خلطه من مكوناتها تستعمليها او ماتستعمليها

وشلونكم بنات وستات وصبايا
ياخواتي انا انفجعت فجعة ما حد انفجعها قبلي وبسم الله على قلوبكم من الانفجاع
كنت عند حواج عندنا بالدوحه ابي خلطة الكركم الله لا يرده
وانا جالسه انتظر ال طلب يكمل جاء سايق بورقه وعطاها الحواج وعطاه الموبايل يحكي مع المدام
ومن لقافتي وحب الاستطلاع خزيت بالورقه وعن قرب الله يسامحني لان الورقه شكلها يغري بالقراءه
الاخت مفصله كل شئ بالغرام
كلها حبوب ومكونات وسدر ولاس ومافي الورقه خز ابره الا فيها صوره وكتابه وهي بيد الحواج وانا مهتمه بالورقه وهو يكلمها ويقول بعد بكره كلمي يمكن فيه ويمكن مافيه
انا هنا قلت الموضوع اكيد مفيد وللشعر مبين لكن طاحت عيني على شئ لاول مره بحياتي اعرف انه يحط على الراس ولله الحمد على النعم
صح اننا ماخلينا شئ من مرميه او كركم او طحينيه مالطخنا بها وجيهنا وشعورنا لكن ماقد بعمري عرفت ان
مخلفات الحمام تحط على الشعر ( الحمام قصدي طير الحمام ) وهو مايعرف بزبل الحمام !!!!
الاخت تبي كم كيلو سماد حمام بحطه مع الخلطه
ياخواتي بذمتكم مرت عليكم السالفه من قبل وايش تعرفون عنها ؟
واذا انتي تاكدي فعلا ان له فايده بضعينه على شعرك ؟
عني لا ولله الحمد
ريميه