روايه خوقاق عبير وفيصل كامله

دخل ولقا باب الحمام مسكر عرف انها بالحمام
طلعت من الحمام وهي لابسه البجامه وشعرها محوس باين ان توها قايمه من النوم
ابو عبير:عبوره...انتي نايمه وانا قلبت عليك البيت فوق تحت
عبير ماتدري وش تقول:ايه..لأني كنت برا بالحوش اذاكر
ابو عبير مد لها الكعب: هذا كعبك وتر مدري وين الثاني
عبير مسكت ضحكتها:طيب
طلع ابوها..وعلى طول راحت تذاكر لها كلمتين قبل لاتنام
دخلت البيت وهي حدها تعبانه من الدوران والمطارد هي وبنت عمها
- شذى..وين كنتي طول هالوقت
شذى اللتفت لأمها:كنت مع عبير بنت عمي ب فدركرز..ليش؟
ام نايف:وليش طول الوقت هناك..يعني انتي ماتدرين ان بعد الساعه 11 حظر تجول لتس ولا ماتدرين؟
شذى باست راس امها:آآسفه..ولا رااح اكررها ابدا
ام نايف:اخ بس منكم تلعبون علي بكلمتين..
بهالوقت دخل نايف اخو شذى وجلس يهلي بنفسه
نايف :هلا والله وغلا..اسفرت وأنورت توه مانور البيت
شذى بتقهره:منّور بأهله
عطاها نظره خلتها تسكت..ألتفت لآمه:مامي احبك مرره
شذى:وع وش مامي..ياشين السرج ع البقر
نايف:اقول ماكني سكت لك..ترا مافي هاني موتر مدري شسمه خويّك
شذى:ههه هاري بوتر.."وقال بلهجه بريطانيه"...harrey potter....الحمد الله ياربي ماكذبت يوم قلت ياشيين السرج على البقر
نايف يقلدها باللهجه البرطانيهk..say good bay to harrey potter
شذى:لالالا..يرحم امك امزح..والله وقسم بالله..انت ع العين والراس..بس كلش ولا هاري بوتر
نايف:اجل اهجدي
ام نايف:خلاص كنكم بزارين
نايف:لا انا مو بزر انا في الثالث والعشرين من عمري ولست بزرا اما هي ف نعم
شذى:اوف خلاص انا بزر بس اهم شي لايروح هاري بوتر
ام نايف:ايه وش كنت تبي مني يوم تقول مامي؟
نايف:يس..تذكرت!!..ام..عمي ابراهيم مسوي عزيمه يوم الخميس الجاي وقال لي اقولك..
شذى:يوه الله يحينا حايتا طيبه.. احنا الحين يوم الثلاثاء
نايف:بس الايام تركض صح ولالا؟
ام نايف:ايه صح انتي مالك لبس لازم تشترين
شذى هزت كتفها بلا مبالاه:عادي اخذ من عبوره الاموره
نايف:لين الحين اسمها عبوره الامروه؟...ياقدمكم..كح كح مغبرين
شذى:ولين تتزوج وتعيّل بعد
نايف استبعد فكرة انها تتزوج مايتخيل عبير اللي يوم كان صغير كان يضارب عيال عمه عشان تصير زوجته باللعبه..فتتزوج ..وواحد غيره بعد صحيح هو مانقدر نقول يحبها لكن نقدر نقول اعجاب يمكن يتطور مع الايام ويمكن يحل محله اعجاب او حب ثاني
ام نايف:لا عيب عليتس..كل ماجت عزيمه تقولين باخذ منها
نايف يقلد امه:ايه عيب عليك..احم..قصدي عليتس
شذى:ههه مو لايق عليك ال تس..خلك على الكاف احسن لك.."واللتفت لأمها"..بعدين يمه عادي هي تاخذ مني احينا
ام نايف:ماضنتي ابوها ماشالله كل ماقالت له جب لي... جاب لها اللهم لا حسد
نايف:عادي مامي.."وناظر شذى لاتعلق بس ماعلقت"..هي اصلن ابوها مطخطخ ماشالله ونفس الشي بابي..بس هي لأنها الوحيده فاكل شي لها اللهم صلي على محمد
ام نايف:وانا وش علي منها..المهم لاتلبسين من عندها روحي اشتري لتس من السوق
شذى:ان شالله على هالخشم
نايف:من زينه خشمك..يوه..قصدي خشمتس
ام نايف تضربه بخفيف:لاتقلد يالببغاء
نايف:وش فيتس ياميمتي..انا ماقلدتس
شذى:ههه احسن عشان ماتتهزا بخشمي
نايف:ماعليتس مني!!
