ....من اغمص...رجلها ..لين ...نهاية اطراف ...شعرها ..الكاسي....
مثل الحوريه ...ويمكن اجمل ....
قرب ....وترك عصاه ...عشان الصوت ....
ادرك انها من التعب ....ماطفت الانوار ....ولا تلحفت ...قرب ...منها ...
واتكى على السرير...
بيسحب اللحاف ...عليها ....
وخانه ...احساسه ....
اقترب ..وطبع ...بوسه خفيفه ...على ..جبينها....
فتحت ..نجلا عينها ...
وفيه غشاوه...قدامها ....
ياربييه ....حتى بأحلامها لاحقها ....
ابتسمت ....ورفعت يدها ....تلمس ..سوالفه ....
مرت ..بطرف اصبعها ....على حاجبه ...
هي تدري انها بحلم ....دوم تشوفه ....وتتكلم ..معه ....
لسانها ....تكلم ...عن مكنون ....صدرها ..المخفي ...
نجلا- وحشتني!!...
ارتجفت ..شفايف الوليد ....وقربه منها ....اسقط ..كل ...حصونه ....
الوليد بهمس-...نجلا...انتِ....
رفعت يدها ..وشدته ....لحظنها .....
نجلا ..بشجن ....-...خلاص ..يالوليد !!...سامحتك!!!بس لا تروح وتتركني!!!!...ام......حتى دهن وردك ......وحشني !!!!قالتها ..وهي ..تتنفس ....من هواه ........وتبتسم....بتسلهام.....
ضمها الوليد ...بشوق.....وصدرت منه ..تنهيده ..توصف مدى ...شوقه لها .....
ابعد نفسه عنها ....مايبي ...يستغلها بأحلامها ....
شافها ...غمضت عينها ....ومبتسمه ....
لثم ..بسمتها ...وسحب نفسه بعجل .....
يكفيه ....انه عرف ....من هو ....بعمق ..احلامها .....
اسمه ...قالته ...وشوقها ....بلسانها ..تكلم ....
سحب اللحاف من تحتها ....ولحفها .....
غطى وجهه بكفوفه ....
الوليد بهمس- يالله ....تراجع .....وطلع .....والابتسامه ...غزت ....شموخ الملامح .....الي تمثلت فيه ....
وين يروح؟؟؟..او ...هل يقدر ؟؟....غابت ..نظراته ...بس ؟؟...صورتها ..اشرقت ..من جديد....وضًوت ...ظلامن ...بدى ...ينهزم....ويتزحزح....آآآه ليته ..يبتعد....هالظلام ...الي احتواه ...من ..عرف ...معنى النظر.....طلع ..الوليد ..وروحه....هي الي تسابق...خطاه...وده ..يطير.. ..ويسابق ...اللحظات ..والدقايق ...وده ..يضمها ...ويقول لها ..ارحميني ...وارحمي ...اوجاع...الكيان ...واضمحاله ....
رفع يده ...لناظره ...وجت ..عينه ..على ..اثر ..قديم...حيل قديم ...ضمدته ..هي ..ايه ..نعم هي!!
..مهرته.....الي ملكت ...فيه ..كل شي....
مهرته..
الي زحزحت ..اسوار ..الانكسار ...
ايه...
هي ...
النجلا ..وبس...
بعد...بدقايق.......
نجلا
تحركت ...وغفوة العين ..سلبت منها الاحساس ..الا..من الشوق الي تحس....فتحت ...عينها ...مثل الحلم ..هاالشعور الي تشعر....رفرفت ..برموشها ...واستنشقت ..انفاسها ....عبيره ....الي ..احتواها ....
رفعت ...اطارف ...اصابعها ...وتلمست ...شفايفها ... معقوله ...حلم؟؟
.تاهت ..انظارها ..هينا وهناك .....تدور له اثر ....بوسط ..الظلام...
رمشت ..عينها ..تركز نظرها ..الحيل ..مشتاق ....
انتفضت .....يوم شافت ..الالب تبعه ....تلفتت ...وشعرها ..ينتثر ...بكل الزوايا ....غزت ..نظراتها ....لهفه ..مو غريبه ...وشعور ....حيا بعد الممات ....
نجلا بصوت ..راهف...حيل ينسمع ..وكن الصوت ..جاي من الاعماق-...الوليد!!...
ابعدت ...
اللحاف ..عن ..غصنها .....واطرافها ... ترجف.....او ؟؟
كل مافيها يرتجف...
فتحت ..الاباجورا....الي بجنبها ....وانفاسها ..تتصاعد ....
غشى النور ...الخفيف ...عيونها ....
مدت ...يدها ..للروب ...ولبسته بعجل ..وعيونها ..تدور ..هينا وهناك ...
مستحيل ...كل شي ...يكذب ....الي ...شافته ..اكيد مو حلم ....
والاكيد ...الاكيد ...
ان الي ..تحسه ..الحين .....هو ..
الشعور ...الباقي ..
المستحيل ...يختفي ...
حتى ..مع كثر...الجروح ...
راحت ..لغرفة الملابس..وعيونها ... تايهه..تدورلها مرسى ..في عيونه ....
نجلا بلهفه ...ولهانه...- ..الوليد؟؟وينك؟؟؟
بلعت ريقها ..وانفاسها ..مهتاجه ..وحيرانه....
دورت ..بالجناح ..كله مالقته ....
طلعت ...برا الجناح ..مالقت غير السكون ..يعم ..الزوايا ..والاماكن ...
الكل نايم ....ماغير ..
قلبها ..الي ..عجز ..ينكر ...حب ..معشوقها ..هو ..الي صاحي ...عيا ينام
ربطت ..روبها .بأطراف اصابعها المرتجفه.....وهي تحاول ..تهدي ..انفاسها الوجلى ....
تهافتت ..رجولها ...تسابق الانفاس....
مرت ..على غرف البنات ..مافيه صوت ....
راحت ...ليم ...الدرج ....ولمحت ..جناحهم ..القديم ....
بابه ..مفتوح ....
وقفت ..انظارها ...لجل ..ترهف ..سمعها ....
بس ..كان ..فيه صوت ...ملى ..اركان ..مسامعها...
دقات ...قلبها ...
الي ..تزيد ..وتزيد ..وتزيد ....
ساقتها ...رجولها ....للمكان ..الي ..احتواهم ..قبل ...
دخلت ...وكن المكان ...عايشن ..فيها ...مانسته ...
الظلام ..بكل ..مكان ...بس ....فيه ..حفيف ..تسمعه...
دخلت ..غرفتهم ...
الي جمعتهم ..يوم...
كان فيها النور ..خافت ......وقفت ...تتأمل ..السكون ..الي فيها ...
مرت ..البسمه ...على شفايفها ..وجالت ..ذكرى ..دخولها ..لأول مره ..فيها ....
عيونها ..تسابق فيها النظر....لجل ... يشوف ..صورة ..من ..غرس...له ...جذور ..وبنى له مراسي ...بأعماق ..أعماق ...قلبها ...
وقفت ..بسمتها ...من رجفتها ..الي تحس...
قربت ..من صورته ..وكل نظره ..من ..نظراتها ..تحتوي ..ملامح ..الصوره ..المرسومه ...
الوليد
....رجع للمكان...الي ..جمعهم ..قبل ...للمكان الي شهد ...طعونه لها ..وللمكان ..الي ..كسرت هي فيه ..كل الحواجز ...واحتوته.....غمض عيونه ..بعمق ...وحاول ..يتنفس ..هوى ..بأقصى مايمكن ....
فتح ..عيونه ...وهو يحس بسكون ....مفرح ..غير السكون ..الي ضل يجرح ..فيه ...طول ..ايامه الي مضت ...
شد على ..عصاه ....رفع يده ...وهو حاضن ..بكفه ....سلسال ..مهرته ....تبسم ...وهو يذكر ....
ألقآئها ....للكلام المكتوب .....وبنفس اللحظه ..تذكر ...احساسه ..يوم ...ارتفعت اصابعها ....وسحبته ....بكره ...مكبوت ...
حرَك راسه ....وتلفَت....بحيره ....ممزوجه باشواق موجوعه ....
الوليد بصوت ..واهن ...هامس....-..لمتى يالوليد؟؟....لمتى ..وانت تلملم بحياتك....؟؟!!...لمتى تدفع ...ثمن ..كبريائك..العنيد...!!!؟؟
شد على شفايفه ....و
ضغط بيده ...على ..السلسله الي ...احتضنها ..كفه ....ومرت ...بمرئى ...عيونه ...صورتها ....
الي عرفه...اليوم.. ...مو شي غريب....ولا جديد ....بس الاكيد ....
انه .....
حلم.....كان ..صعب تحقيقه ...
لكن مو مستحيل .....يدري ..ومتأكد ..بالحب الي ..تحاول هي تخفيه ..وتدفنه ....
تنهد ....ولف راجع ...
مع ان النوم ...اكيد مو من نصيبه اليوم ....
نجلا..
رفعت ..اطراف ..اصابعها ...وتلمست ...عمق ..الملامح ..الشامخه...بخيلاء ...
طافت ..اصابعها ...حول ..رسم الحواجب ..وحول السوالف ...
وعيونها ..بس؟؟
تنظر لعيونه ....ووتتسآئل ...
ايش ..اسم ..الي تحسه ....
مستحيل ..يكون ..الحب ...او حتى ..عشق ....
او حتى ..كره....
رجفت شفايفها ......
