رواية أيه أحبك للحن الغرام كامله

راح اكمل مع اني ماشفت الدود
الجزء الثاني
(الكل انسدت نفسه عن الغدا أولهم تركي إلي قام وراح غرفته )
(نزل تركي وهو لابس ثوب وغتره بيضه عشان يروح لعزى صديقه وهو يكابر عشان ماتبان دموعه لكن مهما حاول تنزل غصب عنه)
بيت بو فهد
مناير/ أقول أمي دريتي
الأم/خير إنشاء الله مادريت
مناير/تعرفين أم حمود
الأم/أم حمود ما غيرها
مناير/إيه يمه
الأم/ وشفيها
مناير/ولدها نواف توفى اليوم
الأم/كيف؟؟؟ متاكده من إلي تقولينه
مناير/ إيه يمه يعني بقول كلام مثل هذا بدون ما أكون متأكدة ولد عمي تركي اتصل على فهد وقاله وراح فهد مع تركي عشان يعزي أهله
(الأم انصدمت من الخبر ونزلت دموعها على طول ومناير بدت تبكي معاها )
الأم/الله يرحمه ما يستاهل توه شباب بعد ماتهنى في شبابه تصدقين عاد يا مناير
مناير/ شنو يمه
الأم/ أمه البارح كلمتني تبغاكي زوجه له والحين أنا جايه أكلمك عنه بس أنتي سبقتيني
مناير/ الله يرحمه ويسكنه جناته
(في هذا الوقت دخل سلطان)
سلطان / مين إلي الله يرحمه
الأم/ نواف ولد أم حمود
سلطان/ (والصدمة على وجهه وتغير لونه جلس على الكنبه الأنه مش قادر يوقف على رجولة) نواف ماغيره صديق ولد عمي تركي
مناير/ إيه اتصل تركي على فهد وقاله وهم الحين راحوا يعزونهم
سلطان/ غريبه ماقالي لاتركي ولا فهد بس يلا ماينلام تركي أنا رايح لهم مع السلامه
مناير+أم فهد/ الله يسلمك
(العايلة طبعاً كلها درت بلي صار لنواف صديق تركي الرجال والحريم راحوا عشان يعزون أهله)
(بعد مرور شهر على وفاة نواف)
العمة أم عمر/ أقول أم تركي تركي وينه له فتر ماشفته لاجاني البيت مثل عادته ولا أشوفه في البيت الحين
أم تركي/ والله يا أم عمر من توفى صديقة نواف وهو مايطلع من البيت للشركة من للشركة للبيت ماني عارفه وش اسوي معه أقوله كلنا راح نموت والحي أبغى من الميت ولا كني أتكلم معه
هيفاء/ لازم يا خالتي هذا صديق عمره مو بالسهولة ينساه
(ناصر يضرب باب غرفة تركي)
تركي/ مين عند الباب
ناصر/ أنا ناصر ممكن أدخل
تركي/(فتح الباب لناصر) تفضل حياك يا ناصر
(دخل ناصر الغرفة وكانت ظلمه ومشغل قرأن وعلى سريره كانت البومات لتركي ونواف في رحلاتهم للبر والصيد وكل مكان سافرو فيه)
ناصر/ تركي
تركي/ هلا
ناصر/ إلي جالس تسويه مش زين بحقك ولا بحق نواف الله يرحمه أنت بهذي الطريقة تعذبه وهو محتاج أنك تترحم عليه تزور قبره وتقرا له القرأن إذا أنت تعز نواف صدق لازم تترك إلي أنت جالس تسويه
(تركي وهو يسمع كلام ناصر ويفكر فيه )
تركي / أنا عارف أنه إلي أسويه خطاء بس ماأقدر أنساه يا ناصر هذا أكثر من اخو بالنسبة لي
ناصر/ أنا ماقلتلك أنساه أنا أقولك أنك لازم تطلع من إلي أنت فيه ولازم تزور أبوه ولا نسيت كلامه لك يوم العزى يوم قالك هو مات بس ما مات لأنه يشوفه فيك وأنت نواف الثاني
تركي /معاك حق يا ناصر أنا لازم ازور عمي بو حمود
ناصر/يلا أمي تسأل عنك من جات ودها تشوفك
تركي / طيب بس أغير ملابسي ونازل
ناصر/ يلا أنتظرك تحت
(الحمد لله قدر ناصر يطلع تركي من إلي هو فيه ونزل للصالة وسلم على عمته وعلى هيفاء وجلس يسولف ويضحك معاهم ولا كنه تركي إلي قبل شوي)
العمة/ تسعد لي الضحكة ياولدي ياتركي عساها دوم أنشاء الله
أم تركي/ والله وقدرت تغيره يا ناصر وأنا أمه ما قدرت عليه
ناصر/ يا خالتي تركي كان عارف أنه إلي يسويه خطاء بس كان محتاج من يذكره ويصحيه من إلي كان دافن نفسه فيه
تركي/ يلا يا ناصر خلينا نروح لعمي بو حمود
ناصر/ يلا مشينا
ناصر+تركي/ مع السلامة
الكل/ الله يسلمكم
نجود/ يلا يا سُهى تأخرنا على البنات الحين تلقينهم معصبين علينا
سُهى/ طيب أكيد راح نمر عليهم وهم ما جهزو بس إذا ماخلصو ماراح أكلمهم راح أنزلك من السياره أنتي وأمشي عنك أنتي معاهم (كيف يا أخت سُهى راح تتسوقين لحالك)
نجود/ هذا إذا قدرتي لأنك خوافه ماتقدرين تتسوقين لحالك ههه ههه ههه
سُهى/ بخاطرها(والله وصدتيني يا نجود) طيب يلا يلا لا نتأخر عليم أكثر. مين راح يودينا السوق
تركي/وهو نازل من على الدرج وآخر شياكه أنا راح أوديكم
نهاية الجزء الثاني
الجزء الثالث
سُهى/ من وين طالعه الشمس اليوم تركي يودينا السوق لا أكيد في شي
نجود/ وأزيدك من الشعر بيت وراح يتسوق معانا
سُهى/ وأنا أقول وش له الشياكه كلها (لابس بنطلون جينز فيه بقع خضره بس على معنى وتي شيرت جاي على البنطلون والجزمه سبورت والشعر مسويه با الجل حركتات)
نجود/ أقول تركي أول ما تدخل المجمع أقرى على نفسك المعوذات لا يعطونك عين تعرف هذا مجمع الظهران مو أي كلام
تركي/ ما صارت لايكون أنا أنريكي وأنا مدري
نجود+سُهى/ ههه
