رسالة حزني وهمي وآلمي وعذابي لفراقه

كلماتي تنزف آلماً..وجرحاً لن يندمل ابداً..
الى من تركني وحيده اصارع امواج الحياة لوحدي..الى من ترك الحزن ينهش قلبي..
ويمزق مابقي مني..الى من افتقده واحن اليه..قُل لي ماذا افعل حين يدمرني الشوق اليك..؟
اقسم لك..اني مهما كتبت فلن اوفيك حقك اطلاقاً...ولكنها كلماتُ ابت الا ان تطلق العنان والالم..
ومازالت خجلى لتواضعها فمهما كتبت ومهما شكيت..فلن اوفيك حقك اطلاقاً..ولن تبلغ
الكلمات ولو جزءً بسيطاً مما يحمله قلبي من آلم..وحزن..ودمار..
فألى
(( ابي))
كلماتي,,
وندائاتي المكلومه.....
يبه وينك....؟؟؟
تعبت انادي انت وينك....؟؟ََََّّّّّ
رحلت وتركت مضنونك,,يعيش لوحده وبدونك...
رحلت واذبحتني ذكرى عيونك,,تركت لي الهم وصرت مجنونك..
يبه وينك..؟؟
انادي اتعبني همٌي...صار الحزن يجري بدمي.
يبه ..ارجوك اسمعني..!!
قدٌر
احساسي وافهمني...
يبه بنتك ماهي على خبرك...قويه وتضحك تسرٌك...
يبه بنتك طواها الهم,,رحلت وتركتها للغم...
تهيم بهالحياه الصعبه,,يقاسمها الحزن لحظه..ابلحظه...
حزينه,,
كئيبه
منطويه,,,, ...
والكل يشكي...منزويه..
يبه محدن يحس فيني..
ولايقدر يجاريني. بحزني وهمي وعذابي..
وبجرحي وقلبي الدامي..!!
انا اتسأل هو احد مثلي..؟!!
يحب ابوه كثر حبي...؟!!
او فيه احد مثلي..حزين ومنكسر يبكي..؟؟
كثير يقول هو يسمعك,,يحس فيك ويفهمك.. بلاش دموعك تزعلينه
واذكري ربك وادعي له
وانا بقولك يبه شي.... والله انا بدونك ولا شي....!!
حياتي صايره غيمه..تمطر حزن كل ليله..
ودمعتي صارت ذليله,,,تذرف الهم عليله..
واسامر ليلي لحالي..اتذكر وش اللي جرالي.. ؟!!
يوم اني دووم بحضانك..واحس بطيبك وحنانك,,,
واتذكر دووم نظراتك...صمتك ,هدوئك وضحكاتك.. .
والله اشتقت لعيونك,,وطيبة قلبك وخوفك..
اتذكر دووم كلماتك وامثالك وحكماتك...:
(( يابنتي هالزمن غدار..عفافك وشرفك هم سلاحك
يابنتي هالزمن دوار..ابد لاتهملي وعدك وصلاتك))
وانا والله على عهدك...حلفت مااخون ابد ضنك...!!
وبنبقى دووم على خبرك..يدً وحده مثل يدك..
يصير اللي يصير بهالكون..بس اعيالك مايخونون
ونعلم هالدروس لاحفادك...وتبقى رمز حكماتك..
صداها دووم كلماتك..تبقى معانا علشانك..
يبه والله كل هالكون مايسوى شي بدونك..
يبه والله ورب الكون حياتي صعبه بدونك..
اتذكر دوم ذاك اليوم..واعيشه لحظه..بلحظه..
ابد مستحيل انسى ذاك اليوم..رحلت..واللحظه كانت صعبه..
ابد مااقدرر انا اوصف..شعوري يوم انت تغيب..
وصرخاتي..وعبراتي..ضاعات وسط رجائاتي...!!
ومنظر كل اولادك..وامي وحتى احفادك,,
وقفنا وكلنا بذهول..ندعيك يارب ونقول:
(( يارب خفف سكراته,,,يارب هوٌن غصاته))
وفجأه..كانت الفرقى..صعيبه والله هالفرقى...
صعب اني اوصف احساسي...وخوفي وحتى صرخاتي..
صعب اني اوصف هاللحظات..وحتى صراخ الكل....والعبرات..
تهزني الذكرى لذاك اليوم..وارجع العنه..مشؤوم..
واعود واقوول..استغفر الله..ابد ماكنت انا اقصد..
ولكن جرحي بعد ينضب..ورغم انه مرت سنه...الا اني كل لحظه اتعذب..!
اعز واغلى مااملك...ابد والله (( ماانساك))
حتى وان صرت تحت الثرى وياك...
وارجع استقبل القبله..وارفع يدي وادعي له:
((يارب الجنه هي مثواه,,,يارب الفردوس هي مأواه
يارب صبر قلبي على فرقاه..يارب بجنتك اجمعني وياه)) ..
ولا يبقى سوى هالدمع..وعبره تخنق حتى السمع..
وانا اصرخ واقول
بهم,,
والم
وغم
(( ودعتك الله يالغا لي,,,ودعتك الله يالغالي))

• * تخنقني العبره**

هذا بعض بوحي واهديه لكل من فقدت عزيز وغالي خاصه (الوالدين) واقسم ان كل مافيني ينزف الماً لفراقه...الى الجنة بأذنه تعالى.. والى الفردوس الملتقى..!!
(( لن احلل من تنقل حرف واحد دون كتابة بقلم: تخنقني العبره))