رواية عندما نعشق الجنون للكاتبة ذبول الورد

&&&&&&
مدينتي الجميله
عشقي اللا متناهي
في مدينتي وهناك بين تلك الاركان قلوب قد غلفها الوجع وقد تغذت تلك العروق
من الالم والمراره مايرهق الاعين وقد تبللت بملوحة الدمع
قلوب صغيره على العشق
قلوب تمردت فكانت كالامواج تتخبط بين الصخور
&&&&&&&&&&&&&&&&&&&&&&
&&&&&&
(في ذالك الحي القديم وفي ذالك المنزل الصغير القابع في احدى الزوايا)
&&غضى&&
توني راجعه من المدرسه دخلت بعبايتي اللي مابعد فصختها وبهدوء شديد تسللت لغرفتي
أشوه ماقابلت أحد رميت نفسي على السرير ولازلت بملابس المدرسه اه ياربي متى برتاح من هالهم
اللي يكويني كل ليله وكل ساعه ماادري ليه تمنيت بهاللحظه أغمض وأفتح الاقي أمي قدامي
اه يمه يمكن الا أكيد لو انك عايشه ماكان أحد مس شعره من شعر راسي أبد والا انت يبه اه ياترى
وينك ليه ماخذيتني معك خليتني أمانه عند الشخص الخطأ الله يسامحك وين ماكنت
تحسست شعر راسي ومررت ايدي بخفه على خصل منه يالله قد ايش طال
ليتك يمه تشوفينه طول عمرك تتمنين تشوفين شعري بهالطول اللي يغطي ظهري
يادوب غمضت عيوني الا وذالك الطق على باب غرفتي
فزيت مفجوعه
رحت لباب وفتحته وأنا مرتعبه الله يستر
شفت خيريه واقفه عند الباب ومتكتفه صاحت بوجهي وقالت : يمال الماحي ان شاءااله سنه عشان تفتحين
الباب لي ساعه أطق ولا للحين ماغيرتي تعالي حطي الغدا بشار الحين يجي
جاوبتها بهدوء وأدب مهما كان أسلوبها وطريقتها بالتعامل معي لسنها الكبير حق يمكن تستغربون بس أنا تربيت
على هالشي احترام الذات أول ثم احترام الغير شي تعلمته من أمي الله يرحمها
رجعت صاحت فيني : لمين طالعه لامك بليده من يومك
بهاللحظه كان ودي أدفها على الأرض
أمي اطهر من أي كلمه ممكن تقولها هالحيه
وأركض لأي مكان ماتكون فيه لاهي ولا أخوي أخوي ولد امي وابوي..
نزلت راسي بعد مامرني طيفها بخيالي
وهي تبستم وكأنها تقول انتبهي لاتسوينها .. صاحت خيريه بوجهي : هيه انتي ماتسمعين ؟؟
رديت عليها والعبره خانقتني وقلت لها:
ثواني بس أغير وأنزل أنا قلت هالجمله وليتني ماقلتها مالقيتها الا ماسكتني مع كم المريول وساحبتني
لين انتبهت اني واقفه بالمطبخ رمت لي الصابونه وقالت مابستناك لين يخيس الأكل غسلي ايدك
أجي والاقيك فارشه السفره وطلعت بعد مارقعت باب المطبخ بوجهي
غمضت عيني بقوه وبديت أعد
موجه من الغضب تجتاحني وبقوه توازي أمواج البحر في هيجانه
امتلت محاجري بدمعه مالها لون مالها ريحه مالها طعم مالح مثل حياتي اللي أعيشها
ليه ؟؟ ليه ياخيريه أنا وش سويت لك ليه يابشار وش سويت لكم أبي أفهم ياناس!!
نزلت راسي بخضوع وانكسار الانكسار اللي تعودت عليه وفرغت غضبي في المواعين اللي ملت المطبخ
مثل كل مره أزعل فيها المطبخ هو صديقي الوحيد
(في الناحيه الثانيه من نفس المدينه وفي أحد أفخم قصور المنطقه)
هناك حيث نشوة النصر طاغيه على المكان
قلوب قد غلفها فرح مزيف
ممكن نكون أطفال بتصرفاتنا وتفكيرنا بس فينا عشق الانتقام للذات
كلمة انتقام ماتعرف صغير او كبير يمكن تستغربون من هاللذه اللي أعيشها
بس هاذي أنا رواند لاحطيت الشي براسي حطيته
الشي الوحيد اللي ممكن أشكر ابوي عليه انه علمني كيف اكون عزيزة نفس
ومانزل راسي لمخلوق يخلق بهالارض
يسميها كثير حولي غرور وان كان كلامهم صح انا مايهمني كلام الناس دامني
انا انا
ياحليله ياحليله يحتري مني أجي له....
