خيانتي لزوجي

1. فاسال الله في هذه الساعه ان ييسر امورها وةيفرج كربها


2. تعرفت تقريبا على 7 وربطتني بهم علاقه قويه جدا

اخواتي انا في هم كبير مايعلم فيه الا ربي سبحانه عندي مشكله كبيره وماعرف كيف احلها واو اتخلص منها ادري انها معصيه لله عز وجل لكن والله العظيم مو قادره اتركها
مستحيل اقدر اقولها لاي احد قريب مني ولكن بعد تفكير طويل قررت اني احكيها للعزيزة (ام ليان)الله يجزاها خير وماقصرت نصحتني وذكرتني بالله وعقابه وكل هالشئ انا عارفته ولكن الشيطان لعنه الله عليه اقوا مني طبعا هي ماقصررت اعطتني معرفها وقالت لي اطرح لكم مشكلتي واسال الله ان لايحرمها لاجر وان يجعل كل كلمه ودمعه ذرفتها من اجلي في ميزان حسناتها واكرر واقول انها ليست هي صاحبه المشكله حتى لا تتعرض لاي نقد او تجريح ولكن كرم منها وخوفا علي اشارت علي ان اكتب بمعرفها لاني عضوة معروفه في المنتدى وهي تقول ماتبغى تتشوة الصوره اللي رسموها بنات المنتدى ببالهم عني بعكسها هي مشاركاتها قليل ومحد يعرفها

فاسال الله في هذه الساعه ان ييسر امورها وةيفرج كربها

(بدايه اخواتي سوف اتقبل كل نصيحه بصدر رحب ,واتمنى من كل اخت لديها نقد اوتجريح او اساءه ان تحتفظ بها لنفسها لاني والله العظيم مافيني يكفيني وانالجات اليكم اريد النصيحه والكلمه الطيبه التي ترشدني للصواب ....... مارح اطول عليكم وابدا معكم .....
انا انسانه متزوجه من ست سنوات عندي ولد وحامل يالثامن ، عانيت كثير مع زوجي من اول سنه بسبب خيانته واكثر من مره اكتشف هذا الشئ واتغضى واسامح عشان بيتي وولد ي
من سنه واربع شهور تقريبا دخلت (عالم الشات)واغلبكم يعرف وشو الشئ اللي خلف شاشاته
تعرفت على شباب اشكال والوان بعضهم كانت علاقه صداقه وسوالف بس والبعض الاخر (تعدت كل حدود الحيا)
طبعا ولا واحد منهم عرف اني متزوجه ..كانت بيننا علاقه شات ومسنجر وتعدتها الى جوال وكل هذا وزوجي مأمن لي وماخطر بباله ولا شك بشئ
كنت الوم نفسي وابكي قهر بعد كل محادثه لاني ادري انه حرام ومايصير وان ربي مازال يستر على وبيجي اليوم اللي الله لايجيبه وانفضح
افكر ببيتي وزوجي واخواني واهلي وسمعتي ويجن جنوني معقوله انا اسوي كذا ؟؟؟
بس بمجرد مااصير لحالي ومن الوحده الملل ارجع لنفس الطريق

تعرفت تقريبا على 7 وربطتني بهم علاقه قويه جدا

واحد منهم (حبيته) من كلامه واسلوبه تطورت علاقتنا واستمرت اكثر من 9 شهور وكل هذا مايدري اني متزوجه
برمضان اللي فات صار بيني وبين زوجي مشكله كبيره بسبب وحده متعرف عليها بشغله مع اني متاكده انها علاقه شغل وبس ولكن ....المهم قلت له وقتها لاتلومني على اي تصرف يصير مني هو جن جنونه من هذي الكلمه ومعه حق لان مافي وحده عاقله تقول لزوجها كذا ...
تخيلو بنات وربي حتى علاقتي بزوجي صار فيها فتور عجيب لانه بفتره راحت كان بعيد عني جدا بسبب ضروف شغله فكنت كل ماحتجت القى من يلبى حاجتي حتى لو بالكلام
ادري هالشئ حرام وربي راح يحاسبني عليه وربي اكتب لكم وقلب يتقطع لكن والله العضيم مدري لمين احكي او اقول..وبنفس الوقت مو قادره اترك هالعاده حتى وان عزمت ارجع مره ثانيه
اصلي وادعي ربي ان الله يصرفني عن الحرام بس بعد فتره ارجع
انا خايفه من ربي قبل كل شئ وعذابه لاني ادري ان اعصيه واخون زوجي وامانته واخاف من زوجي لو عرف ورب البيت غير ليذبحني
الشئ اللي ممكن تستغربون منه اني كنت مثال الالتزام والاخلاق والدين بين صاحباتي وحتى باهلي واهل زوجي وفجاءه انقلب حالي صار كل وقتي تفكير بهالسخافات وهالانذال اللي جروني وراهم
ارجوكم احتاج مشورتكم ورايكم السديد وكل من عندها كلمه شينه او مسبه تحتفظ بها لنفسها الله يجزاها خير
(واعيد واكرر هذا الموضوع لايخص ام ليان باي شكل من لااشكاال فارجو عدم الاساءه اليها )فكل همها ان اجد النصيحه والمشوره منكم
وشكرا