راجعه من شهر العسل

الف الف مبروك ياعروسه اكشخي بس بنعومه واهم شئ البخور يكون روعه وجهزي لبس يكون لونه غريب وماقد شافه عليك واحسن وقت يجي ياخدك بعد العشاء علشان تطلعي تعشي معه في مطعم حلو وتمشوا شوي وبعدين للبيت سيده وهالله هالله في الكلام الحلو وحشتني وماعرفت انام وانت مو جنبي تعودت عليك وعلى ريحتك ومن هالكلام الله يوفقك ياعروسه

الف مبروك
ماعندي خبره لانو توني بنوته
بس قلت لازم ابارك لك

مبرووك والله يوفقك يارب
وعقبال كل العرايس ان شاء الله
زي ماقالت عمشة انسب وقت بعد العشاء تعشووا بمطعم رااقي روحوا البيت واله الله على اللبس الكشخه والكلام الحلو
حاولي تجيبين معك هدية بسيطه وانتي راكبه السياره عطيه مثلا ورد وعليها كلام حلو
وجهزي الشموع والفواحات
وبالتوفيق الله يسعدك

صحيح انسب وقت بعدالعشاء.. لان الجو موب حلو العصر انواع الحر مايمديك تطلعين مع الباب الا وانتي ذايبه..
والله الله بالكلام الحلو..

ماشاء الله الأخوات كفوا ووفوا الله يسعدك ياعسل

الف الف مبروك والحمدلله على السلامة أفضل شئ بعد العشاء
وإذا فيه إمكانية تتعشوا بمطعم يكون أفضل وإذا زوجك مايحب المطاعم
لاتزعلي عادي خذي عشاء من عند أهلك بس يكون طبق مميز وغريب
بالنسبة للبس يكون شي جديد ماعتاده عليك مثلا البسي ساري هندي يكون
ناعم والبسي أكسسوارات هندية ومكياج هندي أموت باللبس الهندي
يمكن ليش أني أشبه لهم أوالبسي فستان يكون قصيرحدالركب بس يكون نعومي
مع جزمة عالية و شعرك سويه حركة جديده ماشافها عليك وبالتوفيق ياعروسة
ولا تنسي الكلام الحلو أهم شئ .

الف مبروك ياعروسه والله يوفقك يارب اهم شي حسسيه انك مشتاقه له موت وانك ماتقدرين على بعده وانصحك ياقلبي من البدايه لاتعودينه انك تتركينه لوحده عشان مايتعودعلى بعدك ويكون شي عادي هو كمان يغيب عنك وقت طويل وحتى لو رحتي عند اهلك خليه يجي معاك او على الاقل لاتطولين يعني يوم واحد كفايه اتمنى انك فهمتي قصدي ياعروسه واستغلي هذه الايام بكل لحظه لانها ايام حلوه وبالتوفيق ياعسل

الله يوفقك..........
البسي واكشخي ويجي ياخذك بعد العشا احسن
تعشو وروحو بيتكم.........خليك ثقل لا تاخذين هديه ولا شي!!

اكيد البنات ما خلوا بس غريبة ليه رحتي لاهلك؟؟؟؟؟؟؟
المفروض انكم متزوجين تكونون مع بعض دايم عشان ما يتعود فراقك
تقبلي مروري