رح عمر لة قصة في غاية الروعة تأخذك معها في عالم الأسفار

وبعد ماراح المضيف .. شربوا البنات شايهم وردوا بياخذون غفوه لين يوصلون كلها ساعه .. الا ميشو تنادي بأعلى صوتها زين ان الطياره فاضيه والا افضحتهم ..
ميشو : تعال لو سمحت وين شايي وحليبي ؟؟؟؟
التفت لها المضيف وابتسم .. عطاها اللي تبي بعد ما شرحت له ام محمد باللي تقدر عليه .. ديمه وانوار ماقدروا يبطلون عيونهم بس ضحكوا لين قالوا بس حتى الجاهل طلع لسانها !!
وبعد ما وصلوا فرنسا .. نزلوا وطبعا ديمه نزلت معاها القفص الصغير .. وقعدوا بالمطار ينطرون الجناط متى تنزل من الطياره .. بس الغريب ان معظم اللي شافوه من شرق اسيا .. وجايين معاهم جناط الدنيا والدين .. وكأنهم مهاجرين !! شوي وجات جناطهم وطلعوا برى .. يدورون تاكسي ولقوهم من البوابه الثانيه للمطار صافين طوابير شغالين .. وصولوا الساعه 8.30 باليل بس كانت حزتها توها بتغرب الشمس .. وتمشكل بو محمد مع راعي التاكسي .. وقعدوا ربع ساعه مايدرون شيسوون
ام محمد : منصور شفيك الله يهداك ؟
بومحمد : اللحين التاكسي ماراح يشلنا كلنا ممنوع عندهم كل سياره ما تشل اكثر من اربعه اشخاص
ام محمد : انزين ليش ترى كل سياره اكبر من الثانيه ؟؟
بومحمد : هذا نظامهم اللحين شلون ؟ بعطيج عنوان الفندق وانتِ روحي مع محمد وميشو وانا بروح مع ديمه وانوار ..
ام محمد : اخاف يضيع فيني
بومحمد : العنوان مسجل داخل هالورقه ماراح تضيعين ان شاء الله واحنا وراكم
ام محمد : شورك وهدايه الله يلا مشينا
وركبوا الجناط بالسيارتين .... وحركووا لين وصولوا الفندق .. بس الفندق مو مشهور بالمنطقه وقريب من المطار وبعيد عن باريس العاصمه حوالي ساعه ونص فا اللي صار انهم انزلوا والمشكله انه مو مثل اللي بالكاتلوج لا حتى خدمه سيرفس مافيه توهقوا .. وراحوا البنات وصولوا الجناط فوق الغرف .. والفندق كئيب وحسوا بضيقه من دخلوه .. شكله حق كابوي لان شافوا من ظلمت الدنيا بدى الخمر وبدوا يتجمعون الحبايب باللوبي .. فا صعدوا وحطوا روسوهم وناموا ..وبجذي انتهى اول يوم على ثاني يوم .. الكل مستاء من هالوضع مايبون هالفندق وتريقوا باللوبي الا ولقوا واحد تونسي على الرسبشن .. وبومحمد قعد يسأله عن المنطقه وعن باريس وفنادقها وقاله انه يبي ياخذ الاهل هناك .. ويبي مترجمه ترافقهم .. التونسي اسمه صابر .. اتصل بكذا مترجمه بس كانت عطلتهم لان اليوم كان الاحد ثاني يوم من وصلوا فا ما لقى الا اخته اتصل بأخته لطيفه ووصلت بعد ساعه نص تقريبا .. وتعرفوا عليها البنات وبدت الرحله اول يوم ديمه معاها كاميرا الفيديوا وانوار الفوتغرافيه .. وطبعا طول الطريق كان بومحمد ماسك محمد اللي عمره 12 سنه ويمشون قدامهم .. ولطيفه المترجمه مع البنات والام يمشون على مهلهم .. وقبل لا يوصلون المتروو .. (قطار تحت الارض ) شافوا سياره المزين طويله بيضاء لها اكثر من اربع ابواب تقريبا عشر ابواب .. وانزلت منها عروس شرق اسيويه ومع زوجها بس الغريب اللي خلا ام محمد وبناتها بنصدمون ان العروس بأخر شهور حملها !!ولابسه نفنوفها وطرحتها واهلها معاها واللي يجون يصورون معاها واللي يباركون لها .. واهي كانت بقمه السعاده .. وقعدت لطيفه توريهم العرس شلون يصير وقالت لهم لا تستغربون اصلا في بعض الاعراس اولاد المعاريس هم اللي يزفونهم .. شي طبيعي عندهم .. وقعد بو محمد يضحك
بومحمد : احلى عرس بعد اسبوع يكون عنده ولده جاهز.. شيبي اكثر !
ام محمد : اعوذ بالله يالله لا تبلانا ..
ديمه : يمى ترى اهم عادي عندهم لكل مجتمع عاداته ..
ام محمد منقهره : بس عين قويه مثلها ماشفت دامه خلاص حملت خلها تنطر لين تولد وبعدين تتزوج بعد شناقص ؟
انوار : ههه الحمدلله على نعمه الدين بس
ونزلوا المتروا .. واركبوه طبعا تحت الارض وكل شوي موقف عند محطه ويدخلون ناس ويطلعون .. طبعا من كل الجنسيات جنوب افريقيا وشرق اسيا وفرنسيين ومن كل بحار العالم ..
وبعد ما وصلوا شافوا ان المسافه بعيده من الفندق لين العاصمه .. وقرر بومحمد انه يدور هالمره على فندق داخل العاصمه عشان يكون قريب من السوق وبرج ايفل ..
بعد مده وفراره وهم يمشون لقولهم فندق بالشانزليزي .. واستانسوا اهم شي يفتكون من هذاك الفندق الكئيب .. وبومحمد خلا البنات و محمد مع ام محمد وراح مع انوار الفندق القديم وجاب اغراضهم بيوديها الفندق الجديد .. وخلا لطيفه توديهم فندقهم الجديد لانها تدلهّ عدل .. ووقفت لطيفه تاكسيين واحد يشل ميشو ومحمد وام محمد والثاني يشل لطيفه وديمه .. طبعا ابو محمد بيتأخر لانه بيروح بيرد تقريبا يبيله ثلاث ساعات .. التاكسي الاول رفض يركب ام محمد وعيالها ..واسئلته لطيفه قال ماراح اركبهم ومشىى وكمل طريقه .. استغربت لطيفه وعصبت وقعدت تتكلم بالفرنسي .. وقعدت ام محمد تهديها
ام محمد : ليش راح ؟
لطيفه : مدري كيف مخو متحجر عليه عنصرية غريبه !!
ام محمد : عنصريه ؟
لطيفه : ايوا بيقول ما بيركبش عرب !
ام محمد : ليش ان شاء الله مو مالين عينه ؟
لطيفه : ما بعرفش حاجه ماعلينا منوو هو متخلف حنركب تاكسي تاني غيروا
ام محمد : ليش اهم دايما جذي ؟
لطيفه: لا مش كلهم بس هاذاا مش طبيعي فيوزاتوا ضاربه
لقوا تاكسي وراحت ام محمد مع عيالها وركبت ديمه مع لطيفه ..
وديمه ركبت مع لطيفه وكانت اللي تسوق حرمه .. وطول الدربّ لطيفه وهاللي تسوق يقرقرون .. بفرنسي .. وديمه كانت ساكته وتفكر بطيرها لانه بالفندق .. ووصت ابوها عليه وقالها لا تحاتين ..وقعدت اتطالع باريس حست انها منظمه حيل .. وكل اللي فيها يمشون مالهم دخل بالناس .. بس اللي خرعها ان كل واحد فيهم يمشي معاه كلبه البوليسي .. وهي تموت رعب من الكلب البوليسي الاسود ولقت منه واجد وهي ماشيه و كانت كل شوي تلصق ببوها وتدخل بجاكيته من الخرعه وابوها كان يمشي بالطريق اللي مايشوف فيها أي كلب لانه مايبي يخرع ديمه لانه مطلعه عشان يونسها .. بس المشكله ان لطيفه وديمه وصلوا الفندق بس ماشافوا ام محمد وعيالها .. !! وقعدوا تقريبا نص ساعه وديمه كل شوي تلتفت يمين وويسار والمشكله ان تاكسيهم حرك قبل تاكسي لطيفه يعني المفروض وصلوا .. بس وينهم !!
ديمه : مو كأنهم تأخروا ؟؟
لطيفه : ايوا والله اتحيرت عليهم
ديمه : ليكون ضيعوا !!
لطيفه : ليش مانسأل الرسبيشن بركي دخلوا الغرفه ؟
ديمه وهي خايفه على اهلها : اوكي
اول مادخلوا الفندق شافوا ام محمد ايدها على قلبها متخرعه على بالها ديمه ضاعت مع لطيفه .. وقعدت ديمه تهدي امها
ديمه : بالعكس والله يمى انا خفت عليكم انا معاي لطيفه لاتحاتين اما انتِ مامعاج احد
ام محمد : من اول يوم ضعنا الله يستر بس !
ديمه : والله الفندق روعه يمى
ام محمد : يلا بنروح الغرفه
بعد حوالي ساعتين وصلوا بومحمد وانوار .. انوار اول ما وصلت على طول رحله استكشافيه للمكان .. ماخللت مكان جنب الفندق ما ززارته طبعا اليوم هذا كان متعب لهم بشكل كبير .. وخاصه بعد ماتلعوزوا بالمترو .. اللي حلفت ام محمد ماتركبه من كثر ما يختض ويوقف بالمحطات لوع جبدها .. هذا كان ثاني يوم لهم في العاصمه باريس

:: .. الجزء الثاني .. ::
على ثالث يوم بغرفه البنات كانوا انوار وميشوو نايمين على السرير وديمه بالمطبخ ومحمد نايم بالصاله قدام التلفزيون .. ديمه بعد ماقامت شافت التلفزيون مفتوح وصكته ولحفت اخوها عدل وراحت مطبخ التحضير الصغير مالقت شي تاكلها هي قايمه مبجر .. الساعه 7 تقريبا واهلها بغرقه النوم ماراح يقومون الا 11 .. قعدت تقلب القنوات مالقت شي يعجبها بس ست قنوات حطت على ستار اكاديمي الفرنسي بس لاعت جبدها اكثر وحطت على فاشن تيفي وشافت عروض الازياء والمصممين والمكياج بس زهقت ساعه وهي تشوفهم .. خلاص ماقدرت تقعد اكثر حتى فوفو ناايم ولا سمعت حسه .. راحت قومت انوار وشاورتها
ديمه بحس واطي : انوارووه قومي بننزل نتريق
انوار فيها نوم : مو اللحين بنام
ديمه : هذي فرصتنا امي وابوي بيقومون متأخر
انوار : ارحميني ترى نايمه متأخر
ديمه : كيفج انا بروح واستكشف المكان واتريق تبين حياج الله ..
انوار: والله ماقدر بس اذا مارديتي بعد نص ساعه بنززلج ونكمل الطلعه اوكي
ديمه : اوكي ناطرتج بس ترى ماراح اروح بعيد تلقيني بواحد من الكوفيات اللي صوب الفندق
انوار : ماعليج كلهم مارتهم امس يلا روحي بنام
ديمه : اوكي اذا قامت امي قوليلها انا تحت
انوار : انزين ترى شوي والحقج مع حمود
ديمه : يلا بروح البس
لبست ديمه وخذت معاها كاميرا الفيديو ..
