روايتي الثانية ياما حاولت خيالية رومنسية جريئة

فراولة وردية *_^

25-08-2022 - 08:10 am

ستيف((طيب بس لا تنسين اليوم الغدا عليك انتي وعدتيني))

بشاير:عدلي اسلوبك معي

اثير:يوه بشاير يتقولين ولا شلون

ركضو للاصنصير وصعدو فوق...

رزان تنهدت وفتحت باب المكتب بقوة..

السلام عليكم كيف الحاآل؟؟...انا حبيت انزل روايتي الثانية بهاذا المنتدى لانه بصراآحة مره عجبني وطريقة ردودكم فيها بعد شجعتني...انا بنزل اول بارت وبشوف تفاعلكم واذا عجبتكم راح انزل الباقي..
بعد روايتي الاولى*بنات افكاري*..والتي وبحمد الله نالت اعجابكم..اتيت لكم بروايتي الثانية..والتي اتمنى ان تعجبكم وتحبونها..
روايتي الثانية..(( ياما حاولت ))..خيالية..رومنسية..جريئة
بدأت روايتي الثانية باسم الرحمن خالق كل شي...اما بعد...
{ سأكتب وسأقرأ }
سأكتب لك كل يوم عن قصة الحب الغامض..
وسأقرأ لك كل جديد ورائع ...
وسأكلمك كلمات خرجت من ينبوع قلب صادق ...
وسأذكرك بشي صاطع لامع ...
وسأرويك من حنان فائض ...
وسأريك من القلب النابض...
وسآخذ منك كل شي يجعلك حيران بائس ...
وسأعطيك من فمي ...
همسة تجعلك انسان بارع ...
&&&&&&&&&&&&&&&&&&&&&&&
^%
%^
&&&&&&&&&&&&&&&&&&&&&&&
>>>الجزء الاول<<<
البداية...
شغلت المسجل على اغنية ( no promises )..عشان تروق على الصباح...
رفعت السماعة الي جمبها وضغت رقم 3...طلع لها صوت الشغالة...
((الكلام راح يكون بالانجليزي بس انا راح اكتبه بالعربي))...
نوريا(الشغالة): )) صباح الخير مس لبنى))
لبنى )): صباح النور نوريا...جهزي الفطور))
الشغالة:((اوكي))
سكرت السماعة وراحت تاخذ(شاور)سريع قبل لا تطلع...
خلصت من الشاور ولقت الاكل جاهز...لبست لبس(الجم)..واكلت ع السريع وطلعت...
كالعادة لازم تتاخر...اكيد الحين بتاخذ تهزيئة من المدرب...
وصلت لمكان الجم وفتحت الباب بسرعة...
لبنى وهي تتنفس بصعوبة من كثر الركض...
لبنى: )) سوري ع التاخير بس....))
المدرب قاطعها((تفضلي وهاذي اخر مرة...مع اني ما اتوقع))
تاففت وحطت شنطتها جمبها...
ستيف((شفيك؟؟))
لبنى((هاذا المدرب يا بيذبحني يابذبحه))
ستيف((ههه انتي الي دايم تتاخرين))
لبنى((طيب ايش اسوي اذا قمت متاخر))
ستيف((كل يوم عاد))
لبنى((ستيف بليز اسكت ترى مالي خلق))

ستيف((طيب بس لا تنسين اليوم الغدا عليك انتي وعدتيني))

