رجيم 12 في 12 للجادات فقط

1. بس كل شي لالجل الرشاقة يهون وربي يهون


2. ثامن يوم خضار


3. تاسع يوم خضار

السلام عليكم ورحمة الله وبركاته
تفضلو موضوع نظيف ومبخر ويفتح النفس
ما راح اطول عليكم
ابغى عشر بنات جادات ومتحمسات لمدة 12 يوم
رجيمنا راح يكون
3 ايام.. حليب لبن زبادي >>>>>>>>>>>>>قليل دسم
3 ايام.. خضار مسلوقه شوربه سلطه >>>>>>>>>بدون دهون
3 ايام .. فواكه طازجه وبشكل عصير >>>>>>ماعدا العنب والموز والمانجو
3 ايام لحوم مسلوقه او مشويه >>>>>>>>>ممكن نفطر بيض ونتغدا دجاج لحم سمك مشوي او مسلوق زي ما تحبو المهم بروتينات
راح نحط جدول للرياضه بحيث يكون سهل وفي متناول الجميع وجدول كمان للعنايه بالجسم للي تحب وكل وحده تقول جدولها بحيث نتبادل الخبرات
هذي تجربه لعضوه معروفه بمنتدى اخر نزلت عليه 40 كيلو في شهرين عملتو متواصل
أولا الرجيم :
اول ثلاثة ايام تاكلين احد الاشياء الثلاثة( يا فواكه-ياخضار-يازبادي)
وانا افضل الزبادي لتنظيف البطن انا استخدمته افضل ويا بنات ياليت فهذي الثلاثة ايام تستخدمون مسهل طبيعي (خروع اللي بالصيدليات-او ملح انجليزي-اوسنا مكي (عشرق))
(انا بنسبة لي استخدمت السنا مكي) ضروري يا بنات لتنظيف البطن لان اي رجيم من دون تنظيف للبطن ماله اي فائدة والله كلامي هذا عن تجربة ياما جربت رجيمات من دون فايدة
والله ماتتصورن السنا مكي قد ايش انا اعشقة لانه من زمان باطنيتي تعبانة وبفضل الله ثم العشرق صرت ولله الحمد تمام بس يا بنات انتبهوا هويشرب مرة او مرتين بالشهر مو كل يوم
وعلى فكرة تراه ينقص من كيلو الى كيلو ونص ويساعد الرجيم على النزول بسرعة
نجي للثلاثة ايام اللي بعدهم ياخضار يافواكه وفي الثلاثة الايام كثروا من مشروب الشمر لانه يشد الجسم بشكل ماتتخيلونه واذا تقدرون خلوه يوما وعلى فكرة ترى طعمه مو شين يمشي الحال
والثلاثة الايام اللي بعدهم يعتمد على اختياركم يعني انتم قسموهم على كيفكم بس بالبداية الزبادي افضل
والثلاثة الايام اللي بعدهم (يادجاج-ياسمك-يالحم)
هنا اقول الله يعنكم بس سوا زي اول يوم خليته سمك وثاني يوم دجاج وثالث يوم لحم
والمصيبة الكبرى تخيلوا ثلاثة ايام بيض بس بيض والله معاناه

بس كل شي لالجل الرشاقة يهون وربي يهون

بس اللي ماتقدر تتحمل البيض او ما تحبه يمكن تخلي هالثلاثة ايام خضار مو دايم نستخدمها بروكلي اوخرشوف او.........الخ الين ماتخلصي 15 سوي اف بس مو مرة على خفيف
واهم شي يابنات المشي لازم والله لازم مو علشان اه ينحف لا علشان انه يشد الجسم لانه نحف بترهل غير مجدي والله ولا كانك نحفتي لكن والله يا بنات جربوا المشي ولا تتكيسلو وانتو يتشوفون النتايج والله العظيم بشهر كل شي بجسمك يتغير حتى التشققات والله يابنات بتخف وكل شي بينشد يعني رجيم من دون مشي ما ينفع ومشي من غير رجيم بعد ماينفع لان الرجيم والمشي كلهم بيكملو بعض اسأل مجرب ولاتسأل طبيب
ونصيحة اخيرة اقدمها لكم يابنات اهم شي الارادة والله هذا اهم شي خلي ارادتك قوية واطمحي الى انك توصلين الى الكمال في كل شي والكمال لله سبحانه دايم تخيلي نفسك احلى وحدة بالدنيا وان شاء الله بتوصلين لهدفك
وفي النهاية ادعيلكم من كل قلبي بالتوفيق
سؤال وجواب يخص الرجيم
هني بحط لكم كل الاسئله والاجوبه المهمه عشان تعرفون كل التفاصيل مثلي
شوفي عيوني وكل البنات اللي مافهموا الرجيم بكتبه حسب اللي انا سويته
اوكيه:
اول يوم زبادي
ثاني يوم زبادي
ثالث يوم زبادي
وفي الثلاثة ايام هذي فقط يومين فقط تشربين السنامكي(العشرق) علشان تنظيف البطن مهم جدا بس يومين مو اكثر اوكيه.
رابع يوم فواكه (ممكن طول اليوم تاكلين سلطة فواكه اونوع واحد تفاح اوبرتقال اي فاكهة انتي تحبينها ماعدا المنجا والموز وكذا في باقي ايام الفواكه اوكيه)
خامس يوم فواكه
سادس يوم فواكه
سابع يوم خضار(بكيفك على شكل شوربة ايدام من دون دهن اللي تحبين وكذا في باقي ايام الخضار اوكيه)