سمعت ..حفيف ...الستاير ....التفتت ....والانفاس ...محبوسه ....
والنظر حتى ...
الوليد.....وقف ...بجمود..وحتى الانظار ...وقفت ..والعين ..عيت ..ترمش ..من جديد...اهتزت ...اعماقه ..من الشريان للوريد...
وزادت ..انفاسه ...تناشد....الروح ..ماتطير....
.غمض ...عيونه ...يمكن ..هذا الي يشوف ....صادر ...من عمق العشق ..الي ..يحس ..يمكن ..الصوره ..المرسومه ...تتجسد....والحين ..بتنمحي ...
يمكن ...ويمكن ...ويمكن ........
جت ..تنطق اسمه ....وماقدرت ....عجزت...وعجز ..اللسان....طافت ...عيونها ...عليه ....
نفس..الغرور ..والكبرياء ...نفس ...الشموخ ...والرسوخ....
نفس ..العنفوان .....والصمود.....
نفس...الرجل ....
الي ..عشقت.....
لمحت ...يده ....وشدة ...ارتجافها ....وبوسطها ....سلسال ..يهدد...بالانزلاق ....
الوليد ..مازالت ..عيونه ....مغمضه ....بس ..انفاسه ..ثايره ....وشوقه ..بعد....مايبي ..يفوق ..من نشوة ..حلم ..او حتى ..هوجاس ..وخيال ....
ناظرته ..نجلا....بوجل ...وقربت ..منه .....لين ..صارت ...تلمح ...حتى ...انشداد..شفايفه ...والخطوط...الي ..حاوطت ...عيونه الي تحب ....
لمست ..بلسانها ...طرف شفايفها...الترتجف ...
جت ..تنطق ..وعجزت ....
لقلبها ..وش تقول؟؟؟
لعيونها ..وش تقول .....؟؟؟
ولشوقها وش تقول؟؟؟
ولجروحها ....الي ..عيت ...تبرى ...الا بين ..ايديه ..وش تقول؟؟؟
اصابعها ...انساقت ....تتلمس.. نفس ..الحواجب ...المرسومه ....الي لمستها ...بأحلامها ....الولهانه...
وجت ..اللمسه ..ومعها ..جمود ..الوليد...بنفس الوقت ...حتى ..انفاسه ..جمدت ....حتى ..غمضة العين ..جمدت ....
تاهت ...انظارها ....العطشانه ..شوق ...لشخص ...حبيبها الوليد....
غرقت ..نظراتها ....بوسط ..عمق ..اشواقها ....دارت ..بعيونها ...العشقانه...تبي ..تنحت...كيان ..الي ..واقف قدامها ...و.بغمرة ...شوقها ..لمحت...قوة ..ارتجافه....
نجلا ..بارتجاف ....وهمس ..يهز ...ويزلزل ...كل البراكين ...الخامده... ..والي تهدد...بالثوران
نجلا-...حاولت....اكرهك!!..يالوليد....وماقويت!!!...كل شي ..فيني ...كرهني .بالاخير....وماكرهك!!!
مع ...مسمعه ..صوتها ....فتح ...عينه ...مو مصدق ..الي ..يشوف ..ويسمع ...
فتح ...عينه ..وشافها
...ايه ..شافها ....
واخيرا ....شافها ....
وسمعها ....
جا ..بينطق ...وبعجل ...لمست ..شفايفه ..باطراف ..اصابعها ....
نجلا-...هس.....
ابعدت ..يدها ....
نجلا-.....ماقدرت ...انساك....او حتى ..عجزت!!...لأني ...كلي على بعضي ...منك..وفيك!!...
لمحت ..كل ارتجافه ..صدرت ..منه ....
وبعد ..تصريحها ...كانت....يده ..الي امتدت ...تحتضنها ...اقوى ارتجافه ....حستها....
الوليد..بتنهيده ..وجلى ...ترك عصاه ..بليا شعور.-...ضميني ....يا...أنا.......قسيتي .....كثيير قسيتي!!
رفعت يدها ..وحاوطت ....رقبته ...ولمته ..لها ...كنها ..بضمها له ..ترد..فيها ..روحها ..الهجيره....
نجلا-...احبك ..يالوليد....
الوليد ...لمها ..اكثر ..واكثر ...واكثر ....واكثر .....واكثر .....
غرس,,,يده ...بشعرها ..المنثور ....وقرب ..يتنفس ...كل عبير ...ممكن ..يصدر ..من شذاها ....
نجلا ..بصوت ..تمازجت فيه ..عبرات الوجل-...ماقدرت!!!...ماقدرت....وين مارحت ...اشوفك!!بكل مكان ...حتى بوسط ..عيوني اشوفك!!!باحلامي ..حتى اشوفك!!..حاولت ..ابعدك!!..تهدج ,,صوتها ....وكملت
نجلا-..ابي ..اهرب منك .....ابي اروح ...بس وين مااروح ..اشوفك !!صوتك اسمعه بكل ..لحظه!!..صرت اسأل روحي ..وش انت؟؟؟وليه من بد كل البشر ...انت؟؟...كل شي ..فيني ..ملكته..يالوليد!!!..كل الي ..كنت املكه ..خذته مني ....حتى انا ...صرت ..لك!!...غصب عني او بكيفي...صرت لك!!!!
سمعت ..تنهيده ....وحست بضمه..لها ....خلاص..اعلنت ..انهزامها ...ورحيل ...اسوارها ..الي بنتها الضروف....
نجلا؟؟
سلَمت ....واستسلمت .....
للي..ملك....اصل ..احساسها .....
العذري النديَ
ابعدها ..بصعوبه ..عنه...يبي...يشوف ..عيونها ....
حاوط ..وجهها...بكفوفه ..المرتجفه..
الوليد..بصوت ..رجولي ..عاشق...-...ان كنتي ..مني ..يا أنا...فما الوم القسوه....الي ..جتني منكِ!!.مالومك لأ....والوم الي يلومك...اكيد....انا الي علمتك !!!...وبيدي جنيت على ...نفسي...!!!...ناظرها...بتركيز...
الوليد-....اشتقت ..لك..يانجلا.....وكرهكِ..الي شفته ..وهزني ..لين ..الاعماق...مانقَص من عشقي لكِ....كل شي ..فيكِ ..عشقته ..حتى ...السم ..الي بكلامكِ...ماكرَهني ....فيكِ.....بس ..اتعبني ...حيل ..اتعبني ...يانجلا....!!
نجلا ...ونظراتها ..ترسل ..له ..اشواق ..مكنونه...وخوف ...يمطر ..عليها من الماضي .....وشفايفها ...ترجف نجلا..-
..كل ..الم ..حسيته ..منك....ذبحني...وكل ..دقه ..قلب ...تحبك...تحيني...قلبي ..قاعد...ينهيني ..يالوليد....قلبي ..هجرني ..من زمان ...من يوم نبذتك... ..عن ..حياتي!! ...من ..يومها ...وهو هاجرني ....مايبيني ...يبيك...
الوليد...باصبع ..الابهام ..يتلمس ..شفايفها ...وتوتر جارف..-...ان ..كان ..قلبكِ..مابغاك...ابيكِ..ولو حتى بدون قلب ..بعدكِ.زاد.......وماترك ..غير ..الشقا ...الي...واجعني .....وصرت ..ميتن ..حي ...!!
كمل الوليد ..بصوت ...ساكن وثاير بنفس الوقت....-..جرحتك ..كثير ادري!!...انهيتك ....وحطمتك ..!!..ومع كل هذا ..عشقتك !!!...ابي ..اكمل ....معك باقي حياتي ....!!...ابي ..اشوف ..بكره ...بك..وفيك!!...نجلا؟...!!!
انتي ..الي ...قدرتي...تسكنين ..فيني ...وحتى لو دست عالقلب ....تحين فيه الامل ..من جديد.....
ركزت ..فيه النظر ....
مسكت ..نجلا يده ...وحطتها ..على قلبها ....لجل ..يونس ...ركض ..دقات ..قلبها ...
نجلا بهمس يرتجف..-...اوعدني ..تحبني ...دايم....اوعدني ..ماتتركني..ابد...!!....اوعدني ..تلمني ..بحظنك...دوم....اوعدني ..اشوفك ..كل يوم....واوعدني ماتظلمني ...!!!اوعدني!!!
اوعدني .......ماتشك فيني ابد....!!
مسكت ...كتوفه ..بيدينها ...وضغطت ...وبأحساس ..صادق ...
نجلا-..اوعدني...؟؟...اوعدني ..عني ماتغيب...!!واواعدني ..تكون لي الاب ..والاخ ..والصديق ..والحبيب!!!..وبهمس...
نجلا-..اوعدني!!
ضغط ..على كتوفها ....وعيونه ...تسابق ..لسانه ..بالكلام ..الي يبي ..يقول....
احساسه ...والي يسمع...صعب ...يقدر ..يتحمله ..في آن....
الوليد بتردد مشحون ..بمشاعر جياشه-...بأذن ...الي خلقني ..وخلقكِ....بكون!!...
ناظر اكثر...بوسط...العيون....
نجلا..بحنان ..وشوق-...يوه..وش كثر اشتقت ..اناظر لعيونك...بليا ..خوف ....او حتى حزن!!..وش كثر..اشتقت ....امد يديني ..والمس ..سوالفك.....كثير ..اشتقت ..للوليد...الي ..حبيت ...
