خوات الزوج والاغراء

حبيبتي في ناس عندهم داالشي عادي يعني قريبهم لومااتحشمت قدامه ماتفرق عندها انااهل زوجي من داالنوع تخيلي مره أخته استقبلتنا بقميص نوم شفاف وجلست معانا بس أيش نسوي اول كنت أغار لكن دحين ماعادتفرق عندي ً

وعليكم السلام ورحمة الله وبركاته
آعتقد هذا الشيء عادي عندهم ومتعودين عليهم آهلهم
عشان كذا آخذين راحتهم على الاخر .
لو من البدايه في آحد يوجههم انو هالشيء مايصير . كان ماشوفتيهم كذا
صعب تربي اولادك في بيئه زي كذا !!!
وين الحشمه .؟؟
لو مره مرتين الواحد يمشيها .. بس كل مره كذا
صعب جدا ومقزز .
تقدري تفتحي الموضوع مع زوجك .. ويكلمهم هو بطريقته .
إذا له قيمه عندهم ويحترموه .
لان في جيل مايسمع لا من الوالدين ولا من الاخوان
اللي في راسها ف راسها .
الله يهدي الجميع ويكون بعونك .

كيف عادي ؟؟؟ طيب لو صغار مافيه مشكلة لكن كلهن بالكلية واخواتهم الاكبر متزوجات وسبحان الله بس تزوجن صرن محتشمات يمكن الزوج له دور بهذا الشي ... والله اخوهن كلمهن بس اذن من طين واذن من عجين ... حتى الغطوة يقعد طول المشوار تغطي تغطي .... تتغطى دقيقة وتشيل .. خلاص صار مايتكلم ...

احب اقولك اختى خليك بنفسك وماليك شغل بأخواته وطريقة كلامه م ولبسهم
تاني شيء انت فتحتي عيون زوجك على امور هو شايفها عادية في اخواته ومالك اي حق تدخل في طريقة لبس وكلام اخواته
تالت شيء عنوان موضوعك بعيد تماما عن صلب موضوع لأن زوجك له نظرة ليك انت كأمراءة ليك مغريات له بخلاف نظرته هو لأخواتك فلا تربط بين الشرق والغرب
وشكرا

ليش مالي شغل ... بسالك سوال.. هل في نظر الشرع جائز اللي يسوينه .. وايش هي عورة المرأه مو كلها عورة ... وهل يسوينه منكر او لا.. وهل يجب ان اسكت عن المنكر والا انهى عنه ....
وثاني شي انا عمري ماكلمت زوجي على لبسهم .. بالعكس هو مره شكالي انه ينصحهم ومافي فايدة وابدا مو شايفها عادية ... كيف عادية وهي لبسها وشكلها انا احيانا نفسي اغض بصري ....
وثالث شي الاغراء هو الاغراء بغض النظر زوجة او اخت او صديقة ... يعني البس بجامه واطلع صدري والسروال ماسك واقول عادي اخي مارح يتفرج...
انا مانكر اني قلت له المسجات اللي برسلونها تضايقني ..احوبك وحياتي وفديتك وامواه ... خير مره تنرفز

شوفي من ناحية اللبس صح والله هالشئ يخالف الدين قبل مايخالف عاداتنا واعرافنا
والحمد الله على العافيه والله .. اذا الواحد ماحكمه دين ماراح يحكمه شئ ثاني
من ناحية الرسائل والكلام بصراحه اشوفها عاديه جدا لانها اخته مو بنت عمه ولا بنت خاله ومثل ماأنتي تحبين زوجك هم بعد يحبون اخوهم
يعني بصراحه اشوف المسجات عادي اما اللبس معاك حق كل شئ له حدود

شوفي يا اختي
اللبس اللي يلبسوه ما يجوز ابدا وعمره ماكان عادي للي تقول لك عادي
يا ناس اش حصل فينا صار العري وقلة الادب والحياء عادي
بعد ما دخلت الدشات وصرنا نشوف الافلام والمسلسلات التركية وغيرها انخلع ثوب الحياء والحشمة
وصار عندنا تبلد واستصغرنا المنكرات
واللي تقول لك انك فتحتي عيون زوجك لانه متعود على هذه المناظر
اقول لها يا اختي تكلمي بعقل
الرجل رجل مهما كان ويتأثر بمفاتن المرأة حتى لو كانت اخته
والا لما كان الشرع وضع حدود للباس المرأة امام محارمها
وشوفوا الان انتشار زنا المحارم بدرجة مخيفة وفي المجتمعات الاسلامية بسبب هذا التعري
مرة كنت اتكلم انا وزوجي في هذا الموضوع وزوجي على فكرة ملتزم
قال لي ان الرجل يستثار اذا شاف مفاتن اخته بالذات البنطلون الضيق والبلوزة الضيقة
يا جماعة الصح صح والخطأ خطا
انا عانيت مثلك من اهل زوجي كثير ومن لبسهم امام زوجي
ولما نصحتهم قاموا قاطعوني واتهموني مريضة ...اتخيلي
عشان كذا انصحك تبعدي عنهم قدر المستطاع وتدعي لهم بالهداية
وتطنشي
وكل واحد بيتحاسب لوحده وبينزل قبره لوحده
وربك يحاسب على مثقال الذرة من الشر
اشغلي بالك وتفكيرك باشياء اهم في حياتك ولا تهتمي لهم
وهم بيجيهم يوم
لا يغادر صغيرة ولا كبيرة الا احصاها ووجدوا ما عملوا حاضرا ولا يظلم ربك احدا
اختك / ام سومة

برافو يعني تقطعي علاقتك فيهم احسن مثلا؟؟؟؟وهو شكيلك طيب فين حماك واخوانه ؟؟؟؟
ومستحيل بنت بنوت تقعد بملابس فاضحة قدام اخوانها الأولاد في مجتمع سعودي ذينا ...... فين حماتك عنهم
مستحيل ام تسمح لبنتها تقعد بطريقة هادي
اوكي اعتبري نفسك متزوجة واحد اهلو مو مسلمين
مالك اي حق تدخلي إذا كان اخوهم ما قدر يعمل شيء انت ييلي مو من دمهم ولحمهم كيف راح تحليها ؟؟؟؟؟

أخواتي الحبيبات أنا حبيت أوضح لكم أن في ناس عندهم عادي ماتفرق معاهم ماهو قصدي والله أن عندي عادي بالعكس لا تفهموني غلط بس قلت عادي لأني تعبت وأنا كنت أكلم زوجي به إذا الموضوع من سنين وكان هوا أساسا بقولي انت أيش تقولي وانت أيش تفكري يعني ما اقتنع وأتمنى من كل وحده فهمت قصدي غلط وزعلت تسامحني لانكم خواتي وما أرضى بزعلكم وتمنياتي للجميع بكل السعادة والتوفيق وحياه كريمه بعيده عن المشاكل ودمتم