يكفي وياه أتكلم هذي من عندي جميله...
ان بكى خلوه يبكي وان شكى لله يشكي ...
أما أنا والله مبطي ومدة غيابي طويله...
يتحرى مني أسئل هذا في حكم المؤجل...
من هو فينا اللي تبدل وشوه الصوره النبيله...
وصلوا له لالايجيني لايكون تشوفه عيني ...
علموه اني كشفته وكل يروح لسبيله...
يتعذب مايتعذب استقر ولاتغرب....
حب غيري ولاماحب عادي وبلقى بديله....
ان شكى فرقاه مني أو سأله الشوق عني ...
لايدور أي غايه في رجوعي أو وسيله...
&& رواند &&
كنت جالسه أنشف شعري بغرفتي توني ماخذه دوش بارد بهالحر اللي ذبحنا وأردد مع أحلام كلمات
هالأغنيه أخذت مجفف الشعر (السشوار) وفتحته على درجه معينه وبديت أمرره على شعري
القصير ههه على بالي اللي يشوفني مشتطه كذا يقول أبد مغطي ظهري
انتبهت لجوالي وفتحته لقيت 20 اتصال منه
كنت مبسوطه لأني أخيرا قدرت أكسر راس هالمغرور مو مصدقه
وأخيرا جبت راسه خليه يتأدب ويعرف ان بنات الناس مو لعبه والله ثم والله لااطلع كل دمعه بكيتيها يافوز
من تحت راس هالغبي اللي ماعرف قيمتك
ابتسمت بلذه غريبه وأنا أسترجع أحداث ذااك اليوم
يوم رهاني مع فوز والبنات
ضحكت من قلب وأناأتخيل منظره يوم أرسلت له على الايميل
الصور الل....... ولا خليني ساكته ماابي أشوه صورتي عندكم بدري ههه بس يستاهل
انتو ماتعرفونه كثري
يوه أميره لازم أكلمها مع اني أكرهها بس حرام خدمتني خدمة العمر
رفعت جوالي وضغطت على اسمها
رنه وثنتين وثلاث
جاني صوتها خافت فيه رعشه غريبه
تكلمت وانا عاقده حواجبي: أميره وش فيك؟
ردت علي بنفس نبرة الصوت: رواند أنا خايفه ضاري مابيخليني ضاري مابيخليني
رديت وأنا اضحك : يالخبله كل هالخوف من هالغبي اللي بمكالمه وحده جبته على خشمه ماراح يسوي لك
شي لاتخافين بس تلاقين كرامته المتأخره صحت وبس يهدد على الفاضي
رجعت تعيد علي نفس الكلام : أقولك جا لباب بيتي شفيك انتي ضاري مو ناوي خير
مو ناوي خير ومتوعد بفوز
رواند الله يخليك لاتخليني والله لو ياصل خبر لأ مي ان تروح فيها المسكينه
صرخت عليها وانا متملله من ضعفها وخوفها : أقولك مايقدر يسوي شي ماراح يفضح نفسه وان طلع كلامك
صح وكان فعلا ناويها شر لاتنسين اني رواند حركاته ماراح تمر علي ولو فكر يمس شعره من شعر فوز
نهايته بتكون على ايدي
قفلت السماعه بوجهها من الغيض اللي تملكني
مجرد انه يفكر ينتقم أو يأذي فوز لخبطني وشلني عن التفكير لالا ضاري اذكى من انه يجيب لنفسه فضايح
هو مو قدها مستواه الاجتماعي يمنعه بس لازم أكون حريصه اكثر لازم
دواك عندي ياضاري
صباح جديد
وأشرقت الشمس بأشعتها الدافيه محتظنه مدينة الخبر معلنه يوم اخر
&&& فوز &&&
كالعاده قمت من النوم على صوت الشغاله الغبيه
أكره صوتها كل صبح نفس الموال
قمت بكسل من الفراش وانا اتمطط من جد مالي خلق اللمدرسه ابد
نطيت من فراشي على شباك البلكونه وفتحته
دخلت نفحة هوا طيرت لي خصل من شعري البني
ماحطت عيني على شي غريب بالشارع لان الهدوء كان أكبر من اني التفت لزاويه معينه
احب صوت العصافير احب صوت الشجر وصوت الريح الهادي
على اني اكره المدرسه بس احب الصباح
واحب صديقاتي اللي يجمعني فيهم هالصباح
طاح نظري عليه
معقوله!!