بس ال تس ماكان مضبوطه من فم نايف
من بكره بالجامعه
شذى:امس امي الحمد الله ماهزأتني..كنت متوقعه متعاقبني وبتتركني بالبيت
عبير وهي تفتح ببسيها:بس امك حليوه ماأتوقع كل هذا منها
شذى:بس هي ماتحب اطلع واجلس لأكثر من 11 وانا مع السواق
عبير:اهاا
شذى:بس نايف ياحبني له..كانت بتلاغيني بس دخل وانقذ الموقف..جلس يسولف مهعا..ههه
عبير:خ وانتي اكيد سيده ع الغرفه
شذى:ههه لالا..بلعكس جلس اسمعه وهو يقلد يتكلم بال تس..أخ بس لو تسمعينه تموتيني ضحك
عبير اكتفت بألبتسامه
شذى:لاويقول مامي..ههه.."وكأنها تذكرت شي"..الا صح عبووره!..
عبير:هلا
شذى:ام..تدرين ان عمي ابراهيم مسوي عزيمه يوم الخميس
عبير:اوف بكره؟؟
شذى:لالا..الخميس الجاي
عبير:أي اشوى..ماعندي لبس
شذى:عاد تصدقين قلت لأمي باخذ منك عصبت علي
عبير:ههه قولي لها عادي خوات مافي شي بيننا
شذى:ياحبي لك بس ولو..المهم..شرايك نمر السوق اليوم او بكره
عبير:اليوم لا..باخذ بريك.
شذى:على راحتك
طبت عليهم صديقتهم منيره
منيره:هلا والله وغلا ب منيره..
شذى:الحمدالله تهلي بنفسها..كأنها نيوف امس
عبير بخبث:اتركيها عارفه ان محد مهلي فيها قالت خل اهلي بعمري..صح يا منور؟
منيره:ه هجري ه...so so funny
عبير:ههه
شذى:خ تعالي بس عبوره تمزح
عبير وهي حاطه الاسترو بفمها:لا مامزح
منيره:لاوالله؟..
شذى:منور معليك منها هي تمزح..بس هي كذا تحب تغايظك لاتشيلين هم
عبير لاهيه بال كتاب:لاماأمزح واعلى مابخيلك اركبيه
منيره:لا ماراح اجلس الا اذا تأسفت
شذى عارفه ان عبير ماراح تتأسف:منور وش تتأسف ترا كلها مزحه
منيره: لا لا لا ماراح اجلس الا لما تتأسف
عبير بلامبالاه:اجل عمرك ماجلستي
منيره بققت عيونها ع الاخر..بس هذي عبير لحد يستغرب
شذى اللي ماتدري وش تسوي:منور حبيبتي تكفين مو عشانها عشاني
منيره: لاياماما انا عندي كرامه انا لو بجلس مع 100 وواحد منهم مايبيني ماجلست
عبير:هذا يسمونها عدم ثقه بالنفس..وش ذنب ال 99..دام هالواحد مايبيك
منيره تأشر عليها وحاطه يدها على خصرها:انتي مالك شغل فاهمه؟.. اعتذري وبعدين يصير خير
عبير:والله ياقلبي انا ماأعتذر لو شيصير لو كنت انا الغلطانه..عاد شلون لوحده ماتتحمل المزح؟
منبره:.............
عبير رجعت تقرا كتابها وكأن الموضوع مو مهم:...........
شذى:خلاص..عبير قالت لك مزح..اوكي منور اجلسي يرضيك اجلس اترجاك..
منيره:اوكي..
وجلست
شذى:اوكي انا بروح للكافتيريا تبين شي؟
منيره: ايه والله ..أي شي اهم شي شي يغير ريقي
شذى:من عنوناتي!!