فندقهم صاد شويه عن الشارع يعني يبيلها تمشي خمس دقايق لين توصل شارع الشانزليزي الرئيسي اللي فيه كوفيات وسوق وكل شي شمت هواء صافي واستانست لانها بدت يومها من اوله وهي تتمشى بنشاط .. شافت الناس رايحه راده وكلن بحال سبيله .. الطويل والقصير والاسمر والابيض .. يوم وصلت الكوفي دخلت وحيتهم بتحيتهم .. اللي هي بنجوور .. وقعدت بطاوله على الشارع عشان اذا جتها انوار تشوفها .. وشافت المنيوو واشرت له على اللي تبيه وشوي الا جايها قرصون شايب وحط لها الاكل .. وقالها
القرصون : السلام عليكم
تفاجأت ديمه ولفت عليه وابتسمت : وعليكم السلام الاخ عربي ؟
القرصون : أي نعم معاكِ صادق من الجزائر ..
ديمه : تشرفنا
صادق : ماشرفتينا بأسمك يا اموره
ديمه : اسمي ديمه
صادق : ما شاء الله ربي يحرسك
ديمه : مشكور ماقلت لي عم صادق انت من زمان هني ؟
صادق يطالعها بحنان واسى على حاله : ايه يا بنتي لنا عمر عم بنشتغل هنا مهاجر من 25 سنه
ديمه شهقت : واجد
صادق : عم نترزق
ديمه : أي الله يعينكم ان شاء الله
صادق : الا ماقلتيلي انتِ من وين ؟
ديمه : انا من الكويت تونا ساكنين بالفندق اللي عندكم
صادق : ماشاء لله فيه اكثر من فندق هينا انتِ أي واحد بتقصديه ؟
ديمه : لاباغتيل
صادق : ايوا ايوا عرفتوا على الشمال
ديمه : أي هذا هوو
صادق : تشرفنا بمعرفتك واي حاجه عوزاها نحنا بخدمتك قوليلهم صادق بيدلوكِ عليا
ديمه : مشكور عموو وان شاء الله بتشوفنا يومياً عندك
صادق : بردون مودمازيل
وراح صادق وقعدت ديمه تفكر بحياه صادق شلون ترك اهله وعياله وتغرب عشان يحصل لقمه العيش .. الناس يعانون عشان يعيشون .. وتريقت وبعد ماخلصت شافت ان انوار ماجتها قالت بروح اتمشى شكلها البنت مطوله .. ورحات عند عم صادق وقالت له اذا شفت بنت متحجبه دخلت الكوفي قولها اختك راح تتمشى بالسوق وطمنها صادق وراحت وهي مرتاحه
مشت حوالي نص ساعه بالسوق وتعبت وقعدت على واحد من الكوفيات اللي على الشارع وشربت لها عصير برتقال .. بس لفت انتباهها مجموعه شباب قاعدين بالطاوله اللي قبالها وشكلهم عرب واحد لهجته مصريه والثاني لبناني والثالث كويتي والباقي ماميزتهم لانهم ماتكلموا .. بس تأكدت انهم عرب من اشكالهم .. بقلبها استانست يعني في عرب هني .. بس من تكلم الكويتي وهي بس تسمع كلامه حنّ قلبها لديرتها .. وكانت تشرب العصير وتطالع الناس وفجت الكاميرا وصورت الشارع وقوس النصر والسوق والباصات المكشوفه وكل شي بعدين قفلت الكاميرا كانت ديمه لابسه بنطلون وفوقه قميص وسيع طويل وشيله بيضاء على بدلتها .. وماسكه الكاميرا بيدها .. بس شكلها ضيعت وكل شوي ترد الكوفي اللي فيه العرب بس مستحيه تسألهم .. لانهم اكثر من اربعه .. ولاحظها الكويتي لانه ماقدر يشل عيونه عنها من داخله خايف عليها لا تضيع .. وخاصه فرنسا ما يتفاهمون الا بلغتهم .. ويوم حست ديمه انها فقدت الامل لانها هي ضيعت روحها ما تدخل المحلات اللي على الشارع لا كانت تدخل داخل وتطلع بعدين ماقدر يستحمل الكويتي قام من مكانه وقرر يدليها بنفسه .. بس ديمه ما انتبهت عليه ورجعت لكوفي العم صادق وهو اللي دلااها .. وبعد مارجع الكويتي لربعه
عمر : في ايه يا مشعل مالك ؟
مشعل : لا بس كسرت خاطري شكلها ضايعه
سمير : شو تضيّع المكان انت التاني ما اجت لوحدها الا بتعرف طريقها
مشعل : يبى بنت خليجيه وهني لازم اساعدها
ناصر : طيب منت قايم
مشعل : الا بس دق على المدرب يمكن بيأجل المباره
ناصر : ياخي قم واللي يعافيك جاي تتمشى انت وراك لعبّ يهدّ الحيل
سمير : أي ولك بكير على اللعب لسى بائي اسبوعين على الدوري
عمر : ماهو برضو حنتدرب
مشعل قام من مكانه
ناصر: على وين ؟
مشعل وده يتمشى المهم يرد يشوفها مره ثانيه ماتطمن يوم شافها ضايعه وشوي وتبجي
مشعل : لا بس بتمشى تجي معاي ؟
ناصر : طيب طيب يلا قمنا
وراحو مع بعض وكان طول ماهم يمشون مشعل يتلفت يبي يدورها ..
ناصر : علامك مضيع شي ؟
مشعل : ها لا ابد بس ابيلي شريحه تلفون دامنا مطولين
رقع السالفه مشعل وهو وده يروح يشوف البنت اللي مرت عليهم ..
ناصر : قول ابي محل تلفونات ترانا مطوفينه
مشعل : لا انا شايف واحد قدام قبل امس
ناصر شاك بكلامه بس سايره
شوي الا شاف البنت نفسها بكوفي معاها بنت ثانيه ارتاح وعرف انها لقت اهلها ؟؟
بعدين وقف
مشعل : اشوى خلاص خلنا نرجع
ناصر : بلاك انت مره جايبنا ومره مرجعنا
وبعدين لف على الكوفي وشاف البنت اللي مّرتهم قبل شوي وعرف مغزى السالفه
ناصر بمكر : اها قول كذا من الاول
مشعل بجدّيه: لالالالالالا حرام عليك لايروح فكرك بعيد بس كنت بتطمن عليها
ناصر غمز له : يعني عشانها كويتيه ؟؟
مشعل : شدراك انها كويتيه ؟
ناصر : تراهم معنا بنفس الفندق
مشعل : احلف ماشفناهم
ناصر : امس نازلين انت الظاهر الكره ماخذه عقلك اقول امش قدامي بس
مشعل ابتسم ومشى معاه
مشعل : بس ترى والله ابي شريحه لتلفوني زهقت من البطاقات والكباين ياخي بسرعه تخلص
ناصر:ههه مصدقك مصدقك بس امش قدامي لا يزّر عقلك
مشعل ضحك ومشى معاه ..
ناصر سعودي ومشعل كويتي هم حيل مع بعض من وصلوا المعسكر .. تعرفوا على بعض من اسبوع يعني من جيتهم .. مشعل عمره 24 سنه يعشق الكره طويل وجسمه رياضي كان يخرع الاعبين فا يخلونه هجوم دايما وله غمازات عجيبه يعني ابتسامته تسرق القلوب .. وشعره كثيف واسود وناعم عكس السعودي اللي كان محلق شعره ويجي مشعل يقهره ما يلبس شي على راسه عناد .. مشعل ككل وسيم ويلفت الانتباه ..
--
انوار : تخيلي قبل لا اجي قامت ميشوو وازعاجها قومّ الدور كلها
ديمه : ههه ياعمري حرام عليج جان لبستيها وجبتيها معاج
انوار: فاضيتلها عشان بنص السوق ابي ماما ابي بابا ماتعرفنيها انتِ
ديمه : انزين انا زهقت رجولي تكسرت خلنا نرد بشوف فوفو قام والا لا
انوار بتأفف : قام وعطيته اكله وسلمتلج عليه وقلت رايحين شوي وبنجي
ديمه شافت انوار تتطنز عليها بس هي صج تتكلم معاه وتقوله انها بتطلع وكل شي لانها تعتبره عمها تفضفض له عن كل شي .. طالعت الناس بنظره يائسه " آآآه بس لو الف العالم كله ماراح انساك ومافي شي بالكون يعوضني عنك الله يرحمك "
انوار: ليش ليش هالنظره الحزينه عاد
ديمه ابتسمت : لا ابد بس احس اني مختنقه برجع الفندق
انوار : وانا منو بيجي معاي بروح السوق
ديمه : نصيحه لا تروحين انا قبل شوي بغيت اضيع زين اني ميزت كوفي العم صادق
انوار : لحوول المشكله لو رحت مع اهلي بيقولون طولتي بالمحل خلصي ومدري شنو ابي اتمشى على راحتي
ديمه : أي على راحتج وضيعي وعاد انتِ بلبل بالفرنسي تبارك الله
انوار غصبن عنها ضحكت تخيلت شكلها ترطن فرنسي مو لايق
انوار : ههه ماتخيل
ديمه :انا برجع اللحين اكيد امي بتقوم وابوي بكوي ملابسهم وارتب الغرفه
انوار: لا استريحي دخلوا السيرفس ونظفوها
ديمه : اشوى عبالي نفس هذاك الفندق الخايس
انوار: ههه عبالج بالكابوي احنا
ديمه : مادري عنهم يلا انا ماشيه
انوار :خلاص انا بخلص من اكلي وبلحقج
ديمه : اوكي تيك يور تايم
مشت ديمه ودخلت اللوبي شافت محمد اخوها قاعد على القنفات ويشرب كولا
ديمه : حمود شمقعدك هني ؟ وين ابوي
محمد : اف واخيرا وصلتي امي وابوي وميشوو راحوا يتريقون بمطعم وقالولي ان جووا خواتك قولهم ينثبرون بالغرفه ولا يطلعون مره ثانيه وعقابا لهم مافي طلعه اليوم الا بعد المغرب
ضحكت ديمه : ههه اتصدق احسن انا رجولي متكسره
محمد منقهر : وانا شذنبي لا اتريق ولا اتغدى ؟ بس احرسكم ؟ ليش انتِ انانيه ؟؟
اسكتت ديمه ماتوقعت هذا الكلام من اخوها اللي تحبه
بعدين قعدت على الكرسي وقالت له بألم وهي تمسك شعره: حمود انا انانيه ؟
محمد: اجل شتفسرين طلعتج بروحج انتِ واختج ومهمله الناس والحين يوم عاقبني ابوي قلتي احسن رجولي متكسره ماتحسين فيني انا جاي استانس مو جاي اتعاقب على شي مالي دخل فيه
ديمه تفاجأت بس تمالكت نفسها : ولايهمك اللحين اوديك اريقك واغديك
محمد ماله نفس : مشكوره روحي اكلي طيرج هالفوفو وخلي اخوج ينطق هني ينطركم كنه ناطوركم
ديمه انقهرت منه حست انها بتندم لو انفعلت
ديمه : امش امش قدامي ترى انوار بالكوفي روح بريقك وبغديك وبمشيك
محمد استانس بداخله على العرض المغري : بس وابوي ؟
ديمه : انت مو قلت بيردون بعد المغرب خلاص بنرد العصر
محمد : بس على شرط ما نبعد حيل
ديمه : لا كاهو الكوفي على اللفه
محمد : اوكي بس شلون بترك لهم خبر
ديمه ماعليك انطرني هنيه وبروح اترك لهم رساله عند الرسبشن
محمد : اوكي تلقيني بمحل الوورد اللي قبال الفندق
ديمه : اوكي دقايق وجايتك
راحت ديمه الرسبشن وحاولت تتفاهم معاهم بالانجليزي .. بس المصيبه ان الفرنسيه ماتعرف انجليزي حيل .. قالت لها انطري شوي وبيجي واحد يتفاهم معاج انطرت ديمه باللوبي لين جاها شاب لابس بدله رسميه لاحظت انه يشتغل بالفندق نفس لبسهم .. ووسييم ومعضل .. قالها
موظف : اهلا اختي اسعادك بشيئ ؟
ديمه : اها أي انت تشتغل هني
درت ان سؤالها غبي بس رد عليها مبتسم
موظف : أي نعم أي خدمه ؟
ديمه : بغيت اترك رساله لاهلي لاني بطلع شوي وبرجع
موظف : تحبي تكتبيها بخط اليد ؟
ديمه : أي والله يكون احسن
موظف : تفضلي معي
ديمه استشفت من لهجته انه مغربي ..