قفلت الشباك بسرعه والخوف كساني من أول راسي لاخر طرف باصابع رجلي
نظرته
مو أي نظره
نظرته نظرة تهديد
نزلت الستاير الكبيره ورجعت كم خطوه على ورا ماحسيت نفسي الا على فراشي
اه من نظرته هالنظره نفسها اللي كانت تحييني وتشعل كل مافيني من فرح ساكن
نظرته رجعتني ورا لايام حلوه
ليش ياضاري ليش لعبت بأغلى ماعطيتك قلبي اللي عشق ترابك؟!
كل شي بغيته سويته لك ماكنت أقولك لا ابد
ضربت بايدي على الشباك والقهر بيذبحني الوجع اللي تركه لي شتتني خلاني متبعثره
لازالت ذكريات اسواء ليله بحياتي ثابته بذهني ولايمكن أنساها
نزلت دمعه حاره على خدي ماحسيت فيها وأنا بصراع هالذكريات السيئه
تنهدت من قلب
اه ياصديقاتي الله لايحرمني اياكم
الله لايحرمني رواند لولاها ماقدرت استرجع صوري اللي عنده
بس.....
وش جابه الحين؟! ليش واقف تحت شباك غرفتي؟!
يمكن مار من الطريق
لالالالالاتضحكين على نفسك هو جاي عشانك انتي
عشانك يافوز
ضاري جاي يوصل لك رساله
فزيت من أفكاري اللي أخذتني وجابتني على صوت المسج
فتحته وانا ابلع ريقي من الخرعه
صباحو ياعسل تراني مو مداومه اليوم سوري مابنقدر نمثل اليوم المشهد سوا
ولاتسألين ليه بعدين بقولك
بايو
غمضت عيني براحه وكأني كنت بطيح بحفره بس باخر لحظه احد مسك ايدي
معقوله جاي بينتقم عشان اللي سوته فيه رواند
معقوله عرف انها صديقتي واكتشف كل اللعبه؟!
شعور غريب اتملكني وكل هذا ليش؟!
من مجرد نظره يمكن مايقصد فيها شي ايه ايه انا حساسه بزياده هو ماكان يبي شي
مسكت خصل شعري ورفعته على فوق بكليب صغير وقمت اتجهزللمدرسه وانا
لازلت أهذري مع نفسي ولااهتميت لمسج شجن اللي مادري وش سالفتها مع هالغياب
دقت الساعه السابعه صباحا
الساحه فاضيه كل الصفوف توجهت لفصولها
باخر الصف يمين الجدار
(رواند)
ناظرت فيها وأنا متوجسه اليوم شكلها مو طبيعي ولونها شاحب وش سالفتها هاذي؟
تكلمت بصوت منخفض وانا اهمس باسمها
طالعتني بنص نظره واشرت لي يعني اسكتي
بس فضولي كان اكبر اعرف وش فيها
رميت لها ورقه وكتبت عليها القاك بعد عشر دقايق بدورة المياه خليك ماتلحقيني
استأذنت من ابلة الفيزياء الغثيثه وطلعت
دخلت دورة المياه ووقفت قدام مرايتي الحبيبه هاذي مرايتي المفضله
نفضت خصل شعري الاسود باصابعي بترتيب
وحطيت قلوس بلمعه شفافه
عدلت ياقة بلوزتي البيضا وتوني بألف الا وهي وراي
بدون مايدور بينا أي حوار
شفت بعيونها لهفه وشوق مذبوح
ارتمت بحظني مثل الاطفال
مسحت على شعرها وانا منحرقه عليها وعلى وضعها ياما حاولت انصحها هالطريق طويل
له بدايه ماله نهايه
كثير كنت اسمع عن قصص هالعشاق
بس ماقتنعت ابد بشي اسمه حب قبل الزواج وخصوصا بمجتمعنا اللي يوقف ضد هالنوع من العلاقات
خليتها لين هدت شوي ثم تكلمت
حاولت انجر بكلمات معدوده تنفعها ماتزيدها وجع
مارح امنعك من هالدموع بس اللي ابيك تفهمينه اننا صديقات
وأنا هنا عشان ماأخلي دموعك ذي تنزل بس لازم تساعدين نفسك عشان اساعدك
(فوز) بحرقه : حبيته يارواند حبيته ليش باعني برخيص ومع مين؟ مع تؤامي الثاني اغلى الناس بقلبي
بنت خالي ليش ليش والله العظيم عمري مافكرت بغيره
مسكتها مع ايدها وانا شاده عليها : فوز شوفيني ناظريني هنا انتي من الاساس بديتي شي غلط
ولما يكون الاساس غلط البنا ينهد
لفت وجهها عني وعطتني ظهرها بقرارة نفسها تعرف ان اللي اقوله صح
مشت بخطوات ضايعه لين الباب
بس وقفها صوتي
فوز
لاتخلين اللي صار يهدك خليك اقوا واحنا كلنا معك لين تتخطين هالازمه
ماكملت جملتي الا وغضى عند الباب وتهز براسها تأييد لكلامي
حطت ايدها على خصرها وقالت : ياسلام وش هالخيانه ؟!