لبنى((هاذا انت همك على بطنك...طيب خلاص..اختار المكان الي تبيه والحساب علي))
هاذي ببساطة حياة لبنى...سهر طول اليل..وبالنهار نوم...تقوم بس تروح الجم تلعب رياضة وبعدين تتغدى مع ستيف وبعدها ترجع البيت تكمل نوم وتقوم الساعة 8 ويبدى يومها جد...طبعا مستغربين كيف يدربها واحد وكيف صديقها ستيف وتطلع معاه عادي وهي سعودية...ببساطة لانها عايشة بنيويورك من يوم كان عمرها16 سنة....
&&&&&&&&&&&&&&&&&&&&&&
^%
%^
&&&&&&&&&&&&&&&&&&&&&&
بالشرقية...
جالسة بالمحاضرة وطفشانة...التفتت على صديقتها ولقتها نايمة...
رزان(طبعا بتنامين...مين قدك على الاقل تضيعين وقتك مو انا متطرة اسمع هالعلة هاذي...بس وربي ما اخليك تتهنين بالنوم)
فتحت شنطتها وطلعت منديل...لفته وخلته طويل...بدت تدخله باذن بشاير عشان تزعجها...
بشاير وهي مغمضة عيونها وتحرك يدها تحاول تبعدها:اووف..وخري عني
رزان:والله ماتنامين...مايصير كذا انتي تنامين وانا اسمع هاذي
بشاير فتحت عيونها:طيب شسوي لك يعني...نامي
رزان:مااقدر انام بهاذا الازعاج
بشاير:هاذاني انا نمت...عادي
رزان:انتي حتى لو في زلزال بتنامين
بشاير رمت القلم الي بيدها بعصبية وقالت بصراخ:وبعدين يعني...ماراح انام
سمعتها المس وهي تصارخ وعصبت...
المس:بشاير..في حاجة؟؟
بشاير ابتسمت:لا مس سلامتك مافي شي..
بس كان في ذبانة مزعجتني...اقول مس ليه ماتفتحين الدرايش والله حر
المس:طيب انا اعمل ايه ازا التكيف عطلان
بشاير:انا عندي لك حل
المس:ايه هو اتحفينا
بشاير:طلعينا برة واذا مرت المديرة ندخل
رزان:ايه والله هاذا احسن حل
المس:انا عندي حل احسن
بشاير باستهبال:هو ايه؟؟
المس:اخرسي انتي وهي وخلوني اكمل المحضرة
بشاير بهمس:كانها هزأتنا
رزان بنفس النبرة:ايه
المس:بتقولو ايه؟؟
بشاير:لا ابد...كملي مس كملي
بدت المس تكمل المحاضرة وبشاير ورزان طول المحاضرة مقضينها سوالف...
&&&&&&&&&&&&&&&&&&&&&&
^%
%^
&&&&&&&&&&&&&&&&&&&&&&
بعد ما خلصت المحاضرة...
مشاعل:ووين بتسوين البارتي؟؟
شوق:والله ما ادري..انتي وش رايك؟؟
مشاعل:هاذي البارتي حقتك وانتي الي لازم تختارين
شوق ابتسمت:لا انا هالسنة بسوي شي غير
مشاعل:شنو؟؟
شوق:يعني انا ورزان فكرنا اننا نسوي حفلة مشتركة...يعني كلنا مع بعض
مشاعل:والله مدري
شوق:شنو ماتدري...غصبن عنك بتسوين معانا
مشاعل:لا والله
شوق:ايه لان بابا معاقبني على درجاتي الحلوة وعشان كذا قالي مافي حفلة وبعد ماحنيت عليه اعطاني ثلاثة الاف بس...ورزان نفس الحالة
مشاعل:وتبيني ادفع ثلاث الاف؟؟
شوق:لا..انا ورزان دبرنا الدي جي ومكان الحفلة وانتي اختاري تبين البوفيه ولا اختاري شي ثاني
مشاعل:خلاص اوكيه بقول لبشاير واثير ونشوف
شوق:تكفين اقنعيهم ابي حفلتي تصير احلى من حفلة ندى الي سوتها العام...وربي للحين مو قادرة انساها
مشاعل:معاك حق تذكرين لما سوت البوفيه كل قسم ببلد
شوق:والا فستانها السماوي كان روعة
اثير:ههه انتو للحين تتكلمون عن حفلة ندى
شوق رفعت حاجبها:شرفتي
اثير:خلصت المحاضرة؟؟
مشاعل:من ساعة
اثير:اوف..طيب شسوي..ديما طفشتني
شوق بخبث:ديما ولا ابو ديما
اثير حمرت خدودها:اقول اسكتي بس
مشاعل وهي تسحب اثير:ههه اجلسي بس..الاجد شخباره؟؟
اثير:مين؟؟
مشاعل:مين غيره زوجك العزيز منصور
اثير:وانتي شدخلك
مشاعل:الشره علي اسال عنه...عموما الحمد الله على سلامته
اثير:الله يسلمك
شوق:الاجد وش جاب لك من مصر؟؟
ظلو يسولفون وفجاءة جتهم بشاير تركض...
بشاير:بنات بنات
البنات:بسم الله
اثير:شفيك انتي؟؟
بشاير وهي تاخذ نفس من التعب:فاتكم وش سوت رزان بالمس
شوق:وش سوت؟؟
بشاير وهي تاخذ الببسي من يد مشاعل:لحظة شوي خلوني اشرب شي
مشاعل:هي هاذا حقي
بشاير شربته وحطته على الطاولة:خذيه
مشاعل وهي تناظر بالببسي:بس انا ماشربت شي لسى..خلصتيه يالدبة
بشاير كبته على الارض...
مشاعل بصراخ:هيي
بشاير:شفتي لسى فيه
مشاعل طالعتها بحقد:انا اوريك يالتبن
شوق:يوه بشاير خلاص...قولي لنا وش صار؟؟
بشاير:ايه صح ذكرتيني...واحنا طالعين من المحاضرة.كالعادة مسكتنا المس وهات ياتهزيئ فيني وفيها...عاد رزان كانت معصبة منها من زمان وكاتمة..واليوم انفجرت وقالت لها...
البنات:ايه
بشاير:وقالت لها
البنات:كملي
بشاير:اول جيبولي كرسي ابي اجلس
شوق:اوف..ميشو حياتو جيبي لها كرسي
مشاعل:لا والله
بشاير:يا الكرسي ولا ماراح اقول
مشاعل وهي تقوم:بجيبه وامري لله
جابت الكرسي واجلست...
شوق:هاذاك جلستي يلا عاد قولي
بشاير:زين بس اول ابي اشرب
مشاعل:اقول بشيّر تراك مصختيها يلا انطقي
بشاير:ههه طيب اعصابك يلا بقول
مشاعل:اخلصي

