ذكرى زواجي الحزين

1. فقلت يا بنت باقي شهر على ذكرى يوم زواجك سوي لحبيبك أحلى مفاجأة

أهليين صبايا حبيت أقص لكم قصة ذكرى زواجي الحزين
في يوم من الايام قعدة بيني وبين نفسي أبي أسوي شي يكسر الروتين ويجدد حياتنا الزوجية

فقلت يا بنت باقي شهر على ذكرى يوم زواجك سوي لحبيبك أحلى مفاجأة

قعدة أجمع من هنا وهنا فلوسي وأخطط وأضبط شريت أحلى فستان أبيض وحجزت بأحلى أوتيل جناح عرسان ويوم جاء اليوم المنتظر رحت بيت أهلي من الصبح عشان أضبط وضعي وألبس وأتكشخ ويجي يمرني ونروح للأوتيل وأفاجئة طبعآ هو ما يدري أنا كنت قايلة له عند أهلي عزيمة وعشاء ,المهم أتفقت معه أنه يجيني الساعه 6 المغرب لبيت أهلى عشان فية ضيوف عند أهلي بيجون وعشاء وحركات طبعآ هذي كلها من ضمن الخطة عشان تضبط المفاجئة المهم يوم جت الساعة 5 ونص وأنا كنت أستشور وأضبط نفسي وأناظر الفستان اللي معلق قدامي وكنت مبسوطة كأنه يوم زواجي المهم قلت خليني أدق علية أشوف وش يسوي أكيد قاعد يلبس خليني أدلعة وأقولة أشتقت لك عشان يجي بحماس , المهم أدق وأدق وأدق ولا فية أي رد قلت يمكن لسى نايم ولا سمع الجوال قعدة شوي وأنا خاطري مكسور وقلبي ناغزني لانة مو من عادتة ما يرد علي حتى وهو نايم المهم رجعت ثانية أدق وأدق وأدق ويمكن في المكالمة رقم 22 رد علي أأأه على هذي اللحظه رد علي بصوت أول مره أسمعه بحياتي وعنده صجة ومدري أيش وبصوت مبحوح وقالي أنا تعبان أنا بالمستشفى الفلاني وأنا من غير شعور سكرة المكالمة وطلعت أركض لأهلي ودوني المستشفى ورحت وكان بحالة يرثى لها من الالم وجلست عنده لحد الساعه 12 با الليل وطول الوقت مسكنات لحد ما خف الالم علية وصار يوم زواجنا في المستشفى وكل شي جهزتة راح بح بس الشي اللي بقى منة أني العصر بنفس اليوم رحت للأوتيل وضبطت الغرفة وردو وكيكة وعصير والحمدللة صورتها وبعد ما قام بالسلامة وريتة الصور وقلت له هذي المفاجئة اللي كنت مسويتها لك بس قومتك بالسلامة أغلى من أي شي بالدنيا
مدري ليش تذكرة ( ما كل ما يتمناه المرء يدركة تجري الرياح بما لا تشتهي السفن )