خلطه العرايس للجسم

مرحبآ عرايس وغيرالعرايس
عندي لكم خلطه تهوس هذي تنفع للعروس تحطها على جسمها بعد ماتعمل الشور والميك أب والتسريحه وقبل ماتلبس الفستان وتستعمل لغيرالعرايس في المناسبات
يمكن أغلب الكوافيرات يضربون لك سعر عالي على ميك آب الجسم بليلة الزواج ..
عندي لك هالخلطه ومن كوافيرا لبنانيه سوت ميك أب لأختي في يوم زواجها
طبعآ لما جت تعمل البروفه لزقت بجنب شنطتها وهات يا أسئله وأستفسارات
علمتني بكل أسرار شغلهم > سرحت معاي بالسوالف دون ماتشعر
سألتها عن خلطة الجسم اللي يحطونها العرايس وقالت لي عنها وفعلآ بيوم زواج أختي كلنا حطيناها على أجسامنا حتى العروسه
وآآآآآآآآآو يابنات قسم بالله تعطي منظر للجسم طبيعي ونظيف ماكأنك حاطه شي على جسمك .. ولون وجهك مع الميك آب يتوحد مع الجسم ويصير قريب له مره
ألحين جيبي لك علبه فاضيه نفس علبة الكريم المرطب الدائري ..
وحطي بجنب ذولآ : -
(كريم أولاي)
(بودرة الوجه سمايلنق) > درجه زهري من داخل بس ما ادري كم رقمها بالضبط
(لمعه أو أضاءة شارمل للجسم) > أو أي ماركه ثانيه تكون أضائتها حلوه
(كريم ديرما كول)
أو
(كريم أساس ماكس فاكتور ) > اللي يتوفر عندك
وبعدين .. حطي ملعقة من أولاي بالعلبه وجيبي بودره سمايلنق وكسريها لما تصير فتافيت صغيره
حطيها بالعلبه "مو كلها لو نصها أقل شي" .. وحطي ملعقه أو أكثر بشويآت من لمعة شارمل وبعدها أعصري شوي من الكريم الأساس .. وحوسيها بملعقه لما تختلط كلها وتصير كأنها كريم واحد بس > وصف بليغ
وحطيها بالثلاجه ولما يجي يوم الزواج أو أي مناسبه لك ..
جيبي كريم مرطب وحطيها على أيدينك من وألى ولا تخلينه ينشف بقووه لأ أنتظري .. أول ماتحطين المرطب طوالي خذي من الخلطه ومشيها على يدك مع المرطب لما تجف ..
عقب شوفي النتيجه
أتمنى أكون أفدتكم ..
لعيون الفراشات منقول