بشاير:عدلي اسلوبك معي

اثير:يوه بشاير يتقولين ولا شلون

بشاير:خلاص بقول...المهم..وبعدين عاد رزان قالت لها...هي انتي ترانا مو اصغر عيالك عشان تهزئينا كذا...اذا كنت معصبة من احد لا تطلعين حرتك فينا ولا شفتينا ساكتين ومعطينك وجه قمتي تهزئينا...وبعدن المس فتحت عيونها بقوة وقالت لها...انتي بتقولي ايه...انتي ازاي تتكلمي معايا بالطريقة دي؟؟....قالت رزان انا بكيفيلااتكلم بالطريقة الي تعجبني...قالت المس..قدامي على مكتب المديرة
اثير:وبعدين رزان وش سوت؟؟
بشاير:قالت لها والله ما اروح
شوق:كفو والله بنت عمي
بشاير:عاد انا فزعت لها وقلت يا مس استهدي بالله وهاذي بزر وماينشره عليها...قال لأه...راسها والف سيف توديها بس رزان ماراحت..طنشتها وطلعت..وبعدين انا هديت المس وجيت هنا
شوق:والحين وين رزان؟؟
بشاير تاففت:يعني وين العلة تغريد نادتها
شوق:اوف هالبنت ماتفهم كم مرة قلت لها لاتروحين معاها بس هي غبية
اثير:هاذاهي جت
رزان:هاي صبايا
شوق:رزان وين كنتي؟؟
رزان وهي تناظر بشاير:يعني هاذي ماقالت لكم
شوق:الا قالت...واذكر اننا قلنا لك بعد لا تمشين مع تغريد...هاذي سمعتها مو زينة
رزان:والله عاد انا ماشفت شي شين منها...انا مدري ليه تقولون عنها كذا
شوق وقفت:انتي ماتفهمين؟؟
اثير:خلاص خلاص اهدي انتي وياها...ترا الموضوع مايستاهل
رزان طالعت شوق بنرفزة وشوق بادلتها بنفس النظرات وجلسو ثنتينهم....
&&&&&&&&&&&&&&&&&&&&&&&
^%
%^
&&&&&&&&&&&&&&&&&&&&&&&
بنيويورك...
جالسين بالكفتريا الي كل يوم يروحون لها...صارو معروفين هنا من كثر مايروحون...
ستيف((لولو وش فيك؟؟))
لبنى تنهدت((ولاشي))
ستيف((يعني انا ما اعرفك...شكلك متضايقة اليوم..وش صار؟؟))
لبنى((صديقاتي وحشوني..من زمان ماشفتهم))
ستيف وقف وحضنها((وانا وين رحت))
لبنى ابتسمت وحطت راسها عليه((انت موجود بس هم غير))
سيف بعد عنها شوي((كيف غير..يعني بايش غير عني عشانهم بنات يعني))
لبنى((عشانهم بنات وعشان في اشياء مااقدر اقولها الا بس لهم))
ستيف((اشياء مثل ايش؟؟))
لبنى((انت ولد وعمرك ماراح تفهمني))
ستيف وهو يكلم نفسه((انتي الي عمرك ماراح تفهميني))
لبنى((هي ستيف...شفيك؟؟..الحين مين الي فيه شي انا ولا انت))
ستيف((هاا...لا بس كنت افكر بكلامك))
لبنى((لاتشغل بالك...يلا روح اطلب لنا ابي اكل وارجع انام))
ستيف(وانتي من عرفتك وبس تنامين))
لبنى(يوه ستيف ترى راسي يوجعني))
ستيف((طيب بس انتي بتدفعين))
لبنى((ياالله عليك خلاص انا الي بدفع يالبخيل))
ستيف:ههه
&&&&&&&&&&&&&&&&&&&&&&&
^%
%^
&&&&&&&&&&&&&&&&&&&&&&&
رجعت البيت وهي تحس نفسها هلكانة ومالها خلق شي...
سمعت صوت وراها..صوت تكرهه وماتطيق تسمعه ابد...
بشاير التفتت عليه وارفعت اصبعها بتهديد:سعد قبل لا تفتح فمك بأي كلمة..هاذاني اقول لك تراني تعبانة ومالي خلقك ولاخلق ملاغتك زين
سعد:افا وش فيك علي
بشاير:اقلب وجهك سعد
سعد:فديتك
بشاير تاففت وصارت تقلب بعيونها...
سعد:فديت هالعيون الخضر
بشاير تاففت بنرفزة وطلعت الدرج...
سعد مسك يدها قبل لا تطلع:فديت هالمشية وهالطلة..فديت الشعر البني وهالجسم الغزال
بشاير سحبت يدها بقوة:سعد خلاص
سعد:وش فيك علي انتي..انا احبك
بشاير:وانا ما اداني اشوف وجهك..انقلع عني..فك ياخي انت شنو ماعندك احساس..تتهزء وعادي
سعد:مقبولة منك ياقلبي
دخلت ام بشايروهي مستغربة الصراخ الي تسمعه..
ام بشاير:شسالفة؟؟..شفيكم
بشاير ناظرت سعد:تكلم...قول لها وش صار
سعد ابتسم بارتباك:لا ولاشي يامرت ابوي بس يعني كنت اسال بشاير عن الجامعه وشنو مسوية وهي الله يهداها عصبت
ام بشاير:وانتي شفيك عليه بس تهاوشينه
نزلت دانة من الدرج بمشيتها الي كلها غرور كالعادة وهي شايله عبايتها...
ام بشاير:على وين؟؟
دانة ابتسمت وهي مالها خلق مرت ابوها:ابد..بروح عند صديقتي
ام بشاير:قلتي لابوك؟؟
دانة:ايه واذا مو مصدقتني روحي اساليه
بشاير اخذت شنطتها وركبت لفوق...وقفت بنص الدرج وبدت تطالع دانة من فوق لين تحت وكانها مو عاجبتها...
دانه:خير انتي بعد تناظريني كذا
بشاير:والله عاد انا اناظر بمزاجي
داني:لا ياعيون امك مو بكيفك
بشاير رمت اغراضها على الدرج حالفة لا تطلع حرة سعد باخته:وش بتسويلي يعني
ام بشاير:خلاص انتي وياها...دانة روحي لعند صديقتك وانتي روحي لغرفتك وذاكري الامتحانات مابقى لها الاشوي
تنهدت دانة بقهر ونزلت..
قبل لا تطلع حطت يدها على كتف اخوها وهمست باذنه:مدري وش عاجبك فيها
سعد ابتسم:بالله مو قمر
دانة التفتت على بشاير:قال قمر قال
طلعت بعد مالبست عبايتها...
شالت عبايتها وشنطتها من الدرج وبدت تصعد بس صوت امها وقفها...
ام بشاير:بشاير
بشاير التفتت:نعم
ام بشاير:انا كم مرة قلت لك لا تتهاوشين مع دانة هاذا اختك الكبيرة
بشاير:تخسى تصير اختي انا ماعندي غير اخت وحدة واسمها فاطمة
ام بشاير تنهدت:الكلام معك ضايع
تركتها ورجعت للمطبخ...
من القهر دورت أي شي ترميه او تكسره بس مالقت...ماشافت غير سعد الي واقف ويناظر فيها من فوق لتحت...
بشاير:خير انت بعد وش تناظر؟؟
سعد ابتسم واعطاها بوسة..
بشاير تافف وهي تصعد الدرج:ويقولون بعد ليه كل اطلع
&&&&&&&&&&&&&&&&&&&&&&&&
^%
%^
&&&&&&&&&&&&&&&&&&&&&&&&
اول مافتحت الباب ركضت لها بنتها...
ديما وهي تركض:ماما
اثير ابتسمت وهي ترفعها من الارض:ياروح ماما
منصور:جيتي حبيبتي
اثير حطت شنطتها على الارض...قالت وهي تتوجه للمطبخ وين مامنصور واقف...
اثير:وش قاعد تسوي؟؟
منصور:ابد بس ديما كانت جوعانة وقعدنا نحوس شوي
اثير حطت ديما على كرسيها:وشنو حستو ان شاء الله
منصور رفع لها الصحن:سوينا كيكة..تبين تذوقين؟؟
اثير عقدت حواجبها:مع ان شكلها مايطمن..بس مو مشكلة مايضر
اخذت قطعه منها واكلت شوي منها...
منصور:كلي اكثر كذا مايبين طعمها
اثير هزت راسها واكلت اكثر...حطت الكيكة على الصحن واكلت وهي عاقدة حواجبها...
ديما لما شافت امها تاكل صارت تبي تقلدها:ماما ابي اكل
اثير وهي تشرب الماي:ما انصحك حبيبتي لان بصراحة طعمها يقرف...استغفر الله
منصور:طيب جاملي على الاقل مو تقولينها بالوجه
اثير:تبيني اكذب يعني..(شالت قطعه ثانية ومداتها له)...جرب واحكم
منصور اخذها منها وحطها على الصحن:لا شكرا خلاص مصدقك
اثير:لاذوق الي انا ذقته
منصور:عقاب يعني؟؟
اثير:بالضبط..يلا اكلها
ظلت تحاول فيه لحد ما اكلها وندم على اليوم الي فكر فيه يسوي أي شي ينوكل...
اوصف لكم اثير...طويلة ونحيفة...حنطاوية..شعرها اسود طويل وكثيف يوصل لين نص ظهرها...عيونها سودة وواسعة ورموشها كثيفة وطويلة..احلى مافيها عيونها وصديقاتها يسمونها ام عيون..
&&&&&&&&&&&&&&&&&&&&&&&&
^%
%^
&&&&&&&&&&&&&&&&&&&&&&&&
بالقصر...
اول ماوصلو رمو الشناط على الارض..
رزان بصراخ:ميري...ميري وعلة
ميري(الشغاله):نعم مدام
رزان:شنو نعم...يعني ماتشوفين الشناط..شيليهم
شوق:ايه وقولي لسوزن تجي وتودي شنطتي للبيت..(سوزن شغالة شوق)
ميري:اوكي مدام
اخذت الشناط وراحت...
رزان:يلا على الغرفة بوريك شي
شوق:يلا
وهم رايحين جهة الاصنصير سمعو صوت صراخ...
شوق:شسالفة؟؟
رزان رفعت كتوفها:مدري..بروح اشوف
توجهت لمصدر الصوت وكان من مكتب ابوها...لقت اخوانها الصغار سيف ونور واقفين عند الباب ويناظرون...
رزان:وش قاعدين تسون هنا
اول ماسمعو صوتها ركضو لها ودفنو روسم بمريولها...
رزان:شسالفة؟؟
سيف رفع راسه:ماما وبابا يتهاوشون
نور ببراءة اطفال:رزان...ليه ماما وبابا كل يتهاوشون؟؟
رزان طالعتهم بحنية...يكسرون خاطرها اخوانها...كل يصير فيهم كذا لما يشوفون امهم وابوهم يتهاوشون...هي تعودت على هالوضع خلاص وطفشت منه...
رزان:لا حبيبتي هم مايتهاوشون هم ينتاقشون بس النقاش احتد شوي
سيف ونور:يعني شنو؟؟
رزان ضحكت على اشكالهم:يعني يتكلمون بس بصوت عالي وبعدين هم دايم كذا يعني عادي
نور:رزان ليه ماما وبابا مايحبون بعض
رزان:لامين قال كذا؟؟
سيف:الا صديقي مروان يقول ان امه وابوه يحبون بعض عشان هم مايتهاوشون
نور:ايه وحتى صديقتي سارة
رزان:لا حبايبي ماما وبابا يحبون بعض بس هم يتهاوشون شوي وبعدين يتصالحون مثلك انت ونور صح
سيف هز راسه وكانه اقتنع:ايوه صح
رزان:طيب يلا الحين روحو العبو مع شوق هي بالصالة
نور وسيف:لا وع احنا مانحب شوق هي كل تهاوشنا
رزان:ههه لا هي تلعب معاكم الحين جابت لكم حلويات
سيف:كذابة
نور:هي ماتحبنا شلون تجيب لنا حلويات
رزان تاففت من كلام خوانها الكثير والي اكبر منهم:بتروحون ولا شلون
سيف ونور:خلاص بنروح