همست ...نجلا ...- .. ...روحي هدتها الجروح يالوليد .....واي ....طعنه ...منك ....بتختفي ...وبختفي معها ...
انا لقيت ...نفسي ..بك ....وفيك ....كل الي ..الي مر ..علي ...من جراح ....وسهام....تطعن فيني ...من كل صوب ....
خلتني ...اكون ..بقايا....
رفعت ..يدها ..لمكان ..نبض قلبه ....وناظرته ..بعبرة ..فرح ...وشجن ...وكل احساس..بالحرمان ....يهدد...بيتركها ...
الوليد ..تركها ..تقول الي تبي ...وسكت ..يسمع...همسها ...الشجيَ الحلو ....
نجلا ..برجفة ..شفايف ...هزت ..كل شين ..فيها ....وبغمامه بيضا ..غشت ....احلى ..مافيها ...وبعبره...مليانه...وجع ..وامل....لباكر....
نجلا-...خذني!!...خذني ..بقايا جروح ...ارجوك..وداويني؟؟!!
توترت...ايديين
الوليد
ابعدها بوهن .....وسقا النظر منها .....
الي يشوفه حلم .....واكبر من حلم .....
اعترافها ....دوى ....لكل جرحن فيه ....انوجد من دنيته ...

صدرت ..تنهيده ..حاره ..ومحمومه.....من الوليد .....وحظنها ...اكثر...واكثر....لم ..راسها ..لصدره ....
وهي ..بعد...ضغطت ...بكفوفها ...ظهره...وارتفعت اصابعها ...لشعره ..الكث الغزير ....
الوليد بصوت..متوتر-....يآالله!!وش كثر استنيت ....اللحظه ...الي اشوف!!!
نجلا؟؟....
ماهو غريب ..الي تشعر وتحس...ولا هو غريب ...ان صار ..الي بينهم ..قلب ..واحد ...يجمعهم ..هم وبس....
فجأه ..حست ان رجولها ..ارتفعت ...عن الارض...تمسكت ..برقبته ....وهي ..تضحك ....
رفعت راسها ...تشوف....
وشافت ..احلى ابتسامه ..ممكن تصدر من رجل ....ولا هو أي رجل ...
فقط...
الوليد .....
نجلا ...بفرحه ..كبيره ....-...وش تسوي؟؟يالوليد؟؟؟
الوليد ...مال وشالها ....بثقلها ....وبدى ..يدور فيها ....ويدور ...
نجلا ..بضحكات ..متتاليه ...وبصوت ..عامر بالفرح -..رجلك .....رجلك ....نزلني ....!!!!
الوليد....بفرحه..تجلت ..بصوته..قبل كلماته....-....انسي ......انسي ....الالم....
ضغط الوليد على رجله ...وكل ..الم ...كان يحس فيه ..انمحى ...واضمحل ....تناهت ..اصواتهم ...بزوايا ..المكان......وحظر الهوى الغايب.....وهلت ورحَبت .......فيه الاركان ...وحتى الزمان .....
نجلا بوسط ضحكاتها ذكرت ....
نجلا- لحظه ...لحظه...سلسالي ..يالوليد ..وينه ؟؟؟
نزلها الوليد ..عالسرير...ورفع يدها ...وغرس اصابعه ..بشعره ..المتبعثر..
دورت ..بيده ...مالقته ...
الوليد..بعميق الصوت-...وش يدريك ..انه سلسالك؟؟
نجلا ...ناظرته بحب ..يكبر ويكبر ...-...احساسي ..يقول ..انك كنت تفكر بمهرتك...
شافته يبتسم ..وبيروح يدور عليه ...
نجلا- لأ...اجلس انت ....بروح انا ....
قامت بسرعه ..وشعرها ....يتهاوى ...على ...احلى ..جبين ...قربت ..من ..مكانهم الي كانو واقفين فيه ...
لمحت سلسالها ....خذته ....والتفتت ..له ..والتقت عينها بعينه الي تراقبها ..وتراقب ..كل لفته ..منها ....

الوليد...شد..نفسه ....وبانت ابتسامته ..بنظرة عيونه.... مد يده ...
الوليد-...هاتيه ....انا بلبسك اياه!!
قربت ..له ...وعشانه...
ارخت ..نفسها وجلست عند رجوله ....ورفعت يدها ..ومدته بسلسالها ....
خذاه .....وقرب ..منها ...حاوطت ايدينه...رقبتها ....وحس برجفتها ....وابتسم ...
ناظرت ...المهره ....الي تمثلت فيها ....لمستها ..بطرف اصبعها ..ورفعتها ..لشفايفها ....
رفع الوليد ذقنها ..المتراجف ....
والتقت نظراتهم .....
نظرات ..شوق ....والم ....ابتدى يطرده ....الفرح ....ويحل مكانه....
الوليد بصوت ....واصل ..من ...اعمق..واعمق....مكان.......-....كيف..مااخذك....يابقايا ...جروح......
سكت ..وناظرها .....
الوليد بتردد-...و.قلبك ..العذري....قدر يحتوي ..انسان ..كله هموم...واوجاع ...بماضيه مدفونه!!؟؟
رفعت نجلا نفسها ..له ....واحتوت ...شخصه ..العظيم .....
نجلا بهمس ...مرتجف-...احبك...............احبك....ايه ..احبك ......ياضيا ..عمري الي جاي.....يانبضتي .........يا...بسمتي ....الي رجعت .....
الوليد...-....ارحمي....ضعفي....يام محمد.....
ضحكت ...بارتجاف
نجلا-...يآآآآآآآآآآآآالله ....من اسمعك ....تقول ...ام محمد....وكل شي...يوقف ...حتى الزمن ....يالوليد....
الوليد...ابعدها ..عنه...بمسافه ..قليله ...
الوليد-..ربي ..وهبني ...اياك!!...وعمري..الي جاي ...كله بعيشه ..بأمل ..يكبر ويتجدد....
رفع ..كف يدها ....وتلمس ..كل اصبع ..من اصابعها .....قرب ..باطن كفها ...من شفايفه....وطبع ...بوسه...خفيفه ...
ناظرته ...بعشق ...ووله ....والاكثر ...بحنان...عارم ....
رفع راسه ....بعد مالم ..باطن كفها ..المرتجف ..
والتقت ..نظراتهم ...وكل منهم ...يهمس....همس ...مشتاق ....وحيل...ولهان....
تاهت ..بعينها ..بملامح ....الوليد....الحره الابيه.....
وتاه ..هو بدنياه....الي ..رجعت ....
تحركت ....شفايفه بصمت ..مايفهمه الا هي ....
الوليد-...احبك...
نجلا.....جت ..بتنطق ...بس ..الوليد........لمها لحظنه.....وبهمس
الوليد-...رجعتيلي ...ياأمل باكر ....
نجلا...رفعت ..راسها ...وتلمست ..هدب عينه.....لاطالما ..حلمت ....تلمس...رمش عينه....
الوليد-...لوتعرفين ....طعم ..المراره....وقسوة ..الحرمان....كنتي ..قريبه ..بعيده....
النبذ الي شفته ..بعيونك....قدر ..يكسرني!!
.آ..ولا ..الخوف!!...خوفك ..مني ....زلزلني ..وحطمني ...!!
مسك ..يدها ....وناظر ..عيونها ....
الوليد-...ومع ..هذا ..كان ..عندي ..امل ...ترجعين....
ارتجفت ...شفايفها ....وهي تسمعه ..يتكلم ....وكل ..شي يتمثل ..قدام ..عينها ....
الوليد.....مسك ..كتوفها ...وناظر ...اعمق ..مكان ..بعيونها ...وبثقه ..اكثر ..واكثر
الوليد-...انتي ...الشي ..الحلو ...بدنياي ...انتي ..حلمي ..المنزوي ..ورا....واقعي ..الي عشت...
واقع... .اسود....كريه...لونتيه ...بدخولك ..سماه....
مسك ..وجهها...بين ..كفوف ايدينه...
الوليد...-...وشلون...تبينَي....اتركك....تبعدين ..عن حياتي؟؟وكيف!!!!؟؟؟
رفعت...يدها ...ومسكت ..يدينه ..الي ..على ..وجهها....
ابعدت ...نظراتها ....عن عينه....وتحركت..بعيد ..عنه...
رفعت يدها ...لسلسالها ...وتلمسته ..بتوتر...واضح....
نجلا..وبدون ماتلتفت...-....تذكر ...يوم...يجي ..ياخذني ..سعد...الله يرحمه..؟؟
شد..الوليد..شفايفه ...لذكرى...هذاك....اليوم....الاليم..
.وبدون ..ماتنتظر رده...وبصوت...هادي ..ولأول مره ...تزورها ..ذكرى ..سعد...بدون ..دموع...
نجلا-...كنت ..ناويه ..اترك..وابتعد....قلت ..لنفسي ...سندي ..واخوي ..موجود....وليه ..احتد...واعيش ..مع انسان ...يشك ..فيني ...ويحطم...كل شي ..حلو...بيني ..وبينه...!!
التفتت ...وعطته ..ظهرها ....وواجهت ..صورته...
...ابعد ..نظراته....عنها...وناظر ...بعيد....بعيد...
نجلا-...قابلته....وسألني ...!!..بس ..عجزت!!..وانشل لساني ...اشكيك!!...
مرت..ثواني ...وهي ساكته...
وهو ينتظر ...ومتوتر...
نجلا-...تدري ليه؟؟
ارسل ..نظراته...لها ....