تركي/ يلا أنا في السياره
(في السياره)
تركي/ من راح يجي من بنات عمي بو مشاري
نجود/ مافي غير صفوي وهنود
تركي/ يعني لازم تجي معنا تبي تقثني
سُهى/ حرام عليك والله بنت عمي مافي مثلها جمال وخفة دم
تركي/ أقول سكتي وألي يرحم والديك هي وين وخفة الدم وين والجمال وين
نجود/ أنت ما شفتها عشان تحكم على جمالها
تركي / صحيح أني ما شفتها بس حتى لو كانت ملكة جمال ما همتني
(وصلو عند بيت العم بو مشاري )
نجود/ يلا سُهى دقي عليهم قولي لهم أحنا على الباب
سُهى/ وأنت ليه ماتدقين أنا ما عندي رصيد
نجود/ ولا أنا
تركي / خلاص أنا أدق أمري لله الله يعني على ثقالت دمها
(دق جوال صفاء وحصلت ألي متصل تركي ولد عمها)
صفاء/ ليه متصل علي وش يبي والله فاضي لايكون هو إلي راح ياخذنا للسوق إذا هو أنا أكيد مراح أوصل للسوق إلا ونا ميته قهر منه
هند/ مين
صفاء / ولد عمي تركي
هند/ طيب ردي على الولد
صفاء/أوف الو
تركي/ الو السلام
صفاء ومالها خلق عليه/ وعليكم السلام
تركي/ يلا انتي أحنا على الباب ننتظركم
صفاء/ أوكي
تركي/ باي
صفاء/ باي
(هند وشافت صفاء كيف تجهز على راحتها)
هند/ هاي هاي ليه كل هذا
صفاء/ شنو وش سويت
هند/وش ذا البرود الولد على الباب ينتظرنا
صفاء/ خليه ينتظر أحسن
هند/ الله يلعن ابليسك يلا تأخرنا عليهم
صفاء/ يلا يلا خلصت
(ركبوا السياره)
صفاء+هند/ السلام عليكم
الكل/ وعليكم السلام
صفاء / آسفين على التأخير
تركي/ لا عادي ما تأخر توا سواقكم أنا هندي لازم تلطعوني بره ها
صفاء / يلا يلا بس تأخرنا
تركي وهو معصب من أسلوب صفاء/ أقول ماني سواق أبو إلي جابك أنتي
(صفاء خافت شوي من تركي لأنه جد أسلوبها يعصب)
(وصلو للمجمع ونزلو كلهم من السياره وتفاجأت صفاء إن تركي نزل معاهم للمجمع)
صفاء/ أقول نجود وش عنده تركي نازل معانا وش يبي بعد تراني مالي خلقه
نجود/ وش فيك أنتي على أخوي حاطه حالك من حاله يقول بيشتريله تيشرتات وبنطلونات
صفاء / الله يصبرني على ثقالت دمه أنا كل ما أتكلم
معه أحس أني ودي أذبحه وكيف ألحين بيتسوق معانا
نجود/ يلا بس ماعليك من أخوي يا خوفي أنك تتزوجينه
صفاء/ فال الله ولا فالك لو يكون آخر واحد با الدنيا ما تزوجته. وبعدين لا تخلين أخوك يمشي لحاله وأخوك تعرفينه أنتي يحب يبين وسامته زيادة عن اللزوم
نجود/ لايكون أخوي بنت وأنا مدري
صفاء/ لالا يا الخبله ما سمعتي عن سوالف البنات وكيف يطيحون الشباب في المشاكل . واحنا مش ناقصين مشاكل وفضايح
نجود/ أي والله معك حق خلاص راح أخليه يمشي معنا ولا عندك مانع
صفاء/ ياليتني ما قلت لك أقولك مالي خلقه تقولين خليه يتسوق معنا والله أنك تبين تموتيني
(كانوا هند وسُهى يسمعون الكلام إلي دار بين نجود وصفاء)
(دخلوا للمجمع وكانت الدنيا زحمه كا العادة بالمجمع شباب وبنات وشياب أطلب تجد وأجانب وخدامات وأطفال )
تركي/ طيب أخليكم تتسوقون على راحتكم
نجود/ لا تركي خلك معنا أحنا بس راح نشتري إكسسوارات وجزم بس يعني ماراح نتأخر
صفاء/ أنا عندي أشياء كثيره أشتريها
تركي/ أقول خليني أروح لحالي أحسن من التسوق مع بعض الناس
سُهى/ لا ما عليك منها لا تاخذ بكلامها. أحنا نبغى ناخذ رايك بلي راح نشتريه
صفاء/شنو يعني ما يا خذ بكلا مي خبله لابزر انا ها
تركي/ أي والله صدقتي بزر وخبله بعد ...وأنا وش عرفني با السوالف هذي
نهاية الجزء الثالث

كمليها حبيبتي لازم أقرأها كلها عشاان أقولتس رايي------الله يعطيكي العافية

يسلمو
وكمليها

بداية رائعه ننتظرك لا تطولين علينا

افا ماعجبتكم بس يالله راح اكمل لو ردواحد بس يعني مافيه
زاء هذي هدية والباقي بعد الردود
الجزء الثاني عشر
(في الفندق كانوا البنات كلهم عيني عليهم بارده طالعين جنان و كا العاده صفاء رغم أنها تعبانه بس صاريه روعه)
أم تركي وتكلم نجود/ شوفي بس بنت عمك صفاء طالعه قمر لو نا خذها لأخوك تركي
نجود/ ههه ههه ههه
أم تركي/ أقول وش له الضحك
نجود/ ما قلتي عاد غير صفاء لتركي والله لويسمعك أنه يتهاوش معك انتي نسيتي أنهم أعداء من زمان بس إذا بغيتي الصراحه أتمنى
أم تركي/ الله يهديهم
(بعد مازفوا نُهى على فهد ودخلوا الغرفه عشان يجلسون لحالهم)
مناير/ ها يافهد وش رايك بنت عمي
فهد وهو يناظر بنُهى وكنه بياكلها بعيونه/ قمر قمر وبعدين حتى أنا بنت عمي وموبس بنت عمي صارت زوجتي
مناير/ أوه أوه وش الكلام هذا أثاريك خطير يا خوي بس مو باين عليك
فهد/ بس عاد عطيناك وجه طلعي بره خلينا مع قمرنا شبعت من وجهك كل يوم أصبح فيه
مناير/ الله الله كل هذا عشان نُهى جنبك بس معليش الوجه الحلو هذا راح تتمنى أنك تصبح فيه