ركضو للاصنصير وصعدو فوق...

رزان تنهدت وفتحت باب المكتب بقوة..

رزان بعصبية:وبعدين معاكم انتو الاثنين...كل يوم تتهاوشون وربي طفشت..يعني لازم تفشلوني كل ماجا احد لهنا..عقدتوا عيالكم..عاجبكم كذا عيالكم الي ماكملو السبع سنين يقولون انكم ماتحبون بعض...انتو ماتستحون...اوف منكم اوف
قالت الي عندها وبردت خاطرها وطلعت...وخلتهم مصدومين من كلامها...بس مع كذا مافي فايدة ورجعو يتهاوشون...
ابورزان:شفتي كل منك ومن اسلوبك الهمجي
ام رزان:انا ولا انت يالمراهق
ابورزان:انتي بس لو تفكيني من شكك وغيرتك البايخة
ام رزان رفعت حابجها:انا اغار عليك هاذا الي ناقص انا بس احاول اوقفك عند حدك قبل لا تضيعنا بتصرفاتك المتصابية
قالت كلامها وطلعت وخلته معصب...
ابو رزان بصراخ:انتي وحدة مجنونة
طنشته وراحت للاصنصير...
&&&&&&&&&&&&&&&&&&&&&&&&
^%
%^
&&&&&&&&&&&&&&&&&&&&&&&&
مشاعل جالسة عالمسن ومندمجة بالسوالف...فجأءة سمعت صوت الباب يفتح بقوة وبعدها صوت صراخ....
حطت السماعة على الطاولة والتفتت للباب...متعودة كل يوم على هالحال...
بشاير بعصبية:انا خلاص لازم انتحر
مشاعل وهي تسكر الباب:ههه..كل يوم تقولين كذا وللحين عايشة
بشاير:وجع ان شاء الله تبيني اموت
مشاعل فتحت الثلاجة الي عندها وطلعت(ام اند امز)...مدت الكيس لعند بشاير:خذي بس
بشاير فتحت الكيس وبدت تاكل:والله محد يعرفني غيرك
مشاعل:اعرفك اذا عصبتي لازم تاكلين كيس ام اند امز...على فكرة هاذا ادمان
بشاير:اقول لا يكثر واجلسي خليني اشكي لك
مشاعل:لحظة خليني استنتج سبب زعلك..م...سعد؟
بشاير:ودانة بعد...الله ياخذه هو واخته
مشاعل:طيب انتي ليه ماتعطينه فرصه يمكن هو يحبك من جد
بشاير بدت تاكل اكثر:حبه برص..وبعدين هو شاف وجهه قبل لايجي يقولي احبك...شاف اخلاقه...ياشيخه خليني ساكته
مشاعل:ههه
بشاير:ليه تضحكين؟؟
مشاعل:احسك قرفانة

التعليقات (3)