التفت...تواجهه...
وعيونها...تتبارق....
نجلا-...لأنك...حبيبي....وقلبي ..لغيرك...مستحيل ...يسلَم...!!حتى ...لو جرت ...وظلمت!!..قلبي ..عجز ..يكرهك...واصلا ..ماقوى...!!
حاول ..يوقف ....وهو ..حاس ..انه ..بحلم ...حلم ...
وآآآآه...ياحلم ....
لاحظت ..توتر ..شفايفه....ولمعة...عيونه....
الوليد....صعب ...يتكلم ...او حتى ...لسانه....يجتري ..ينطق....
تبسم ..ومع بسمته ...فتح..لها ..ايدينه....وروحه.....وعمره ..الجاي ..كله ...
تهاتفت ..خطواتها ..يمَه......وروحها ...العذرى....تسابق ..لجل...توصل...للروح....الهجيره...
تهافتت؟؟
وجروحها ....الي ..أبت....وتمردت....
وتمنعت....تبرى...
الا ...بين ..ايديه....وتحت ..سماه...
هو ..
وبس...
الول يد
واخيرا....
التقت ....روحين ....جمَعتهم....كتلة جروح....واوجاع.....
روحين؟؟
ألَف....الرحمن....بين ..قلوبهم ....وجمعهم ...بعد....ماارسى ..الرحمه ..بقلوبهم.....وشواطي ...هي ..ملكهم..
فقط
.................................................. ................................

صباح ....الخميس......
نجلا .....حركت راسها يمين ..وشمال .....مدت يدها تبعد....خصلات ..تزعجها.....قطبت ....وهي مغمضه ....وفجأه غزتها ذكرى الامس.........
فتحت ..عينها بسرعه ...تتأكد....من ..وجود...
اغلى ..حلم...
شافته ....تنهدت ...بفرحه ......وغطت ..وجهها .........
الوليد .....كان رافع نفسه .......ويداعب ..وجهها بخصله من شعرها ....
الوليد بابتسامه- ..ياجعلي ..ماانحرم...من هالابتسامه...
نجلا التفت ..باللحاف ..وغطت ...وجهها..
الوليد..دخل يده ...تحت خصرها ..ولمها ..بجنبه....
بلا شعور ..التفت ..يمه ...ودست ..راسها ..بصدره ...
الوليد-...قرب من اذنها ...وهمس..-....صباحيه .مباركه ياعروسه....!!..ضحك ...وسمعت ..دندنة..ضحكته ..الحلوه...
الوليد...-...نجلا؟؟.....
ابتسم ...وهو ..عارف بحياها ....
زحف نفسه ....
الوليد-...لسه ...الساعه ....9...ياروح الوليد....سكت ..وهو يتأمل ..اطراف اصابعها ....الصغيره ...وكمل
الوليد-...انا بطلع آخذ لي شاور ...وبنزل ....وانتي ..نامي ...ياجعله نوم ..العوافي ....
طلع الوليد ..من الجناح .....
وبعد...ثواني ...
رفعت ..اللحاف ...عن ..وجهها ...وجت ..عينها على صورته ....
مثل الحلم ....
خاطبت ..نفسها ...
لا يانجلا ..مو حلم ...
كل الحزن ..انتهى ...وراح ...
نزلت ..من السرير....ودارت ...حولين نفسها ....لبست ..روبها ....وراحت ..لدورة المياه ....
غسلت ..وجهها .....وقلبها ..يدق ..ويدق ...ويدق ...طلعت ....وراحت ..للجناح ...الي فيه نصوري ...
دخلت ..وسكرت الباب ..وسندت ..نفسها ...وتنهدت ..بفرح ....وهي تحس ..بفرحه.....وحبور....
مرت ..على نصوري ..النايم ....تبسمت ....وراحت ..لغرفتها ....
مالقت ....عصاه ....بس شافت ...جاكيته ....رفعته ..واستنشقت ..احلى ..شذى.....لمته ...لصدرها ....
نجلا....سمعت صوته ...
الوليد- ..تحبين راعيه؟؟
التفتت ...برهبه ....وشافته ...مسند نفسه ..على ..طرف الباب ...واقف بكل...عنفوان ....وقوة ..حظور ...
شعره ..مبعثر... ...وقطرات..من المويه ...تتهادا...وتتناثر....
نجلا ابتسمت .بخجل...-...مانزلت؟؟؟
الوليد...وهو يقترب منها -..الحين نازل ....بس شكلنا راح ننزل سوى ....
نجلا ابتسمت ....- براحتك...
الوليد..مسك ..كفوف يدها ....ورفعها ليم شفايفه ....ولثمها ...- ماني مصدق انك رجعتي ..نجلا ..الي اعرف !!
وقفت بسمتها ....وتأملت ..فيه كل الملامح ...
نجلا ..بفرح صامت-....مابي التفت للامس.....ابي نبتدي من جديد...
شد الوليد ..بكفه على عصاه ....وبيد كان ماسك فيها ..كفوفها ....سحبها ...لحظنه...
الوليد بصوت واثق ...-...بعون الي ردك لي ....ان شاء الله !!
سمعوا صوت ...
نصوري..قايم من النوم ...وشاف الوليد
نصوري- بابا زيت؟؟؟.....ابتسم ..بشوفة نجلا ..وجا يركض....
بسرعه مدت يدها تستقبله ..بس تركها وراح وراها ....
التفتت بتقطيب ...وحطت يدها على خصرها ...
نجلا- ياسلام!!!..الحين ..تركتني؟؟؟هين ..يانصور!!
مسك الوليد يده ..وبصوت ضاحك ...مليان ...احساس وفرح-..خليه ....كان ..تعلقه فيني ..بلسم ...للجروح الي تسببينها !!
رفعت حاجب ...
نجلا بمكر - ..انا روضتك ..صح؟؟؟
رفع الوليد راسه ...وبحزم ...مازح-...ترى بجمح ...عليك الحين !!واشوف ..كلامك صح ولا لأ!!
نجلا تركتهم ...-...لآلآ خلاص..بروح ..آخذ شاور ...وانت يالله نصوري....روح الحمام ..بسرعه ...
نصوري- ..بابا ..ماتروه عني!!
الوليد..مسك ..كف نصور الصغير ..وشد عليه ..ومشى معه لين جلس ...
الوليد- تعال ..يالغالي..تعال..
جلس ..نصور ي...بحظنه...
الوليد-...انت ..تبي تجلس معي انا ونجلا؟؟؟
قطب ..نصوري ...-..ايه ..بس ماما ؟؟احليها حالها؟؟؟
تنهد الوليد...- لا يابوي ماتخليها ....بس دايم تروح تشوفها ؟؟
نصوري -..وليه هي ماتدي تزلس معنا ؟؟
الوليد-..عشان هي عندها بيت ...
نصوري..باصرار طفولي ...-..طب انتا ..حليها تزي؟؟
الوليد- طيب ...مثل ماتبي ...اذا بغت تجي ..بخليها ...
نصوري -..وين تروه الهين؟؟
الوليد ..- لا ..ياشطور ..ماني رايح ...ا...خلص ..والبس ..وتعال ..طيب؟؟
نصوري- ..طيب....
قام الوليد ...معه ...لين غرفته....
والتفت لجهة دورة المياه....يوم سمع صوت الباب ....يفتح....
طلعت... نجلا لافه المنشفه .....وبس شافت ..الوليد تراجعت بخجل ....
الوليد..ابتسم ....وكلم نصوري ....
الوليد- يالله روح غسل ..بحمامك ....وبدل ملابسك!!...كبير ..وتعرف ..صح؟؟
نصوري رفع نفسه ..- ايه ردال انا ....بروه بثرعه وبدي .....
رجعت نجلا لدورة المياه ...بسرعه بعد ماشفته ....
شافت الاحمرار الي ..اكتسى وجهها..كانت متوقعه انه ..بالغرفه.......
تنهدت بعمق...
الوليد بعد ماصرف نصوري ...تحامل على نفسه ....وسحب عصاه ....واتجه ..لنفس الوجهه الي هي فيها ....
ارخت نجلا سمعها .....ماسمعت صوت ......
فتحت الباب بشويش .....
وفتحت عينها علآخر...مسك الوليد ..الباب ....وفتحه ..وهو مبتسم ....
عينه عليها .....وتصد بعيونها .....
ابعدت ..
الوليد...
مسك يدها ....وعشان مايسبب لها الاحراج ...
الوليد- تعالي ...انا ...بختار ..وش تلبسين ...!!
نجلا...بخجل- ..طيب!!..
دخل معها ...غرفة الملابس ....وترك يدها ....فتح ..دولابها....
رفعت يدها لا شعوري ...تشد المنشفه ...
جت عينها ..على ايدينه ...وهي ...تعبث ..بملابسها .......وعلى.. ..عظلات كتوفه ...المتناسقه ...
الوليد..بحيره ...- ام...لازم...ننزل السوق ....
قاطعته نجلا- ماله داعي ...دواليبي مليانه ....
الوليد..اختار ...فستان ...بحري ....جديد ..مالبسته ..والدليل ورقته الي عليه ....التفت لها ...
الوليد..بصوت ..هادي...اوتاره ...تزداد تغريد ...-...البسي ..هذا ....!!..ناظر عيونها ....وكمل
الوليد- ...عشان ..يذكرني ...بشوفتك وانتي نايمه ...مثل ..الملاك!!!...ركز بعينها اكثر..وبأبتسامه ....وثقه اكبر...يملاه...الغرور ....