خلت كاميرتها على الطاوله وراحت معاه لين الرسبشن قالها تنتظره دقايق .. وهي واقفه الا انفتح الانصنصير وطلع منه شابين من ملامحهم خليجين .. بس نزلت عيونها والتهت بالزرع اللي قبالها..
بس اهم القو السلام
مشعل +ناصر : السلا عليكم
ردت عليهم بشكل مقتضب وعيونها بالارض: وعليكم السلام
مشعل كان ينادي اللي بالرسبشن بس مايرد عليه احد الا هذي الموظفه اللي متوهقه فيهم
مشعل: اكسيكيوزموا
الموظفه قعدت ترطن تقوله انتظر اللحين بيجي الموظف العربي
واشرت لهم الموظفه انهم يقعدون لين يخلص الموظف من ديمه ابتسمو وراحوا قعدوا بعد ماكتبت ديمه الرساله وخلصت راحت صوب الباب بس تذكرت ان كاميرتها على الطاوله اللي قاعدين فيها الشباب .. استحت اتروح وشافت محمد اخوها وقالت له انها نست الكاميرا وراح يجيبها ..
سلم محمد على الشباب واخذ الكاميرا
مشعل : انتوا من الكويت ؟
محمد : أي والاخو ؟
مشعل : هلا والله بأهل ديرتي هذا ناصر من السعوديه
محمد استانس عليهم وشكله بيبسط
محمد : والله اجل شجايبكم هني انت من الكويت وهذا من السعوديه
مشعل : وراانا مباريات مو جايين سياحه
محمد : احلف اجل انتوا لاعبين جايين تتبارون دولي
مشعل : ايه هذي اول مباره لي دوليه ادعيلنا
محمد : لاتوصي قلوبنا معاكم
ناصر : تسلم ماتقصر انتوا مطولين هنا ؟
محمد : تقدر تقول اسبوعين هذا اذا ماتغيرت مخططات الوالد
مشعل : فرنسا حلوه بتستانسون فيها
محمد : أي ان شاء الله انا بطلع اللحين نشوفكم على خير
مشعل : على خير ديربالك على عمرك

يوم طلع انقهرت منه ديمه ..
ديمه : لا والله جان شربتوا شاي وقهوه بعد ؟
محمد : هذول خليجيين
ديمه : أي ادري وشسوي تقوم تنقعني ساعه برى الشرهه مو عليك على اللي يطلعك
محمد : اقول امشي بس والا نسيتي شسويتي فيني !!
ديمه : يعني وحده بوحده ؟
محمد ابتسم درى انه زودها : تدرين طلعوا مثلي لاعبين ؟
ديمه : وانت قاص على روحك عبالك لاعب ؟
محمد : بدال ما تشجعين اخوج وتقولين انت اكبر لاعب بالدنيا تجين تدقريني ؟
ديمه ضحكت حست بتأنيب ضمير : سوري حمود والله انك احسن ولد شفته بحياتي كفايه صابر على انوار وميشو ولسانها
محمد : أي قدروا قدروا ياما تحت البنات مظاليم
ديمه : ههه عاد مو لي هالدرجه يلا كانا وصلنا
محمد : وينها ام السعف والليف ؟
ديمه : لا تسمعك تنتفك
محمد : وينها ؟ ماشوفها
ديمه : لالالالا مستحيل
محمد : شنو
ديمه : اكيد دشت السوق لالالالالالالالا
محمد خاف : ليش شفيه السوق ؟
ديمه : يعني ماراح تطلع الا عقب باجر ماتعرفها انت
محمد ارتاح : لا ماعليج بسيطه نفتر ندورها واذا قالوا امي وابوي شي نقول ندور انوار نقطها براسها عرفتي ؟
ديمه : عرفت يابو الخطط بس انا مشيت على خط واحد ضعت مابيها هي تحوس
محمد : ماعليج مامداها بعدت وتراها مو مثلج تمشي على عماها تراها ذكيه وكل شي تعرفه
ديمه : تبي كوفي العم صادق والا غيره ؟
محمد : ومنو العم صادق ؟
ديمه : ههه هذا اللي تريقت عنده اليوم
محمد : هلآهلآ والله وطاقه الصحبه مع اخينا بالله
ديمه : حمود ترا مو ناقصتك جايين نستانس
محمد : تستانسين انزين اوكي
ديمه : لحظه بوريك العم صادق عشان ماتقعد تتفلسف على راسي
ودخلوا الكوفي وجاء العم صادق سلم عليهم استانس لما شافهم
ديمه : العم صادق اعرفك على اخوي
صادق : اهلين يابني ماشاء الله رجل قوي
محمد ابتسم : الله يعطيك طولت العمر
قال هالكلام وهو يطالع ديمه ويبتسم .. لان طلع العم صادق كبير بالسن شايب ..
ديمه : عم صادق ماشفت اختي انوار ؟
صادق : الا يابنتي قالت لي انها بتتفسح في الماركت
ديمه : لحول هذي وين القاها
صادق : هي بتقول ابتطولشي كلها ساعه زمان
ديمه : لا ياعم ماتعرف ساعتها تصير سنه
صادق : لالا هالمنطقه امان ما تخافيش عليها
محمد : المهم عم صادق شعندك اكل ؟
صادق : كل مالذ وطاب بس استريح
محمد : اوكي عمو وريني
صادق : الا يابنتي ما قلتليش انتوا مطولين هنا ؟
ديمه : عمي تقريبا اسبوعين
صادق : انا بعد بكره بسافر على الجزائر اخواتي عاوزيني كلها اسبوع زمان وراجع
ديمه : لا عمي مايصير احنا ماراح نطول هني
صادق : والله انا سعيد جدا بيكم بس الظروف
محمد : احنا والله اسعد
دشت انوار عليهم الكوفي ومعاها خمس كياس .. وتضحك ماسكه ايس كريم
انوار : انتوا هني ؟
ديمه معصبه : لا هناك وين كنتي حضرتج ؟
انوار : تخيلي شفت كذا عايله خليجيه
ديمه : ادري جايبه شي جديد
محمد : وانتِ تراقبين الرايح والراد ؟
انوار : كيفي زين ؟
ديمه : اشوف وريني شنو شريتي ؟
انوار : ابد والله خرابيط وتراجي واكسسوارت
ديمه : انزين ياحضره المودمازيل تدرين ابوي معاقبنا عشانا طلعنا وما قلناله ؟
انوار : لحظه عباله بننحكر بالفندق ؟؟؟
محمد : لا ياحبيبتي بس لاتطلعين بدون شوره ماعلموكم بالمدرسه الاستئذان ؟
انوار : ماسوينا شي كلها سوق
محمد : أي عيديها شوفي شيسويلج ابوي !
ديمه : بس عاد المهم انتوا اقعدوا هنيه انا بروح الفندق شوي برتاح وبرجع
محمد : بروحج عاد ؟
انوار : دامك مسويلينا فيها رجوله روح وصلها
ديمه : حمود شفيك صاير جذي انت ناسي اني جايه هالكوفي لحالي يعني عادي
محمد : يبى كيفج مو صغيره نقولج هالكلام
ديمه ابتسمت : يلا فمان الله
محمد : لا تطلعين لي خلصنا رجعنالج
ديمه وهي طالعه : لا تحاتي بحط راسي وبنام لاتتأخرون ..
مشت ديمه بخطوات بطيئه ووقفت عند محل الورود .. وتأملت كم ورده وشمتهم حست بإنتعاش وصورت المحل بالفيديو وسلمت على صاحبته وطلعت صعدت غرفتها وشافت فوفو قايم ويتحرك داخل القفص بدلت ملابسها وجت تكلمه كالعاده ..
ديمه : طولت عليك صح ؟! والله كنت برجع بس عطلني محمد اخوي تعتقد حتى لو جيت اخر الدنيا بنسى ؟
وقعدت تبجي وتبجي .. عمها مبارك ماكان انسان عادي .. كان اقرب انسان لها بهالوجود اقرب لها من امها وابوها .. ومن هواها اللي تتنفسه .. كان متكفل فيها بطلعاتها وجياتها .. عمره تقريبا 23 بينها وبينه اربع سنين بس توفى قبل ست شهور .. انهارت وصا حت ووقفت قيدها كورس كامل بس مع مرور الوقت بدت تتقبل الوضع بشكل جدي ان عمها مات ماراح تشوفه خلاص !
ديمه : ادري انك زهقت من كثر ما تشوفني ابجي بس يبيلي وقت عشان تمر ذكراه بشكل عادي ولا اذرف دمعه
مرّ الوقت وجاء المغرب واجتمعوا كلهم بغرفه البنات ..
بومحمد بعتب: ها استانستوا ؟
انوار: أي والله يبى سوقهم يهبل
بومحمد : انتِ اسكتي ولا كلمه
انواركتمت الضحكه: حاضر يبى
بومحمد : ديمه اعتقد انا جايبكم عشان اونسكم اعتقد ماله داعي تسوون حركات ووتتفقون وتنزلون بدون اذن يعني لو ضعتوا وصارلكم شي احط ايدي على خدي ؟
ديمه غصتها العبره : لا يبى انا اسفه بس كنت بتريق وبرجع
بومحمد : ماينفع الاسف المهم ماتعيدونها
انوار: ابشر يابعد باريس واهلها
بومحمد طالع انوار وابتسم يعرف حركات هالبنت ..
ديمه سكتت ودها الارض تنشق وتبلعها ولا يزفها ابوها
ديمه : انا بطلع شوي وبرجع
بومحمد : ديمه مابيج تزعلين مني بس ترى كنت خايف عليكم
ديمه تبلع الغصه : لا يبى عادي مو زعلانه بس بروح الغرفه الثانيه اهدى
بومحمد : ديمه البسي اللحين بنطلع
ديمه : يبى تقدر تأجلها؟؟ دايخه وابي انام
بومحمد : بس ما سألتيني وين بنروح ؟
ديمه : يبى روحوا اللي تبونه بس انا بتعشى وبنام عادي والله
بومحمد : بنروح برج ايفل شلون بتطوفين هالروحه !!
ديمه : يبى ورانا اسبوعين لاحقين بنشبع منه
بومحمد : بس ماراح اخليج بروحج جذي بخلي محمد عندج
فزّ محمد معصب هو الظاهر الضحيه الوحيده بينهم
ديمه قالت بسرعه وهي تشوف محمد منفعل: لالا خلاص بروح معاكم
بومحمد مبتسم : جذي احسن ..
