خذني بمافيني

خذني بمافيني.. وأنا باخذك لو. جنتك نار
تعبت مليت السهر أنطر فجر ليل(ن) طويل
معاد فيني أنتظر ماني بقد الأنتظار
ياليت ولعل وعسا تشب بالقلب الفتيل
أعتقني تكفى من جحيم الشك بيديك القرار
أبغى يقين الحب يعني ماطلبتك مستحيل
لا قلت تكفى يابعد دنياي خذها بختصار
ماقلتها غير أن قلبي في وفا قلبك دخيل
حبيبي.. أناماقبل القسمه على أكثر من مسار
ولا أرضا أحد يشرب معي من نهرك العذب الجميل
أنا.. من الغيره أموت وياليتي أقدر ماأغار
الغيره تنهش داخل أعماقي في هالقلب العليل
فديت روحك لمني وأجيك كلي أعتذار
عن كل حرف(ن) به عتب وصلك ودموعي تسيل
خذني على قد العشم بالصدق قبل الأنهيار
( لمي ) في ذمة حضرتك عن صمت يغتال الدليل