الوليد- ..ملاكي انا ...وبس!!!
ابعدت عينها ...واتجهت انظارها للفستان ....
نجلا-....مو عاري شويه...؟؟
الوليد ابتسم ..ومد يده ...لمنشفة راسها ..وسحبها ..وتهادا...شلال ..مثل سواد ليل الشتا ....طويل ..-..وهذا وين راح؟؟؟
خذت منه الفستان ....وناظرته ....
نجلا- طيب ..ممكن ..؟؟
رفع حاجب ...
الوليد-...ممكن وليش لأ!!...قرب منها ...
نجلا ..بضحك-..قصدي تطلع!!
رفع الوليد حواجبه ..بمكر- طيب انا وش عرفني ؟؟احسبك تبيني اساعدك !!
نجلا اشرت بيدها- اكثر من كيذى مساعده ؟؟...لفت ..وراه..ومدت .ايدينها ...تمشيه من ورى ظهره ....
نجلا- يالله ياعم!!مشكور ...
الوليد..بتهديد- بطلع ..بس ان تأخرتي ...رجعت ....!!
.................................................. .........................................
المجمعه ..
غاده- والله يمه ..ودي ارجع ..لبيتي ..كني حنيت ..لنصوري!!
ام عادل- كلنا حنيننا ..وش رايتس نرد الليله!!
غاده لفت جلالها – خلاص اجل ....اليوم نرجع ...
عادل- والحين وش قررتي ..؟؟بالبيت ..ونصيبتس فيه؟؟
غاده- ان كان هو الي بيشتريه معناته احنا بنطلع منها ...وبيكون بيته !!وهذا الشي مابيه ..ابي يكون لي فيه مكان دايم ...عشان كيذى غيرت رايي!!!وبجلس فيه مع امي ...من حقي !!!وين اروح ؟؟الواحد مايرتاح الا في بيته !!

الوليد-...بروح..وبرجع ....استناني ...اوكي؟؟
نصوري-..تيب...بث..ها؟؟؟ذيب حلاوه!!!
ضحك الوليد....-...طيب ..ان شاء الله ....
.................................................. ..
بقصر الجد
امي نوره-...وينهم؟؟تأخروا!!...
ام سلطان- الحين بيجون ..تو الناس ..ياخالتي ...
امي نوره- أي تو الناس الله يهديتس ....ابيه يكون موجود قبل يجون ..الناس...
.........................................
وقفت ..البنتلي ....قدام ..مدخل الحريم.......
جت نجلا بتنزل ...
الوليد بحزم...-...اكيد بتشوفين الجوهره..جوا...
تنهدت ..نجلا ..-..اييه اكيد!!
الوليد- ...لاتظنين ..اني ..ساكت الين الحين ...عشان ...شي...لأ...بس ...كانت ..ومازالت ..سلامتك اهم شي...
نجلا..رفعت ..الطرحه عن نقابها ...-...ادري....وامي نوره بعد ....بس الي سوته ...مو شي بسيط..!!..وكل هالحقد ليه؟؟....عشان ..كانت تبيك؟؟؟..هذا نصيبك ...وهذا نصيبها !!
شد الوليد عالدركسون...بيده-...المشكله ان ..الي خاطب ساره ..خالها!!
تفآجئت...نجلا....
الوليد- ..يعني اليوم ..يدي مكبله!!!
نجلا- ..يعني الناس الي بيجون ..جدان الجوهره؟؟؟
هز راسه ...موافق على كلامها ...
نجلا بتأكيد-..اصلا شوفتها ..ووجودها..مثل ..عدمه!!...هالانسانه ..بالنسبه لي ...متستاهل ..غير ..الرئفه لحالها ....
....
............................
اقبلت ...سيارة ....سواق حصه ....
الجوهره- يمه؟؟شوفي ..هاذي سيارة الوليد صح؟؟
حصه- والله مدري ....
الجوهره بحقد- الا هي ....وراهم واقفين؟؟؟مثل الحراميه!!
حصه- عادي يامي ..يمكن يتكلمون...
الجوهره ...حتى الخوف الي ظنت نفسها تحس فيه انمحى ...وحل مكانه ....الكره....والحقد....الكريه....
الجوهره- اضرب بوري ....خلهم يرحون عن الطريق!!اف!!!ياكرهي لهم!!
حصه- الجوهره؟؟وش سالفتك؟؟؟
الجوهره انتبهت بسرعه ....وغيرت ....النبره- آآه يمه ....بعدين...بعدين اقولك !!
.........................
شاف الوليد ..السياره ...بالمرايا ...الاماميه .....
نجلا....التفتت للباب ....- ..يله انا نازله ....خلني اشوف البنات ....
الوليد قبل تنزل ...-...بشتاقلك !!
نجلا-...ابتسمت ..وماشاف بسمتها.....
اقبلت ..داخله ....وكلها تصميم ...تمحي اليوم الحزن ....وتعطي ....من ..حبها .... حلو الاحساس ...والامتنان ....
كمّلت ابتسامتها ......لما سمعت ....
امي نوره- هلا والله ..وغلا ...حيا الله ..النور الي لفا ...!!
شالت نجلا غطاها ...ومعه رسمت ..احلى ...ابتسامه .....
نجلا- هلا جده .....تقدمت ..وحبت راسها .....بوله .....
نجلا- اخبارك ...ياجده ...؟؟يارب امورك تسر ؟؟
امي نوره ببسمه حنون- تسرك ..علومي ؟؟اهم شي انتي ؟؟ماعندك لنا علمن جديد ..ولا شي!!؟؟
جمدت النظره ...ثواني ...
نجلا- أي علم؟؟ياجده؟؟
امي نوره ناظرت ..بطن نجلا- يعني هه..ولا هه...مب جاي حتريشن ..منا ولا منا؟؟
رمشت..نجلا بعيونها ...بس سكتت....
انتبهت امي نوره ..للي جا من عقبها ....
امي نوره- اسفرت وانورت ....ياحي الله من جا ....
سكتت نجلا ....وفي قلبها ...تنهدت دقات ....وجلى ....
فكت عبايتها ....وعطتها ...الخادمه الي ..جت تاخذها ....
سمعت ..صوت العذاب ....يتكلم...
الجوهره- هلا ماما نوره .....اخبارك؟؟
انرسم ...كرهن ..عميق ......بعيونها ..الي ....سقت ...تراب ..الارض....ايام وشهور ....
سمعتهم يترادون ..السلام ....والي باين ..ان ...الجوهره ..ما.. انتبهت ...لها...
دخلت بعدها ..حصه ...
حصه- هلا يمه ..معليه اخرتنا هالبنت ....
امي نوره- ...لسه ماجو ...؟؟مع اني يوم شفت الجوهره حسبتهم جو!!
انتبهت الجوهره- ..ليه وش دخلني فيهم ..؟؟؟
التفتت ..نجلا ..وهي ..تعلن حظورها ..قطبت حواجبها باستنكار -...معقوله ..ماتدرين؟؟؟
عاد انتي من طرف اهل العريس ..والعروس!!
انتبهت الجوهره ...لوجودها ...ناظرتها بصدمه ...ماقدرت تخفيها ....
نجلا قربت من حصه- ...اهلين عمه ...اخباركم؟؟
الجوهره- وش تقول ذي؟؟
امي نوره- ..وش ذي؟؟..يامي ...
حصه- ..اوه يمه يمكن ..تفآجئت ....الا صحيح ؟؟
امي نوره -..الاصحيح ...اديب ..هو الي جاي اليوم طلاب!!
وقفت نجلا بشموخ .....خالي من أي انحناء ...مدت يدها للجوهره ..الي الحقد كسا وجهها....
نجلا-..اهلين؟؟...حركت يدها قدام الجوهره....
نجلا..-..وين بلمتي؟؟؟
مدت الجوهره يدها ببرود...جامد...
سحبت نجلا يدها ....ودخلت ...
ولحقوها امي نوره ..وحصه ...
دخلوا ....الصاله ....والجوهره ....ظلت ..مكانها ....
وبفكرها ...
حقد ..وغيض.....
ام خالد- هلا بنيتي ...اخبارتس؟؟
نجلا- بخير ياخاله ....انتوا اخباركم؟؟
ام خالد- احنا الحمد الله ...مانسأل الا عنتس ....وعن حالتس!!؟؟
نجلا- انا بخير ....رانيا اخبارها ؟؟؟
ام خالد- ماعليها .....
نجلا- هلا خالتي ام سعود؟؟
ام سعود- هلا والله بنيتي ....
رن جوال نجلا ....وقطع ..السلام ....
سحبت يدها ..بسرعه ....دورت جوالها ...
نجلا- الو؟؟ هلا حنان!!
حنان- وينكم...الناس على وصول!!!
نجلا- انا تحت ...بالصاله!!
حنان- بسرعه لا يفوتك ....نبي .نترصد للعريس!!!تعالي عشان تكمل المجموعه!!
ضحكت نجلا بلا شعور- ..يلا انا جايه ....
حنان- ياله .. اجل.....صرخت حنان بضحك تكلم سمر ونست السماعه...
حنان- سميروه !!!كيذا راح نبين اكثر ..طفي النور احسن !!
ضحكت نجلا من جديد ...وسكرت الجوال ...
لمحت ام سلطان .....المتبسمه لها ....
نجلا- خالتي انا بروح للبنات فوق ....!!