ثامن يوم خضار

تاسع يوم خضار

اليوم العاشردجاج او لحم او سمك ليش مستصعبينها؟؟؟؟؟؟؟؟(ممكن اول يوم دجاج شاورما يعني مقطع وحطي معاه بهارات ويطلع يمي طعمة وشطة واليوم الحادي عشر سوي سمك فيليه مع البهارات ويهبل واذا مافيك حيل اشتري فيليه مشوي جاهز .اليوم الاثنى عشر خذي قطعة هام بورجر جاهز وحطيها بالشواية وكليها بالشوكة والسكين مع شوي كاتشب او الكاتشب الاندونيسيي الحارتراي من عشاقه
يطلع خيال ولا كنك تاكلين لحوم يعني مشوها بنات انا مو قاعد اقول افطروا على مفطح ولا فكوا الريق على مندي او مظبي ههه وعلى فكرة فهل الايام ممكن تفطرون على عصير برتقال ولو اني اراهن ان فيه احد يفطر هالايام الكل نايم اوكيه حبيباتي)
اليوم الثالث عشر (على كيفك المسالة يعني اذا انتي سئمتي من الخضار والفواكه استخدمي البيض والله انا مستخدمتة واشوف نفسي عادي معاه اول يوم مسلوق ثاني يوم مطجن مع بصل اخضر وكراث ثالث يوم اومليت بس مو مع الجبن مع حليب قليل الدسم وكليه زي ماقلت مع كاتشب اندونيسي وفلفل اسود يعني هه واذا كلش ماتقدرين تتحملين البيض حطي بداله خضار او فواكه صديقتي خلت هالثلاث ايام عصيرات من دون سكر عشان ماتحب البيض
اليوم الرابع عشر واليوم الخامس عشر زي ماقلت فوق اوكيه
واستعملوا معاه فيتامين سنتروم وعلى فكرة ترى مجرد فيتامين يعني ماله اي ضرر
ان شاء الله يارب تكونون فهمتوا علي واللي مافهمت انا في الخدمة اوكية
بالنسبه للفتوش كليه من دون خبز او كلي تبوله او اللي تحبين من الخضار(باميه,ملوخية,سبانخ,كوسا ,فاصوليا)او ذره او بليله ( حمص غير مطحون يعني حبوب ) اللي تبين اوكي
بالنسبه لطريقة السنامكي
تاخذين كاس سنامكي وكاس ماء وتنقعينهم طول الليل وبالصبح تشربينه عالريق مو مشكلة بارد حار كله واحد والسنا مكي اعيد واكرر بس اول يوم وثاني يوم بس لانه الغرض منه التنظيف ويومين كفاية انتبهوا
وبالنسبة للشمر ( الحبه الحلوه) عادي طريقة تاخذين مقدار ملعقة وتحطينهم بابريق وتحطين عليهم ماء وتغلينهم شوي
وبعدين تشربينه وبالكمية اللي تبين انا كنت اشربهم باليوم 8 مرات وكل مازاد اكثر لانه يشد الجسم بشكل رهيب
وبالنسبة للرجيم حبيبتي يتهيالك انه صعب بالعكس والله مو صعب ولا شي انتي جربي
والسنا مكي حبيبتي كاسة اونص كاسة سنا مكي والماء كاستين مو كاسة ينقع او يغلي كله واحد واسوي الكمية هاذي لليومين اللي بشربهم فيه يعني اسويهم مره وحده مو اشربهم كلهم بنفس اليوم اليوم الاول اشرب كاس متوسط واليوم الثاني اشرب نفس الشي وخلاص
ان شاء الله يكون عجبكم كلامها ولقيتوا الرد الشافي على تساؤلاتكم
تابع
الشمام انا كنت اعمله عصير يشبع وممكن تاكلينه والبطيخ بعد
ثاني سوال البصل , الطماطم , الذره ممكن لاكن البطاطس لا وممكن ليش لا تحطين مع الخضار واللحم والبيض (ملح, بهارات,صلصه ) عادي
وحبيبتي الظاهر انك ماقريتي الرجيم زين انا سويته كذا>>>> 15 يوم بعدين يوم راحه وممكن يومين بس مو تفرطين
وبعدين ابدأ من اول وجديد ونفس الشي 15 يوم ويوم راحه وكذا الين ماتخلصين شهرين وبعدين انتي اضن انك ماتحتاجين الا 15 يوم وبرضه على حسب جسمك ممكن بس تسوينه 15 يوم او اكثر لحد ماتنقصين 10 كيلو...
واتمنى لك التوفيق
النهايه تا تا
حبيت بس اقول لكم اني ببدا بكرا باذن الله ويا رب الاقي منكم حماس وتشجيع