-كويتية-

25-08-2022 - 10:25 am

woooooooooow
ro3aaaaaaa na6ra albart 2

فراولة وردية *_^

25-08-2022 - 11:26 am

يسلمو ع المرور كويتيه
وهاذا با آ رت ث ا آآ ني لعيونك

فراولة وردية *_^

25-08-2022 - 12:27 pm

يسلموو ع المرور كويتيه وهاذا بارت ثاني لعيونك ...
>>>الجزء الثاني<<<
جالسة بالسيارة وخايفة...تدعي ربها ان الاشارة تفتح باسرع وقت قبل لا يشوفها اخوها...وساعتها الله وحده العالم وش بيصير فيها...
حست فيه يطق دريشتها ويطلب منها تفتحها..حطت يدها على وجهها والتفتت للجهة الثانية...وتمنت انها ماتت قبل لا تلتفت..الموت عندها ارحم من الي هي فيه..
التقت عيونها بعيون عبد العزيز...
شوق وهي عاوجة فمها:كملت
عبد العزيز رفع جواله ودق عليها...
حست دقات قلبها تزيد وهي تشوف رقمه...ردت وهي تحاول تبين عادي...
شوق:قوة عزوز
عبد العزيز:الله لا يقويك وش تسوين عندك؟؟
شوق:عزوز وش فيك علي...كنت عند صديقتي والحين برجع البيت
عبد العزيز:تعرفين كم الساعة الحين
شوق:ايه 11 واذا يعني
عبد العزيز:اول شي الساعة 11 ونص وثاني شي انتي بنت ومايصير ترجعين البيت بوقت مثل هاذا
شوق:انت وين عايش شنو مايصير ارجع البيت بهاذا الوقت
سمعت صوت طق على الدريشة حقتها مرة ثانية...
شوق(استاهل انا الي جبته لنفسي)...
عبد العزيز انتبه للي جمبهم:هاذا شيبي؟؟
شوق بارتباك:وانا وش دراني...خله يولي
عبد العزيز:خله يولي ها...انا اوريك الحين...ارجعي البيت بسرعة وشغلي معك بعدين
شوق:يصير خير
عبد العزيز:وربي ياشوق لو مارجعتي البيت الحين ماراح يصير لك خير
شوق:خلاص قلت اوكي
عبد العزيز:نشوف
سكرت منه وقالت للسواق يروح البيت باسرع ماعنده ويحاول يضيع الي جمبهم...
&&&&&&&&&&&&&&&&&&&&&&&&
^%
%^ &&&&&&&&&&&&&&&&&&&&&&&&
رجعت البيت وهي خايفة لا يجي ويسوي فيها شي...
كانت تبي تروح لغرفتها بسرعة وتهرب منه...
توجهت للاصنصير لانه اسرع...فتح باب الاصنصير وكانت بتدخل..وقفها صوت اخوها من وراها...
عبد العزيز بعصبية وصراخ:شوق
حست ان روحها بتطلع من الخوف...هي تعرف اخوها كويس صحيح انه راعي هبال ومزاج بس اذا جد الجد مايتفاهم يده والكف...
شوق التفتت وقالت ببرود:نعم
عبد العزيز قرب منها:الله لا ينعم عليك...توك راجعة ها
شوق رفعت حاجبها وهي تناظره:على اساس انت الي جاي من الساعة 6
عبد العزيز مسك كتفها بقوة:انا ولد ارجع 6 الصبح ان شاء الله محد يقدر يفتح فمه...بس انتي بنت
شوق سحبت يدها بقوة:اتركني بس...وبعدين انت مالك شغل فيني
عبد العزيز:انا اخوك وغصبن عنك لي شغل فيك
شوق بطفش:اوف
ابو عبد العزيز:وش فيكم؟؟...ليه هالصراخ
شوق ركضت لابوها ومسكت كتفه:بابا شوف عبد العزيز يصرخ علي
ابو عبد العزيز:وانت شفيك ماتفهم...كم مرة قلت لك مالك شغل باختك
عبد العزيز:حتى لو سوت غلط
ابو عبد العزيز:ليه وش مسوية؟؟
عبد العزيز:توها راجعة من البيت الحين
شوق بسرعة:لا والله بابا انا راجعة من نص ساعة بس هو الي قعد يهزئني للحين
ابو عبد العزيز وهو يناظر ساعته:يعني كنتي راجعه من 11 ونص
شوق:لا بابا 11 وربع
عبد العزيز:يكون عدلتيها الحين
ابو عبد العزيز:اسكت عاد ولا تصرخ عليها...بعدين احمد ربك راجعه 11 مو راجعه 3
عبد العزيز فتح عيونه وهو يناظر بابوه... هاذا كيف يفكر...
ابو عبد العزيز وهو يوجه كلامه لشوق وقال بحنان:خلاص حبيبتي روحي نامي الحين ولا تتاخرين مرة ثانية كثير طيب
شوق:اوكي بابا..تصبح على خير(باست خده وراحت لجه الاصنصير)...
عبد العزيز تنهد وراح عند الباب عشان يطلع مرة ثانية...
ابو عبد العزيز:الحين متعني وجاي عشان تهاوش اختك والحين بتطلع..جد ماعندك سالفة
عبد العزيز طنش كلامه وطلع...
&&&&&&&&&&&&&&&&&&&&&&&&&
^%
%^ &&&&&&&&&&&&&&&&&&&&&&&&&
رزان وهي تضحك:ههه احسن تستاهلين
شوق:اقول كلي تبن والله لو ابوي ماجا والا كان ذبحني
رزان:ليته ذبحك عشان نفتك منك
شوق:الشره مو عليك علي انا الي اكلمك واشكي لك
رزان:انا ادري عنك عندك مليون غيري لا ومن الجنسين بعد اشكي لهم
شوق:وش قصدك؟؟
رزان وهي كاتمة ضحكتها:ولاشي
شوق:على الاقل انا احسن من غيري
رزان:من تقصدين؟؟
شوق:الي على راسه بطحى
رزان توها بتتكلم بس رن جوالها الثاني...رفعته وشافت تغريد تتصل..
ضربت راسها بخفة شلون نستها...
رزان:حبي شوق
