خلي الخطوبه كلها حركات تعالو يامملكات مع سحر العتيبي

1. واغلب المشاكل بسبب الغيره الزايده


2. ولاتنتظرين منه مقابل


3. حرام كسر الخواطر^لايكثر خ

بعدد نجوم الكون ارحب بكم
فاهلا وسهلا بكل الحلوات الي شرفوني
الموضوع من صنع يديني ومجهودي
كتبته قبل شهور
بااحد المنتديات
وانتشر بشكل ملاحظ
ونص عباراته انتشرت كثير
ولاحظ ت اعجاب كبير
من البنات
بخصوص هالموضوع
بس مشكلتي
ان اغلب الي نشروه
انسبوه لهم
بدون
ذكر المصدر واسمي
والله يسامحهم
طبعا
ال موضو ع انكتب
بسمي انا سحر( بنت العتيبي )
البنات الي يعرفون
هالموضوع
يعرفون مصدره
والموضوع من جد توحفه
الله لايضرني
صح مريت بفتره تعبت
حيل وكرهت هالمواضيع
بس يوم اتصفح و اشوف ه انتشر
انا اولى بنشره
والي بتنشره الله لايسامحها بدون ذكر المصدر
ونك مالي
قبل لابدا الموضوع
ابيكم تذكرون الله
العين حق
قال تعالى (( انك لاتهدي من احببت ولكن الله يهدي من يشاء ))
من بعد الله انتي تقدرين تخلينه يتعلق فيك يهلوس يحبك باسلوبك بطريقة تعاملك بتصرفك راح اتكلم عن كل شي بالتفصيل
اولا
التمسي حسن علاقته مع الله شوفيه يصلي الصلاه بوقتها يقول الاذكار يقرا القران^^
ساعديه ع الذكر نبهيه باوقات الصلاه فضل القران يوم الجمعه
قدمي له نصيحه دينيه حلوه
كيف تكسبين خطيبك وزوجك بفترة الخطيه و الملكه00 0
لو طبقتي وتمسكتي بكلامي ان شالله ماتشوفين الا كل خير
انا ابيكم تنبسطون بهالفتره وتتركونها ذكرى بحياتكم وابيكم تستفيدون من كل حرف قلته
=مافيه حياه خاليه من المشاكل والعثرات اكيد بتواجهين مشكله او تناقض في الاراء
والي عليك بهالفتره انك تتفقين معه وتتواعدون ع التفاهم والصراحه وماتخبون عن بعض شي واي شي يضايق احدكم تصارح الثاني فيه
وفي اثناء حصول مشكله او اي شي ناخذ الامور بتفاهم ونحاول مانعصب ومانتنرفز بسرعه
(انتي اتفقي معه ع هالشي)
واذا بغيتي تسئلينه عن شي وتبينه يصارحك قولي له ابي اقولك شي ومثل ماتفقنا بينا الصراحه وقولي هالشي
عشان يتذكر الاتفاق ويفي معك بكلامه
=ايام خطوبتي صديقتي كانت تقول لي عاملي الرجال مثل الطفل تكسبينه وبالفعل طلع كلامها بمحله
دلعيه واهتمي فيه خليه طفلك المدلل الي ماتحبين تزعلينه وتضايقينه
شوفي الطفل كيف يتعامل وعامليه مثله
=عامليه كرجل باحترامك واخلاقياتك معه وتعاملك معه عززي من رجولته دايم امدحيه وقولي انك فخوره فيه او كلي فخر فيك
امدحي شخصيته واسلوبه وهيبته ^يموتون ع المدح
اياك والكذب عليه تحلي بكل الصفات الزينه
اكسبيه من تعاملك له وصفاتك
خليك طيوبه احترميه واحترمي رايه خليك نعومه باسلوبك وصوتك وكلامك^يحبون النعومات
واياك والعربجه والخشونه في كلامك
غرقيه بالعسل بكلامك واسلوبك