------
راحوا برج ايفل وبالليل شكله عجيب .. الاضواء باللون البرتقالي من فوق لي تحت .. صورت ديمه كل هالاشياء .. وتحس انها دايخه بس اهم شي ما تحرم حمود من الطلعه .. عشان ما تصير بنظره الانانيه !! ولما جات الساعه 9 حسوا بالجوع ومالقوا مطعم الا كفتيريا صغيره تحت البرج او مطعم راقي بس فوق بأعلى البرج ام محمد اعتذرت منهم قالت ماقدر اركب البرج
بومحمد : ها ديوم تركبين معاي ؟
ديمه : الله ودي اركبه واصور بس دايخه اخاف اشوف الناس من فوق واطيح
بومحمد : ههه لا اجل اقعدي انتوا ما تشوقون الواحد يصعد
ام محمد : اقول بس دورلنا مطعم نتعشى فيه
انوار : يبى ترى فيه مطعم تحت البرج عند الزاويه اللي صافين عنده طوابير
بومحمد : وانا عبالي التذاكر .. اثاريه مطعم
انوار : مو مطعم مطعم لا كفتيريا يعني فيها سندويشات وشبس وكولا وهالسوالف
ام محمد : يعني مطعم خلاص بومحمد اشترلنا وخلنا نتعشى قبل مانرد الفندق
بومحمد : على هالخشم ..
وطلبوا بس المشكله ان سندويشاتهم مطلعينها من الفريزر .. ولو تطقها براس الكافر اسلم من كثر ماهي يابسه بس تحملوا وكلوها ..
محمد متضايق من ميشوو: ميشو وخري عني ترى والله ان شربتي من كولتي مره ثانيه لا اطقج بهالصمونه اقسمج نصين
انوار : ههه حشى صارت سلاح بعد!
وبعد ما خلصوا ركبوا المركب اللي على نهر السين وشافوا كل المناظر والمتاحف والقصور الفرنسيه القديمه .. يرجع عهد بعضها الى 1600 سنه ميلاديه وبعد ما انتهت الرحله .. رجعوا الفندق منهكين
.. ردتّ ديمه الفندق وهي خلاص دايخه بس تبي الفراش
حطت راسها ونامت وبجذي انتهى ثالث يوم لهم بباريس
وما قومتها
ثاني يوم الا انوارالساعه 10 تقريبا
انوار : قومي يلالالالا بنروح ديزني قومي عفيه ديوم
ديمه بغرقه النوم : انوار راسي كبر الجبل خليني ارتاح
انوار: خلصي يقولون السايق بيجينا الساعه 11 ما يمديج
ديمه : شسالفه كل يوم طالعين يعني باريس ماراح تطير انطروا شوي خلنا نرتاح
انوار : ياماما ديزني تبعد ساعه من هني
ديمه : اف منكم
انوار : شحنتي الكاميرا .؟
ديمه : بلعنتها انشحنت والا انطقت وخري عني بروح اغسل وجهي
انوار : ترى ريوقج تحت انزلي معاهم تريقي باللوبي
ديمه : على مااتسبح واصلي والبس قدهم خالصين ولا تنسين الريوق يصكرونه 11
انوار : ماعليج تسبحي بسرعه عشان تلحقين
ديمه زهقانه : امرنا لله
نزلت انوار وخذت معاها كاميرا الفيديو ولحقتها بعد نص ساعه ديمه
باللوبي تحت ..
ام محمد : زين قمتي
ديمه : صباح الخير
بومحمد : صباح النوير لاحلى ديوم
ديمه استحت : شخباركم بعد طلعه امس
ميشوو : انا اثناني تعورني من الصمونه
انوار + محمد : ههه
بومحمد : ديوم حبيبتي روحي تريقي الريوق لا لحين مفتوح
ديمه : ليش لالحين ما وصل السايق
بومحمد : لا على ما يوصل قدج مخلصه
ديمه : لا تخاف ماراح اكثر اكل
بومحمد بعصبيه : عشان احرمج من الروحه بطلّ بصحنج لين تخلصينه
ديمه ابتسمت : ابشر يالغالي
ودخلت وقعدت على اقرب طاوله ..
وحطت لها بصحن اشياء خفيفه ..
وقعدت تاكل لين جاتها انوار وقعدت تقرق على راسها .. وطلعوا مع بعض .. الا شافوا ابوهم يسولف مع واحد شكله يعرفه !! وناداهم ابوهم انحرجوا وقربّوا ..
ديمه : هلا يبا
بومحمد : السياره وصلت اركبوا وانطرني شوي وجاي
وطلعوا وابوهم قعد خمس دقايق مع هالرجال وبعدين طلع
وبالسياره ... الكل متعجب من الجوو كان خيالي و غيم براد والارض خضراء ..
ام محمد : ماقلتلي يامنصور من اللي كان معاك باللوبي ؟
بومحمد : هذا ابوه صاحبي من سنين وياه وجيرانا قبل ..
ام محمد : يقولي محمد انه لاعب صج عاد ؟
بومحمد : أي جايين يلعبون دوري .. قعدت معاه والله خوش رجال
ام محمد : الله يخليه لاهله ان شاء الله
ديمه سرحانه وتحاتي الطير اللي خلته بالفندق .. بس هو اللي بقالها من اللي تحبهم .. لازم تحافظ عليه .. بعد ما وصلوا شافوا ديزني كانت بكل بساطه قمه بالروعه ديزني فرنسا كانت مجموعه من العوالم .. عالم افريقي وعالم عصر علاء الدين وعالم حديث وهذا اللي لاحظوه من الالعاب والمداخل اللي تدخل على الالعاب .. وطبعا الشخصيات الكرتونيه تعجّ في ديزني .. ميكي ماوس والحسناء والوحش والسندريلا وفله والاقزام السبعه ونيمو و ما الى اخره طبعا ميشوو ومحمد بس واقفين يصورون معاهم وياخذون تواقيعهم.. وديمه تلحقهم بالفيديو ..
ام محمد كانت تتسوق فالمحلات حقت الاطفال تتشرى لميشوو للروضه .. وتشتري لبنت اختها رغد .. لانها كبر ميشوو .. بعد مدّه زهقت ديمه وهي تلحق الجهال تبي تروح تلعب ..
ديمه : انوار وين امي خذت كاميرا فيديوا ولا رجعت ؟
انوار : هي راحت مع ابوي بيتغدون وقالولنا روحوا تغدوا بالمطعم اللي عند لعبه الأكواب .. ونلتقي عند هذاك الكوفي
ديمه : انزين انا بلعب مو ذنبي انج خوافه وماتحبين الالعاب الخطره !
انوار : اللحين خلينا نتغدى بعدين تفلسفي
ديمه : أي منقهره هههاي
انوار : مالت عليج المهم احمدي ربج انتِ بس تغدي معانا وانا بمسك الجهال وهيتي العبي على كيفج
ديمه : يلا على ما نتغدى قد امي واصله تعطيني الكاميرا
انوار : اوكي
دخلوا المطعم وكان عباره عند عالم اسباني .. يعني النادلات لابسين لبس كله كشاكش وحركات واشكالهم تونس من قلب .. بعد ما طلبوا وجباتهم .. قعدوا ياكلون .. بس احلى شي بالوجبه البطاط لانهم كلهم قضوا عليه معروف البطاط الفرنسي يشهي .. بعد ماخلصوا ..
بس بعد ما خلصووا ماقدرت ديمه تستحمل ..
ديمه : انوار وبعدين وين امي اللحين ..
انوار: هم وعدونا عند الكوفي هذا أبو قنفذ مدري القش هذا خلنا نقعد فيه وننطرهم وانا بلعب الجهال بالاكواب
ديمه : انتِ تدرين ان احنا نضيع وقت
انوار: يعني شلون بتروحين كيفج انا بقعد هنيه .. متى ما خلصتي تلقيني
ديمه : خلاص اجل بخليكم انا بروح كل لعبتين بجي اتطمن عليكم
انوار: اوكي بس لاتقطعين فجأه ترى ديزني داهيه ماراح تخلصينها بيوم واحد
ديمه : ادري مو هذا القهر اهم شي اخطر الالعاب بركبها وبصور فيها
انوار : صج فيني روح المغامره وفضول واركبهم بس اخاف
ديمه : أي احسن اذا انا وياج رحنا من بيتم عند الجهال ؟
انوار : محد يلا روحي انتِ
ديمه : لا وصيج عليهم
انوار : بعيوني طبعا
----

طبعا بومحمد كان مودي ام محمد مطعم تحت البحر .. وشكل المطعم رومانسي حيل .. لانهم ما يشوفون الا شموع .. والجو كان روعه .. ولاهمهم العيال بس خلوهم مع انوار
وراحوا .. لانهم يدرون العيال بس همهم الالعاب
= = = = = = = =
ديمه راحت العالم الحديث .. شافت فخامه ديزني شي رهيب .. وشافت لعبه عباره عن صاروخ داخل نفق وطالع على فوق وتسمع الناس يصارخون استانست هني المتعه وتدخل بس خافت لان الدخله ظلماء ماتشوف الا لمعه على الارض تبعت اللمعه دخلت يمين ويسار لين شافت واحد قدامها لحقته احسن من اللمعه اللي بغت تحّول عيونها ووصلت لين بدايه العبه وشافت اللعبه وقفت والناس بدوا يركبونها ركبت معاهم وقعدت جنبها وحده .. توكلت على ربها وسمّت وصكو اللعبه وطارت بسرعه البرق .. ودخلوا بأنفاق والمركبه تلف فيهم لين قالت بس ومن كثر ما قلبت فيهم حست ان كل الدم تجمع براسها .. والناس تصارخ .. وهي تضحك بصوت عالي ..
شافت ضوء فلاش لانها كانت مفتحه عيونها والناس يصرخون وهم مغمضين .. ضحكت عليهم اجل ليش راكبينها ؟ بس ماتنكر ان اللعبه تخرّع من قلب .. نزلت وشافت الناس يتجهون لمكان معين لحقتهم الا صورهم طالعه .. وقعدت تنطر صورتها وضحكت من قلبها يوم شافت صورتها .. كانت كل اسنانها طالعه وتضحك من قلب .. وحاضنه الحديده من الخرعه ..
بعد ما شرت الصوره حست انها بتضيع قالت ارجع لاهلي احسن لان المسافه بعيده شوي ..
رجعت وتشوف الناس اشكال والوان واستانست يوم بدا الكرنفال علاء الدين مع ياسمينا .. و سندريلا .. وبقيه الرسوم المتحركه .. وقالت فرصه انادي اخواني .. يوم وصلت مالقت احد منهم .. ولاحد بالكوفي اللي على شكل قنفذ استغربت .. قعدت شوي .. الا ومحمد جاها
محمد : ها لقيتوا ميشوو ؟
ديمه بخوف : ليش ليكون ضاعت ؟
محمد بآسف : أي
ديمه ايدها على قلبها : متى هالكلام ؟
محمد : يووه شكلج تلعبين وماتدرين شصاير ؟
ديمه : امي وابوي دروا ؟
محمد : كلن درى ويدورون عليها الا انتِ حضرتج من لعبه لي لعبه صج انج ....... وسكت
ديمه ضايقها هالكلام : لاتخليها بخاطرك قول صج انج انانيه
محمد حس بتأنيب ضمير: الله يخليج ديمه مو وقته ترى سوري صج متضايق من هالخبله مادري وين راحت
ديمه : دورتوها عدل ؟
محمد : اف لفينا كل مكان رحناله
ديمه : ماعليك دقايق وتكون عندكم
وراحت
محمد يناديها : تعالي وين رايحه انتِ؟ ناقصين تضيعين !!
راحت ديمه واختصرت على نفسها الدواره وعوار الراس سألت عن الحضانه
دلها السيكيورتي على الحضانه وراحت شافت الجهال الضايعين يبجون
اول ما سمعت صوت ميشو تقطع قلبها
بس ماخلوها تدخل تاخذها .. يبون ابوها عشان يسجلون بيانات ..