شوق:بس خلاص عرفت اكيد الي ماتتسمى دقت
رزان:وش فيك عليها والله حرام عليك البنت حبوبة
شوق:بنت؟..متاكدة انها بنت
رزان:اوف منك خلاص يلا باي
شوق:باي
رفعت السماعة وردت عليها...
رزان:هلا وغلا
تغريد:هلا ياعمري وش فيك ماتردين علي...سافطتني اليوم
رزان:لا والله ياتغريد مو سافطتك ولا شي بس اليوم كنت مشغولة شوي بالمذاكرة تعرفين الاختبارات قربت
تغريد:ياقلبي انا كم مرة قلت لك لا تناديني تغريد
رزان:يوه والله سوري بس المذاكرة لخبطتني يا مازن
تغريد:ايوه كذا تعجبيني
&&&&&&&&&&&&&&&&&&&&&&&&&
^%
%^ &&&&&&&&&&&&&&&&&&&&&&&&&
جالسة مع بنتها وتلاعبها من جهة والكتب جمبها من جهة ثانية...
اثير:ديما حبيبتي اهدي شوي خليني اركز
ديما اخذت الالعاب حقتها وبدت ترميها على الكتب...
اثير:وش فيك انتي؟؟
ديما:ماما هادا مو حلو يع
اثير ابتسمت:والله انك صادقة..بس شسوي يعني لازم اخلصه
ديما جلست بحضن امها:مو لادم
اثير:الا لازم ويلا روحي العبي وخليني اعرف اركز
ديما:اوف
اثير رفعت حاجبها وهي تضحك عليها:تعالي هنا ان ما وريتك
بدت تركض وراها وهي تضحك...
ماحست بنفسها الاصادة باحد...رفعت راسها وكان منصور..
منصور:ههه شفيك؟؟
اثير:بنتك هاذي جننتي وماخلتني اذاكر زي الناس واخرتها تافف بوجهي...(قالت وهي توجه كلامها لبنتها)...ماسمعتي الاية الي تقول(ولا تقول لهما اف ولا تنهرهما)...
منصور:ههه حياتي البنت توها عمرها سنتين ماراح تفهم الي تقولينه
اثير بعدت عنه وراحت جلست عند كتبها:طيب يلا خذ بنتك وخلني اذاكر
منصور جلس جمبها ومسك يدها:ماتعبتي من المذاكرة
اثير:بس انا ماذاكرت شي
منصور وقفها:مو لازم...من زمان ماجلست معك
اثير ابتسمت وسحبت يدها وجلست مرة ثانية:منصور وربي مو وقتك الحين
منصور لف وجهها له:وقتك كله لي ياماما
اثير ابتسمت باحراج:طيب وديما
منصور:يعني مشكلة هي..عندنا بدال الشغالة ثنتين خلي وحدة تمسكها
اثير:بس انا ما احب اخلي بنتي مع الشغالات
منصور:هالمرة بس...عشاني
اثير:عشانك بس
منصور باسها على خدها:فديتك
حمرت خدودها وبعدت عنه....منصور جلس يضحك على شكلها وهي مستحية....
&&&&&&&&&&&&&&&&&&&&&&&&
^%
%^ &&&&&&&&&&&&&&&&&&&&&&&&
اليوم الثاني بالجامعه...
مشاعل:اخ يا بيشو لو سمعتي صوته..خققان
بشاير:انتي اساسا مين ما خقيتي على صوته...ليكون بس عطيتيه رقمك
مشاعل:يخسي بس كلمته بالمايك
بشاير:وش قلتيلي اسمه؟؟
مشاعل بدون نفس:فهد
بشاير:وش فيك تقولينها كذا؟؟
مشاعل:انا حظي كل مع الي اسمهم فهد
بشاير:ليه في احد غيره؟؟
مشاعل:نسيتي زوج المستقبل ولد عمي فهد
بشاير:ايه صح...الي انتي محيره له
مشاعل:لا تجيبين هالطاري لانك تلوعين كبدي
بشاير:انتي ماتحبين فهد
مشاعل:أي فهد؟؟
بشاير:بلا هبال قصدي فهد ولد عمك
مشاعل:والله يا بيشو شوفي...انا ما احبه ولا اكرهه...لاني ما اعرفه ولا عمري شفته...تصدقين حتى صوته ماسمعته
بشاير:وانتي شلون ترضين تتزوجين واحد ماتعرفين عنه شي حتى صوته
مشاعل:عاد شسوي فراس لاطق فيه عرق التخلف
بشاير:اما عاد فراس هاذا مستحيل احد يصدق انه اخوك انتي وبدر
مشاعل:ههه من جد حتى انا احيانا اشك
(بشاير تقول عنه كذا مو لانه غير عن شكلهم بالعكس هو نسخة من مشاعل بس ولد ويمكن يكون احلى منها بعد....بس هي تقول كذا لان اطباعه غير عنهم تماما....يعني مشاعل راعية هبال وتكلم اولاد عادي عندها وبدر تقريبا نفس حال مشاعل بس فراس غير...عمره مافوت فرض ومايحب يسهر ولا يسمع اغاني كثير..متدين بس بنفس الوقت منفتح بس بحدود...متفهم مو مثل بدر ومشاعل...بس مع كذا قلبه طيب وحبوب ومشاعل تحبه اكثر من اخوها بدر)...
رن جوال مشاعل...رفعت الجوال وكان المتصل فراس...
مشاعل:الطيب عند ذكره
بشاير:هاذا فراس
مشاعل:ايه
بشاير:تكفين بسمع صوته
مشاعل:قربي
بشاير لزقت اذنها بجوال مشاعل...
مشاعل:هلا وغلا بحبيب روحي
فراس:ههه اهلين
مشاعل:اخيرا افتكرتني ياخوي...وينك ووين هالغيبة؟؟
فراس:أي غيبة توني موصلك الصباح الجامعه
مشاعل:مرت ثلاث ساعات وانت غيابك عني ثانية كانه دهر
فراس:اقول عن النصبة ويلا اطلعي انا انتظرك
مشاعل:من عنوني دقايق واكون عندك
فراس:يلا مع السلامة
مشاعل:مع السلامة
سكرت من فراس والتفتت على بشاير:ها وش رايك بصوته..حلو صح
بشاير جلست:حلو وبس الا يجنن..والا ضحكته ياويل حالي