خلي كلامك حلو تعاملي معه بالرومنسيه في اسلوبك وتصرفاتك
=اياك والغيره الزايده لانها سلاح قاتل
مو تقولين له لاتروح لبيت خالك عنده بنات وانا اغار عليك اخاف يشوفونك ويخطفونك مني او تشوفهم وتنساني ومن هالكلام
لا مانصحك البعض يقول كذا تقول بابين له غيرتي وهذا مو غيره هذا شي موذي ويوذيه
وبكذا لو قلتي له بيصير يطلع او يروح لمكان بدون مايقولك بيقول الحين بتقعد تحرض
او لاتروح لسوق فيه بنات ومن هالسوالف لا مانصحك
اوكيه تغارين عليه بس مو بنفس الطريقه الي ذكرتهم خلي غيرتك بحدود قولي انا اغار عليك ع شي يستاهل مو توصل لدرجه انك تمنعين مثل من شي بسبب غيرتك

واغلب المشاكل بسبب الغيره الزايده

واذا قالج انا اتابع برنامج معين او مسلسل وفيه مذيعه او ممثله حلوه قومتي الدنيا ليش تطالعها اكيد انا موعاجبتك انا اغار ع عيونك مابيها تشوف غيري لدرجه انها تزعل بسبب مسلسل اوبرنامج يتابعه وهذا كثير بالواقع
^خليه يتابع هي وين وهو وين ماراح يوصلها امسكي ارضك واهدي
=ابتعدي عن الشك والظن
لاتقولين له انا شاكه بتصرفاتك او احساسي يقول كذا ان فيك شي ومن هالكلام
واكيد بيزعل ومن حقه لانه مجردظن او شك مايثبت عليه
خليك دايم متفائله واقطعي الشك بالظن الحسن
ارسمي له صوره حلوه بعيونك وعامليه ع اساس الصوره
انا راسمه لخطيبي صوره حلوه ولو انه فيها العكس بس معاملته احسن معامله
جربي ترسمين له صوره بعيونك حلوه انه حنون معك وطيب وخلوق ورومنسي وكل شي فيه حلو يعني مواصفات فارس احلامك ارسميها فيه
عامليه بكل طيب عامليه باحترام عامليه برومنسيه عامليه بحنيه باختصار لاتبخلين علي بشي في معاملتك

ولاتنتظرين منه مقابل

انا اعامل زوجي ومانتظره منه مقابل بمعاملته هو صح مو مقصر معي الله لايحرمني منه بس احيان افقد اشياء فيه بسبب ظروف العمل وضغط الشغل ولا اسئله وين هالاشياء مااحسسه بالتقصير معي ولو قال انه مقصر معي اتظاهر بالنكران واقول لا ماشفت منك الاكل خير انت مغرقني بالعسل معطيني اكبر من حجمي ومقدره ظروفك
مو اروح اعاتبه واقول ليش ماتقولي هالشي ولاوش صار عليك متغير علي وانا ادري بظروفه
اكيد بيقول انتي ادرى بظروفي ليش ماتقدرين
وفيه شي البعض من البنات تزعل بسبب زواجها تقول له ليش ماتحدد الزواج او راح احرمك من التواصل معي لين تحدد زواجك
^الحمدالله والشكر وش بيقول عنك^فيه بنات نازعات الحياء
ولا تقوله ذبحني الشوق متى زواجنا او ماعندك نيه بالزواج مليت ابي اجي عندك
هذا شي بيد الله ثم بيده متى محدده حدده انتي مالك راي ولاسلطه بهالشي
وش ذنبه يمكن ظروفه ماتسمح وتقعدين تحنين عليه يروح ياخذ مهرك قرض او دين ويجلس نص عمره يسدد بهالمهر
وهذا اذا مكرهك وقعد يدعي عليك
