رجيم الدكتور محمد الجزار مين تشاركني من يوم السبت

السلام عليكم
هذا النظام اتبعته مع الدكتور محمد الجزار انا وبنات كثير
ونزلت اوزاننا وصرنا رشيقات لكن للأسف بعد ماخلصت الاشتراك مع الدكتور خبصت الرجيم بالمره
وزاد وزني لأني خربتها من قلب
والحين ببتدي من جديد
العيد جاي ولو انتظمنا فيه راح يجي العيد واحنا غير
مدة الرجيم ثلاث شهور والنزول راح يكون من 25 الى 28 وممكن اكثر اذا زاد النشاط
نبغى تكاتف وتشجيع ولاتخافون الرجيم انا اتبعته مع دكتور
ونتائجه مذهله
الشروط هي
1- عدم المشاركه بنظام ثاني يعني ماتدخل وحده مسويه رجيم غير اللي هنا
عشان نبغى نكون منظمين
2- كتابة اليوميات
الرجيم اللي راح اكتبه الحين لمدة اسبوعين وكل مانخلص اسبوعين راح انزل حقت الاسبوعين الجديده
ورجيم اول اسبوعين ينزل من 5 الى 8 كيلو يعني كل مازاد مجهودك كل مانزلتي اكثر
الدكتور يقول لازم المشي اقل شي نص ساعه
يابنات المشي احسن من الرياضه لأن الرياضه تثقل العضل وفي الميزان مايبين النزول تمام
وثاني شي الرياضه اذا تركناها يترهل الجسم فالمشي احسن شي
هذا كلام مدربه قالت لي اعتبري الرياضه للعمر كله اما اذا تركتيها راح يرتخي جسمك ويترهل
ادري قرقرت كثير بس والله ماكتبت لكم إلا عشان الفائده
ولاتنسون اخر نظام انزله راح يكون لتثبيت الوزن ان شاءالله
نرجع للنظام وهو كالتالي
الفطور اليومي لمدة اسبوعين
الفطور ... كوب شاي او حليب قليل الدسم + قطعتين شابوره او ربع رغيف خبز ( لكِ حرية الإختيار )
الغداء ... كوب ماء + سلطة خضار + لحم مشوي او دجاج مشوي او تونه او حبتين الى 3 حبات بيض + حبه برتقاله او تفاحه
( لكِ حرية الإختيار من اللحوم نوع واحد اللحوم لازم تكون مشويه) اكلي حتى الإحساس بالشبع ماعدا البيض من 2 الى 3 حبات
العشاء ... كوب ماء + زبادي قليل الدسم + قطعتين شابوره او ربع رغيف خبز + حبه تفاحه
المسموح في وقت الجوع >خس - خيار- جزر - عصير جريب فروت - شاي - قهوه - عصير ليمون - سفن دايت - تفاح - برتقال - حليب او لبن قليل الدسم
الممنوعات >كلكم تعرفونها أي شيء مو مذكور أكله يعني ممنوع
بنات أي استفسار انا حاضره
يلا نبغى تشجيع انتظركم بنات