ميشو : وخلوا عني هذي اختي حبيبتي
ديمه حضت مييشو بكل حنان : بعد عمري انتِ ماعليج اللحين بنطلعج ماقلتيلي شلون ضعتي ؟
ميشو : انا ادولكم انتوا ضعيتوا عني
ديمه : ههه ياقلبي انزين بخليج شوي بنادي بابا يجي يطلعج انزين بس لا تصيحين خلاص انا لقيتج
ميشوو تصيح: ابي ماما ابي بابا لا تلوحين بعدين شرطي قطني سجن عند الوحش
ديمه ماتت من الضحك شكلها حيل متأثره بسبيس تون
طلعت ونادت ابوها وجاء طلع ميشو بعد ما كتب كل البيانات اسمه ورقم الفندق وما الى ذلك ..
بس بعد كل اللي صار هدأت الاوضاع وصاروا كلهم يمشون مع بعض ..
ديمه : يمى انا بروح العب
ام محمد : خلاص روحي تلقينا هني عند هاللعبه
راحت ديمه كملت رحلتها وركبت لعبه ايام العصر الافريقي القديم .. كانت صج تخرع تعتمد على الهدوء .. بعد ماطلعت شافت انها تعبت مع انها ما لعبت الا لعبتين بس .. وشافت ان ديزني ماتكفيها يوم واحد .. بس ماتنكر انها استانست بهالطلعه .. ردتّ ديمه وشافت امها واخوانها قاعدين
ديمه : يمى ركبت لعبه عجيبه
بومحمد بفرح : اهم شي استانستي
ديمه : أي حيل الا وين انوار ؟
بومحمد : داخل بالمتاهه ساعه ماطلعت
ديمه : ههه طلعوها اخاف تطلع باجر
بومحمد : لالا ماتضيع لهالدرجه مو من كبرالمتاهه
ديمه : بروح اشووفها ..
بعد ساعه طق مطر عليهم ومعظم المحلات صكرت ولبسوا اصحاب المحلات والالعاب مثل الجياس الصفر من المطر.. وانتهت الرحله وطلعوا برى ينطرون السايق .. بس قبل لا يطلعون .. راحت ديمه محل الهدايا .. واشترت .. كوب عليه صورت ميكي ماوس ومحطوط عليه حرف D عشان يصير كوبها الخاص محد يستخدمه غيرها .. ومنها تتذكر هالطلعه ..
وبجذي انتهى لهم رابع يوم في باريس ..

انا نزلت جزئين بس.
وأبي أشوف ردودكم..
وتطمنوا القصه موجوده عندي و كامله
>>لاحرمني الله منكم<<

لا
لهذي الدرجه القصه مو حلوه..
وين الردود:(

:: .. الجزء الثالث .. ::
خامس يوم لهم .. اللي هو الخميس .. ناووين يقضونه كله بالتسوقّ بالشانزليزي ..
بس لالحين كلهم نايمين الا ديمه وانوار اللي قاموا مبجر عشان يتريقون بالفندق تحت .. ابوهم سمحلهم يتريقون بالفندق نفسه بس ما يطلعون .. حتى لو سوبرماركت اللي عند الفندق .. مايعتبون باب الفندق الا كلهم مع بعض ..
انوار وديمه الحين بالغرفه يمشون بأطراف اصابعهم مايبون ميشوو وحمود يقومون ..
انوار بهمس : بعد شحقه تحوسين ؟ يلا امشي
ديمه : باخذ فوفو معاي اخاف يقوم ويأذيهم
انوار : اف مايخالف قفصه صغير يلا اخذيه .. بس تحركي
كان قفص فوفو فضي دائري وقاعدته دائريه وكان صغير شوي بس راقي .. يعني عادي ينشال معاها بأي مكان ..
نزلوا ودشت ديمه قبل انوار وقعدوا بالطاوله .. ماشافت احد الا واحد مع مرته شكلهم كبار والثاني مع رفيجه .. وهاديين ..
ديمه : انزين انتِ اسكتي لا تفضحينا بصوتج الناس هدوء
انوار : اوكي يلا شراح تطلبين ؟
ديمه : ام مادري خليه يجيب المنيو
انوار : أي صج ليش؟؟ كاهو البوفيه مفتوح
ديمه سكتت وبلعت لسانها لان طاولتهم بالنص وشافت مشعل طالع من الحمام وجات عينه بعينها هي تمت تطالعه بعيون مفتوحه وبلعت ريجها .. هو كل اللي سواه ابتسم لها ..
ديمه : قومي قومي
انوار: ليش
ديمه : بعدين تعرفين
انوارمستغربه : ليش عاد ؟ ؟
ديمه : وبعدين يعني!!؟ امشي بسرعه
انوارطالعت المكان اللي كانت تشوفه ديمه قبل شوي وخلاها تنصدم وغيرت رأييها ..
انوار : لالالالا معقوله !! حيل يشبه ........ وسكتت
ديمه حطت ايدها على وجهها تبي تبعد هالوجه من خيالها
انوار حستّ بديمة : الله يرحمه خلاص ولايهمج خلنا نقوم ..
طلبوا سفري وخذت انوار الطلب وراحو فوق ..
اللي انصدم من هالسالفه كلها مشعل .. ماعرف ليش هي سوتّ جذي ؟؟
وبدا يشكك بنفسه بس هو ما سوى شي يضايقهم ولو بنات ديرته لايمكن يرضى عليهم ..
بس شغلته هالسالفه شوي .. مع انه كل ما شاف البنت اللي قبل شوي بس وده يوقف ويطالعها .. ماعرف يفسر هالرغبات بس تركها شاف انها مالها اهميه .. بس ما انكر ان البنت من اسبوع شاغله باله لانه ما يشوفها الا اذا كانت واقفه عند محل الورد او قاعده مع الطير اللي يموت ويعرف شسالفته .. حس انها هاديه حيل .. ومافي شي بالدنيا منعه من انه يبتسم لها يوم شافها .. قباله وبعد ما خلص راح غرفته ولبس ملابسه الرياضيه وراح التمرين .. لان وراهم مباره باجر تجريبيه لان الدوري الاصلي بيبدا بعد اسبوعين..
---
على الساعه 12الظهر طلعوا من الفندق بعد ما رتبوا غرفتهم والمطبخ والحوسه كلها خطوتين الا هم بشارع الشانزلزي المشهور .. ومن وصلوا خلاص نسوا عمرهم البنات واتفقوا انهم يتلاقهون عند كوفي Paul على الساعه 5 .. وزين اذا يمديهم يتمشون ويتشرون .. البنات كانوا مع بعض انوار وديمه اما ميشو مع امها ومحمد مع ابوه .. بومحمد صادف جم واحد من ربعه وقعد معاهم .. وشي طبيعي شافوا ناس مشهورين على المستوى الفني والرياضي والاعلامي .. وهم ماشين .. شوي الا شافوا اعلانات حفله محمد عبده ..
انوار : وناسه محمد عبده هني
ديمه : واذا يعني ؟
انوار: عفيه كلمي ابوي خلنا نحضر ..
ديمه : انا احضر حفله ؟؟؟ لا ياحبيبتي ماحب هالسوالف والخرابيط وبعدين عيب عليج
انوار: ليش ؟ عادي بس يغني
ديمه : هالحفله متى بتبدا متى بتخلص ؟؟ تبين تردين الفندق الفجر ان شاء الله ؟؟؟؟
انوار: لا اكيد مو الفجر عندهم وقت ثاني اكيد
ديمه : انوار انتِ متى بتتركين منج الاغاني والخرابيط ؟
انوار: شسويت انا لحين لا تكبرين السالفه وخلاص انسي خلينا نتمشى
ديمه : يكون احسن مرات عقلج يقفل وتفكرين مثل الجهال
انوار : ريحي ملائكتج ابوي 100% ماراح يوافق ان نروح حفله
ديمه : ههه الحمدلله وفرتي على عمرج عناء الفشله
انوار: ياسلالالالالالام وقفي وقفي ديوم
ديمه وقفت ولفت وراها
انوار: محل كبير كله مكياج وعطورات
ديمه : اللهم طولك ياروح
انوار: عاد لاتصيرين جذي ترانا نتمشى يعني فجي هالكشره
ديمه ابتسمت : اوكي ادخلي
ودشوا المحل صج داهيه ماشافو اخره .. بس اللي استانست عليه انوار انهم جايبين خبراء تجميل يحطون مكياج للعارضات او أي احد
ببلاش العرض لاسبوع فقط ..
انوار: بحط بشوف شكلي بالمكياج
ديمه عصبت : انوار انتِ ليش صايره جاهل ؟
انوار: ليش ياربي
ديمه : يعني انتِ بعقلج بتصبغين وجهج وتطلعين قدام الناس ؟
انوار: أي شفيها بجرب مره وحده بس بمسحه بالفندق
ديمه : وانتِ ماتخافين على نفسج يعني ؟ والا ما تستحين ؟
انوار: ثنيناتهم ههه بس عفيه بحط بس بمسحه هني بالمحل
ديمه : يويلج والله اقول خلنا ندش داخل اشتري مكياج بس مو تحطينه وتخرعين الناس
انوار: ههه انزين يمى منج
وخلصوا من السوق وهم رادين .. الفندق .. المغربي اللي بالرسبشن نادى بومحمد ..
الموظف: ابو محمد انا قلت لك من اول ما حجزت بالهوتيل ان اقامتك متوفره لمده اسبوع فقط
بومحمد تذكر : اي صح بس توه ماخلص الاسبوع السبت بيخلص
الموظف : اعلم ذلك ولكن الفنادق في باريس كلها فل فلن تجد الا خارج باريس يعني تبعد من هنا ساعه او ساعتين بالتاكسي
بومحمد : لي هالدرجه ؟
الموظف : أي نعم ولو في مجال لا سمحت لكم بالمكوث اكثر من اسبوع على الرحب والسعه ولكن هذا الحاصل ..
بومحمد : انزين دام السالفه جذي ابيك تضبط لي سفره للبندقيه
الموظف : فكره ممتازه .. ولكن تريدها بالمترو ام على الطائره ؟
بومحمد : طائره اريح
الموظف قعد يتصل بالسفريات اللي متعامل معاها الفندق .. وقال لبو محمد يستريح
ام محمد : ها بومحمد شصار ؟
بومحمد : لا بيضبط لنا سفره لإيطاليا
ام محمد : ليش باريس تهبل ما شبعنا منها
بومحمد : مافي حجز فنادق فل شسوي ؟
ام محمد : يلا منها نشوف ايطاليا
بومحمد : خلاص انتِ اخذي العيال وروحوا فوق عشر دقايق وجايكم
ام محمد : انزين معاك كرت الباب ؟
بومحمد : أي معاي
ام محمد : بس ترى ديمه راحت السوبرماركت طرشتها تجيب لي ماي صحه
بومحمد : خلاص بنطرها
شوي الا نادى الموظف بومحمد ..
الموظف : للأسف الطائره لن تفيدك لان الحجوزات لبعد اسبوعين لن استطيع العثور على حجز للاسبوع القادم ..
بومحمد : يعني شلون ؟
الموظف : والله انا اقولك اركب ميترو وتوكل على ربك
بومحمد : بس المدام ماتحب الميترو
الموظف : ماراح تحس فيها ابد .. لانها بيكون سريع ومافيه محطات
بومحمد : دام جذي اوكي احجز لنا فيه واحجز لنا فندق هناك ونبي تاكسي الفندق يوصلنا من المطار
الموظف : تحب احجز لك بفرعنا اللي هناك ؟
بومحمد : أي مافي مانع
رتب بومحمد شغله على انه يوم السبت بيروح البندقيه مع اهله ..