فهد وقام من مكانه وشد مناير من شعرها/ إذا راح أسمعك ماراح تخلصين بره يلا نا س ما تعرف الذوق
أم فهد وتوها جايه للغرفه/ وش فيك شاد أختك من شعرها شوي شوي عليها
فهد/ يمه جيتي بوقتك خذي بنتك مو مخليتني أجلس مع زوجتي غثتنا
مناير/ نُهى حبيبتي أنتي قولي لي أنا غثيتكم
نُهى وهي تضحك/ أي والله يابنت عمي مره
فهد وأمه/ههه ههه ههه
فهد/ يابعدهم كلهم والله هذا الكلام والحين يلا يلا طلعي بره
(وطلعت بره وهي تضحك على نفسها مع أمها و المعازيم خلاص بدت تمشي والقاعه شوي شوي وبدت تفضى وقفت تسولف مع نجود وتقول لها وش صار لها مع فهد ومشت مناير ونجود وهي تمشي شافت وحده حاطه راسها على الطاوله)
نجود/ مو كن هاذا صفاء خليني أشوف وش
فيها(وصلت عندها وحطت أيدها على ظهر صفاء وحصلتها مصخنه مره) صفاء حبيبتي وش فيك
صفاء ورفعت راسها ووجها أصفر وشفيفها حمر من الحرارة/ تعبانه شوي
نجود/ تعبانه شوي شوفي وجهك كيف صاير يلا قومي خلي مشاري يوديك المستشفى
صفاء/ لا ماله داعي مستشفى بس أبغى أروح البيت أرتاح
نجود/ لالا أنتي يبغى لك مستشفى بروح أقول لخالتي سعاد
صفاء/ مناير خ وقطعتها مناير / ولا كلمه خلك مكانك وأنا بقول لخالتي
نجود وراحت تنادي خلتها أم مشاري/ خالتي خالتي
أم مشاري/ هلا مناير
نجود/ خالتي صفاء تعبانه مره وحرارتها مرتفعه ومش راضيه تروح المستشفى
أم مشاري/ هي وينها الحين
نجود وتأشر عليها/ شوفيها هناك
أم مشاري وراحت لصفاء / صفاء يمه قومي روحي للمستشفى
صفاء/ يمه والله ماله داعي بس تعب خفيف
أم مشاري وحطت أيدها على راس بنتها/ كل هذا وتعب خفيف خليني أكلم مشاري يوديك المستشفى
صفاء / يمه
الأم/ بس ولا كلمه بتروحين يعني بتروحين
الأم/ الو
مشاري/ هلا يمه
الأم/ شوف يمه أختك صفاء تعبانه مره ابغاك توديها المستشفى
مشاري/ لا انا شفتها اليوم وشكلها متغير باين عليها التعب خلاص خليها تجهز نفسها من راح يجي معها
الأم/ والله ماأقدر أجي معاها
نجود/خلاص خالتي أنا اروح معها
الأم/ خلاص يمه مشاري مناير راح تروح معها
مشاري/ أوكي يمه أنا أنتظرهم
(جهزت صفاء ونجود عشان يروحون للمستشفى والكل اشغل باله على صفاء لأن كان شكلها تعبان مره. وهم واقفين يتظرون مشاري يجيب السيارة دق جوال نجود)
نجود/ الو
تركي/ الو نجود يلا منتوا ماشين
نجود/ والله ما أدري دق على وحده من البنات وشوفهم لأني أنا بروح المستشفى الحين
تركي/ خير أمي فيها شي
نجود/ لا أمي ما فيها شي بس صفاء تعبانه مره وبروح معها المستشفى
تركي/ سلامات وش فيها
نجود/ والله ما أدري الحين نروح المستشفى ونعرف وش فيها
تركي/ من راح يوديكم
نجود/ مشاري
تركي/ طيب ماتشوف شر
نجود مستغربه/ الشر مايجيك
تركي وهو يمشي برا الفندق ويفكر في صفاء وكيف تغيرت معه ووده يعرف وش فيها. قاطع تفكيره مشاري وهو مار شاف تركي يمشي
مشاري/ تركي
تركي/ هلا والله
مشاري/ أقول أنا برح أودي أختي صفاء ومعها أختك نجود وش رايك تجي معنا
تركي فكر شوي ولقاها فرصه عشان يشوف صفاء إذا لازالت على موقفها/ أوكي بس لحظه شوي أعطي أبوي مفتاح سيارتي لأنه سيارته متعطلة
تركي / يلا أنتظرك عند بوابة الفندق
(راح تركي معهم للمستشفى وتفاجئت صفاء إن تركي جاي معهم وهم با لسيارة)
صفاء وبصوت ضعيف/مشاري
مشاري/ هلا
صفاء/ وديني البيت عشان امسح المكياج وأبدل ملابسي
مشاري/ ان شاء الله
مشاري ومستغرب من سكوت تركي وصفاء وحب يلطف الجو/ تركي أشوفك ما تتهاوش مع صفاء مثل قبل
تركي/ والله انا ماتغيرت بس صفاء متغيره صاير لها فتره صح يا العياره تسوين نفسك مريضه وانتي ما فيك إلا الشطانه أعرفك يا صفيو عجين أيدي
(صفاء ماردت على تركي ولا كلمه وستغرب مشاري مره على صفاء ولاحظ التغير والحيره بوجه تركي ونجود نفس الشي)
نهاية الجزء الثاني عشر
الجزء الثالث عشر
نجود بداخلها/ أي والله تركي معه حق هو ما تغير بس صفاء هي إلي متغيره ما ادري وش فيها بس لازم أعرف السبب إلي يخلي صفاء ما ترد على تركي
( في السيارة كانت صفاء كل شوي وتزيد حالتها ويسمع تركي ونين صفاء وبدى يحن شوي بس كبريائه يمنعه لأنه يحس أنها ذلته بسكوتها (شايف نفسك على شنو مالت عليك) وفي المستشفى)
صفاء/مشاري عجل شوي أحس أني بموت
مشاري/ان شاء الله اروح اكلم الدكتور
نجود/تركي وش فيهم ما دخلوها
تركي/يقولون زحمه عند الدكتور
نجود/مافي دكتور غيره
تركي/أروح أشوف
مشاري / يلا يا صفاء قومي للدكتور
(دخلت صفاء مع نجود لدكتور وكشف عليها )
الدكتور/ فين باباكي
نجود/ أخوها بره عند الغرفه
الدكتور طلع يكلم مشاري/ أنت أخو البنت
تركي/ لا هذا أخوها
مشاري/ خير يا دكتور
الدكتور/ الصراح يا أخ......... هو أسمك الكريم أيه
