رمتني أقدار رب الكون

رمتني أقدار رب الكون..على ساحل آلم وآحزان
رمتني وأبعدتني حيل..عن الغالي وعن ظلاله
أنا ماأقدر أفارقه وأفارق صوته الرنان
ولا أقدر أطالعه..ظروفي تمنع أطلاله
وهمي لو تشيله أرض هزت فوقها النسيان
وحزني لو يشيله كون...هدت باقي جباله..
كفاني ياحزن تكفى..تراني في النهايه
إنسان
لاأقوى ولا أتحمل...حزين وحالتي حاله
حالي يكسر الخاطر...وهمى كسر الجدران
وقلبي بالحزن متروس..ودمعي أصغر عياله...
أتصبر ولا أقدر وقلبي مسكنه نيران
لوعة حب في قلبي...هزت فيه زلزاله...
مجرى الدمع على وجهي..يرسم لوعة الحرمان
ويستغرب عيون الناس..لين الدمع ماجاله..
وأنا والحزن والدمع على مر السنين إخوان
وفرحي مايحس فيني..ولا أخظر على باله
أنا ماظنتي أفرح..قلبي مفارق الخلان
مدام الحزن متشتت...صعب أمطاري ينهاله
\وحظي\
آآآآآآه ياحظي
دايم عابس بوجهي
ويقهرني على بابه
\وهمي\
آآآآآآه ياهمي يحاربني وهو الكسبان
ويجمع شلة الأحزان وبها قلبي لحاله
سؤال:
آكرره دايم من يناديني الفرحان؟؟؟؟؟؟؟؟؟؟؟؟
متى نلقى أحبتنا ونشرب وقتها بياله؟؟؟؟؟؟
متى الحظ يضحك لي؟؟؟؟
وأسمع أجمل الألحان
متى أفرح؟
متى أضحك؟
متى أفارق هالحاله؟؟؟؟؟؟؟؟؟؟؟؟؟
إيش رايكم
عجبتكم؟؟
إدعولي إن الله يجمعني مع من أحب وإن الله يفرح قلبي