نطرّ بومحمد ديمه شوي الا شاف ناصر ومشعل طالعين من الانصنصير .. سلموا عليه وقعدوا معاه ..
اللوبي كان كله قزاز على الشارع .. وديمه كانت شايله جيس كبير فيه بطول ماي كبيره .. وقفت على باب الفندق طقت الرقم مو راضي يفتح
ديمه : لحول
وكانت ماسكه الجيس بيد وتعدل شيلتها بيد ثانيه .. تلعوزت مع هالماي .. ومشعل كان يشوفها وبقلبه وده يضحك على شكلها بس مع هذا كسرت خاطره وده يشيل هالماي عنها .. بعدين تذكرت انهم كل خميس يغيرون رقم الباب الرئيسي .. وضغطت زرّ نبه الرسبشن وفتحوا لها الباب
بومحمد شافها وابتسم : ما قلنالج ان الرقم تغير ؟
ديمه : ماقلتوا لي .. دايما انا اخر من يعلم ..
بومحمد : مره ثانيه احفظيه كلها يوم ونروح
ديمه : وين ؟
بومحمد : باجر بقولكم
ديمه : الله يستر لا تردنا الكويت
بومحمد : ههه لا تو الناس لاتحاتين
ديمه : أي اشوى
وصعدوا وراحوا غرفهم ..
----
باللوبي .. ناصر ومشعل ..
ناصر : مابغيتوا تفوزون !
مشعل : مافرحت بالفوز كثر ما فرحت انه بيعطينا اجازه ثلاث ايام من الجمعه يقول صرتوا تمام
ناصر يتحلطم: أي مو فريقنا !! اذامسك الكره خلاص مايعطي رفيقه صارت ملكه مدري شاريها بفلوس ابوه !!
مشعل : ههه حّره ماورراي تمرين
ناصر : لا تحرق دمي
مشعل : ههه احلى شي اشوفك معصب ياخي ملامحك روعه وانت ماد بوزك شبرين
ناصر: المهم تراي ميت جوع
مشعل كأنه تذكر شي وضاق خلقه
ناصر: منت قايم تراي والله على لحم بطني من الغدى
مشعل : بومحمد بيروح السبت
ناصر : الله يحفظه ان شاء الله الا مشعل وراك ماتروح معه عندك اجازه
مشعل سرحان : هلا ؟
ناصر : لحول الولد مهو بطبيعي اللي ماخذ عقلك يتهنى به ..
مشعل : اقول خلنا نروح نتعشى خل عنك الهذره الزايده
سايره ناصر وطلعوا مع بعض راحوا لمطعم مصري مشهور بالبيتزا ناصر طلب بيتزا ومشعل عشقه اللازانيا ..
وهم ياكلون ناصر يسولف ..
ناصر : اتصدق يومين ما كلمت امي اكيد تلقاها شابه علي
مشعل سرحان بالازانيا وفكره بعيد ..
ناصر هد الشوكه : مايصير كذا واللي يرحم لي والديك تراك متغير صارلك كم يوم
مشعل : هلالالالا ناصر شفيك تصارخ ؟
ناصر : لا انا مصّر اعرف سالفتك
مشعل :ياخوي كمل اكلك ذابحني جوعان وجوعان يلا اكل
ناصر : شوف انت بتقول السالفه والا بيجيك شي ما شفته
مشعل: انزين هدّ اعصابك وبعد العشى يصير خير ..
ناصر طنش مشعل وقعد ياكل وبعد ماخلصوا ..
ناصر : بتقول ؟
مشعل : شوف اسلوب شوي وتكفخني هذا مابيه
ناصر : ههه اقول اخلص هات اللي عندك
مشعل : افكر بهلي ودي خلال هالثلاث ايام اسافر
ناصر : اللحين هذا اللي شاغلك !
مشعل : أي
ناصر: انا قلت الرجال يحب والا وراه سالفه
مشعل يضحك : انا وجه حب ؟؟؟؟
ناصر : قلنا يعني جاك طشار مني شوي
مشعل : ليش انت تحب ؟
ناصر : اعنف قصه حب !
مشعل : احلف منت هين
ناصر : مشعل لاتستهين بالحب ياخي صدق شي جميل بس ساعات يعذب
مشعل : الله اثاريك شاعر وانا مادري
ناصر يضحك : لا تستهين بخويك
مشعل : انا من رافجتك وداري انك متعدد المواهب ..
ناصر: ههه
مشعل لف السالفه هو اصلا ماوده بالوقت الحالي يردّ الكويت بس يبي يتهرب من السالفه اللي كان يفكر فيها هي ديمه .. ولو انه مايعرف اسمها حتى بس كان وجودها يفرض عليه اشياء واجد .. يعني اذا كانت هي بمكان ماوده يطلع منه .. مع انها ما شافته عين بعين الا مره وحده وكانت ردت فعلها غريبه نوعا ما لمشعل .. ماقدر يعرف شيسمي شعوره تجاها بس اللي يعرفه انه بيفقدها .. اخر شي حط فباله انه ما يفكر فيها زياده عن اللزوم لانها مثل سحابه صيف بتمر وتعدي ..
وفي الغرفه ..
ديمه لابسه بجامتها صفرا وفيها وروود وقاعده تحط الاكل لفوفو وتحط له الماي .. وتطالعه لونه ابيض والقفص فضلي وقعدت تتأمل فيه شوي شوي لين سرحت بأفكارها باليوم اللي جابه عمها لها وحست ان اللون الابيض يدل على قلب عمها .. وقعدت ديمه تسولف على فوفو وتقوله عن السوق ومنو شافت
ديمه : سوري فوفو صرت اطلع اكثر من خمس ساعات ولا اخذك معاي بس شسوي انا رايحه السوق ومابيك تتبهذل .. لاتعصب زين اخر مره اطلع ومااخذك .. واذا بطلع بشغل لك التلفزيون
.. وطبعا ديمه مندمجه بالسوالف الا يطق الجرس
ديمه : منو ؟؟
انوار : فجي الباب
ديمه : انزين
انواردخلت ووجهها ينبأ انها عارفه خبر ومو قادره تكتمه
ديمه : شعندج ؟
انوار: امي وابوي باجر بيودونا الاكوا بارك
ديمه : هذي احواض سباحه مو ؟
انوار : اي
ديمه : بس ليش مستانسه احنا ماراح نتسبح
انوار: ادري يالخبله فتحي مخج معاي
ديمه : طالت وشمخت لا تقولين يالخبله !!
انوار : انزين يالمودمازيل .. تدرين اكوا مو بس فيه احواض سباحه لالالالا عبالج مثل حقنا اللي بالكويت
ديمه : الله واكبر اللحين اكوابارك اللي بالكويت صار ما يعجبج
انوار: انتِ ليش ملقوفه جايتج بالكلام
ديمه : يمى منج كل صغيره وكبيره تحت راسج
انوار : الله يسلمج اكووا فيه مطاعم وفيه سينما وفيه احواض سباحه وفيه صالات رياضه وفيه كل شي
ديمه : ام عرض مغري
انوار: يعني نقط الجهال بالاحواض واحنا نروح السينما ياذكيه
ديمه : انزين شدراج عنه
انوار: سمعت ابوي يقول بنروح اكوابارك قلت وانا نازله اجيب لي كولا من الماكينه خلني اسأل الرسبشن
ديمه بعطش : كان جبتي لي كولا معاج يالبخيله
انوار: ماعندي خرده
ديمه : عادي اخردي عند الرسبشن يلا تجيبين لي ؟
انوار ابتسمت شكلها عندها فكره احلى: ام شرايج !
ديمه : بشنو
انوار: ننزل انا وياج تحت انتِ تشترين كولا وانا اكلم مريوم بنت خالتي ترى عندي بطاقه توني شاريه
ديمه : اما عليج خطط بس ما تتوقعين الوقت متأخر ؟
انوار طالعت ساعتها :تو الناس الساعه 10.30
ديمه : يعني عادي ننزل
انوار: يلالالالا امشي اصلا في كبينه حق التلفون عشان تاخذين راحتج
ديمه : يمى منج شلون عرفتي كل هالاشياء ؟
انوار: حبيبتي من سأل ما ضاع يلا البسي شيلتج والحقيني
ديمه : آخذ فوفو ؟
انوارعصبت : وبعدين معاه لو سمحتي زين وافقنا انج تجيبينه معاج من الكويت تجين تطلعينه كل مكان شنو هذا وبعدين اقصااها لوبي يعني ماراح نسافر
ديمه حزّ بخاطرها بس فضلت الصمت ....وركزّت نظرها على ديكورات الغرفه الخشب والابجورات ..
انوار لاحظت انها انفعلت حيل تندمت
انوار بنبره واطيه مبتسمه : انا اللي باخذه هالمره وبنزله بدالج اوكي ؟
ابتسمت ديمه ابتسامه باهته : انزلي انا لاحقتج
وبعد مانزلت ديمه مالقت انوار لانها اكيد تتكلم تلفون بكبينه ..راحت للرسبشن وقالتلهم تبي تخرد الخمسه يورو .. وقعدت الفرنسيه تقرق على راسها بس للاسف ماقدرت تفهم ديمه منها شي .. وتأففت هي مشتهيه كولا اللي بالمكينه والمكينه ماتقبل اوراق نقديه .. راحت لانوار ..
انوار حاولت تتصل بس بيت خالتها مايردون قامت اتصلت برفيجتها ..
ديمه : انوار ماعندهم خرده اللحين شلون ؟
انوار : روحي السوبرماركت واشتري
ديمه : لالا وابوي !
انوار : مادري ليش انتِ مثاليه حيل
ديمه بجدّيه : شوفي كل شي نضحك فيه الا كلام امي وابوي يمشي غصبن عنا
انوار :اف انزين اسمعي انا بقول للرسبشن تطرش واحد من العمال البقاله بنقولها احنا نخاف نروح
ديمه : بتضحك عليج
انوار: تتحدين انزين تعالي معاي
مسكت ديمه القفص وراحوا كلهم الرسبشن اللي متوهق فيهم ..
انوار حاولت تفهم الفرنسيه بس الفرنسيه اعبط منها تأشر لها على السوبرماركت تقولهم روحوله
شوي الا واحد فرنسي شايب داخل ومعاه جيس فيها صمونه طويله وقفته الموظفه وقالت له عندك خرده هو دور بجيوبه مالقى خرده وطلع لهم عمله ورقيه بس تأسفوا منه وراح..
انوار: هيه هذي في احد قالها تطر من الناس
ديمه : مادري عنها بس شكلنا كسرنا خاطرها وبتساعدنا
انوار: الا قولي بطينا جبدها وتبي تفتك منّا
شوي الا دخلوا مشعل وناصر جايين من المطعم ونادتهم الموظفه على طول ..
ديمه شهقت وتطالع الموظفه : لالالالالا لاتنادينهم خلاص احنا مانبي شي
طبعا الموظفه مادرت اهي شتقول وطنشتهم كالعاده وقعدت تناديهم
ناصرمن بعيد يشوف الفرنسيه ام كشه : اللهم اجعله خير الساحره وش تبي فينا !!
مشعل : ههه ماعليك خلنا نروحلها ..
بعد ما اقتربوا هم ديمه وانوار ابتعدوا شوي وخلاص الاحراج ضرب العداد "كان لزوم الكولا اليوم !!!!"..
الموظفه الفرنسيه تقولهم عندكم خرده؟ وتفهمهم شوي شوي لانها مو متقنه اللغه الانجليزيه ..