مشاري/ مشاري
الدكتور/ الحقيقة يا أخ مشاري حرارتها 40 ونص لو أنكم تأخر توا شويه كان ربنا يعلم حصل ف البنت أيه بص. دالوقت ححط المغزي لها لأن جسمها جاف جداً وححطلها كمدات عشان تخف الحراره بس هي محتاجه عناية شديده لأن وضعها ما بيطمنش
مشاري/ أوكي دكتور سوي إلي تشوفه يخفف عليها
الدكتور/ طيب عن أزنك
مشاري يضرب الباب عشان يدخل يشوف صفاء/أدخل ولا
نجود/ تفضل مشاري
مشاري/ كيفك الحين
صفاء/ أحسن بكثير معليش مشاري تعبتك معاي وانتي يا نجود
نجود/ أفا عليك تعبك راحه
(دق جوال مشاري)
مشاري/ الو هلا يمه
الأم/ ها وشلون صفاء الحين
مشاري/ لا أحسن بكثير
الأم/ وش قالوا عندها
مشاري/ أنفلونزا وجفاف خفيف
الأم/ طيب يمه تأخرتوا متى راح تجون
مشاري/ إذا خلص المغذي جايين على طول
الأم/ يلا يمه عطني أختك أكلمها
صفاء بتعب/ الو
الأم/ هلا يمه وش لونك الحين
صفاء/ أحسن بكثير
الأم/ يلا يمه ما أطول عليك ما تشوفين شر مع السلامه
صفاء/ الشر ما يجيك مع السلامه
(بعد ثلاث ساعات خلص المغذي وطلعت صفاء من المستشفى وهم في السيارة)
مشاري/ آسف يا تركي تعبتك معي والله ما دريت أني راح اطول كذا
تركي/ لا أفا عليك أحنا أهل وكلنا لبعض
مشاري/ مشكور
(وصل مشاري تركي ونجود لبيتهم وبعدها راحوا للبيت)
(بعد أسبوعين)
نجود/ الو
صفاء/ هلا والله نجود
نجود/ هلا فيك وش اخبارك
صفاء /تمام وش فيه صوتك كنك طفشانه
نجود/ أي والله جالسه لحالي
صفاء/ وين سُهى ونُهى عنك
نجود/ نُهى طلعت مع فهد يختارون أثاث للشقة وسُهى نايمه
(دخل تركي وهي تكلم صفاء وتذكرت أنها قالت له أنها بتسمعه خواطر صفاء وأشرت على تركي يجلس جنبها)
تركي/ وش تبين
نجود وتأشر له أنه يسكت
نجود/ أقول صفاء
صفاء/ قولي
نجود/ كتبتي خاطره جديدة
صفاء/ أوه خواطر
نجود / يلا سمعيني وحده
صفاء/ لحظه أجيب الدفتر
نجود وتكلم تركي/ الحين أبغاك تسمع وتقولي رايك
تركي/ يلا نسمع
صفاء/ يلا سمعي
(نجود وحطت على السبيكر)
صفاء/
با لأمس رقصت الحبيبة بعشقه
وهتفت بكلمات تزلزل العشاق
فتحدث كل من يعرف بلغة القلب
فأي قلوب واجهة
قلوب ساهرة..ولم تر جفونها النوم
قلوب مشتاقة..تناجي غربة المحبوب
قلوب معذبة..تزف الحبيب بأرق الكلمات
قلوب وقلوب وقلوب
علمتني لوعة الشوق
علمتني روعة الحب
تغنَى قلبك وصاح نبضك بكلمة أحبك
بعد تلك اللقاءات السرمدية فجأة
يتسرب القدر إلى قلبينا....
ليعلن نهاية قصتنا الوهمية
نجود وتناظر بتركي إلي سرحان بعالم ثاني ومبتسم وضربت نجود تركي على راسه عشان يصحى وهي تقول لصفاء/ واو روعه جنان
صفاء/ صحيح لاتجامليني
نجود/ والله جد رهيبة هاذي آخر وحده كتبتيها؟؟؟
صفاء/ لا أول وحده
نجود/ هاذي أول وحده وكذا كيف الباقي
صفاء/ أسمعك أياهم وقت ثاني
نجود/ أوكي صفاء ما أطول عليك مع السلامه
صفاء / الله يسلمك سلميلي على الأهل كلهم
نجود/ ان شاء الله يوصل
نجود بعد ما قفلت حصلت تركي هم سرحان(ياترى وش سرحان فيه يا تركي )/هاي هاي وين وصلت
تركي/ ولا مكان موجود
نجود/ وش رايك
تركي لسه متأثر بكلام صفاء أبتسم وقام وترك نجود بدون ما يرد عليها
نجود/ هاي رد علي وش رايك
عبد الرحمن بهذا الوقت وهو نازل من الدرج صدم فيه تركي/ هاي يا الأخو فتح شوف الدرج وش وسعه
(تركي طبعاً ما رد على عبد الرحمن)
عبد الرحمن يسأل نجود/ وش فيه أخوك كنه كابين عليه مويه بارده
نجود/ سمعته صفاء وهي تقول خاطره من سمعها وهو كذا مش راضي يرد علي
عبد الرحمن/ اتركيه عنك هذا كل يوم له ردة فعل الله يستر من الجاي(أي والله الله يستر)
تركي دخل غرفته وكلام صفاء يتردد بعقله كلمة كلمه تركي ويكلم نفسه/ بنت الذينا وش هالكلام إلي عليها ما أصدق ها الكلام يطلع منها والله إلي غيرها علي وخلاها ماترد علي ولا بكلمه يخليها تكتب الكلام هذا
الله يلعن ابليسك يا صفاء بتجنيني والله مدري وش راح يصير لي من وراك أخرتي بمستشفى المجانين
( ونام على سريره وهو يحاول يفسر سر تفكيره الدائم بصفاء وهم بدى يكابر ويحاول يشيلها من باله ويقول(أتركها عندك يا بو الشباب ما عليك بس تفكير ويروح ان شاء الله ساعدني يارب) لا تفكيري الدايم فيها يخوف بس مو بأيدي غصب عني هي تجي على بالي ( وبدى يتذكر كل شي صار معها ويضحك لحاله(مجنون وش تفسيره يا تركي ما يضحك لحاله إلا المجنون) تذكر كل شي وتذكر آخر موقف صار معها لما كانوا جايين من السوق) والله حيرتيني الله يلعن ابليسك )
نهاية الجزء الثالث عشر
الجزء الرابع عشر
أم خالد/ حياك يا أم عمر تفضلي
أم عمر/ زاد فضلك
أم خالد/ وش أخبار هناء ان شاء الله مبسوطة
أم عمر/ الحمد لله على كل حال بخير
أم خالد/ أم عمر وش فيه ردك وصوتك مو عاجبني