وراحت تشتري وبعد عشر دقايق رجعت وكانوا عبير ومنيره يسولفون ولا كن شي صار
شذى:im baaaaaaaack
عبير:welcome
منيره:خ والله ذكرتوني بالماسنجر
عبير:ههه ليش هو بس المسنجر اللي يقولون باك وولكم
منيره:لا بس كذا تذكرت
وناظرت ساعتها:اوف تأخرت بنت عمتي قالت لي اكون عندها ليش سرقني الوقت
وتوها بتقوف استوقفتها شذى:لحظه والاشياء اللي اشتريتها لك
منيره:ياحبي لك مشكوره باخذها معي وخذتها
وخذت اشياءها وراحت
ومرت لحظة صمت كانت عبير مندمجه في كتابها..وبعدين
عبير:اوف طفش تصدقين؟..اليوم لما اختبرت كان صعب ولا حليت مثل الخلق
شذى تهوجس:همم..
عبير:هي..وين وصلتي
شذى عدلت جلستها:انا عندي سؤال يقرقع بقلبي
عبير:اسألي
شذى:ليش عمي ابراهيم سوا هالعزيمه
عبير:علمي علمك
شذى:ام..ايه..تذكرت تذكرين ولد عمي..
عبير:ولد عم أي واحد فيهم عندك مليون واحد
شذى:طلال..تذكرين مو هو رايح يدرس برا؟
عبير:أيه!!..تذكرت..طيب؟..ليش هالعزيمه عشانه رجع؟
شذى:يس..اكيدبعد
عبير:ام..يعني لازم نلبس شي حلو
شذى:مدري بعد بسأل امي
عبير:دقي على نايف وقولي له ابغا اعرف من الحين
شذى:اوف ليش مستعجله؟
عبير:أووهو يالله دقي عمى
شذى:طيب طيب..لا تعصبين
عبير:والله انتي تخلين الواحد يعصب غصب
ودقت
شذى:آلو
نايف:هلا شذى
شذى:كيفك؟
نايف:انا تمام..قولي اللي عندك مو عاده تدقين علي انتي
شذى:خ فاهمني..المهم..عزيمة عمي ابراهيم وش مناسبتها؟
نايف:يعني مايبيلها كلام عشان طلال رجع
شذى:طيب وش اسوي انا انت ماقلت لأمي بس قلت ان في عزيمه صح؟
نايف:أيه بس مايبيلها كلام
شذى:خلاص.."وتكلم عبير"..ارتحي الحين
نايف:هي وشو ارتحتي؟..ولد انا
شذى:ههه لالا أكلم عبوره
نايف استانس:طيب ..سلمي عليها
شذى:ان شالله...يالله باي
نايف:باي
شذى تبتسم:يسلم عليك
عبير بلامبالاه:الله يسلمك ويسلمه..المهم ماعلينا..وش قال؟
شذى:يقول هذي يبي لها حكي؟
عبير:اجل خلاص..ان شالله بكره نروح السوق
شذى:اوكي
ناظرت عبير ساعتها..
عبير:اقول ماكننا طولنا..انا بروح للبيت
شذى:وين؟؟..بدري..خلك خل نجلس
عبير:بروح انام..امس مانمت الا متأخر كنت اذاكر
شذى:اوكي..بااي
عبير:بايات
راحت عبير للسياره اللي كانت واقفه عند باب الجامعه واتصلت على السواق يوقف عند الباب لأن اساسا موقف من زمان عند الباب مسكين
عبير:روح للبيت
رحمه:اووكي مدام

دخلت للبيت..لقته فاضي..ابوها مسافر..اكيد مسافر..اصلن عمرها ماحست بأهتمام ابوها لها..الاجازه قربت وهي لازم توسع صدرها ولاتفكر بهالاشياء اللي تسد النفس
دخلت غرفتها..وغيرت ملابسها..وراحت في سابع نومه
اما شذى بعد ماراحت عبير..جلست شوي مع بنات متعرفه عليهم من بداية السنه وبعدين راحت للبيت
دخلت البيت لقت امها جالسه مع ابوها
شذى:السلام عليكم
الكل:وعليكم السلام
ابو نايف:هاه يابنيتي كيف الجامعه؟
شذى:أخ بس أخ..وش اقول وش اخلي..تعب..وهم..وغم
ابونايف:ههه ليش عاد؟..يالله شدي حيلتس مابقى الا شوي وتعطلون
يمكن تلاحظون بقصتي ان الكبار بالسن يتكلمون مثل طريقة ابو نايف وام نايف..احنا عندنا بنجد كذا الكبار يتكلمون بهالطريقه يعني زي
"شدي حيل(تس)" مو"شدي حيلك"
شذى:ان شالله
ام نايف:بعدين عاد بنبدى بموال السهر والطلعات اللي مالها سنع
شذى:يمه!!..بوسع صدري
ام نايف:انتي ماتعرفين ان السهر يضرتس يالخبله..ويخلي وجهتس كنتس بقره..ترا مافي ام تدور لولدها بنت تسذا
شذى تضحك على كلمة بقره:ههه
ههه حلوه بقره يمه
ام نايف:وانا الصادقه
شذى:يمته ترا بكره بروح مع عبير للسوق وبشتري لبس
ام نايف:زين..بس لاتشترين الا لبس للعزيمه..مهوب تضفين السوق كله
شذى:ههه ان شالله
ابو نايف:ههه وشو له تضف السوق
ام نايف:بلاك والله ماشفتها بهالاسوقه..تضف الصاحي واللي مهوب صاحي
شذى:يمه شفيها ابغا ادلع نفسي..
