خضبت بجيد الحناء راسي التجمع الرسمي لمستخدمات الحناء البنات السنعات

السلام عليكم ورحمة الله وبركاته
يالله ان تصبحهم وتمسيهم بالخير والرضاا
وشحالكن ياحبيباتي
عفواا(( الموضوع خاص بمن تستخدم الحنااء فقط )) <<واللي ماتستخدم نقولها انزلعي لا
حياكم الله جميعا
حبايب قلبي
هالموضوع راح يكون تجمع لكل مستخدمات الحناء
ونداء للعوده الى الطبيعه <<متعوب عليها هالكلمه
والبعد عن هالاصباغ التي احرقت روسكم
ونتفت شعوركم
نبا نرجع مثل حريم منول
لاتقولون وع
ومايستخدمه الا العجيزات
لاحبايبي
لو تعرفون فوايده للشعر ماقلتو هالحكي
شوفو شعورهم اول كيف
كل وحده عندها جده تسألها وش يحطن على شعورهن وتعرفن
وشوفي شعر جدتك وتعرفين <<عاد موب كل الجدات بس الاغلب
اللحين صايره شعور البنات كأنها خيووط مجمعه مو الكل الاغلب
واذا سألتيها
لقيتي التغذيه غلط
والتعامل مع الشعر غلط ترا الشعر اذا عاملتيه بالزين يطلع زين واذا عاملتيه بالشين يطلع شين <<وش رايكم فيني وانا اقط امثال
على بالي
وتلاقينها لاعبه فيه بالصبغات كل شهر لون ومحترق من كثر ماهو يتصبغ ومن كثر هالاستشوار
المووهيم خلونا من هالحكي
نبداء بالجد <<الجد ولا الجده
انا استخدمت الصبغه مره وحده وتندمت وهالشي من زمان بس تركتها ورجعت للحنا حبيب قلبي
طيب شالسبب اللي خلاني ارجع
انو شعراتي صارت تتساقط بعد الصبغه
وخشنت شعري
قلت خلالاص يابنت مابدهاش
واترك الصبغه وارجع للحنا
وانا اعشق اللون البني المحمر وهو لون شعري اللحين واللي تبي طريقته تحصله بهالرابط
http://alfrasha.maktoob.com/alfrasha11/thread820556/
انا بساعدكم يابنات
من خبرتي وتجاربي
بعاونكم
تبين تستخدمين الحنا وتستفيدين منها قولي لي شني مشكلة شعرك يعني تساقط خشونه اي مشكله او تبين تلونينه بالحنا <<صوره موب شعر خ
انا بساعدك باللون اللي تبينه
انتي حددي لي اللون اللي تبينه وانا بقولك الخلطه اللي تناسبه
وحددي لي مشكلة شعرك وبخبرك بالطريقه اللي تعدله لك بأذن الله
اترككم الحين مع تقرير متكامل عن الحنا :
تعريف الحناء ومعلومات
الحناء أو الحنة شجرة معمرة متساقطة الاوراق، من موسم لآخر قد يصل علوها أحيانآ إلى زهاء سبعة أمتار ، موطنها الأصلي مصر القديمة وبلاد فارس .
الحناء من النباتات التى كثر استعمالها عند قدماء المصريين ، ويوجد منها اصناف كثيرة مثل البلدى ، الشامي ، البغدادي ، الشائكة ..
و الحناء البلدي هى أغنى الانواع بالمواد الملونة .
وتحتوى الحناء على المادة القابضة المعروفة باسم " الثانين "
اوراق النبات تشبه في شكلها أوراق الزيتون لكنها اكثر منها طولا إذ يبلغ طولها من 2 – 3 سم وعرضها 1 – 2 سم و لونها اخضر مع بنى
تتميز الأوراق باحتوائها على نسب عالية من المواد الملونة ومواد تينينيه ولوزون ومواد صمغية ، و تجمع هذه الأوراق ثم تجفف وتطحن وتباع كمسحوق بالصورة التى نعرفها .
وروي أن الحنة شجرة من الجنة ، وإن أول من تحنّت بها هي السيدة " هاجر " زوجة سيدنا ابراهيم وأم اسماعيل عليهما السلام ، فعندما كانت تجمع الحصى ، حتى لا يتسرب الماء الذي نبع لإسماعيل ، أخذت يدها تتشقق ، وعندما دبت الحياة في مكان معيشتها مع ابنها إسماعيل جاء أناس من العرب ودلوها على وجود شجرى الحناء وحملوا لها منها وريقات طحنتها وخضبت بها يدها ، فشفيت والتأمت جروحها .
ترتبط الحناء عند المسلمين بجانب من الفكر الديني ، فإستعمالها سنّة ، وإن النبي محمد صلى الله عليه وسلم قد شجّع على استعمال الحناء للزينة والعلاج ، ومن أحاديث الرسول صلى الله عليه وسلم ما شكا إليه أحد وجعآ في رأسه إلا قال له " احتجم " وما شكا إليه أحج وجعآ في رجليه إلا قال له " اختضب بالحناء " ، وكان إذا صدع غلق رأسه بالحناء وهو يقول : " إنه نافع بإذن الله من الصداع " ( رواه ابن ماجه في سننه ) .
وذكر ابن القين في فوائد الحناء : " ومن منافع الحناء أنه محلل نافع من حرق الناء وفيه قوة موافقة للعصب إذا ضمد به ، وينفع إذا مضغ من قروح الفم " .
يقول ابن سينا في القانون في الطب " إنه نبات ينفع لأوجاع العصب ، ويدخل في مراهم الفالج والتمدد ، ودهنه يلين الأعصاب وينفع من كسر العظام، يطلى على الجبهة مع الخل للصداع ، وفي قروح الفم ، موافق لأوجاع الرحم " ‏.
للحناء عديد من الفوائد :

• الرأس والشعر :

أ‌- تخفف حرارة الرأس ، وتنقي فورة الشعر من الميكروبات والطفيليات ، ومن الافرازات الزائدة من الدهون
ب‌- تفيد في علاج القشرة والتهابات فروة الرأس
ت‌- تقلل من افراز العرق
ث‌- تغذي الشعر وتكسبه حيوية وقوة
ج‌- تعتبر أفضل وسيلة لصبغ الشعر لاحتوائها على مادة لونية طبيعية تخترق الشعرة وتصبغها تمامآ دون أن تلحق أي أضرار جانبية .
وزياده على كيذاا
تمنع تساقط الشعر <<وعن تجربه
تعطي الشعر لون حلوو وطبيعي
تطول الشعر
تغذي الشعر
وتمنع تقصف الشعر
وانا ماقلت لكم هالاشياء الا عن تجربه
اتمنى يعجبكم موضوعي وتستفيدون منه
وانا بنتظار البنات اللي يبون يستخدمون الحنا وبساعدهم باللي يبونه