أم عمر/ ولا شي سلامتك
أم خالد/ لا يا أم عمر انتي فيكي شي بس ماتبين تقولين
لي ما تقدرين تخبين عني شي عشت معك سنين يا مرت أخوي
(أم عمر تصير مرت أخو أم خالد ريم وأم تركي حاقدة على أم عمر لأنها زوجت أخت زوجها لأبو تركي عشان كذا هي ماتحتك بأم تركي كثير )
أم عمر/ طيب أول شي وين أم تركي
أم خالد/ مش موجوده راحت تزور أخوها با الرياض
أم عمر/ زين يعني أقدر آخذ راحتي با الكلام
أم خالد/ خذي راحتك يا مرت أخوي قولي لي وش فيك والله شكلك ما يطمن
أم عمر/ أول شي أتصلي بأم فهد وأم مشاري خليهم يجون
أم خالد / ان شاء الله
(اتصلت أم خالد على أم فهد وأم مشاري عشان يجون عندها با البيت)
أم خالد/ يلا كلمتهم وهم شوي ويجون وأم فهد جايه معها ليالي
أم عمر/ الحمد لله من زمان ما شفت
ليالي من كانت با الشهر الرابع
أم خالد/ يلا يا أم عمر قولي لي وش فيك
أم عمر/ لا إلين ماتجي أم فهد وأم خالد
أم خالد/ أمري لله الله يصبرني على مايجون عساهم يعجلون با الجيه
(بعد ساعه وصلت أم مشاري وبعدها بربع ساعه وصلت أم فهد)
أم خالد / هلا والله بأم فهد تو مانور البيت حياكم
أم فهد/ الله ينور ب أيامك
ليالي / هلا خالتي ريم أخبارك
أم خالد/ الحمد لله أنتي وش أخبارك وأخبار إلي في بطنك
ليالي/ الحمد لله بس أنتظر على نار متى يطلع من بطني
ليالي / هلا عمتي شلونك
أم عمر/ هلا والله بنتي ليالي تعالي قربي خليني أضمك
(حضنت أم عمر ليالي بقوه لأنها ربتها مع أمها لما كانوا ساكنين في بيت واحد)
أم خالد/ يلا يا أم عمر قولي لي وش فيك خلاص ما عاد
فيني صبر تكلمي
ليالي/ خير عمتي وش صاير
أم مشاري/ خير يا أم عمر العيال فيهم شي
أم عمر وبدت دموعها تنزل/ هناء بنتي
أم فهد/ وش فيها قولي
أم عمر/ سمعوني زين أنا بغيت أقول لكم با الأول عشان تدلوني أعلم أخونها وخوالها ولا أسكت مثل ما قالت لي
أم خالد/ تكلمي يا أم عمر والله بديت أرجف
أم عمر / زوجها الظالم كان في البداية ما في منه وبعد ثلاث شهور بدى يحبسها با البيت وما يخليها تزورني ولا يطلها من البيت تشم هوى وصار با الفتره الأخيره يضربها كنت أزورها وأشوف بعيوني أثر ضرباته فيها والله أنه قلبي يتقطع عليها
ليالي/ عمتي طيب وش موقف هناء منه
أم عمر/ كل ما أقول لها خليني أكلم خوانك وخوالك عشان يتفاهمون معه تبكي وتقول لي لا يمه خليني أحل الموضوع
أم فهد/ وش تحل المسكينة هذا ما يحله غير الرجال ما عليك منها كلمي خوانها وأحنا الحين نكلم خوالها عشان يجون وتتكلمين معاهم
أم خالد/ عدل كلام أم فهد أنا الحين بكلم بو تركي وأخليه يجي
( وكل وحده منهم كلمت زوجها وأم عمر كلمت أخوان هناء ووصلوا الرجال بدقايق لما أعرفوا إن الموضوع فيه أم عمر أختهم لما جو قالت أم عمر السالفه وكل واحد طلع له ألف شيطان وكل واحد بدى يتوعد بزوج هناء)
عمر/ الخسيس الوصخ الحقير ماباقي إلا هي يمد إيده على أختي والله لعلمك الأدب يلي ماتربيت
ناصر/ وثقت فيه وسلمته أختي وأمنته عليها وطلع ما يستاهل حتى شعره من راسها
بو تركي/ سمعوني زين الكلام هذا ما ينفع لازم نكلم الرجال
مشعل/ يابو تركي إلي يمد إيده على بنت ويتقوى عليها مايتسمى رجال هذا حمار ولا يستاهل حتى يتزوج قطوه
بو فهد/ خلاص يا جماعه أحنا الحين نروح بيت البنت ونحل المشكلة
عبد العزيز/ ياعمي المشكلة ماتنحل إلا برجوع أختي للبيت
بومشاري/ لا ياولدي لا تهدم حياة أختك هذا يسمى طلاق واحنا هذا شي ما نبغاه خلينا ذا الحين نسمع كلام زوجها بعدين نقرر وش راح نسوي
(راحوا الرجال كلهم بيت هناء وقابلوا زوجها وكانوا أخوانها معصبين مره وكل واحد فيهم حاول يضرب زوج هناء بس خوالهم امسكوهم (تعجبوني هذا الأخوان ولا بلى اصفق لكم من كل قلبي ما تنلامون الصراحه)وسمعوا

القصة روعه
بليز كمليها بسرعه

ماشاء الله حلوة
كمليها ياقلبي يثلمو
روعة

هاي بنات اليوم جيت وجبت معي العيدية وهي اكثر من بارت
وترى مابقى شي على النهاية يعني لاتطفشون
اخليكم مع الرواية
كل عام وانتم بخير
الجزء الخامس عشر
(نرجع لتركي وصفاء وش صار على مشاعرهم)
(البنات متجمعين بيت عمهم بو مشاري)
سُهى/بنات وش رايكم نخلي الشباب ياخذونا للكورنيش
هند/ فكره يلعن ابليسك يا شيخ على ها الأفكار
صفاء / خلاص أكلم مشاري وأقوله وأخليه يقول للباقي
(طلعوا الشباب والبنات للكورنيش ضحك وسوالف وطنز على إلي رايح وإلي جاي ماحد سلم من لسان الشباب والبنات)
تركي/ بنات وش رايكم تقومون نمشي
البنات/ يلا
(الكل قام عشان يمشي إلا صفاء جالسه ولاحظ تركي )
تركي/ نجود
نجود/ هلا
تركي / ليه صفاء مراح تمشي معكم
نجود/ لا تقول بعد شوي بتتمشى