ام نايف:نشوف تالية هالدلع
شذى تكلم ابوها:بابي حبيبي
ام نايف بهمس:الله يستر
ابو نايف سمعها:ههه نعم..
شذى:ابغا فلوس
ابو نايف:كم تبين؟
اذن المغرب ..ورجعوا الناس من المسجد..
قامت من النوم وهي حدها مغتلقه..هي مو متعوده تنام لهالوقت
راحت وتوضت وصلت..تحس بضييقه مو طبيعيه..آآآآآه بس وش هالنكد اللي انا عايشه فيه
نزلت تحت ولقت الصاله فاضيه..اصلن هي عاده تكون مليانه
كانت بتطلع للحوش تتمشى بس استوقفها التلفون يرن
ردت كانت تحسبها وحده من بنات عمها لكن كان واحد يسأل عن ابوها وهي مادري وينه فنادت الشغاله
عبير:سرين!!
سرين:يس
عبير:وين بابا سعد
سرين:بابا سافر ليوم سباه (سباه=صباح)
عبير:اوكي خلاص
وقالت للرجال انه مسافر..احينا بعض الرجال بشغل ابوها يتصلون بالبيت لم يكون ابو عبير مقفل جواله..
طلعت برا للحوش تغير يمكن تروح هالضيقه اللي بصدرها..تمشت في الحوش الوسيع..كان بيت ابو عبير قصر..او مو قصر فله كبيره..صحيح انه هو عايش مع بنته لحالهم بس لزوم الكشخه على قولة عبير
جلست تطالع النجوم..وتتأمل السما..خفت عنها الضيقه شوي..فكرت تدخل بس الجو كان معجبها مره فاقررت تتمشى زياده
طق!!..طق..طق!!
شذى:ادخل
دخل نايف:helllllllllllllllllo
شذى مندمجه بالاب توب:نعم؟
نايف:أفاا!..انا تقولين لي نعم..بدال ماتقولين انك مشتاقه لي وحشتني كتير كتير كتير
شذى بلامبالاه:اشتقت لك مره
نايف:أيه..واضح..الشوق يطل من عيونك..
شذى ماقدرت الا انها تضحك:ههه شلون اشتاق لك وانت 24 ساعه بوجهي؟
نايف:هع مدري..يالله شكثر انا طفشان..احس اني بموت من الطفش
شذى استغلت الفرصه:وش رايك نطلع..يالله يالله تكفى
نايف:يالله شورانا؟..البسي عبايتك ويالله
شذى:وناسه..انا احبك مره واموت فيك
نايف:أيه موب ل لله..بس يالله انا انتظرك عند السياره
شذى:اوكي!!!
لبست شذى عباييتها وقالت لأمها وراحت
بعد فتره طفشت من الدوران بالحوش فكرت تطلع بس ماتبي..تحس بطفش وضيق..وماتبي تطلع..
قررت تدخل جوا..لم دخلت..تأملت الصاله الكبيره..ماتحس برغبه ف الجلوس فيها..فقررت ترقى فوق وتفتح الكمبيوتر..
من بكره بالجامعه
شذى:امس فاتك نص عمرك.لالا ثلاثة ارباع عمرك..لالا ..ولا اقولك كل عمرك
عبير:خياويلي..ليش؟
شذى بأسلوبيقهر ويضحك: طلعنا ذيك الطلعه اللي تهبل..ورحنا وجينا ولعبنا وناسه
عبير:والمطلوب؟
شذى:ابد سلامتك..بس حبيت اقول انتي امي شصار عليك..تقولين انك تعبانه
عبير:امس انا طول وقتي ع النت..