ابتسمت وانا امشي لفوز وحطيت ايدي بايدها
أبد اجتماع مع مساعدي الايمن فيها شي ؟!
ورجعت أناظر بغضى
طبت بالنص بيني وبين فوز وشبكت ايادينا ببعض : لالا مافيها شي بس لاتعيدونها
لان الفصل يهجد وانتي مو فيه تعرفين ماحنا متعودين على الهدوء
طلعنا كلنا من دورة المياه ماسكين ايادي بعض وغضى تدندن بأغنية قديمه لعبادي الجوهر
نحبها بصوتها على اني حاولت اخفف من الوجع اللي شفته بعين فوز بس قلبي مو مرتاح
صاحت غضى وقطعت علي هالافكار اللي توديني وتجيبني
خبطتها بقوه على ظهرها
فجعتيني يالخايسه شفيك؟
(غضى): نسيت انا وشو له جيتكم
(فوز): ليش؟
(غضى): سندس ماسكينها في الاداره
خبطت على صدري : افا وانا بنت امي وتوك تقولين مالت عليك
(فوز) : وليش وش مسويه هالمره؟
(غضى) ببرائه : تهاوشت مع املوه
ناظرت في الثنتين وقلت : وراي يابنات
مشيت ولحقوني الثنتين
واقفه ببرود وثقه شديده كأني جالسه في بيت أبوي مو بمكتب مديرة المدرسه متكتفه وأناظر بأبلة الفيزياء
بحقد لأنها السبب في جيتي هنا ومع ذالك ماضربت لها أي حساب
(أستاذه شمه) بحده : انتي وبعدين معك ماتعقلين ترا ماصارت كل يوم والثاني جايه رازه الوجه
قاطعتها بصوتي الحاد نوعا ما: يا أبله شمه والله هالمره غير
(أستاذه شمه): اذا هالمره غير أمس واللي قبله واللي قبل قبله غير بعد ياهانم؟!! انتي الصح وكل معلماتك
غلط؟! معقوله؟!
جلست بعدم اهتمام لأستاذه أمل اللي كانت تناظرني باحتقار من زينها ذا العبده وقلت : ياأبله شمه والله العظيم
برائه خليني أقولك وش صار اسمعيني على الأقل
ههه متأثره بالأفلام المصريه
قاطعتني المديره للمره الثانيه وقالت بحده وهي تطلع ورقه من درجها : ماني سامعه شي كل اللي أعرفه اني
ماأبي أشوف وجهك بالمدرسه لمدة ثلاث أيام وخلي ولي أمرك يكلمني
قلت بخاطري يعني أنا اللي أبي أشوف وجهك من زينك يالعنز
(أستاذه شمه) بحاجب مرفوع : وبعدين تعالي أنا كم مره قلت لك ماأبي أشوف هالمسامير اللي بوجهك
ناظرتها وأنا أتلمس وجهي ببرائه مصطنعه : مسامير بوجهي أنا؟!!
(أستاذه شمه): لابوجهي أنا بس ماتنلامين مع هالشعر المحلوق حشى مو بنت والله
وقعت أستاذه شمه وهي معصبه من برودتي على الورقه اللي كتبت فيها انذار لأهلي ومدت لي الورقه بنص
عين تقولون ذابحه زوجها
أخذتها وأنا أغلي من القهر وأناظر بأستاذه أمل بطرف عيني وقمت بعدها وطلعت من المكتب وأنا كاتمه
ضحكتي من عجوز الغبره مثل ما نحب نسميها أنا والشله
عند باب الأداره
كانت فوز وباقي البنات ياحبني لهم ينتظروني
(فوز) بلهفه وخوف باين بعيونها : هابشري هالمره سماح؟!!