تركي وخاب أمله بس مايدري ليه/ على راحتها
نجود/ ليه تسأل في شي
تركي ويحاول يكون طبيعي/ لا عادي بس كذا سؤال
تركي وهو يتمشى يفكر/ ليه؟؟؟؟؟؟ ليه؟؟؟؟؟؟؟؟ أبغى أعرف ليه تصد عني ياناس بنكمل السنة وهي ماكلمتني ولا حتى بسلام
مشعل وقطع تفكيره/ هاي وش شاغل بالك
تركي ويحول يخبي/ ولا شي عادي أتمشى
مشعل/ لا فيك شي بس إذا حبيت تتكلم أنا موجود وبا الخدمة
تركي/ شدعوه طبيب نفسي
مشعل/ لا بس مو تركي إلي دايم يضحك صار لك فتره متغير
تركي وحس أنه صحيح متغير/ ما تغيرت ولا شي يتهيأ لك هذا أنا تركي
سُهى وهي تمشي مع هند ونجود وبا قي البنات/ بنات مالاحظتوا إن صفاء متغيره
نجود/ 180 درجه مش صفاء إلي قبل حتى تركي ماعادت تتهاوش معه مثل قبل
سُهى/ صحيح حتى تركي متغير ليه وش فيهم ها ألاثنين والله محيريني
نجود/ ان شاء الله خير
(بعدها مشوا للبيت وصل تركي خواته للبيت وطلع يتمشى با السيارة لأنه يحس أنه متضايق وهو با السيارة وهو يدورعلى شريط يسمعه شاف شريط قديم لرابح صقر وشغله وكانت الأغنية)
شفته البارح حكيت وحكا لي
أعجبني أسلوبه صدقه وقلبه
بعدها مدري وشلي جرى لي
الله يستر قلبي لايكون حبه
تركي مشى مع الأغنية ودخل جو معها وهو يفكر/ ياربي وش تفسير تفكيري الدايم بصفاء ليه أنا شايل همها ودي أحد يفسر لي وش جالس يصير معي (وجلس يتذكر الخاطره إلي حفظها من أول مره حتى هو استغرب أنه حافظها وجلس يرددها)
با لأمس رقصت الحبيبة بعشقه
وهتفت بكلمات تزلزل العشاق
فتحدث كل من يعرف بلغة القلب
فأي قلوب واجهة
قلوب ساهرة..ولم تر جفونها النوم
قلوب مشتاقة..تناجي غربة المحبوب
قلوب معذبة..تزف الحبيب بأرق الكلمات
قلوب وقلوب وقلوب
علمتني لوعة الشوق
علمتني روعة الحب
تغنَى قلبك وصاح نبضك بكلمة أحبك
وقف عند هذا الحد وبدى يقول بنفسه ويضرب على السيارة/ لا مستحيل لا لا أحبها أنا أحب صفاء لالالا كيف ؟؟؟ ومتى؟؟ وليه ؟؟؟لا لازم أتأكد من نفسي ومن شعوري أنا لازم أكلم مشعل أخليه يساعدني
(أتصل على وتقابلو با المقهى مشعل وقاله على إلي صار معه با التفصيل وكيف هو يفكر فيها باستمرار )
مشعل/ههه ههه ههه
تركي معصب/ أعتقد أني ما قلت نكته عشان تضحك انا أتكلم جد ماله داعي الضحك بس انا الغلطان إلي جيت لك
مشعل وبطل يضحك/ لالا خلاص بس ما كنت متصور أنك تتزوج بس طلع غير تحب تحب يا تركي قوية هاذي
تركي وهو جدي بكلامه/ مشعل فسر لي وش جالس يصير معي تراني تعبت وماني فاضي للمصخره
مشعل وصار يتكلم جد لأنه حس بتركي ومعناته/ اسمع في البداية يمكن كان تأنيب ضمير بحكم كل إلي سويته لها بس الحين أكيد أنك تميل لها بس تأكد من نفسك أول بس هذا التفسير الوحيد يا تركي أنت تحب البنت وبعدين ما قلت لي هذا إلي شاغلك لما كنا با الكورنيش صفاء
تركي وهو محتار/ أي أنت ما شفتها كيف جالسه لحالها كله بسببي لأني أنا إلي قلت خلونا نمشي صرت مشكلة با النسبة لها صرت عدو هي حتى ما تسلم علي والله يا مشعل أحس أني بنفجر ما أقدر أشيلها من بالي ما أقدر
مشعل/ تركي اسمعني أنت روح للبيت حاول تنام لأن الصراحه شكلك يخوف وجهك مكتوب عليه نوم روح يلا وبعدين فكر زين وتأكد من نفسك
تركي وهو مش عرف وش يسوي/ يلا راح أحاول أني أنام
(لما راح البيت ينام ما قدر يغمض عيونه وهو بس يتذكر كلام صفاء وشكلها لما شافها با المزرعة وبالزواج بقى صاحي إلى الفجر صلى الفجر ونزل يشرب مويه من المطبخ وبقى جالس با المطبخ ألين الساعه 7 ونص ودخلت نجود للمطبخ )
نجود/ بسم الله وش إلي مجلسك با المطبخ وبعدين متى جلست
تركي وهو حاط راسه على الطاوله/ أنا مانمت من البارح
نجود وجلست جنبه على الكرسي/ ليه ؟ تركي أنت فيك شي الكل ملاحظ عليك تونا البارح أحنا البنات نتكلم عنك ونقول وش كثر أنت متغير
تركي يكلم نفسه/ إلى هاذي الدرجة أنا مفضوح
تركي/ مافيني شي ماتغيرت
نجود/ طيب يلا عشان تروح للشركة
تركي/ ماني رايح ابغى أنام
نجود/ طيب روح نام
تركي وهو قايم من الكرسي/ يلا تمسين على خير
نجود ومعورها قلبها على أخوها/ وانت من أهله
(دخل الغرفة وحاول ينام بس صفاء مسيطرة على تفكيره (وينك يا صفاء شوفي وش سويتي با الولد) نام على السرير وهو يتذكر خاطرة صفاء إلين ما غط با النوم)
نهاية الجزء الخامس عشر
الجزء السادس عشر
عبد العزيز/ يلا يا معرسنا أخلص زواجك اليوم
فهد / يلا يلا خلصت إلي يقول زواجك إلي مستعجل
ناصر/ عقبالي يارب
مشعل/ههه ههه ههه ههه خبل
ما أدري وش لك با الزواج خلك اعزوبي مثلي
عبد الرحمن/ مفكر نفسك قدوه للعزوبية شوف نفسك كيف ضايع أنت وجهك أنت محتاج وحده تدير با لها عليك بذمتك ما ودك ترجع للبيت وتشوف وحده زي القمر تنتظرك وتخاف عليك وتدور رضاك وما همها با الدنيا غيرك مافكرت بيوم بهذا الشي