ودخلوا في سواليفهم سواليف البنات
وبعد شوي طبت عليهم منيره
منيره:سلامز
عبير:هلا وغلا
شذى:هلا والله ب منور
منيره وهي تجلس: كيفكم؟...شخباركم؟..شعلومكم؟..كيف الاهل؟..والعيال؟ .. والاخوان اهم شي..
عبير:انا بقرا كتابي اذا خلصتي قولي لي اوكي؟
منيره :اوكي..وعمانكم..واهلكم..وجيرانكم..
شذى:يوه كلهم بخير..اوف
منيره:ههه..ياحبني لي والله
ناظرتها عبير
منيره:امزح..والله اني امزح ..وقسم بالله
شذى:ههه
عبير:ههه احسن عشان تتوبين
منيره:ههه الا عبوره وش تقرين
عبير:روايه
منيره:يعني تحبين تقرين انتي؟
عبير:ايه..بس مو كل شي ورايات يعني احب اقرا كتب علميه لكن مو كثير..احب اكثر شي الروايات
منيره:وش هالروايه اللي قرينها
عبير ترفع الكتاب بوجهها:روايات عبير واحلام..تعرفينها؟
منيره:سمعت عنها مره..بس انا مااحب اقرا..اكيد تقرينها لآنها نفس اسمك خ
عبير:ه هجري ه..لا مو عشان كذا..
منيره بفضول يقهر:طيب وش اسمها؟
عبير:عروس الظل
منيره:اهاا..رومنيسه؟
شذى:اكيد..عبير تعشق الرومنسيات
منيره بتعجب واضح:بس عبير انتي مو رومنسيه
عبير:ليش ان شالله..مامليت عينك؟
شذى:ههه بصراحه عبور منيره معها حق..انتي ابد مو رومنسيه
عبير بدون اهتمام..وهي تكمل روايتها:لأني ماأحب..اذا حبيت صرت رومنسيه
شذى:انتي ليش ماتحبين..كل العيال يحبونك انتي طبي وتنقي
عبير بعصبيه من هالسيره:اوف منك..ادري انك بتقولين جميله وغيره وغيره..بس انا ابغا واحد يحب عبير..يبغا عبير ..مو لأني بنت سعد او لأني جميله..
شذى خافت منها:طيب..طيب..خلاص اسفه معد اكررها
منيره:عبير جد اني مره جميله وحلوه..والباب مفتوح قدامك ليش ماتحبين وتتزوجين؟
عبير:مابي وانا ماأفكر بالزواج الحين..ابغا اعيش حياتي..واطلع وأروح واجي..
منيره:ههه ماتبين احد يقول وين رايحه او من وين جايه..صح؟
عبير:أيوه..عليك نور
شذى:ام..انا لو بيجيني ولد الحلال على طول اقول موافقه
في مكان ثاني..عند بيت عم عبير كانوا مرتبشين عشان عزيمتهم
ام طلال واقفه عند الدرج تنادي بنتها:هيون!!..هيون ردي وصمخ
هيا:هلا يمه معليش
ام طلال:تعالي..معي رتبي المجلس كله حوسه..بعديم ابغا اضمن ان العزيمه يتكون زينه وتبيض الوجه
هيا:يمه تر العزيمه بعد اسبوع
ام طلال:ادري يايمه ادري..بس لاتلوميني متحمسه..هذا ضناي توه راجع وودي افرح به
هيا وهي تنزل لأمها وتحب راسها:ابشري يمه الحين ارتب لك المجلس..واحنا عندنا غير طلول..
- كني سمعت اسمي..تحشوون؟
هيا:ههه لا مانحش ان بعض الظن اثم
طلال:ههه لا بس شكيت
هيا:خ لالا..لاتشك
ام طلال:طلال يمه..رح نم لك شوي تراك من الصبح وانت في الشارع
طلال:ام..طيب مع ان ودي اجلس معاكم بس يالله
هيا:وفي طريقك ناد معك ناديه..وشهد..ودحوم
طلال:اوكي..جلست تتأمر الاخت
هيا:طلوّل؟..ترا بخرب عزيمتك
طلال:ههه خلاص خلاص فاضي انذبح ..تعرفين مشعلووه مايرضى عليك
استحت هيا:اسمه مشعل مو مشعلوه
وسمعت ضحكته وهو فوق
هيا..بنت حلوه ومثقفه واثقه من نفسها..طيبه مره..وكل اخوانها يحبونها..عمرها 22سنه..مخطوبه من ولد عمها مشعل..اللي يحبها!!
