راح افتح لكم قلبي واقولكم عن خيانه زوجي

1. السلام عليكم ورحمه الله

السلام عليكم ورحمه الله

كم هو صعب ان ترى اوتسمع اوتعلم اي زوجه بخيانته زوجها يعلم الله اني مشتته وماني مستوعبه
اللي صار معايه راح ابدا واقولكم اللي شفته قبل اسبوع يمكن جو اهلي الرياض طبعا انا ساكنه في الرياض واهلي في الجنوب المهم رحت انا عندهم كانوا مستاجرين وجلست عندهم من الظهر الى الليل ولما جاء زوجي ياخذني للبيت راحت معي اختي وبنتها الصغيره تبغانا ننزلها عند اخوي هو فوق
ساكن المهم نزلت من السياره انا واختي وطلعت اختي وانا دخلت بيتي طبعا وقتها زوجي وبنت اختي
كانوا في السياره وزجي على باله اني طلعت مع اختي فوق المهم ويدخل هو وبنت اختي صغيره عمرها سنه ويجلس في الصاله وانا بالحمام استحم ولما طلعت من الحمام الله يكرمكم الا واسمع صوت
حرمه تتكلم امشي شوي واقرب من الصاله واسمع صوت زوجييكلم بالجوال على المايك و يضحك ويقول لبنت اختي اعطيها بوسه
انا وقتها خلاص الدينا تدور فيني مو عارفه اتصرف طلعت على زوجي وقلت من تكلم هو تغير لونه وقال انتي هنا انا خلاص دموعي سبقتني ورحت على طول الغرفه ابكي وهو ينادي تعالي افهمك وانا خلاص بس ابكي انصدمت وربي جلس دقايق ولحقني وقال تعالي ماله داعي تبكي وتعبي نفسك انتي حامل
انتبهي وانا مو طايقه حتى اشوفه قال تعالي اهدئي وتعالي الصااله نتفاهم قلت على ايش نتفاهم سمعت باذني ونت تكلم الا وبنت اختي ياقلبي عليها تبكي خافت لما شافتني ابكي المهم ياخذها ويطلعها عند امها ويجي يجلس يحاول فيني اهدا عشان نتكلم المهم طلعت الصاله معاه وقلت خلاص
انا بروح لاهلي واحكي لابوي كل شي قال مااعتقد تقدري انا صح غلطت وماراح اعيدها صدقني قلت وش يضمن انك ماتعيدها قال اعطيني فرصه وصدقني ماراح اعيدها بس انتي لاتعبي نفسك ولي في بطنك قلت ماراح اصدق الا لما تحلف على المصحف وبحياه ولدك انك ماتعيدها قال لا على المصحف لا
ماني ورع تحلفيني بالمصحف قلت طيب كيف تبغاني اصدقك انك بطلت وطال الكلام كل ماجيت يمين جاء يسار مره زوجي صعب التفاهم معاه انا ادري انه يحبني ومو مقصر بشي معايه بس مو فاهمه ليه يكلم قلت له طيب لا تخلي جوالك برمز قفل ومتى ماابغى افتحه افتحه وما لما يدق جوالك مو تكلم برا البيت لا رد جوا البيت انا راح اعطيك مهله اشوف وان لاحظت شي مالي جلسه معاك في البيت بروح لاهلي قال صار خير طبعا انا ماقدرت اراقبه هذا الاسبوع لاني اهلي كانو موجودين ولي فتره عنهم وكل يوم وانا عندهم بس احس اني مو مرتاحه ولسى شاكه بزوجي مدري ايش اسوي
هذي قصتي والله كتبتها وانا لس مصدومه مو عارفه ايش اسوي وهل اللي سويته صح ولا كان لازم اقول لاهلي يتصرفون وش رايكم فراشات وقلولي وش اسوي معاه وكيف اتصرف الحين
سامحوني على الاطاله وان شاء الله اني كتبت القصه كامله لاني زي ماقلت مشتته وماني مستوعبه
ياله لاتنسوني بالردود والنصايح جعلها الله في موازين حسناتك وحفظ لكم ازواجكم وذراريكم