ام سلطان- روحي ...يامي ....انبسطي ...ياجعلي مااعدم هالضحكه ....قولي آمين ....!!
مشت ..بس ..استاقفتها ..هالكلمه ....وهالحنان .....الي تجلى ...بصوت ام سلطان ....
تمت عينها ...على هالروح ...الاميره .....والنفس الاصيله ....
وبلا شعور ...ساقتها ....مواطي الرجول ..لمها ...
نجلا- الله لا يحرمني منك ..يالغاليه .....
باست نجلا راسها ..ورفعت كفها ....الي جمع ...تجاعيد ...السنين .....وباسته .....
ام سلطان بحنان ..اكبر ويكبر مسكت راس نجلا المرتخي ..-...وش فيتس يامي ؟؟عسا ..ماتونسين ..شي؟؟
رفعت نجلا راسها ...ولمعة العين....ترسل ....اطياف ..فرحانه ....
نجلا- لا سلامتك ...بس ....وحشتيني!!ياحلى ام!!
توترت ..شفايف ...ام سلطان بوجل ....عظيم .....وارتجفت ايدينها .....وحتى الصوت ارتخى ....
ام سلطان- ومن قال اني ..ماعدتس مثل بنتن لي ؟؟..يوم سعدي ..ياميمتي ....ان ربي ..كتب ..لواحدن اعزه مثل عيالي ....وحدتن مثلتس!!
بلعت نجلا ريقها ....واظهرت ..ماتجلى وسط العيون من فرح ........- طيب خالتي ..بروح تبين شي؟؟
ام سلطان- روحي يامي ..وقولي للبنات لا يفضحنا ....بحركاتهن ...
ضحكت نجلا ...والتقت ..عينها بعين الجوهره .....
لا المكان ولا الزمان ..يسمح لها ..بالكلام .....ابعدت عينها .....بكره ....ولفت ..طالعه .....للبنات ...
شدت الجوهره يدها ....- يمه شفتي؟؟؟شفتي شلون تناظرني؟؟؟هالحقود!!!وتقولين ليه ماتجين؟؟
حصه- ووش بينك وبينه؟؟عشان ماتجين؟؟
ارتبكت الجوهره- وش بيكون بيني وبينها ...هذا من جهتي ..بس هي تكرهني !!!واحس بالحقد بعيونها ..ماشفتيها تو ؟؟
حصه بتفكير- الا شفت يامي ...وهذا الي مستغربته !!
الجوهره- اصلا ماكرهني بالجيه عندكم الا هي !!!احس انها ماتدانيني ...كله عشاني ..كنت ..باخذ الوليد !!
حركت حصه عيونها بتفكير ...- يابنتي المره ..ماتحس بالخطر الا ان كانت حياتها...اصلا ...معرضه للخطر....
تمسكت الجوهره ..بهالمنظور- ايه ...اكيد ..عرف ..ولد خالي ...وش ضيع من يديه!!
حصه- استحي ,,على وجهك يابنت!!!
الجوهره- يوه..وانا وش دخلني ؟؟؟انا ترا نفسيتي زفت ..!!وصارت ازفت يوم شفتها !!!
حصه- ماعليك منها اتركيها علي ...محدن يمسك وانا ..موجوده !!
الجوهره- ايه يمه تكفين احس انها قويه وقدرت ...تلعب على الكل ..بمرضها !!!
حصه- ماتعرفني ...هي..!!!كلش الا انتي عاد ..الي يدوس لك على طرف ...ادوسه ..برجولي ...لا تخافين يامي ......وقومي روحي ...عند البنات ..وماعليك منها ....!!وحتى ان كان لك نصيب مع ولد اخوي ..بتاخذينه !!!
هزت الجوهره كتوفها ..بعدم تصديق ....- وشلون ..؟؟مستحيل ..اخذ واحد جحدني !!!الله لا يرده !!!
حصه- والله يابنتي ...ان كان له شفن فيك ...لا تردينه ..مامثله ....ولا راح تحصلين مثله !!!
بلعت الجوهره ريقها ....بخوف ....- ماما اتركينا ..منهم ..ومن سواليفهم !!!
حصه- خلاص اجل روحي ..مع البنات ..!!
الجوهره- ماني رايحه ....سدت نفسي الله يسد نفسها ...ان شاء الله !!!!وبعدين ..ليه ماقلتيلي ان الخطيب هو عمي !!.؟؟؟وشلون ذي تصير ؟؟؟مو هي عيت ؟؟!!!

حصه- والله ..مادري وشلون غيرت رايها ...؟؟؟خلي العالم يروحون ....ونعرف !!!
.................................................. ..............
بجناح ساره
سمر- ترى ..لسه ماجوا.....بس جماعتنا ..الي تحت ...
ساره- ليه ...تهقون يجون حريم؟؟؟
حنان- يمكن ...ليه لأ؟؟
رنا- ...الا اكيد ياعمه ..لازم يجون ..ليش لأ...يمكن بعد تجي ...الجوهره...
سمر بمزح- وهي تقدر تفوت....؟؟؟
حنان- صادقه....!!خلنا منها ....وخن ...نزغرط للعروس!!
ساره ..ارتجفت ..اطراف اصابعها لكلمة عروس....
طافت بعينها ...وسمعها ....معهم ...والفكر شارد ....ومتشتت ....قامت ...بدون محد يحس ..بقومتها ....
دخلت غرفتها ...وسكرت الباب ....
وبخطوات ..متهاديه ...وصلت للسرير..مدت يدها لتحت ..المخده ....وسحبت ...
ناظرت الصوره ..بعمق ..مايختلف عن كل مره ....
فتحت الباب .....
نجلا- سلام!!!!
صوتوا بصوت واحد ....
نجلا- اخباركم؟؟؟....سلمت عالجميع ....
نجلا- وين ساره ؟؟؟اجل ؟؟
حنان تلفتت ..- مدري يمكن بغرفتها ...
رنا- شكلنا ...ازعجناها ....
نجلا وهي رايحه لها ....- خلكم ...بروح ..اشوفها .....
دقت الباب .....
ساره- مين ؟؟
فتحت الباب ..وطلت براسها ....
نجلا- ممكن ادخل؟؟
ابتسمت ساره ودست الصوره ...- هلا نجلا ادخلي .....تعالي ...اجلسي من زمان عنك .....
دخلت نجلا ....وهي حاسه باحراج ...من ....دخولها ..وساره ...بهالفكر الضايع ....
لمحت الصوره .....
رفعت ساره عينها لنجلا ....وابتسامتها خفيفه ...
ساره- ...معليش اعذريني ....بس مقدر ...اتناسى ...الصوره وراعيها ....وخصوصا بهاليوم...
جلست نجلا ..مقابلتها ....
ساره- اديب ..عنى لي ....الحياة يانجلا ......ماحبيته ..باول حياتي ..صح ....!!...بس ...مع الايام قدر ..يكسر ..اي حاجز ممكن يصير بيني وبينه .....عودني عليه ....صار كل همي ....كيف اسعده ....جرحته كثير ...وصعبت عليه الامور .......سكتت ..وكأنها تتذكر .....صور من الماضي......
كملت - ...كان ..مثل .....مثل ....الحياه .....حبيته يانجلا ....وعشت فيه ومعه ....وبالاخر تركني وراح ....!!!
نجلا-...الحياه تمشي ياساره ....وربي ...عطانا نعمة النسيان ....لجل نسى ..ونقدر نعيش..!!
ناظرتها ساره -...انتي مثلي ..يانجلا ....
رمشت نجلا ...ورفعت عينها ...
ساره- ...فقدتي ابوك ..واخوك .....بس ...ربي عوضك ...بالوليد ....تدرين ؟؟...اقرب شخص للوليد ....اديب....بكل ...افعاله يشببه ....ويمكن اكثر ....انتي لو شفتيه ...وشلون ..صار حاله ...وانتي ...بالمستشفى ........هل تتوقعين ..انك ..بتقدرين تعيشين من دونه ..يانجلا؟؟؟
نجلا ...ابتسمت ...بحلاوه ممزوجه ...باحلام ...ورديه ....
ساره بدون انتباه- ...ادري تحبينه ...ويحبك ....الوليد ....رجل ..بمعنى الكلمه ....ويستاهلك ..وتستاهلينه ....كأنكم....خلقتوا لبعض....سبحانه...
التفتت نجلا لها ..وبهمس...مبتسم..وكررت- ...خلقنا لبعض؟؟
قطبت ساره ..حواجبها - ....ايه ...اكيد ..يستاهل وحده مثلك...صحيح ضروف ..زواجكم...ماتسر...وماكانت عالبال ..ولا عالخاطر....بس مع ..هذا كله ....قدرتوا...رغم ...الصعوبات الي واجهتكم.......تكملون .مع....بعض....!!
ابعدت ..نجلا ..عينها ....
نجلا بهدؤ- حتى ..انا ..مانسيت ..سعد !!ياساره ...
ساره- ...ومن ..قال ..ان ..الي نغليهم ...راح ننساهم ...لا توفاهم...الرحمن؟؟؟بالعكس....راح نذكرهم ..دوم ..وندعيلهم....!!
قطبت نجلا حواجبها ....
نجلا- ...الله يرحم ..موتى المسلمين .......بلعت ..غصتها .....واغتصبت ..ابتسامه .....
نجلا-...خلينا ...من ..الاحزان!!!اليوم ..يومك ..ياساره ....الله ..يخليك ....اتركي ..للفرح ...مجال ...بحياتنا ....!!!....
