دوره مجانيه بيد خبيرة التجميل وفاء في مشغل اسماء

السلام عليكم ورحمة الله وبركاته
اليوم رحت للدوره المجانيه المقدمه من خبيرة التجميل وفاء في مشغل اسماء الاخت ستايل وشيك
استغربت عدم حضور البنات اللي سجلوا كنت الوحيدة اللي وصلت ومع كذا الاخت وفاء رحبت فيني وبدت معي الدوره
ولله لأعرفها لا من قريب ولابعيد كانت قمه في الأخلاق وعلمتني كل شي من الفرش للكونسيلر والفاونديشن وأنواعه والا يشدو وأنواعه شرحت لي كل شي وما قصرت معي وقالت وش الماركات الحلوه الغالي والرخيص ومن وين اشتريها
وعلمتني لوك وطبقتها قدامي على ميري العامله عندها وكانت ياحليلها مستسلمه
وعلى فكره هي سوت الدوره لاعطاء الفائدة لمن ليست لديها القدرة على دفع مصاريف دوره مكياج وحابه تتعلم الله يجزاها الف خير......
وقالت لي اي لوك تبين تتعلمينه قولي لي وراح نطبقه وانا صرت طماعه وطلبت منها لوك البنانا وما قصرت قالت باعلمك
حبيت احط ها لموضوع لانه من لا يشكر الناس لايشكر الله
رغم انه لسه ماخلصت الدوره الا اني احس اني استفدت الكثير ويشرفني معرفتك
شكرًا لتواضعك لاخلاقك ولاستقبالك لي رغم تأخري ورغم أني كنت وحيده في الدوره
الله يجزاك الجنه ومن معك ويجعله في ميزان حسناتك ويوفقك ماقصرتي معي ولله الكلمات لاتكفيك
على فكره يابنات اللي تبي تجي بكره ماتوقع الاخت وفاء عندها مانع وانا اقولكم لايفوتكم لانها تشرح من قلب وتعلمك كل شي