رواية أحوال ب قلمي حصري لعيونكم

السلام عليكم ورحمة الله و بركااته
روايتي الأولى في عالم الروايات
بعنوان ( أحوال )
أتمنى أن تنال على إعجابكم
و إذا شفت تفا عل أو ترفعونها
انزل البارت الثاني اول باارت قصير لانه تعريفي بالأبطال .
أبطال القصه :
ساره : بنت مسالمه , طيبة قلب , مواصفاتها ( عيونها عسلي , شعرها بني فاتح طويل ,
بيضاء البشره ) . – أول ثانوي –
رشا : بنوته ناعمه , محبوبه من الجميع , غيوره . مواضفاتها ( حنطية اللون , شعرها
أسود , عيونها ناعسه , لونهم بني فاتح ) – ثاني ثانوي –
خلود : بويه يسمونها " خالد " تحب رشا , إللي براسها تسويه .
مواصفاتها ( شعرها بوي مدرج , بني غامق مسويه في هايلات بني فاتح , ملامحها حاده )

• ثالث ثانوي –

مها :الساعد الأيمن ل خلود , إنسانه ثقه , تحب مساعدة الجميع .
مواصفاتها ( سمرا اللون , شعرها قصير , عيونها بني غامق ) – أول ثانوي راسبه –
لولوه : مطفوقه , عليها بعض الأحيان نذاله و حركات نص كم . مواصفاتها
( شعرها لين كتفها , عيونها أسود , لها شامه تحت شفايفها ) – أول ثانوي راسبه –
لطيفه ( دور الكومبراس ) : صديقة ساره من الطفوله , إجتماعيه , تحب الفرفشه و الضحك
الفصل الأول
( البدآآآآآآيه )
يقطع تفكيرها صوت صراخ من الصباح
ساره – بملل - : يا ربي وش الزحمه هذي ؟ اوف
: ويه شوفيها !!
: صج قويه
: من الصباح هوشه و الله حاله
كانت ساره تسمع كلامهم , فجاءه جات من ورا ساره صديقتها لطيفه
لطيفه : سارونه حبيبتي وحشتيني
ساره – بإبتسامه - : و إنتي أكثر
تمسك لطيفه يد ساره و تسحبها بالقوه إلى قائمة الأساء لترى هل إسمها مع ساره
لطيفه – بنظرة حزن - : هذي المره تفرقنا L
ساره – بإستنكار - : لا لطوف تمزحين !!
لطيفه : لا ما أمزح L بس تعالي لي في الفسحه و هنا أنا ناطرتك ok
يتعالى صوت الوكيله أبله إلهام
بناآآآآآآآآآت سنه أول يالله في القاعه , بنات سنه ثاني و ثالث كل وحده ل فصلها
مانبي إزعاج من الصباح
في داخل القاعه
تقف أبله إلهام الوكيله ( ممسكه بالمايك ) و يمها أبله عايشه المشرفه الإجتماعيه
في الخلف ضجه و إزعاج أصوات ضحكات أصوات دعوات تذمر من الوقوف طويلا ً
أبله إلهام : بنات هدووء اللي أقول إسمها تطلع
مها صالح
مها تطلع تتبختر و تودع الشله ( كأنها ما تشوفهم بعد هاليوم أبد هع )
أبله إلهام : ساره فهد يلا بسرعه
و تكمل الأسماء و تمضي فتره قرابة النص ساعه
يدخلن الفصل
مها – بصوت مرتفع - : بنات من تجلس يمي يلا بسرعه
ساره – بنفسها - : أُف باين من كلامها إنها جريئه L
مها : سارونه وش فيج ؟ البنات جلسوا و إنتي لحد الآن سرحانه ؟؟
ساره – بنظره تأمليه - : طيب وين يعني أجلس ؟؟
مها : طيب تعالي جلسي يمي
ساره بحركه غير شعوريه سحبت الكرسي و جلست
فجاءه تدخل الفصل بنت و تلقي التحيه بصوت مرتفع
: سلام بنات
مها – بفرحه - : لولو تعالي هني
لولوه – بشهقه - : مهوي
و يات لولوه ركيض ل مها و سلمت عليها
جلست مها على الطاوله و مقابلها لولوه كانوا يضحكون بصوت عالي و يتكلمون
ساره غارقه في عالمها المحدود
مها – و هي رافعه يدها و تحركها بوجه ساره - : ساره ساره وين وصلتي .؟
ساره – بعد إنتباه - : هااه و لا شي
يقتطع كلامهم صوت حادي و قوي
بنات هدوء و كل وحده مكانها
لولوه – بصوت خافت - : أووف جاكيشان علينا الحين
مها : لا تسمعج يا الخبله
لولوه – تتجاهل مها و بشكل حماسي - : أبله بدريه منوره الفصل
أبله بدريه – تطالع لولوه و مها - : أعوذ بالله جيتوا و الشر جا معاكم
لولوه : يا أبل .....
تقاطع كلامها و و تتجاهلها ( لأنها لو عطتهم وجه الحصه تخلص و هم يتجادلون )
ابله بدريه : كل وحده تعرفنا على نفسها و نبتدي في الصف الأول يلا
كل وحده قالت إسمها جا دور مها
مها – بكل ثقه - : أنا م...
أبله بدريه – بحده - : إجلسي ما يحتاج تقولي إسمج
مها – بحمق - : أوكي طيب
أبله بدريه – تصفق بيدها - : هيه اللي يم مها قومي
ساره – بهدوء و خجل - : أنا
و تقوم و وجهها مصبوغ بالأحمر ( تعرفون اللي يقوم و اهو يكون سرحان )
ساره : انا ساره فهد
مها – تسحب ساره - : إجلسي فشلتينا يا بنت الناس
لولوه تنفجر ضحك
أبله بدريه كانت متعوده على حركاتهم و تعرف ترد عليهم بس ما تبي بأول يوم
تتعب عمرها
أبله بدريه – و اهي تبي تطلع - : خلاص هدوء انا طاالعه مابي اسمع أي صوت
و الباب ما ينفتح
البنات ما صدقوا إن الأبله طلعت إلا أبتدوا السواليف
و أنواع الضحك و الكلام و ما خلوا سالفه إلا قالوها ( أجل وش بقى حق الفسحه و باقي
الحصص )
ساره كان تفكيرها ب رفيجتها لطيفه و كيف وضعها مع بنات فصلها
لطيفه كانت إجتمعايه مثل ما تعرفون يعني على طول تكون علاقات مع اللي حولها
لطيفه – متحمسه في الكلام - : و بعد ما تدرون وش صار ؟
تدخل طالبه للفصل
: المشرفه الإجتماعيه أبله عايشه تبي لطيفه فيصل ضروري
طق طق طق
المشرفه أبله عايشه : تفضلي لطيفه دشي
لطيفه – بصدمه - : يُمه !!