دورة تدريبة للثقة بالنفس

نكمل شوية كمان
يعني مثلا لما واحدة تقول لجوزها انا من غيرك ولا حاجة
دة انت لو سبتني انا اموت
والله بتفرس اوي لما بلاقي واحدة بتقول الكلام دة
ياحاجة تموتي اية بس
دة النبي علية الصلاة والسلام مات ومحدش مات وراة
واكيد كل الصحابة بيحبوا النبي علية الصلاة والسلام
بس دة سنة الحياة
طب بالله عليكي بعد ما تقوليلة الكلام دة تفتكري هيعمل اية
هيحبك ويخلصلك اوي

لا بالعكس
دة ممكن يخونك او يعمل اي حاجة تدايقك وعارف ان بكلمة منة هتيجي تبوسي رجلية
طب يعني انتي قصدك اية
منحبش ازواجنا ومنقلهمش كلام حلو
لا مين قال كدة بالعكس دة كل كلمة حلوة هتقوليها لجوزك بتخدي عليها حسنات
بس يبقي الكلام بالمعقول
يعني مش كل يوم تقوليلة 100 مرة بحبك طب كدة الكلمة هتفقد هيبتها ومش هيبقي ليها طعم
يعني مثلا عملك حاجة كويسة النهردا تبوسية وتدعيلة دعوة حلوة ربنايخليك ليا ياحبيبي
متحرمش منك
هيفرح اوي وهيتمادي اكثر في العطاء عشان يسمع كلام حلو من دة
لكن مش علطول كلام حب وحنان ودلع هو نفسة هيزهق
تعبتوا ولا لسة

نكمل ياقمرات
زي الست الامورة اللي في اول الجواز كل يوم تصحي من النوم تقف في المطبخ تعمل 30 نوع اكل عشان سي السيد لما يجي يلاقي سفرة محترمة
مع انهم فردين اتنين بس
ويجي يلاقيها لابسة اخر شياكة وعلي سنجة عشرة والسفرة علي اخرها وطول ما هيا قاعدة تشرب اية ياحبيبي
كانة قاعد في قهوة والقاعدة بالمشاريب
طب ما هو لو عايز حاجة هيقول مش هيتكسف يعني
سمعاكوا بتقولوا اية الست المجنونة دة
دة عايزانا منهتمش باجوازنا
لا ياحبيبتي اهتمي وكل حاجة
بس الشئ اللي بيزيد عن حدة بينقلب ضدة
وخير الامور الوسط
يعني مثلا اول لما يحصل حمل اية اللي هيحصل
اللي جرب اكيد عارف واللي مجربش ربنا يرزقة بالذرية الصالحة عاجلا وليس اجلا
طبعا اول 3 شهور في الحمل بتبقي الست مش طايقة نفسها وكل اللي حواليها وبتبقي حاسة ان جوزها دة ريحتة غريبة
ودة كلة بسبب تغير الهرمونات اللي بتحصل للجسم
طبعا هيجي سي السيد من الشغل هيلاقي كائن غريب في البيت اية دة
امنا الغولة دة ولا اية
فين الدلع واللبس والمكياج واهم من كل دة الاكل
هيصدم صدمة العمر هيدخل يلاقي واحدة رابطة دماغها من الصداع زي تيتة الحاجة وتفضل تقولة تعبانة والرجالة مبيحبوش يسمعوا الكلمة دة ابدا
وعلي راي المثل
جوزك يحبك عفية وجرانك يحبوكي سخية واهلك يحبوكي متهنية
طبعا بيفضل يقارن بقي اية المنظر دة دة بقت كئيبة اووي كدة لية
عشان هو واخد عليكي مفرفشة ومدلعة علطول
طب اية يعني نقعد معفنيين في البيت عشان يطفشوا وتستريحي
لاطبعا
بس خير الامور الوسط
يعني يوم لابسة شيك وميكب خفيف
يوم تاني قاعدة بالبجامة وبدون ميكب ومسيبة شعرك
يوم قاعدة بلانجري
يوم قاعدة بقميص جيل عادي
يوم قاعدة ببدي خروج حلو كدة وبنطلون يدخل باللبيسة زي الموزز اللي في الشارع
يعني اقصد التنويع
عشان سبحان الله النفس بتمل
يعني لية كلنا كارهين الفنلة الحمالات بتاعة الرجالة
ههه
جيت علي الوتر الحساس صح
لان مفيش تجديد وكل يوم بنفس المنظر
الفنلة دة الراعي الرسمي للحياة الزوجية
يعني تخيلي كدة لو كل يوم بتحطي ميكب ويوم محطتتيش اقفي امام المراية هتحسي ان وشك دبلان خالص وكانك عيانة وانتي نفسك
هتستغربي شكلك صح
طب جوزك بقي اللي كل يوم بيرجع يلاقي عروسة المولد ميكب صارخ وكلة لانجري
طبما كدة الانجري هيفقد رونقة ولا اية

طب هقولكم علي حاجة وياريت تجربوها
عايزة الستات اللي علطول قالعة دة في البيت تحت اي تاتو او استيكر في مكان يكون واضح نوعا ما
هتلاقي معظم الرجالة ماخدتش بالها
لانهم مبقوش يبصوا خلاص مبقاش بيثير فضولهم
مثال
وانتي ماشية في الشارع لما بتشوفي واحدة منتقبة مش بتبقي عندك فضول انك تعرفي شكلها اية
بالظبط كدة هو دة اللي عايزة اوصلهولك
انتوا دلوقتي بتقولوا شكلها بتقعد لجوزها بالاسدال
لا مش هي دة الفكرة
الفكرة انك تبقي مثيرة وغامضة
يعني كل يوم في تغير يوم عاملة حاجة في شعرك
ويوم لبسك
وهكذا

شكرا ياعسل