مشعل وبدى يصحى شوي ويحسبها بعقله/ تصدق عاد يا عبد الرحمن أنك ذكرتني بشي كنت مش عارف أنه حل لمشكلة ضياعي
فهد/ صدقني يا مشعل ما في أحسن من الاستقرار والله أنها نعمه من رب العالمين
(بعد ماأنتهى الزواج والأهل كل شوي يمشون )
صفاء/بنات من شافت شيلتي وعباتي
سُهى/ ما أدري بس شوفي با الأكياس ولا با الشنط يمكن داخلهم
صفاء وهي معصبه/ ما أشوفها ياربي مين ما خذها
(طلعت من الغرفة وراحت عند الباب عشان تشوف با الأكياس إلي عند الباب وفجأة دخل تركي لأنها كانت في ممر بابين مقابلين بعض وصفاء كانت موجوده ولما شافت تركي وقفت وراحت تسرع كانت قمر با الفستان الأحمر وتركي كان رزه با الثوب والشماغ والسكسوكه طويل وعريض(عيني عليك بارده) )
تركي يناديها (والله عينك قوية وش تبي منها )/ صفاء صفاء تعالي
صفاء تركض وهي مستغربة إن تركي يناديها/ والله غريب الولد هذا يناديني بعد
هند/ صفاء تعالي حصلتهم
صفاء/ الحمد لله يلا فراس ينتظرنا
هند/ يلا
(وهم طالعين صادفوا تركي واقف مع سلطان)
سلطان/ هلا والله بنات عمي
هند وهي مستحيه/ هلا فيك سلطان شلونك
سلطان / بخير دامكم بخير
صفاء/ وش أخبارك سلطان
سلطان/ بخير
هند / تركي وش أخبارك مابينت من زمان
تركي/ موجود انتوا وش أخباركم
هند/ بخير
(طبعاً صفاء ما عبرت تركي ولا كنه موجود وهذا زاد جنونه جنون)
صفاء / تر(غلطت) سلطان وين فراس
سلطان/ في الجهة الثانية
صفاء / يلا هند مشينا
هند/ مع السلامه سلطان ومع السلامه تركي وخلينا نشوفك
(تركي مارد على هند لأنه كان مقهور من صفاء)
(وصلت صفاء البيت وبدت تمسح المكياج وهي تفكر ليه هي سوت كذا لتركي وليه تركي نادها لما شافها وأفكار تروح وأفكار تجي وكلها بدون أجابه )
(تركي وهو با السياره ياربي ليه تسوي معي كذا ليه تتجاهلني ليه وأنا الخبل بعد يوم شفتها أناديها والله عيني قوية يعني وش بقول لها إذا وقفت والله أني مدمغ ما أدري وش أسوي بس لازم ألقالي حل )
(بعد ثلاث شهور)
صفاء/ الو
ساره/ الو هلا صفاء
صفاء / يا القاطعه وين إلي وعدتني تزورني
ساره/ آسفه حبيبتي اسمحيلي بس خلاص أنتي عندك شي بكره
صفاء / لا والله ماعندي
ساره/ خلاص بكره أكون عندك
صفاء / خلاص أكلم بنات عمي يجون عندنا
ساره/ أي والله اني تولهت عليهم
صفاء/ خلاص يلا باي لاتسولفين خلي السوالف لبكره
ساره/ أوكي باي
(قفلت صفاء ودقت على بيت عمها بو تركي عشان تقول لهم ويرد عليها تركي)
تركي/ الو
صفاء / ...........
تركي وشاف الرقم با الكاشف/ الو ........ مين ...... صفاء صح. صفاء تكفين ردي علي قولي لي إذا أنا زعلتك بشي عاتبيني قولي إلي تقولينه هزئيني انا قابل بكل شي ..صفاء قولي لي أي شي ريحيني حرام عليك والله اني بموت تكفين لا تسكتين كذا تحطميني زياده أحس أني انسان ميت وانتي تتحاهليني كذا
( صفاء متفاجئه من كلام تركي ومحتارة ترد عليه أولا ماتدري وش تسوي أخيراً)
صفاء/ تركي
(وحس إن الأرض مش شايلته من الفرح)
تركي/ هلا وغلا
صفاء / نادلي نجود لو سمحت
تركي وحس أنه تحطم أكثر من قبل/ صفاء قولي شي تكفين
صفاء/ تركي خليني أكلم نجود
تركي/ ان شاء الله بس ماراح استسلم ابداً
(راح تركي ينادي نجود وهو متحطم وقال لها)
تركي/ نجود
نجود/ هلا تركي
تركي/ صفاء تبغاكي على التليفون
نجود وهي مستغربه/ صفاء وردت عليك
تركي/ أي أخيراً... بس عندي طلب واحد منك
نجود/آمر
نهاية الجزء السادس عشر
الجزء السابع عشر
تركي / خليها تسمعك خاطره وفكي السبيكر عشان أسمع
نجود/ ليه
تركي/ نجود البنت على التليفون
نجود/ ما راح أتحرك إلين تقولي ليه
تركي وهو ماله خلق/ نجود قلت لك البنت على التليفون
نجود/ أول شي تقولي
تركي واستسلم/ انتي سوي ألي قلت لك عليه بعدين أقولك
نجود وهي فرحانة/ وعد
تركي/ وعد بس بسرعه
نجود/ يلا رايحه
نجود/الو
صفاء/ هلا نجود سمعي بكره صديقتي ساره جايتني البيت تعالوا ودها تشوفكم
نجود/ أوكي بكره نكون عندكم.... صفوي
صفاء/ هلا
نجود/ سمعيني خاطره
(بس قلت كذا على طول فك تركي السبيكر )
صفاء/ مع أنه مالي خلق بس يلا ماراح أردك تستاهلين كل شي ويلا نجود يلا سمعي
أين أنت اليوم يا ودادي
أين أنت ولماذا العذاب
لم أجد حباً في قلبي كحبك
لم أر شوقاً في زمني كشوقك
لماذا تركتني ولم تودعني
شاطئ الهوى يناديك ويسأل عن قدري
وأنت تدري أن الموج فيه يعلو
ويغرقني مع من سافر في بحري
في مركب صغير يجري و يجري
هل أنت تدري أم تتركني أضيع مع بحرٍ يسري
صفاء/ يلا قولي لي وش رايك
( نجود وكانت راح تقفل السبيكر بس تركي مسك أيدها عشان ما تقفل السبيكر واستغربت نجود من حركة تركي)
