دخيلك لاتخليني رواية رومانسية من تأليفي ادخلو وشجعوني

1. المهم خلونا نبدأ


2. (((((((((((((دخيلك لا تخليني)))))))))))))))

بنات هذي الرواية أول كتاباتي
وأبيكم تشجعوني عليها هي رواية سعودية مية مية بس يمكن تجي عليها لهجات إمراتية
بسبب عشقي لهاللهجة

المهم خلونا نبدأ

(((((((((((((دخيلك لا تخليني)))))))))))))))

في بيت ابو احمد فتحت عيونها وتمددت بكسل ودلع,فتحت جوالها وشافت الساعة 5ونص,, تذكرت انها لازم تكون في المدرسة الساعة 6أو 6 وربع بالكثير.. ويالله يمديها تجهز........ بس لا إن شاء الله يكفي الوقت. قامت وتروشت على السريع..طلعت ولبست مريولها بسرعة وجدلت شعرها على خفيف ومسكته من تحت بشريطة بينك لوني المفضل اخذت عبايتها وشنطتها وجاكيتها ونزلت بسرعة وهي تغني مبسوطة اليوم عال العال مزاجها مرة اوكيه وهي تبتسم مبسوطة على انجازها خلصت في ربع ساعة فقط لا غير دخلت غرفة الطعام وشافت احمد اخوها يفطر...باسته على خده وقالت له:صباح الخير ياأحلى أخ ماتكلم نور جلست عالكرسي اللي بجنبه ورفعت راسها:احمد عطني الح.... انقطع كلامها وهي تشوف الوجه الغريب قدام وجها ..وهو هيمان بقوة ومبلم عالأخير.. قامت بسرعة وطلعت من الغرفة وتصدم بأحمد اخوها.. أحمد معصب:نووير وش تسوين داخل ماتدرين أن في احد داخل... نور بصوت مرتبك: وانا وش يدريني إن في أحد داخل..عصبت بارتباك:هو في احد عاقل يزور احد في هالوقت اوف وراحت بسرعة وهي تقول لأخوها:تعال خذني اليوم ماابا ارجع مع السايق.. أحمد: اوكيه راحت لبست عبايتها وراحت مع السايق والخادمة
محمد في الغرفة سرحان بالملاك اللي دخل عليه قبل شوي تنورة قصيرة كروهات وردي وابيض واسود قصيرة لفوق الركبة موديله فرنسي ومكسرة لأن المدرسة اللي هي فيها أجنبية فعشان كذا قصيرة مع قميص أبيض فيه تطريز خفيف بالبينك في اطرافه جذبته براءة عيونها الرمادية مع اهدابها ما شاء الله عليها وكحيلة عينها كأنها مكحلة وخدودها المتوردة من قومة الصبح....وشفايفها الوردية الناعمة وشعرها الليل من سواده ونعومته... صحى من افكاره على صوت احمد...محمد وين رحت ياخوي؟؟ محمد مرتبك: هلا هلا أحمد.. شفيك أحمد كاتم ضحكته:اشوفك فطرت قبلي.. محمد منحرج:شسوي والله مشتاق للأكل العربي
بيت ابو مشعل خلود مرتبكة وجايها ارق مانامت من امس وتحس حالها تعبانة مافيها حيل تروح للجامعة وملكتها بعد يومين من اخو صديقتها واسمه عبدالعزيز.. هي اصلا موافقة بس خايفة لأنه اخته تقول انه عصبي وهي أي شي تتحمله إلا العصبية.. اتصلت على سارة اخت عبدالعزيز صديقتها:ألو هلا سوسو..أخبارك سارة:الحمدلله تمام بخير..غريبة متصلة..مانتي جاية الجامعة اليوم..؟؟ خلود:لا والله مافيني حيل مانمت امس ماقدرت انام سارة بخوف على صديقة عمرها:خوخة حياتي شفيك؟ تبانة فيك شي؟ خلود:أبد والله بس خايفة من يوم الخميس..اليوم الثلاثاء واحس قلبي بيوقف.. سارة ضحكت براحة:وجع يالزفتة خرعتيني..على بالي فيك شي.. خوخة بعد قلبي انتي ترى اخوي مايعض..طيب وحبيب.. خلود عصبت:أقول روحي بس..أنا خايفة وانتي تتمسخري علي.. سارة:خلودة حبيبي..خوخة بعد جبدي أنتي..والله مايخوف..انتي بتشوفينه يوم الخميس.. انتي بس تعوذي من ابليس..ترى هو اللي مسبب لك هالخوف...ويالله حطي راسك عالمخدة ونامي قريرة العين.. ولا تحاتين المحاضرة أنا بصورها لك وبجيبها...بس انتي ارتاحي.. خلود:فديتك يابعد قلبي انتي....والله مدري وين اروح من جمايلك علي.. سارة:هذا واجبي ياقلبي والصديق وقت الضيق خلود: يالله حياتي ماطول عليك روحي البسي سارة: اوكيه يالله باي وسكرو
(للمعلومية أبو محمد وابو احمد وابو مشعل اخوان أبو محمد اسمه ناصر زوجته متوفية وماتزوج بعدها لأن هذي رغبة عياله محمد ونهى محمد كان يدرس في بريطانيا من يوم عمره 16 سنة والحين رجع وعمره 26 ونهى في ثالث ثنوي بعدين ابو احمد أسمه خالد ورزوجته متوفي ومتزوج وحدة عمرها 35سنة اسمها طيبة وهي طيبة مررة مع عياله وماحسستهم بفقد الأم اكبر عياله احمد25سنة يشتغل مع ابوه وعمه في شركتهم... أصغر منه اخوه فهد 23سنة يدرس طب اسنان ميت على قمر بنت عمه أصغر وحد نور الدلوعة... بعدين يجي ابو مشعل.. اسمه عبدالرحمن..زوجته فاطمة عندهم مشعل يشتغل مع ابوه عمره27وماتزوج وفيه سالفة بتعرفونها بعدين اخته اللي اصغر منه خلود عمرها24 اخر سنة في الجامعة وهي اقرب وحدة للمشعل وتعرف كل اسراره أصغر منها عمر في اول سنة في الجامعة البترول بعدها اخر العنقود قمر(هي مسترجلة) )
نرجع لمحور حديثنا شنو توقعاتكم وش بيصير في الملكة؟ محمد وش بيسوي بعد ماشاف نور؟ أدري أن البارت قصير مرة بس اوعدكم المرة الجاية إن شاء الله لكم مني بارت طويل ترقبو
لا تنسون ابا تقعاتكم قولوا لي