(سندس):ههه :ماأصدق تخيلي فيوز هالعجيز المغبره تسب (التتو) اللي مسويته بوجهي تقول
مساميرههه no no ههه ههه ليه شايفتني لوح
جلست سندس على ركبها ميته من الضحك
ههه ههه واي بطني مو قادره
(غضى): أعصابتس انتي وسروال السنه ذا نزلي التنوره نزليها لاتشوفك عجوز الغبره وتوريك الغبار صدق
(سندس) بحده : تبطي عظم قامت ونفضت الغبار من تنورتها يوم جلست على الأرض وقالت : يابنات تراني
ساكتتن عليها بمزاجي بس هين والله لأوري هالسوسه جمل شغلها
(غضى): من جمل ؟؟!!
(فوز) بابتسامه : قصدها أبله أمل
(سندس) بتكشيره : قطيعه هذي أبله ذي هبله
(فوز) برقه : ياسوسو انتبهي ترا تقعد لك بالأمتحان وترسبين وماتتخرجين معنا
(فوز): ولاتخيلي تلغي فقرتك بحفل التخرج واي ههه فوز تذكرين واحنا بسادس يوم ضربتي الحارس
وحرموك من فقرتك بالتخرج ههه ههه
(غضى) ههه ههه وش ذكرك بالله ؟!! بس من جد كان يوم ماينسى ههه
(سندس): تلايطي انتي وياها بس وأنا وش دراني انه الحارس ظنيته حرامي
(غضى) وهي تضحك من قلب : ههه ههه والله انك مجنونه عنيفه من صغرك ههه
(فوز) سكتت فجأه عن الضحكه وبملامح جديه : يوه فوز تخيلي تسويها من جد !! هي حذرتك اخر مره
(سندس): تخسى الا هي أصلا ماتقدر الحفل ماباقي عليه غير أسبوع واحنا لنا شهرين نتدرب ونستعد
من وين بتجيب بديل بتتورط وهي مب غبيه لهاالدرجه عشان تخرب على عمرها
وكملت بتصميم : ياأنا ياهي علي وعلى أعدائي
(غضى) وهي تضحك : ههه ههه ذكرتيني بالمسلسلات ياماما لاتتحمسين واجد وقبل لاتتوعدين
شوفي لك حل بهالمصيبه اللي طحتي فيها بتقولين لأهلك على الفصل؟؟!!
(سندس) بملل : تكفين عاد والأهل لا عناد ماني قايله وماني مسويه شي
(فوز) بخوف: يامجنونه انتي تبين تنفصلين الظاهر فصل دائم ويوم انك مابتسوين شي
من اللي بيسوي؟؟
جتهم من مسافه مو بعيده وعلى فمها ابتسامة خبث
(رواند) : ضاري هو اللي بيسوي وبيطلعك منها مثل الشعره وتقولون رنوو قالت
وقفت سندس بالنص بين فوز وغضى ونظرها يتنقل مابين الثنتين
أما غضى شرقت بعلبة البيبسي اللي كانت تشربها وطلعت عيونها متر قدام من الصدمه
(رواند): خير ان شاءالله ليه هالنظرات؟؟!
(فوز) وتوجه الكلام لغضى: هالبنت انجنت رسمي وبتجننا معها
ولفت على رواند وقالت : واثقه ماشاءالله ان ضاري هواللي بيحلها ضاري ياحبيبتي اخر واحد ممكن يساعدك
انتي ناسيه وش سويتي فيه اخر مره
(غضى): هذا وجهي ان ماسحب عليك
(رواند) بثقه: لامانسيت وماراح يسحب وبتشوفون وش بتسوي رواند
(فوز): يارنو ياحبيبتي المثل يقول ابعد عن الشر وغني له اسأليني عنه أكثر وحده عاشرته انا واعرف
نواياه واسلوبه الخبيث
(غضى) بتأييد لكلام فوز: وضاري الشر بعينه وعلمه
(رواند) بملل : اف يابنات صندرتوا راسي
هو اللي بيحل السالفه وقفلوا على الموضوع واذا بتظلون تتكلمون بهالسالفه بروح وأخليكم
مشت وتركتهم واقفين ويناظرون في بعض بصمت
بعدها بفتره (رواند) بصوت عالي : ياشباب ترا ورانا حصه ولحقوها الثلاث ودخلوا الصف بدون مايدور
بينهم أي حوار
الى هنا يسطر قلمي نهاية ما
وللجنون بقيه
هالله هالله بالردود
ترا اول مرة انزل رواية
لا تكسرون فيني