واذا جاب سيرة الزواج وقال بحدده بتاريخ كذا انتي قولي له الله يكتب الي فيه خيره
هذا شي انت ادرى فيه مني تصرف مثل ماتحب وتاكد الي بتسويه بيرضيني
او اخذ راحتك ماكلف عليك ولااجبرك بشي
= لاترفضين له طلب واغلب المشاكل بسبب رفض الطلبات يقول ماتلبي طلباتي وانا متاكده انك اذا طلبتيه مايقصر معك
تبون نصيحتي
كل طلبات يامرك فيها قولي تفضل امر تدلل عيوني لك انت مو تطلب انت تامر يعني نفذي كل طلباته الابشي يغضب ربك
مثل بعض الطلبات البوسه والضمات في فترة الخطبه يمكن اتفق معك ماله حق يطلب هالشي لانك مجرد خطيبه وهالفتره مخيره بين الفشل والنجاح ماتضمنينه فيها
لاكن فترة الملكه وش يمنعك زوجك حلالك ومن حقه عشان يكسر الخجل والرهبه الي عنده وهذي ابسط حقوقه وتمنعينه
انا لو بمكانك ماراح امنعه

حرام كسر الخواطر^لايكثر خ

والله جد تكسرين خاطره ويحز بنفسه وياخذ عنك فكره ويقول شكلها معقده ومدري وش ومن هالكلام
(والي يقول راعية الضمات والبوسات والكلام الحلو صاحبة معاكسات وشباب هذا كلام مجرد من الصحه ومن جد يكسر خاطري الي يقول هالشي ع اي اساس يقوله اذا البنت طبيعتها كذا متعوده ع الكلام الحلو والمسلسلات والافلام الرومنسيه ومتاثره فيها وبنت ناس ومتربيه يقال عنها كذا
كلن يناظر الناس بعين طبعه لاتهتمن بهالمقوله طنشن ماعليكن لاتصيرن حساسات بكل مايقال)
ونامتاكده لو انه بالفعل رجل ويملك موهلات العقل ماقال هالشي لاكن تحصلينه ساذج ومراهق وماياخذ بقوله خليك اكبر من كذا)
=جوالك مافيه رصيد فاتورتك ماسددت محتاجه مصاريف لاتاخذين منه شي بتقولين من حقي اطلب ومن حقك تكبرين بعينه
لاتاخذين منه شي مدام انتي بيت ابوك
واذا قال بعطيك ارفضي قولي مابي اكلف ع الغالي مو محتاجه شي لاتكلف ع روحك
خليه ياخذ عنك فكره حلوه انك موراعية مشتريات وفلوس وطلبات
حتى لوكنتي راعية هالشي
واياك تقولين له اخوي ياخذ من مصاريفي ولا اختي قاطه معي بالمصروف^بيروح فكره بعيد وبيقول شكلهم اذا تزوجت بيشاركونها بالمصروف
اياك تسئلينه كم راتبك وين تودي راتبك اناوربي عمري ماسئلته ع ان منصبه حلو بس مابيه يقول راعية فلوس وتهمها الفلوس
اسئلي اخوانك عمانك خواتك بس تكفين لاتسئلينه
انيحيه قولي حبيبي عشان الله يبارك لك براتبك تصدق منه لو بشي قليل
واذا قال لك راتبي 9000 قولي الله يزيدك ويكثر خيرك مو تقولين واو الله وناسه لا تبينين انك مبسوطه لو راتبه مليون سوي نفسك ماتهمك الفلوس
=اذا قال لج راي او يبي يناقشك في شي تفاعلي معه لاتصيرين بارده ويصير يكره النقاش معك او ياخذ رايك بشي
مو تقولين صح حلو طيب سوى هالشي
لا
قولي صح منطوقك ونعم الراي لاتسوي كذا ماشوفه صح سوى كذا وكذا ناقشيه بالعقل