ساره- ...ليه ...تقولين ...هالكلام؟؟؟...فيه ..شي مضايقك؟؟؟
عضت نجلا على شفايفها ....-...بالعكس....اليوم انا ...
....الا ودخلوا البنات ....
سمر- يوه.......فاتك ....ياعمه ..يهبل رجلك ....!!!
رنا- سمر استحي؟؟
سمر- بلا هم ولا خرابيط ..وش فيها ؟؟؟هي ماتبي تقزه !!!شفته عنها ....التفتت...لعمتها ....
سمر- وش تبين اقولك .....؟؟؟اسألي ...وانا اوصفلك ايه من الالف للياء ....
سمعوا صوت حنان- ...سميروه!!!وجع!!!.....استني ....خلني ....اجي ....مب ذا اتفاقنا !!!
....................................
الساعه .....2...فجرا
امي نوره- مبروك ....يامي ....مبروك يالغاليه ....الله ...يسعدك .....ويهنيك !!!
حنان- وانا يمه ؟؟ادعي لي ...مع التكثيف لو سمحتي !!!
سمر- عمه استحي ....!!خذتي الدعى كله !!!
التفتت حنان وبصوت عالي – لا ؟؟؟ يمه وسمر تقول ....تهجدي ....وادعيلها !!!
نجلا- ..حنان ..ماكنك ..وزدتيها...؟؟خفي ..ترى مانرضى ..على سمورتنا!!!صح انها ..بعض الاحيان ..تغث!!بس ..معليه ..!!!
رنا- ...خليها تستاهل ...من دق الباب جاه الجواب ....!!!
سمر شمرت يدها- ...نجول...ورنا..!!!!اقضبن لسانكن!!!
التفتت لرنا ...
سمر- وانتي بعد!!!
حنان- ....روقي ....روقي ..يالمزيونه!!!!
ضحكت ..سمر ....بحرج....
حصه..ناظرت ..نجلا ....-...نجلا؟؟
التفتت ...نجلا ....وهي ...تبعد ..بيدها ....سيل متحدر ....
نجلا- ...سمي ...عمه؟؟؟
حصه- ..ماودك...تلمين ...ابو محمد؟؟؟يجي نشوفه؟؟
امي نوره- ..ايه ..والله يامي ..دقي ...كانه ..ماراح ...!!
رطبت ..شفايفها ....وابتسمت ....
نجلا- ...بدق ..اشوف ...!!...سحبت ...شنطتها .....وطلعت ..الجوال .....
دقت ..الرقم ....ومع الدقه ...
سمعت
الجوهره- ....اف!!!اخيرا!!!!
رفعت ..راسها ....وتقابلت ..انظارهم ....ومعهم ..نظره ...عيونن..جديده ....تراقب .....
الجوهره- ....مبروك ...ياخاله !!!عليك ...عمي ..!!
....................
..قطب الوليد ..حواجبه ....
ابو سعود- ..وش فيك ..وانا عمك ؟؟؟كنك ..مستغرب ؟؟
الوليد- والله ياعم ...تفآجئت الصراحه !!كنت احسب ..تقصد ..رنا !!!
ابو سعود ابتسم- ...تبي ..الجد ياولد اخوي ....احنا ..مخيرين ..سعود؟؟....وهو الي ..راغبن بسمر !!!...وخبرك الامور هاذي..مافيها ..شين غصب!!!..ولا؟؟
الوليد- ...صحيح ..كلامك ...يالغالي .....بس...خلني اشور ..البنت ....
ابو سعود بعصبيه- افا ..وانا عمك ....معروف البنت ..لولد عمها ..ان كان ..له شفن فيها !!!ماعندنا بناتن ...يكسرن ..كلام الرجاجيل !!!
تراكى الوليد ...وبهدوء- ...الله ...يهديك ياعم ....انت ..توك ..قايل ..الامور ..هاذي ..مافيها شين غصب....وهذا زواج !!وخواتي ..عندي امانه ...بيسألني ..عنها ...رب العباد !!!
ابو سعود ....-...ادري ياولدي ..بس ..وين ..بتلقى ...احسن من ولد عمها؟؟وان كان ..على رنا ...نصيبها ....محفوظ ..ومرفوع ..اكيد !!!
تنهد الوليد ....-الله يسسر الامر ....ياعم !!!
دق...جوال ..الوليد ....شاف الرقم ....
ابتسم...
الوليد- هلا ..والله..
ابتسمت نجلا بدورها-...هلا فيك ...
الوليد...-...وحشتك اكيد ....هااه ..نمشي..جناحنا..طوالي؟؟
نجلا-...امي نوره ...وعمه حصه ...يبون يسلمون عليك ؟؟
الوليد-...ام...وانتي؟؟؟ماتبيني بعد؟؟
نجلا-...يله ...تعال..شفنا ..بالصاله....
الوليد-..تصريفك ..مو في محله ....راجعين سوى ترانا!!
نجلا- ..يله ..نستناك...مع السلامه ...
سكرت ..ويدها ..ترتجف ....رفعت ..راسها ...بسرعه ..تخاف تكون ..رجفتها واضحه ...للعيان...
شافت العيون كلها ..عليها ...
امي نوره- هااه بيجي؟؟
نجلا بلعت ريقها بسرعه- ايه ..بيجي .....وبأخر نطقها للحروف ...جت عينها ..عالجوهره ...المصدومة الملامح...
لاحظت الخوف ...الي ..ظهر ..على محياها ......
ارسلت لها ..نظرة احتقار ....لشخصها ..قبل وجودها ...
تشابكت ...نظراتهم ...في صراع....مايعرفه الا هم ....
الجوهره....مرت صورته ...وتهديده...لها .....خذتها الذكرى ..لذاك اليوم ....
رفعت راسها بسرعه
الجوهره- ...ماما ؟؟بروح ..اريح ..فوق ...مره نعسانه!!...ان جيتو ترحون ..بلغوني ...!!
حصه- طيب ..بس ردي عالجوال...!!
رفعت حنان ..حاجب مستغربه ...بالعاده ...تصر تكون موجوده ....بحظور الوليد...
سمر ..التفت..لنجلا....وانتبهت ...لنظراتها ....
رنا...تذكرت ...اليوم ..الي جاب الوليد فيه ..الجوهره ....
كان ..كل شي فيه غامض ..بس اكيد ..الجوهره ..مسويه شي كايد...
طلعت الجوهره ....مسرعه ....وعلى قد ماحاولت ...تسبغ ملامحها بالهدؤ...على قد ..مافشلت ...
وبثواني ..سمعو صوت الوليد...
كلهم ..سمعو صوت الوليد وبس...
لكن
نجلا ....
سمعت ...صوت ..وحياه ....
ومو أي حياة ...
حياه ....مرها ..وحلوها ...
تركوا...
اثر ...شامخ...
ماينزاح.......
رفعت عينها ....لجل تهلي ..عينها ....فيه ..وله ...
بس...
عيونها ....النجلا ....
تأملت ....لحظة ..
حظوره ...و ..ظهوره ...
واول ..مابان ..كانت عيونه ..لها ..وبس..
وكأن..العين ..الي يملك...
تملكها ...هي ...
تاهت ...عيونها ....
لحظة دخوله ...
ورجف ...قلبها ..ودقاته ....
سألت ...وتسآئلت ...
كيف ...كانت ...تبي ...تمحيه ..من ..
حياتها ....وهو ...كل حياتها ...
كانت ..ثواني ....بس ...الي تحس....بشوفته ...
طال ...وطال...
تهافتت ...نظراتها ...
كل نظره ..تحاول تسبق ..الثانيه ...
امي نوره- ..يامرحبتين ....بالغالي ....
الوليد...دخل ...وقرب ..يسلم على امي نوره ....وعلى عمته ..حصه ...
حنان قامت ..تسلم.....-...والله لك وحشه ...
الوليد...جت عينه ..بعين نجلا ...
نظرته ...كانت غير ..نظره مليانه حياه...وامل ....
الوليد... وهو ...يجلس ..وكانت ..هي مقابلته ...
الوليد-...وين عروسنا اجل؟؟
امي نوره-..قبل شوي ..كانت هينا ....
حنان-..رقت ..مع رنا ...
ام سلطان- ..الله يوفقها ...طيب ..حددتوا ملكتها ...؟؟
الوليد بابتسامه-....والله ..كانو يبونها ...الاسبوع الجاي ....بس أجلوها ...
امي نوره- ليه ؟؟
حصه- ..يمكن مايمديهم ولا ..مشغولين
الوليد..وعينه ..على نجلا ..وهي ..لافه ..خصله ..من شعرها ..باصبعها ...وعلى الارض عينها ....
ابعد عينه ..وجه...الحديث ..لهم ...
الوليد- عشان ...بسوي ..عملية ..رجلي ...هالاسبوع ....مع اني والله ..قلت .سووها ....بس عمي ابو سعود ..مارضا ...!!
رفعت ..نجلا عينها ...وتلاقت...نظراتهم....
امي نوره- ...الله ..يطلعك بالسلامه ..ياوليدي ..ايه ..تستنى الملكه ..لين تطلع بالسلامه ..
ام سلطان- ....والله ان كانها ..صعبه ياوليدي ..بلاش منها ....
حنان..- لا ..يام سلطان ماتوقع ..صعبه ...
سمر- ...الله....يعني ..معاد فيه عصا تهددنا فيها !!!