مشاعل:ههه اقول والله لو يسمعك سعد يذبحك ويذبحه
بشاير:الله يلوع كبدك وش هالطاري
مشاعل وهي توقف:زين يلا انا بروح توصين على شي
بشاير:سلامتك
مشاعل:يلا باي
بشاير:بايات
التفتت عشان تروح للباب ولقت شوق بوجهها...
شوق:على وين؟؟
مشاعل:بروح فراس ينتظرني عند الباب
شوق:خليه ينتظر شوي بكلمك بسالفة
بشاير:اذا حضرت الشياطين ذهبت الملائكة
مشاعل طنشتها:والله من مساع ينتظرني بيهزئني الحين
شوق وهي تناظر بشاير:عادي كلنا تهزئنا..خلاص اول ماترجعين دقي علي اوكي
مشاعل:اوكي يلا باي
شوق:باي
&&&&&&&&&&&&&&&&&&&&&&&&
^%
%^ &&&&&&&&&&&&&&&&&&&&&&&&
بالسيارة...
مشاعل كشفت وجهها لان الجو كان حار:هاي
فراس ناظر فيها:غطي وجهك..بعدين وشو هاي ذي انتي داخلة على كفار قولي السلام عليكم
مشاعل تاففت بداخلها(انا الغلطانة على بالي جاية مع بدير):ولا تزعل السلام عليكم
فراس:وعليكم السلام ورحمة الله وبركاته...والحين غطي وجهك
مشاعل:تكفى فراس والله حر وبعدين السيارة مظللة يعني محد بيشوفني
فراس:بس هاذا التظليل مو ثقيل مرة يعني يبين
مشاعل غطت وجهها:غطينا زين كذا
فراس ضحك بخفة على شكلها المعصب ومشى بالسيارة...
&&&&&&&&&&&&&&&&&&&&&&&&
^%
%^ &&&&&&&&&&&&&&&&&&&&&&&&
بدر:يعني معزم خلاص
سلطان:أي والله خلاص...ابوي طفشني فاقد الامل فيني خلاص عاد قلت له سفرني ادرس يمكن افلح
بدر:اما عاد تسافر تدرس
سلطان:كلام اسكت فيه الوالد
بدر:ههه على قولتك
سلطان:وانت ليه ماتجي معاي
بدر:اانا لا انسى
سلطان:ليه؟؟
بدر:بلادي تحتاج الي
سلطان:اهم شي اصلا انت وجودك زي عدمك...تعال معاي خلنا نسافر ونفلها مع بعض
بدر:والله فكرة..خلاص بشوف اكلم فراس عسى بس مايطلع عيني
سلطان:عاد انت اخوك يطفش خنقه
بدر خزه:ترا ما ارضى عليه
سلطان:زين خلاص بس لاتنسى اذا قلتله رد لي خبر عشان اظبط نفسي
بدر:ان شاء الله تامر امر
&&&&&&&&&&&&&&&&&&&&&&&&&
^%
%^ &&&&&&&&&&&&&&&&&&&&&&&&&
بجهة ثانية من الجامعه جالسين على حافة الدرج ويناظرون بالرايح والجاي...
رزان:اقول مازن
تغريد:ياعيون مازن
رزان ابتسمت:تسلم عيونك اسمع انا وصديقاتي مسوين بارتي حق التخرج وابي اعزمك
تغريد:ان شاء الله بجي بس وين بتسونها
رزان وهي توقف:بدق عليك اليوم وبقول لك
تغريد:وين رايحة؟؟
رزان:عند البنات تبين تجين معي
تغريد:لا انا اصلا بروح البيت الحين
رزان:اوكي باي
تغريد:بايات
&&&&&&&&&&&&&&&&&&&&&&&&&
^%
%^ &&&&&&&&&&&&&&&&&&&&&&&&&
{متربية على الدلع‘,بنت نعمة وكل الي اتمناه القاه}
دخلت السيارة ورمت اغراضها بالكرسي الي ورا...
ستيف((وش صار؟؟))
لبنى((يعني ماتشوفني اخذت اغراضي اكيد تركته))
ستيف((وليه زعلانه؟؟))
لبنى((مو زعلانة..بس متضايقة من نفسي))
ستيف((ليه؟؟))
لبنى سندت راسها على الكرسي بعد ماشغلت الراديو...
لبنى((ولاشي..يلا روح))
ستيف تنهد وراح...
هاذا حالها بعد ماتترك أي احد كانت تحبه او توهمه انها تحبه...
بس هي طفشت وكل ليلة تفكر...لين متى بتظل كذا..ليه ماتقدر تستقر مع احد...بس بلحظة يتغير هالتفكير وترجع زي اول...
&&&&&&&&&&&&&&&&&&&&&&&&&
^%
%^ &&&&&&&&&&&&&&&&&&&&&&&&&
بالجامعه...
شوق وهي تحط العصير على الطاولة:يالبطة..هي انتي وش فيك؟؟
بشاير:خير شتبين
شوق:فيك شي؟؟
بشاير وهي تاكل ال ام اند امز:مافيني شي
شوق:لا والله..قاعدة تاكلين ام اند امز وتقولين مافيني شي
بشاير وهي تناظر بالشوكلاته:والله محد فاضحني غيرك
شوق:ههه يعني في شي
بشاير:متضايقة شوي...فاطمة مدري شفيها
شوق:وش فيها يعني؟؟
بشاير:مدري صار لها يومين متغيرة ماتاكل زي اول ولا تسولف كل بس جالسة بغرفتها وحابسة نفسها حتى الطلعة ماتطلع
شوق:اساليها طيب
بشاير:سالتها وكل تتهرب مني
شوق:مافيها شي يمكن تعبانة شوي انتي بس لا تشغلين بالك ولا قولي لامك
بشاير:امي اقول استريحي بس
شوق:الا ماقلتي لي شخبار حبيب القلب
بشاير:مين حبيب القلب؟؟
شوق:مين يعني؟؟..سعد
بشاير:الله لا يسعد ايامك انتي وياه...تراكم طفشتوني خلاص
شوق:ههه والله شكله يحبك جد
بشاير:وانا اكرهه زين
شوق:طيب خلاص اعصابك
بشاير:انتو خليتو فيني اعصاب
رزان جلست وباست خد بشاير:شفيك ياقلبي ليه معصبة؟؟
بشاير:هاذي بنت عمك الله ياخذها
شوق:تدعين على يالبطة
بشاير:بطة بعينك يالنخلة
شوق:احسن منك