ونا اشوف هالشي حلو توكل ع ربك وسوه باختصار خلي عندك لغة النقاش خلي يحب ياخذ رايك من نقاشك وكلامك له
=اياك تمدحين رجال اوفنان اوممثل قدامه^هالشي بيكون عالق بذهنه وكل مشاف هالانسان راح يتذكرك
صديقتي كانت تمدح ثامر حسني عند خطيبها هي ع نياتها تقصد اغانيه تقول تفاجات مره يقولي اذا تزوجنا مافيه تلفزيون ابي احرمك من ثامر تقول انصدمت انا ناسيه ومدريت هالشي كبير عنده قلت له انت تغار منه وقال لا انا ماغاار من هالاشكال بس ماحب تفضلين اي رجال بحياتك وعصب علي وحلفت ماعاد اجيب سيرتهم
وانا مره كنت امدح زوج خالتي قدام زوجي انا امدح معاملته لها واخلاقه معها وبعد فتره انسجن وقال هذا الانسان الي يعجبك شوفي مكانه الحين وين يستاهل وقعد يسب فيه ع ان الرجال ماسوى له شي
قلت وش فيك عليه قال مدري كرهته من يوم مدحتيه واذا سمعتك تمدحين اي احد راح ازعل
انا استانست قلت يغار ويوم قلت له عساني منحرم من غيرتك قعد يضحك قال هذي مو غيره غيرتي اكبر من كذا
=اذا شفتي فيه شي يضايقك في اخلاقه اوو اسلوبه صارحيه لاتسكتين لاتقولين بيزعل
تفاهمي معه باسلوب حلو وانك ماتزعل من الي بقوله وانا ماقلته الا من غلاتك وابي احافظ عليك وقولي هالشي
=اياك تسمعين كلام الناس فيه دامك تكلمينه واثقه فيه ليش تكدرين عليه وتقول انا سمعت مثل انك مغازلجي وانتي ماعندك دليل بس سمعتي هالشي وسرعه قلتي له وزعلتي
واذا كلمك انازعلانه سمعت عنك مغازلجي ومدري وش واذا قالج من قال قلتي سمعت او قلتي فلانه وبيقول فلانه من قالها
انتي شفتي هالشي اثبتيه علي بس تصدقين كل شي يقالج وبيعطيك محاضره
يعني لاتزعلينه بسبب كلام سمعتيه وتضايقتي عشان فلانه قالت لج خطيبك مثل داشر راعي بنات زعلتي وهو طيب معك ومومقصر معك
انا بقولج شي انا قبل كنت اسمع ان زوجي يشرب دخان وماصدقت ولاقلت له
وبعدفتره شفته واقف عند سيارته ويدخن هالحين معي حق لاني شفته وقلت له ونصحته
بالعكس مازعل لاني قلت له بطريقه لبقه وتفاهمت معه
واحرجته
لاتخلين كلام الناس يخرب علاقتكم
لاتسمحين لاي احد مهما كان بتدخل
انا عن نفسي ماسمح لاي احد اناراسمه حياتي بخطي ولااسمح بوجود خطوط ثانيه بحياتي غير زوجي فقط
الناس مارح تعيش معي انا وهو الي راح نعيش مع بعض وش حقه نلتفت لناس ونضيع اشياء علينا
ماورى الناس وكلامهم الا الضياع
=الكلمه الحلوه والينه تكسر كل شي اذا عصب وهديتيه بكم كلمه حلوه هدى اذا زعل ورضيتيه بكم كلمه حلوه رضى
واذا تغزلتي فيه وقلتي لها كلام حلو استانس
يعني احرصي ع الكلمه الحلوه خليها شي اساسي بكلامك
=لاتصيرين حساسه وزعوله لاقال شي بسرعه زعلتي ولاتحسستي من كلامه وش يقصد ليش يقول كذا
لاخليك قويه وخليه يشوف فيك العزه والقوه ومايقول عنك زعوله الله يصبرني ويصير مايقولك شي