نجود تتكلم وهي تناظر بتركي/ روعه يا صفاء كلامك حلو تختارين الكلمات المناسبة مشاء الله عليك
صفاء/ يلا ما اطول عليك عندي شغل كثير باي
نجود/ باي
( لما قفلت بسرعه تركي قام من جنبها وعلى غرفته
ونجود راحت تركض وراه وهي تصرخ عليه)
نجود/ تركي يا السخيف تعال والله انك كذاب ... تعال قولي وش سالفتك ... تركي أنت وعدتني تركي
( دخل تركي لغرفته بدون ما يرد على نجود)
نجود وهي تضرب الباب / تركي افتح الباب وقولي أنت وعدتني تقول لا ترجع بكلامك .. تركي افتح الباب وقولي والله إن ما فتحت إني اتصل على........ ولا خلاها تركي تكمل فتح الباب
نجود/ ما ينفع معك إلا الكلام الخشن
تركي / يلا دخلي
تركي/ نجود انا راح أقولك بس انا إلا الآن مش متأكد من إلي راح أقولك.. بس أتمنى انك تساعديني لأني جد محتار ومحتاج من يساعدني
نجود وشافت تركي جدي بكلامه وعدلت جلستها/ تركي أنا أول مره أشوفك جدي بكلامك قولي وش إلي متعبك ومغيرك كذا صحيح يمكن أقدر أساعدك
تركي وهو متردد/ والله مدري كيف أقولك ولا من وين أبتدي .......... شوفي يا نجود أصبري علي كم يوم وراح أقولك بس مش الحين.. عشان خاطري
نجود وهي تبغى تخلي تركي على راحته/ طيب مثل ما تبي راح انتظر أهم شي راحتك
تركي وهو مبتسم/ مشكورة يا بعد عمري
( طلعت نجود وخلت تركي لحاله بغرفته.. جلس تركي بغرفته اليوم كله وهو يفكر بكلام صفاء ويتذكر نبرة صوتها وطرقة إلقائها للخاطرة)
تركي بداخله/ والله أني أحبها أحبها مافي تفسير غيره بس ياربي ليه هي زعلانه علي ولا تكلمني ودي يوم تتكلم معي تفتح قلبها لي وتقولي كل شي بس أسمع صوتها اشبع منه إلي حرمتني منه فتر أطول من طويلة ........ صفاء ياحب حياتي والله أنك غير تيني وخليتيني طول الوقت بس أفكر فيك
( في هذا الوقت صفاء تفكر في كلام تركي وتحاول تفسر ليه هو يحاول فيها تتلكم وليه يتوسل فيها بس عشان تتكلم وليه فرح وتغير صوته لما ردت عليه)
صفاء وتكلم نفسها/ أووه ليه أنا شاغله نفسي فيه خليني أقوم أجهز لجمعة بكره
( الساعه 12 با الليل وتركي لسه ما نام ولا طلع من غرفته وهو جالس يفكر ... )
تركي يكلم نفسه/ أنا لازم أكلمها بس كيف .. لو أني قلت لنجود كان خليتها تتصل وأنا أكلمها بس ..... وناظر جواله وقال مافي غير أني أدق على جوالها .. ....... بس يمكن في أحد جالس معها بعدين راح أسوي لها مشكلة بس يمكن هي بغرفتها وتكتب في ذا الوقت........أها لقيتها مافي غير أني أكتب لها مسج وكتب لها مسج يقول فيه
( كانت صفاء مثل ما توقع تركي جالسه على السرير وتكتب خواطر وفجأة يدق جوال صفاء)
صفاء / رساله أكيد وحده من البنات
(لما أفتحت الجوال وتفاجئت لما شافت أسم تركي وتفاجئت أكثر لما قرت إلي مكتوب )
صفاء/ والله الولد مو صاحي وش يبغى مني
(بعد 10 دقايق دق جوال صفاء وصفاء تناظر الجوال ترد أو لأ وكان كل ما دق تحطه صامت عشان ماحد يسمه وهو يرن وهي ما ترد وصار تركي متصل عليها وهي ماترد 18 مكالمة وهي ماردت )
تركي/ والله ماراح أستسلم كثر ما أستسلمت قبل إلين تردين يا صفاء
صفاء وهي خايفه مش عارفه وش تسوي ومعصبه شوي/ تركي خلاص لا تدق والله أنك أربكتني
( صفاء شافت تركي ما استسلم أخيراً قررت ترد )
صفاء وهي مرتبكه وتسوي نفسها شديده/ الو قول إلي عنك بسرعه
تركي وما صدق أن صفاء ردت عليه/ هلا وغلا طولتي علي با الرد
صفاء وارتبكت من كلامه/ تركي
تركي/ عيون تركي
صفاء وهي مش قادره تتكلم/ تر....كي بس...رعه قول ولا راح ..أقفل
تركي وهو يترجاها/ لالا لا تكفين راح أتكلم .. صفاء قولي لي ليه ما تكلميني ليه؟ ما تركبين معي لا تتهربين مني أنا زعلتك أنا قلت شي يجرحك الله يخليك ريحيني
صفاء/........ تركي روح نام شكل صوتك مش نايم
تركي وهو يتوسل/ صفاء بس قولي لي كلمه وحده
صفاء/ تركي مره ثانيه يلا تصبح على خير
تركي / صف.......... وقفلت الخط
( وقال تركي بداخله ياربي هم ما قالت شي بس......... قالت مره ثانية معناها أني إذا دقيت مره ثانية راح ترد علي .. يا حبيبتي يا صفاء أكيد حنيتي علي )
( اليوم الثاني)
نهاية الجزء السابع عشر
الجزء الثامن عشر
صفاء/ فراس
فراس/ نعم وش تبين بعد تراك غثيتيني ما صارت كل هذا عشان صديقتك
صفاء/ أقول مين إلي إذا أحد من ربعه بيجي يحوسني حوس... أقول لقط وجهك أحرجتك صح وبعدين ما أبغى منك شي أنا وصيت مشعل على كم غرض جا ولا
فراس/ ما أدري عن شي وضفي وجهك عني ولا تكلميني
( ودق جرس الباب )
صفاء/ هاي أنت روح شوف من عند الباب
فراس/ ماني رايح .. لمى روحي شوفي الباب
لمى/ بابا يقولي البنات ما يفتحون باب الشارع الولد هو إلي يفتح الباب