والمشكله ديمه وانوار من الفشله مو قادرين يتكلمون .. ماتوقعوا ان هالساحره بتنادي الشباب وتقولهم عندكم خرده !!! بس سوتها
مشعل : انا عندي
ويلف على البنات
مشعل : جم تبون ؟
انوار منحرجه ورجعت ورى ديمه وقرصتها لين خلتها تتكلم ..
ديمه بارتباك : لالا سلامتك يلا انوار امشي
مشعل : والله ماتروحين شتبون من المكينه ؟
ديمه وجهها قلب الوان قوس قزح في قمه الاحراج ناصر يوم شافهم مرتبكين خلاهم وراح غرفته خفف شوي من توتر الجو ..
ديمه : لا بس كنا نبي كولا لاخوي ومالقينا عندها خرده ووالصراحه ماقدرنا نروح السوبر ماركت
مشعل مبتسم : بسيطه
ويروح للمكينه ويدخل فيها اربع يورو
وطلع له 2 كولا
ووباقي الخرده اللي عنده طلع له حوالي 3 كاكاوات .. حطهم بالجيس اللي كان معاه وعطاهم ديمه
مشعل : هذا لمحمد وسلميلي عليه وعلى الوالد
من كثر ماهي خلاص ودها الارض تنشق وتبلعها .. ودفع من عنده بعد ياسلام
ديمه : باخذها بس اخذ فلوسك
مشعل : عيب هالكلام قوليله ترى مشعل فاز بالمباره من دعواتك وهذا حلوان الفوز وسلميلي عليهم يلا فمان الله
راح مشعل وهي خلاص مو قادره تستحمل .. " ليش هالانسان بالذات اشوفه هني وهو نسخه من اللي كنت جايه بنسى ذكراه ... يالله مو معقول نفس الابتسامه .. بعد آآه متى برتاح !!! "
اشوى ان انوار حزّتها كانت ماسكه فوفو لانه لو كان بيد ديمه يوم شافت مشعل كان بالتأكيد طاح منها
صعدوا البنات بغرفهم وكل وحده تقط اللوم على الثانيه .. دخلوا غرفه ابوهم وامهم
بومحمد : هلالالالا والله بالجياكر
انوار تنرفزت : اللحين صرت انا الجيكره ؟؟
بومحمد كاتم ضحكته : هذا اللي اشوفه قدامي
انوار تمدّ ايدها يعني تبي منه فلوس : ايدك على الفلوس
بومحمد : شدخل الفلوس بالسالفه !!
انوار تتطنزباستهزاء : دامنا هني بباريس بخليهم يسوون لي جم عمليه تجميل واتفخ خدودي و اسوي لي غمازات بعد واحط طنين مكياج ساعتها نكون ملكات جمال بعيونكم !! صح يبا
بومحمد من سمع كلامها مات من الضحك هالبنت ماتسكت اللي بقلبها بتطلعه
بومحمد : يابنتي الجمال زايف كلها جم سنه ويزول الجمال جمال الروح
انوار: هذا كلام ايام اول اللحين لا خبرك عتيج
بومحمد مستغرب : حتى الجمال قاموا يشترونه بفلوس صج الدنيا توريك العجب
انوار شاشت : اي يبا افا عليك ماتشوف الفنانات اللحين كلهم نسخه من بعض
ام محمد دخلت بالموضوع : وتبين ابوج يشوف هالفنانات بعد
وتطقها بالكوشيه
ام محمد : قومي لابارك الله فيج من بنت
بومحمد : ههه ام محمد تسوى العالم كله بنظري وتبيني اشوف هالفنانات الماصخات
ام محمد ابتسمت بخجل كأي امرأه يمدحها زوجها قدام عيالها ..
ام محمد : ماقلتي لي ديمه من وين لكم هالاكل انتوا رحتوا السوبرماركت ؟
انوار: لالالالالالا في مكينه تحت
ديمه : ياشين اللقافه تراها نادتني مانادتج ......
ام محمد : كان قلتوا لي مشتهيه عصير بارد
ديمه بلعت ريجها لالاا مستحيل تردّ تحت نفس المكان
ديمه : يمى الوقت متأخر وماعندنا خرده
ام محمد : ماعندكم خرده وجبتوا كل هالاكل !
ديمه ردّ لها التوتر والارتباك " لو تدرين ان هالاكل ماجاء الا بعد احراج وقصت وجه "
ديمه : أي بس خلصت الخرده
ام محمد : انزين فجي بوكي تلقين خرده روحي جيبي لي عصير برتقال بارد
انوار نطت بتنقذ الموقف : لالالالا ماله داعي ديمه حمود قاعد خله ينزل
ام محمد : أي واحد فيكم المهم خلصونا
وحمود نزّل وجابلهم اللي يبونه

ردوا انوار وديمه غرفتهم عشان ينامون كانت ميشوو مع انوار على السرير وديمه منسدحه على القنفه ماجاها نوم ومطفيه اللمبات ومشغله الابجوره وفوفو نايم على الطاوله محطوط والجوو هادي جدا جدا ..
ديمه بهدوء : انوار
انوار: هلا
ديمه : زين قايمه
انوار: أي انتِ شمقعدج نامي ورانا طلعه
ديمه : ماجاني نوم
انوار: شتفكرين فيه ؟
ديمه تتنهد : مشتاقه للنت
انوار : اتصدقين توني افكر فيها اقول انتِ شلون صبرتي هالاسبوع بدون كمبيوتر
ديمه : لاني اطلع من الصبح ماردّ الا بالليل اكيد ماحس بفراغ .. بس اللحين اشتقت للمنتدى والقصص والمسنجر
انوار : انا مشتاقه للكويت ماتصورت اني بشتاق لها هالكثر
ديمه : توج بأول اسبوع وقلتي هالكلام فما بالج اللي يدرسون برى !؟
انوار : امبي صج صج صج لله يعينهم
ديمه : مصيرهم يتأقلمون
انوار: بس الغربه صعبه
ديمه : الغربه صعبه بس هم ماراحوا يستعبطون ماراحوا الا ناوين يردون بيدهم شهادتهم والدنيا تبي تضحيه
انوار: اتصدقين قمت افكر فيهم
ديمه : على الاقل اللي يدرسون كلها سنه سنتين اربع خمس ويردون انا افكر بالمهاجرين
انوار: أي صح بس ما هاجروا الا لانهم متأكدين انهم بيتأقلمون
ديمه : حياتهم صعبه يا انوار اللي ما شاف اهله من 10 سنين واللي موقادر يردّ ديرته واللي ماتوا اهله ونفسه يشوفهم واللي تزوج هني وخلاص ماله امل بالرجعه .. وكل هذا عشان يوفرون حياه مستقره لهم ولعيالهم
انوار : شفتي شلون احنا عايشين بنعيم ومو حاسين
ديمه : الله يخليلنا شيوخنا وديرتنا ويحفظهم من كل شر
انوار: امين يارب
وسكتوا شوي ..
ديمه : انا باجر لازم ادور كوفي نت
انوار : باجر يصير خير يلا نامي عاد مانبي نأخرهم
دديمه : ان شاء الله تصبحين على خير
انوار : وانتِ من اهله ..
ديمه ترددت : انوار
انوار بنفاذ صبر: هلا؟
ديمه تندمت : لا مافي شي خلاص نامي
درت انوار ان ديمه مانامت وكانت تفكر بشي وهالشي شاغلها عن النوم بس النعاس غلبها وقالت
انوار: ديمه نامي والا ترى اشيل قشي وانام بالممر
سمعت انوار ضحكه ديمه وابتسمت ونامت
وبجذي انتهى خامس يوم لهم في باريس
---

:: .. الجزء الرابع .. ::
يوم الجمعه غرفه البنات ..
ام محمد : اتمنى انكم تقومون بروحكم وتنظفون غرفتكم وملابسكم المقططه بكل مكان
انوار طالعه من الحمام وشكلها متوضيه
انوار : خلي عنج يمى بصلي وبنظف الغرفه اخليها لج زي الفلّه
ام محمد : أي اتمنى تطلعين شطارتج بالسناعه
انوار : احلى سناعه لاحلى ام افا عليج تربيتج احنا يعني ارقدي وامني
ام محمد ابتسمت برضى : يلا قومي اختج عشان نتصل بتاكسي احسن من مرمطت الميترو ..
انوار : مو الا تتصلين عليهم من الفندق اطلعي الشارع تلقينهم ترس
ام محمد : ترس بس ولا واحد منهم يوقف لج
انوار : اف منهم يعني عشانا واجد والا شنو
ام محمد تنهدت بضيق : ياليت عشان عددنا وبس اقول خلي عنج الكلام الزايد وصلي وقومي اختج مانبي ابوكم يعصب بعدين تعتفس الطلعه من اولها
انوار : ابشري من هالعين قبل هالعين يانظر العين انتِ
ام محمد خافت : انتِ من وين تجيبين هالكلام ؟
انوار فطست من الضحك : ههه ومنكم نستفيد
ام محمد طلعت وراحت غرفتها وهي غاسله ايدها بماي وصابون من هالبنت
انوار صلت ونظفت الغرفه وردت الملابس الكبت وصكت الجناط المفتوحه وردت التلفزيون مكانه وفتحت الدريشه عشان تهوي الغرفه .. وطلعت لبسها وقعدت تكويه .. وبعد ماحست انها خلصت كل شغلها راحت صوب ديمه ولقتها بغرقه النوم ودها تقومها عشان تلبس ودها تخليها نايمه .. بس شكلها امس مانامت مبجر .. بس خلتها شوي تنام وراحت لفوفو وعطته اكله وصبت له شويه ماي .. وقعدت تصفق له وتأشر له وتضحك له حاولت تتكلم معاه بعدين ضحكت على عمرها " شفيني صرت مستخفه !!! " وتركته وراحت هالمره بجدّيه انها تقوم اختها
قعدت انوار تقوم ديمه وتحايل فيها والمشكله ان انوار نزلت عليها طيبه من السماء وكوّت ملابس اختها شوي الا محمد داخل
محمد : ابوي يقول خلال عشر دقايق انتوا تحت
انوار تخرعت : ديوم قومي بسرعه لا تروح علينا الطلعه
ديمه بكسل : لا تصارخين بطيتي اذوني
انوار مستعجله : غسلي شيفتج وصلي وكاهي ملابسج وشيلتج بس خلصينا
ديمه : انزين كملي المعروف وسويلي شي اكله
انوار: قالوها قبل ان اكرمت الكريم ملكته وان اكرمت اللئيم تمردا ..