واذاقال شي وهو مايستاهل مو تروحين وتزعلين
لا عادي قولي مازعلت وانت قلت شي يزعل انا مازعل من الغالي
واذا زعلتو انتي صيري احسن منه وبادري يعني بنفس اليوم راضيه يعني بعد 3او2 ساعه دقي عليه وراضيه
لاتقولين لا هو زعلني له حق يراضيني انا معك
اتصلي وقولي انا مارضى تزعل او تتضايق بسببي
لومانت غالي ماهمني رضاك وزعلك انت كريم برضاك وانا استاهل
وهو اكيد بيعاتبك اياك تعصبين بالعكس اخذي الامور بساطه ولاتزعلين ولاتنرفزين هدي وناقشيه بهدوء
لانك لو زعلتي وتنرفزتي وهو زعلان ومتنرفز ماراح تحلون شي لازم واحد احسن من الثاني عشان يمتص زعله وعصبيته
واذاقالج انتي زعلانه قولي كنت زعلانه بس لما سمعت صوتك نسيت اني زعلانه وهو احد يزعل منك
انا الزعل معك حاذفته من حياتي
(قلدني اذا تزاعلنا انا اجلس بعد 3ساعات او اقل وادق عليه عودته ع هالشي ترى الرجال اذا عودتيه ع شي تعود عليه
وهو صار يقلدني لاني عودته ع هالشي
حتى لو اني زعلانه ومتضايقه اتظاهر له بغير كذا اتاسف لو ان الخطا منه واعتذر وارجع المياه لمجاريها
والله يابنات احيان يقهرني واقعد ابكي من تصرفه وينخفض عندي الضغط ومع هذا مابين واذا قال انتي زعلانه
اقول لا ياحياتي انا ماعرف ازعل من الغالي ومن هالكلام ^ومن داخل ميته من الزعل
واحول امسك مشاعري واسلوبي عشان مايبين علي واذا كلمتيه انسي كل شي من بعد مكالماته مو تروحين تكملين زعل لا روحي استانسي فضفضي
(ترى هالطريقه بالزعل حلوه وترجع كل الامور)
=هو اختارك نصفه الثاني انتي كملي النصف بهالفتره بتعاملك وكوني معه بقلبه وبحياته خليه يحب المستقبل من تعاملك واذا جيتي عنده لاتقصرين معه بكل شي
اجعليه اولى من اهتمامتك اهتمي فيه مثل الام بطفلها الوحيد
=اذا قالج شي او سر مو تروحين تقولين لاخواتك واو عماتك او صديقاتك
وتقولين مايدري اني قلته ماتدرين الله قادر ع كل شي يمكن احد يسمعك او اختك قالته بالنسيان ولو وصله الخبر راح يزعل
ومايثق فيك
انتبهي تسربين اي شي من اسراره او اخباره خليه ياخذ عنك فكره كاتمة اسراره
=الدنيا فيها مغريات وفتن كوني له مغريه وفتنه واحفظيه من الحرام
لاتفهموني غلط
انا اقصد مثل بالمكالمات اغريه وافتنيه بكلامك واسلوبك وعطفك وحنانك^مويروح يدور عند غيرك المكالمات ويعاكس ويقع بالحرام
وفي الزيارات طلب منك قبله او ضمه اغريه بضمتك وقبلتك لاتخلينه يبحث عنه عند غيرك
=كوني جميله بشكلك واخلاقك وتعاملك واغني نظره عن الالتفات او الاستماع لغيرك
وكوني له مطيعه ولبي نداه ولكلامه مستمعه
واياك تقاطعين سوالفه اذا سولف قاطعتيه بشي
يمكن تقولين بنص السالفه عباره حلوه مثل
ياحلوك ياحياتي انت يافديتك
او اسكتي لين يخلص وقولي ماعندك
