خلطة السدر للشعر التالف

السلام عليكم ورحمة الله وبركاته
شلونكم بنوتات ؟؟
عساكم بخير ؟؟
يبت لكم خلطة مجربة من قبل وحدة وحبيت انقلها لكم
وان شاء الله تلاقون منها نتيجة طيبة
تفزلوا
.
.
.
أخواتي العزيزات ..
بعد ماصبغت شعري تغير شعري وصار باهت ومتقصف والتساقط زاد عن حده
ونفستي صارت سيئة بالمرة بسبب شعري المتدهور ..
نصحتني وحده بالسدر ..
غسلت شعري بالسدر بس كان صعب علي
وحسيت أنه حوسه ولخبطة بالحمام تصير ..
فنصحتني وحده ثانية بهالخلطة ..
سدر مطحون + زبادي + بيضة كاملة ..
أخلطهم وأعجنهم مع بعض حتى يصيرون مثل كثافة الحنة لما نعجنها للشعر ..
استخدمت الخلطة وصرت كل جمعة أو خميس أعجن السدر والزبادي والبيض
وأخليهم على شعري من ساعتين إلى ثلاث ساعات وبعدين أغسل شعري بالماء
فقط .. وبعد ماينشف شوي أدهنه بزيت الصبار فقط وألف عليه فوطة دافيه
( يعني أسوي حمام زيت )
شعري تغير .. وبدأت ترجع حيويته ومن عند الجبهه بدأ ينبت شعر صغير .. والتساقط خف كثير لكن ما وقف لأني مازلت في البداية وأنا سمعت أنه نتيجة السدر على الشعر تبين بعد شهرين أو ثلاث بشرط لاستمرار بشكل أسبوعي ..
جربوا هالخلطة وصدقوني مارح تندمون أبداً بس الله الله بالسدر الزين ..