الوليد ناظرها بتهديد..باسم- مافيه عصا ....و؟أشر على عقاله ...
الوليد- بس فيه ذا!!
سمر- ...يعني ..ورانا ورانا ...
الوليد بضحك- انتي ..بالخصوص ...رفعت ..يدي عنك ...بيجي قريب من يتوالك ..!!!
فتحت سمر عيونها ....
حنان لكزتها بيدها - ..استحي ..استحي ...انتي والعيون المبققه ..!!
حنان التفتت ..للوليد- ..تصدق عاد ؟؟اني قايلتلها ....يمكن فيه ثور بيخطبك الليله؟؟؟
ضحك ...الوليد ....بصوت عالي ....على وجه اخته سمر ....
حصه-...الله يرزقك انتي بعد ...يمكن ..تعقلين !!!
سمر- ههه.....الله يرزقك ...بالسعودي ...!!!!
فتحت ..حنان عيونها ....وضربت ..سمر بمخده .....
حنان- هبلا ...ياناس ..هالبنت ...هبلا....!!!..التفتت ..للوليد ...
حنان- داخله على الله ثم عليك ....كان ..رجلها ...جاهز..من بكره ..سرحها ...
سمر-...الله ..الله ...ترى بكره بتندمين ....!!
كانت ...الضحكات ..اصل مجمعهم ..اليوم ...بدون ..اي ..تمثيل ...او رياء ...
سمعت ...ضحكته...وضحكتها ....
وهي ...تغلي ..وتغلي ....
الجوهره ..بصوت حاقد..تخاطب نفسها-..بعد ..كل الي صار؟؟؟
عما ...وش ذا ...الحب...ذا ...!!
....................................
بجناح ساره ...
ساره-...طب..وانتي ..بتعيين؟؟
رنا...بتوهان-..مدري ...مدري...احس لسه ...ماودي اتزوج الحين ....!!
ساره- ..ليش؟؟...
رنا ..رفعت راسها ...تناظر ..طاولة المكتب ..-...خصوصا ...سعود...
ساره استغربت ...مسكت المخده ..واسندت نفسها عليها ...-...وليه ..هو بالذات لأ
رنا...ناظرتها ...-..اقولك ..بس ..بيني وبينك ياعمه؟؟
ساره- افا عليك ..
رنا- ..من زمان ...احس ..او ...ترآئى...لي ...ان ..سمر ...سكتت ...
ساره ضحكت......- أأأه....وين ...سمر ..بزير!!!هاذاك ...يسمونه ..افتتان الطفوله.....
دق جوال ..رنا ...
رنا- الو؟؟
سمر-...يله ...بروح...وقولي لعمه ساره..تجي ..الوليد ..ترى فيه ....
رنا...بفرحه- بالله..؟؟؟..طيب نازلين.. ...
سكرت ..رنا ..وهي ..تقوم
رنا- ..يله بروح....الوليد فيه تحت ....خل ننزل ..
ساره...-جا؟؟
رنا- ايه اليوم ..الصبح ...
.................................................. ........................
بفيلا ...ابو سعود....
سعود...-....هااه ..يام سعود....ماردوا الجماعه؟؟؟
ام سعود- لا والله ..اصلا مافتحت الموضوع....ماكان فيه مناسبه ...
سعود بمزح...-...ياسلام ...ياسلام....انا الي خاطب ....قبل ..وخطبة عمتي تتم...!!!
ضربت ..ام سعود ..ولدها ..بطرف يدها- ...قول مشاء الله ...ليش العجله ...!!
صالح..-..وش يعجلك عالغثا..يارجال؟؟
سعود...لكز اخوه ...-...لاعاد تقول عن مرتي ..غثا ؟؟!!انا ..اهزبها ...بس انتوا لأ!!!سامع؟؟
صالح-...يه.....الله يعينا عليك...!!!
ضحكت ..امهم ......
رن ..جوال ..سعود....
سعود- ..هااه..هاذي ...رانيا ..مايفهمني الاهي ..هلا ...هلا ..بالحبيبه...
رانيا-...سلام سعود.....اخباركم؟؟؟
سعود-..وش اخبارنا بعد؟؟؟الساعه ..3 بنام..وانتي ازعجتيني !!
ام سعود..بتأنيب-...سعود!!!!
صالح-..مانمنا ..مانمنا...اخوك ..رجنا ..بمرته من الحين!!!
ضحكت رانيا-.....هااه وافقت؟؟؟
سعود-....غصبن عليها ..!!
رانيا-..لآلآلآ......لازم تغير اسلوبك ....!!ولابنت ..بتجلس معك ...باسلوبك ذا؟؟حتى سمر !!
حرك ..سعود حواجبه- ..القط يحب خناقه!!!
ام سعود- ..هات اختك ....خلني اكلمها....
سعود-...طيب يمه ..لحظه...بس.....اخباركم؟؟؟واعلوم ..خالد....؟؟؟
رانيا- بخير ..الحمد الله ....واحشينا ...رمه...
سعود بضحك- اخبار ..سعود الصغير؟؟؟
مسكت ..رانيا ..بطنها المتكور ....
رانيا- ...ياحبي لوليدي ...او بنتي ....
سعود- تصرفين هااه ...شوفي ...ان جت بنت ..سمي سمر !!!وان ولد سعود...ولا احلى من كيذى اسامي ....ههه
رانيا-...رح بس...عطني امي ...
.................................................. .................................................. .........
بقصر الوليد ....
دخل ...الكل ...
نجلا-...بروح اشوف نصوري .....يله تصبحون على خير ...
سمر-...يله ...حتى انا بنام.....
رنا - ...بجي ..لاتسكرون ..المصعد!!
دخل ..الوليد...مع ام سلطان ..لانه ..كان يستناها ...تنزل من السياره .
تلفتت ...ام سلطان ..وماشافت احد...
ناظرت الوليد ...بحرج...
جت عينه بعينها ...
الوليد-...سمي ..يالغاليه...وش مكدرك؟؟
ابتسمت ..ام سلطان بقلق...-...والله ..ياوليدي ...ودي ...اتكلم معك...
الوليد..بانفراج ..اسارير..-....تكلمي ...قولي ..الي تبين...مب ..ولدك ..انا؟؟
ام سلطان ...ناظرته ..بحب ...
ام سلطان-...واكثر ..بعد..
قرب الوليد منها ....ومسك يدها ...
الوليد-...تعالي ..ارتاحي ..يالغاليه ....وقولي لي ..من مكدرك؟؟
ام سلطان...الي تبي تقوله ..مشغلها ..من زمان ...
وكل ماتجي تقوله ...ضروف الوليد ..تمنعها ...
بس ..من ...رجعت ..بسمته ...الي ..مابتدت ..الا بوجود..نجلا ...قررت..تفتح ..معه ...الموضوع...
ام سلطان-...الحين ..انت تعبان ..روح ..نام ..وبكره ..
قاطعها الوليد ...-..والله ...مااذوق النوم ...وانتي ..متضايقه...!!
ام سلطان-...طيب...انا بروح اصلي ركعتين قبل يأذن الفجر ...وانت ...غير ...وتعال...عندي ...
الوليد...قرب ..وباس راسها – ابشري ...ابغير ...واجيك ..على طول ...
طلعوا ..سوى ....واتجه ..هو ...لفناره ...الي ..له اشتاق ...
ويستنى ...
.............................
.....
بهذا ..البارت ....تلاقت ...ارواح ...هامت ...في سكون الوجود ...تبحث عن امان....
تهامست...
وتحاضنت....بعد ...فراق ...غلبه الالم ...
بعد جفاف ..انهكته ..حرارة الشمس...
بطلتي...
اعلنت ...انهزامها ..وانتصارها ...بنفس الوقت ...
بطلتي؟؟
حُطمت.......مملكتها ....
وأعتليت ..اسوارها ....
وأستبيحت ....محرماتها ...
ولم ..تسلَم..
الا ...
لجلادها ...
الذي ...
هو ..
بطلي..
وأأأهن...يابطلي ...
لكم ..عشقت بطلي ...وتهت..في ..اركان ..
عالمه..
لكم احترت...في ..شخصه ..العظيم ..الذي...
اجتاح ..خيلاتي ...
ابطالي؟؟
لا ادري ..ماذا ..تخبأ الايام ...
لهم ...
...
هل ..
انتهت ...جروحهم؟؟
او هل ..توارت ..عن الانظار ...مهدده..بالرجوع ...
او هل ,,يعود الفراق ..من جديد ..معلنا ..حظور الالم ؟؟
ترقبوني ..
قال...وعيونها.
التي ..عادت لكم ..
ومن اجلكم...
لانها ..بكم اصبحت ...وبكم ..ستنتهي ...
احبكم....
.................................................. ...........................................
سوف يكون الجزء القادم ...
بعد امتحانتكم...
احبكم

مرحبا بنات
اسفة اذا ما كنت ادخل واوصل لكم اخبار عن الرواية بس جد ما حبيت ادخل المنتدى بدون ما يكون معي شي ......
هذا البارت من احلى كاتبة لعيونكم حتى انا ما قريته جبته لكم على طول ....
مع السلامة ......

يا هلا فيج احلى الاوقات صراحة تفاجئت من العنوان وننتظرج بعد الامتحانات
عيونها نجلا دوم ان شاء اللة يكون اسمج موجود معانا ولا تنسينا مثل احنا ما نسيناج