=لاتخلينه يحس بالملل بمكالماتك او زيارتك فضفضي له وسولفي واضحكي معه
ماعندك سوليف ماتعرفين تسوليفين لا هذي مو مشكله هذا تعقيد للامور
كلنا نعرف نسولف بس المشكله فينا
شوفي العالم كيف تسولف وسوليفي مثلها تكلمي عن كل شي عن اهلك وحياتك انبسطي خليك قويه وطلعي سوالف
= اذا شفتيه متضايق او متكدر بسبب ظرف عنده مو تروحين تضايقين عشان ضيقه بكذا بتبقى المكالمه او الزياره ممله وكلها ضيق في ضيق
لاهو اتصل فيك او جاء لعندك امتصي ضيقه سولفي عليه طمنيه ابعدي الضيق عنه ونسيه ضحكيه
نسيه ضيقه بسوالفك ودلعك وتغنجك
=ارسلتي له مسجات ومارد لاتسئلينه وتعاتبينه هذا شي راجع له
اناوربي ارسل مسجات وارسل وسائط اعبرفيها عن مشاعري وحبي ومايكلف ع نفسه ولايرد
صح اتضايق بس احط لها الف سبب
او احيان يااخذ في اجر اذا اتصل قال اشكرك ع مسجك استانس كنه راد علي ياسبدي عني
ولااناقشه ليش مارديت علي وين كنت
مابي احرجه
ومثل ماقلت لاتنتظري منه مقابل احسني له بمعاملتك خليه يتعلم منك
=لاتمدحين صديقاتك قدامه او اي انسانه الشيطان شاطر ويمكن يتخيل شكل صديقتك او هالانسانه ويحبها او يخونك معها لاتقولين مستحيل هالزمن مافيه مستحيل
تذكري قول الرسول صلى الله عليه وسلم(لاتباشر المراه المراه فتصفها لزوجها كانه ينظر اليها)
= اذا كان معصب ومتنرفز هدي من غضبه واطفي نار الغضب بكلامك لاتردي عليه بالمثل ولاتزعلين
=لاتذكرينه بعيوب صدرت منه او كلمه زلت منه قفلي ع كل شي وانسي
=لاتجرحينه بي شي ولاتقارنينه بي احد ولا انت ليش ماتسوي مثل فلان او ياليتك تطلع مثل فلان
=خليه يلمس فيك اشياء تجذبه للمستقبل ويعجل بالزواج خ
مثل قولي شفت الكلام الي اقوله هذا شي بسيط الكلام الي مخبيته اكبر من كذا خليه يتفاجى وينتظر ذاك اليوم
او لاشاف شكلك قولي حياتي شفت هالجمال الي تشوفه مجرد جمال اذا جيت عندك اكيد بتغير وبطلع احلى واحلى مخبيه لك جمال ماشفته هذا جمال الزيارات
خليه يتعلق ويعرف ان عندك جمال
=لاتنسين دائم تذكرينه بالله وباوقات الصلاه وارسلي له مسجات دينيه تاخذين اجر وتحسنين فيه
ارسلي عن اي شي عن الصلاه والموت والذكر ودعاء
بالعكس شي ايجابي فيك
وراح تثابين عليه
دايم ارسلي وتواصلي معه بالمسجات
خليه يحس بوجودك بكل مكان
مثل هو بالدوام
ارسلي ياعيني ع الحلوين الي من الصبح مداومين الله يحفظك
او مسج صباحي
او اكتبي بوسايط تغزلي فيه ومدحي وارسليه له حتى لو مارد ماعليك الي عليك وسويه
=الدلع الدلع حطيه بعيونك دلعيه بتصرفاتك وكلامك قولي له كلمات دلع
دلعيه باسلوبك
وغيري من لهجتك مره تكلمي معه بالمصري مره تكلمي معه بالكويتي مره تكلمي معه بالسوداني او بالانقلش
لو كلام بسيط اهم شي تنوعين
الم وضوع طو وو ويل لساتي ما خل صت