رزان:ههه بلا حركات بزران ويلا تعالو معاي
شوق وبشاير:وين؟؟
رزان:بوديكم مكان قبل لا تبدى المحاضرة
شوق وقفت:يلا
بشاير:هي انتي وياها تستهبلون ماباقي الا نص ساعة ع المحاضرة
شوق وهي تناظر ساعتها:ايه والله
رزان:خلاص بكيفكم لما نخلص من المحاضرة بنروح
&&&&&&&&&&&&&&&&&&&&&&&&&
^%
%^ &&&&&&&&&&&&&&&&&&&&&&&&& {سواها قلبي} رجعت البيت وفتحت ايميلها وهي كلها شوق وتتمنى انه يكون موجود...
هي ماتحبه بس اشتاقت له ماتدري ليه تحس كذا...
كتبت كلمة المرور وظلت تناظر فيه لحد مافتح...اختفت ابتسامتها لما مالقته موجود...
مشاعل:اوف طلعت من الجامعه بدري ع الفاضي
رجعت ابتسامتها لما لقت رسالة منه...
رمت نفسها على السرير وهي مبتسمة بهدوء....حطت يدها على قلبها...حسته يدق مليون مرة بالثانية..
لاشعوريا لقت نفسها رافعة السماعة وداقة عليها...الانسانة الوحيدة الي تقدر تحكي لها كل الي بقلبها...مهما بعدتهم المسافات...
طلع لها صوتها الي كله نوم...
لبنى:الو
مشاعل بهدوء ورومانسية:قالي ياقلبي
لبنى وهي تفرك عيونها وتتثاوب:مين؟؟
مشاعل بنفس النبرة:فهد
لبنى:ولد عمك؟؟
مشاعل قامت من السرير وتغيرت نبرتها:لا...(رجعت رمت نفسها على السرير)...اقصد فهد..حق الماسنجر
لبنى: ? so wat ...((واذا يعني))... وكانه يعني اول واحد ولا اخر واحد يقولك كذا
مشاعل:لا يا لبنى هالمرة غير...منه طالعه غير
لبنى:اقول ميشو
مشاعل:هلا
لبنى:ليكون حبيتيه؟؟
مشاعل:لا..بس مدري احس اني مبسوطة وبس يعني لازم اكون احبه
لبنى:انا ماقلت كذا بس تصرفاتك وكلامك يقولون كذا
مشاعل:مو مهم...متى بتدخلين المسن بيشو الدبة تبي تكلمك
لبنى:وربي وحشتني هي والبنات
مشاعل:وليه ماتجين؟؟
لبنى:لا تعرفيني ما احب جو السعودية
مشاعل:انزين يابنت امريكا ماجاوبتيني
لبنى ابتسمت:م متى بيجون عندك البنات؟؟
مشاعل:مدري بس اتوقع بنروح لعند رزان لان اخر مرة كنا عند شوق
لبنى:خلاص لما تقررون دقي علي وخبريني عشان ادخل
مشاعل:ان شاء الله...وانتي شخبارك؟؟ وشخبار المزيون
لبنى تنهد:انفصلنا
مشاعل:افا ليه؟؟
لبنى:طفشت منه
مشاعل:لا حول ولاقوة الا بالله...دام انك طفشتي منه اكيد لقيتي الي احلى منه
لبنى تحمست:ايه شفت واحد يشبه دفيد بكهام
مشاعل بحماس: no way ((مستحييل))
&&&&&&&&&&&&&&&&&&&&&&&&&
^%
%^ &&&&&&&&&&&&&&&&&&&&&&&&&
بعد ماخلصو البنات المحاضرة...
رزان وهي تسحب شوق وبشاير:يلا بسرعة لا نتاخر
شوق:طيب شوي شوي..الكعب بينكسر
بشاير:ياي ما اقدر ع الكعب
شوق:انطمي انتي
ركبو السيارة...
رزان:خلاص بس...(قالت وهي توجه كلامها للسواق)..روح للظهران
السواق:ظهران مول
رزان:لا منطقة الظهران
السواق هز راسه:جين ماما
&&&&&&&&&&&&&&&&&&&&&&&&
^%
%^ &&&&&&&&&&&&&&&&&&&&&&&&
جالسة وكل شوي تناظر الساعة بتوتر...
منصور مسك يدها:حبيبتي شفيك؟؟
اثير:بالي مشغول على ديما...حاسة ان فيها شي
منصور تنهد:حياتي مافيها شي...اصلا لو فيها شي كان دقوا علينا الشغالات صح ولا لأ
اثير وهي تحاول تهدي نفسها:ايه..صح
منصور:يعني مانقدر نجلس مع بعضنا وبالنا مو مشغول بشي ثاني
اثير تنهدت وهي تناظر بيده..رفعت راسها له:الا نقدر
منصور ابتسم:ايوه خلك كذا..انسي كل شي وخليك معي وبس
اثير:منصور انت تحبني؟؟
منصور باس يدها:وانتي عندك شك
اثيرر فعت كتوفها:لا..بس ابي اتاكد حرام
منصور:لا مو حرام...وانا احبك وامووت فيك بعد
نزلت راسها باحراج وحمرت خدودها...
منصور:اقول حياتي
اثير رفعت راسها:لبيه
منصور:ماودك ننجن شوي
اثير باستغراب:كيف يعني؟؟
منصور:يعني الحين وبهاذي الحظة نروح الشليهات
اثير رفعت حواجبها:انت من جدك كذا فجاءة
منصور:ايه الحين..يلاقومي
اثير:وين انت شفيك...لا مايصير
منصور:وليه ان شاء الله؟؟
اثير:اول شي بنتك لحالها بالبيت وثاني شي مامعنا ملابس ولاشي
منصور:مو لازم ندبر نفسنا..الحين نروح السوق ونشتري أي شي يلا قومي
اثير:وديما؟؟
منصور:بدق على اختي تروح عندها...يلا
اثير وقفت معاه:ههه والله انك مجنون
منصور:بحبك ياقلبي
&&&&&&&&&&&&&&&&&&&&&&&&&
^%
%^ &&&&&&&&&&&&&&&&&&&&&&&&&
عند البنات...
شوق:رزان وين موديتنا؟؟
رزان وهي تاشر من الدريشة:هناك
بشاير:مجمع جازالا السكني..وش

الفصل الثاني من قصة خوف من الحب←
قصه أحزنتني وقهرتني بنفس الوقت اتمنى تشاركوني اياها→