ديمه تضحك وعيونها منتفخه من النوم
صحصحت وصلت ولبست .. وكانت بتطلع بس تذكرت فوفو .. ردتّ له
ابتسمت يوم شافت الاكل محطوط عنده ... وقالت له انها بتطلع بس ماراح تتأخر المغرب هي موجوده
وراحوا الاكوابارك .. وكان جزء منها مفتوح والجزء الثاني مصكر ومغطى .. وكانت كبيره حيل .. بحيث ان المطاعم تطلّ على الاحواض كلها .. وكانت شرحه .. والطابق الارضي السينما .. وطبعا محمد وميشوو ما صدقوا خبر على طول دخلوا بس كان لازم احد كبير يدخل معاهم مالقوا الا انوار .. دخلت معاهم بس طفروها الا يدخلون العميق صوب الامواج .. وصوت ميشوو عالي تقول شمعنى محمد راح عند الامواج وانا لا .. هني انوار شافت ان مامنهم رجى ومفشلينها لا محاله قالت احفظ ماء الوجه واطلع بكرامتي .. لان السيكيورتي قال اذا بتدخل ميشو العميق ولابسه طفاحه لازم يكون معاها شخص كبير وانوار طبعا ماراح تتسبح معاهم بس دخلت تراقبهم .. فا مارضت لان مافي احد كبير بيطب مع ميشوو .. ابوهم مايبي يتسبح .. وبعد ماطلعتهم قعدوا يبجون الا بيتسبحون وهم اصلا مو كفوا سباحه واحد عنيد والثانيه اعند .. وبعد ماطلعت لقت اهلها بكوفي راقي .. كله زرع وخشب مهوقني بني غامج لقت ديمه تشرب شاي و امها وابوها عصيرات .. استغلت الوضع الهادي
انوار: يبى اقضب عيالك ويلا ديمه على السينما
بومحمد شافها معصبه ووجهها محمر
بومحمد : ههه خير ان شاء الله عسى ما غرقتيهم وجيتي
انوار : يبى اسمحلي عيالك مو كفوا سفره ليش خسرت عمرك وجبتهم
بومحمد : ههه نكسب فيهم اجر
انوار : يبى تخيل فشلوني هذي تبيني اطب معاها بالعميق عشان يسمحون لها والثاني رايح الامواج مطنش اخته اقوله دش معاها العميق يقول لا ماعرف اسبح بس اوريك ياحميدان انا ادري انت ليش رايح صوب الامواج .. !!!!
محمد ضحك : والله مو اللي ببالج والله
انوار : لا تحلف اجل ليش رايح الامواج
محمد : لانهم يونسون يلعبون احسن من العميق بس يتسبحون يزهق
انوار : يونسون مو عشانهم يلعبون معاك عشان كله بنات المهم ديمه يلا بنروح السينما انا وصلت امانتي لابوي واللحين دورنا لازم نستانس
بومحمد الا يجنن انوار : انزين اخذوا معاكم ميشوو
انوار وهي طالعه وقفت بعد ماسمعت ابوها
انوار معصبه : اردّ الكويت ولا تدش معاي هالدلوعه الفلم
بومحمد : ههه انزين روحي روحي ازعجتينا تراج
وراحوا اسألوا عن الافلام ولقوا في بعد ربع ساعه فلم ترمينال وفلم قرافلد .. هم اختاروا الثاني لان الفلم الثاني كوميدي شكله احلى .. ورسوم متحركه يعني ناسبهم لان اصلا الافلام كلها بالفرنسي قبل لا يدخلون
ديمه : جيبيلي واحد برينجلز واحد كولا
انوار : اوامر ثانيه يا افندم ؟
ديمه : ام لا مايمدي بسرعه الفلم بصاله 10 بنروح اندوره
انوار: انزين اصبري وين رايحه ابيج تمسكين معاي الاكل
ديمه : انزين بس بسأل حق التذاكر بقوله وين صاله 10
انوار: بسرعه زين
راحت ديمه وسألت حق التذاكر واشرها على مكان الصاله بس بغت تسأله عن مدة الفلم لانها بتقول لاهلها عشان ينطرونها واستحت اترد مره ثانيه للمكان التذاكر ومن عيونها شكلها بتسأل بس ماتدري منو وقاعده تتلفت الا يجيها سيكيورتي لابس بدله سودا .. وطويل وعريض شكله وعيونه خضر وشعره اسود يصلح بدي قارد .. وخافت يوم شافته بس ابتسم لها
الجزائري : أي خدمه ؟
ابتسمت ديمه بفرح لقت عربي : أي واللي يعافيك تقدر تسأل لي مده الفلم
وعطته التذكره
الجزائري : مدته ساعه الا ربع
ديمه : مشكور
الجزائري طالعها بابتسامه جذابه .. بعدين قال
الجزائري : اوصلك ؟
ديمه استحت بعدين قالت : لا مانبي نتعبك
الجزائري : ولو هذا شغلي
ديمه استانست على الاقل يوصلهم للصاله : اوكي بس بنادي اختي
انوار واقفه عند الكوشك وشكلها زهقت من الانتظار لانها تطق برجولها على الارض بمللّ بس استغربت يوم شافت ديمه جايه ومعاها سكيورتي
انوار " قلنالها اسئلي ماقلنا جيبيلج سكورتي معاج الله يستر !! "
ديمه تقربت منها وشلت الاكل معاها .. والسيكيورتي قدامهم
انوار تساسر ديمه : انتِِِِِ شسويتي ؟؟
ديمه : لاتخافين هو عرض خدماته قال بوصلكم لان فيه صالتين رقم عشره وحده يمين وحده يسار
انوار : اتصدقين مادري شنسوي لو هالعرب ما يشتغلون هني
ديمه : اقول امسكي الكولا لا ينكب وخلج من الهذره الزايده
وصلهم الجزائري عند باب الصاله واستئذن منهم ودخلوا
انوار : واو يهبل
ديمه تطالع الصاله : شنو يهبل تونا ماشفنا الفلم
انوا ر: يالخبله مو عن الفلم اتكلم عنه هذا اللي وصلنا
ديمه استوعبت وقعدت تضحك : ههه الله يقطع ابليسج
انوار : طول وهيبه وعيون خضر وشعر حرير ماقدر انا جذي
ديمه : أي خلاص هذا خطيبج
انوار : حرام يشتغل سكورتي والله هذا حق مكتب وزير
ديمه : لو الناس تنقاس بأشكالهم خربت الديره
انوار بفضول : ماسألتيه شسمه
ديمه معصبه: ليش ان شاء الله بتناسبينه
انوار هني ماتت من الضحك لان الشرار بدا يطير من عيون ديمه
انوار : ههه حرام عليج ضحكتيني وانا ماودي اضحك
ديمه : اتكني ياختي
انوار : الانسان مايتغشمر معاج
ديمه ابتسمت وسكتت
انوار : ياربي الفلم فاضي ماكو ناس
شوي دخلت وحده عمرها تقريبا 12 سنه لحالها وقعدت بالصف قبل الاخير وطبعا البنات قاعدين بالصف الاخير .. وبعدها واحد مع اخته او رفيجته الظاهر وقعدوا بالصف الاول
ديمه : فلم كرتون وين بيدشون ناس
انوار : أي يعني قصدج مايدشونه الا المتخلفين نفسنا
ديمه : لا مو متخلفه ياحبيبتي بس الافلام الباقيه مادري شينعرض فيها لو بالكويت دشينا اهني لا
انوار : ماعلينا واخيرا خلصت الدعاايات
ديمه تشرب كولا : يلا اسكتي بدا الفلم
------
بعد ماخلص الفلم طلعوا البنات وصعدوا لقوا ابوهم قاعد يشرب كوفي ويدخن .. ولقوه لحاله
ديمه : هلا يبى وين امي ؟
بومحمد : ها خلصتوا !
انوار : يبى طافك الفلم يجنن
بومحمد : اهم شي استانستوا
ديمه : الصراحه انا توقعت ما افهم شي بس فهمت القصه كلها بالصوره
بومحمد : زين اشووى
انوار : وين اخواني
بومحمد : اامج واخوانج بماكدونالدز
ديمه : خلاص انوار روحي لامي انا بقعد عند ابوي
انوار بنظره ذات مغزى: لا والله عشان تفرين راس ابوي وتسووين خططج
ديمه تضحك عليها : انوار انتِ كلا جذي بقعد مع ابوي مافيها شي خلاص اذا تبين انتِ اقعدي معاه انا بروح لامي
وقامت من كرسيها وتركت المكان لانوار بس بومحمد سبقها ومسك ايدها وكلم انوار
بومحمد : ديمه اقعدي وانوار روحي لامج
انوار بقهر : ليش يعني ؟؟؟؟؟ عشان تطلعها من وراي
بومحمد : انوار روحي بكلم ديمه شوي وجايينكم
انوار وهي مبوزه : انزين عطني بشتري كرت بدق على مريوم بنت خالتي
بومحمد عطاها فوق اللي تبيه بس عشان تفكهم من لسانها
وبعد ماهدى الجوو ..
بومحمد : ها ديوم ان شاء لله مستانسه هني ؟
ديمه تبي تريح ابوها تدري انه يحاتيها وان هالسفره كلها لها ..
ديمه : يبى تطمن انا مرتاحه ومستانسه
بومحمد عدّل قعدته عشان يكلمها بالموضوع اللي وده يكلمها فيه
بومحمد : انزين ديمه يبى انا ماوقفت قيدج الكورس اللي طاف الا لاني محترم رغبتج و لاني ادري انج مريتي بظروف صعبه والحمدلله ربي طلعج منها اقوى من قبل .. واللي ابيه منج بعد ماغيرتي جو انج ترجعين هالكورس لدراستج .. البنت ماعندها شي اهم من مستقبلها .. والي فات مات واذا صج تحبيني ابيج تشترين اغراضج اللي محتاجتها للجامعه من هني عشان اتطمن انج رديتي مثل اول
وسكت بعدين طلع من جيبه بطاقه ..
بومحمد : وهذي الفيزا تحت امرج اخذيها ولاتردينها لي الا بالكويت بس اهم شي اشوف هالابتسامه الحلوه ماتفارق هالوجه
ديمه : يبى حبيبي انا ادري انك تحاتيني .. والظروف اللي مريتها ترى مو صعبه علي بس عليكم كلكم بس انا كان تأثيرها علي اقوى .. بس انا مؤمنه بقضاء الله وقدره .. انا فكرت باللي قلت لي عليه من قبل بس يبى مابي اخش عليك انا كل مافكرت بالدراسه او بشي احس ان الانسان مصيره يموت ليش يفكر بهالاشياء ويتعب عمره
قاطعها بومحمد : لالالالا يابنتي توج تقولين انج مؤمنه بقضاء الله .. وهذي سنه الحياه المفروض تفكيرج يكون مختلف تكونين متفائله .. ابيج تعرفين شغله وحده اذا الانسان ضاقت فيه الدنيا وتصكر بوجهه باب واحد يفتح له الفرج الف باب ..
ديمه : ادري ادري يبى والله كلامك عين الصواب بس قلت لك كانت هذي كلها افكار وتخيلات .. وان شاء الله ببدا من الكورس الجاي اداوم
بومحمد بفرحه : صج والله يابنتي ؟؟؟
ديمه كفايه انها شافت الفرحه بعيون ابوها وماتبي تحرمه من هالفرحه ..
ديمه : أي اكيد يبى مو انت قلت لي اهم ماعلى الانسان مستقبله ..
بومحمد : اقول امسكي الفيزا بسس
ديمه : ههه لا تشوفك انوار والله لا تخلي ليلي ليل
بومحمد : ماعلي منها .. اهم شي ديوم الغاليه بترجع مثل قبل
ديمه حست بحب ابوها لها وان اهلها كلهم ينطرونها ترجع ديمه الاوليه حست بأنانيتها سلبت منهم الفرحه والراحه .. وخلتهم كلهم يحاتونها .. بس هي ماكانت اتفكر فيهم كثر ما كانت اتفكر شلون بترد انسانه طبيعيه بعد فقدان شخص عزيز كان يعلمها معاني الحياه ويجي يتركلها الحياه بما فيها ويرحل فجأه !!؟
" آه لو يدري ابوي ان وجود هذاك اللاعب اللي بفندقنا زاد الطين بلّه .. وين بنسى وهو بوجهي واحنا طالعين واحنا نازلين !! "
ديمه كتمت الالم بقلبها وابتسمت : تطمن انا ديمه الاوليه وماراح اتغير ..
بومحمد : يلا اجل خلنا نروح لامج واخوانج
ديمه : اوكي ..
---