طلال..انسان طيب وحبوب الكل يحبه لأدبه وأخلاقه..متخرج من جامعة
ومن يومه ب اولى ثنوي وهو يدرس برا..متفتح..لكنه مايؤمن بالحب اللي قبل الزواج..وتفكيره شوي محافظ..عاد كيف تجي هذي خ
عمره 23وله دور بالقصه
وبعد شوي نزلوا ناديه وشهد وعبدالرحمن
ناديه 17سنه..وشهد 12..ودحوم 3
دحوم بدا يتليقف على هيا
رجعت من الجامعه وهي حدها طفشانه..دخلت للصاله عرفت ان ابوها ماجا من السفر..هي اصلن ماتفقده بس تبي احد تتكلم معاه بدل هالجلسه اللي تضيق الخلق
رقت لغرفتها ونامت
اما عند شذى..كانت شذى في سابع نومه..وأمها تحازل تقوم فيها
بعد اذان المغرب
ام نايف:شذى وصمخ صار لي ساعه وانا اقوم فيتس..ماغير تشاخرين..قومي!
شذى:يمه ابغا انام
ام نايف:نومة اهل الكهف..قومي قامت عصبك..قرمي دقت عليتس عبير
شذى:قولي لها مشغوله
ام نايف:الله مير يخلف علي..الله بلاني ببنت مثل خيشة النوم
شذى وهي تتأفف:اوف يمه..خلاص قمت قمت
ام نايف:لاأرجع والقاتس نايمه ترا بالعطر على راسستس
شذى:طيب ...
وراحت للحمام
ويوم طلعت اتصلت ب عبير
عبير:آلوو
شذى:هلا عبور..كيفك؟
عبير:الحمد الله..كيفك انتي ياخيشة النوم على قولة امك ههه
شذى:لا تذكرييني ودي يوم تقولي شوشو قلبي قومي..وتبوسني..اخ بس
عبير:ههه حشى فلم
شذى:ههه لاوالله احب تقويم امي بي ودي اجرب كذا احد يبوسني ويقول لي قومي شوشو قلبي حياتي عمري..
عبير:ان شالله زوجك
شذى:ان شالله..المهم متى نروح للسوق..عشان تشتري للعزيمه
عبير:ان يغيتي الحين
شذى:اوكي..يالله انا بس البس
عبير:اوكي مسافة الطريق..بروح اقول للسواق يجهز السياره..cu
شذى:cu
طلعت عبير من البيت..وركبت السياره
نزلت شذى وبيدها العبايه..كانوا ام نايف نايف يالصاله..نايف كان واقف وباين عليه بيطلع..
نايف:سوف تخرجين ياحمقاء؟
شذى:نعم ايها الابله
نايف:ويحك يافتاه..انا اخوك الكبير..هل تفهمين
شذى:نعم افهم..أيها ال...
نايف قلب مصري:اخرصي
شذى:ههه اخرصي..ولا اخرسي
ناايف:كيفي
ام نايف:وين النيه؟
شذة:بروح مع عبير..للسوق
نايف:ماتبون اوصلكم
شذى:لا مشكور..عندنا سواق
نايف بصوت واطي:خساره!!
ام نايف:لاتطولين اختتس نوال بتجينا اليوم
شذى:ايه صح اوكي ماراح اطول
نايف:وهذي ماتجي الا الاربعاء؟
ام نايف:ياويل حظي على بنتي..هذا زوجها شسوي؟
نايف:والله لو اني داري انه كذا كان ماخليت اختي تتزوج واحد مثله
شذى بسخريه:اللي يسمعك يقول الرجال يشرب ولاصايع بالشوارع
نايف:ولو بس ليش كذا معقد يقهرني مره
شذى:ههه حلوه ..اوكي يمه سلامز
ام نايف:يحفظتس الله
نايف:وانا يمه؟
ام نايف:وانت بعد يحفظك الله
نايف:أيه اشوى
في هالحظه دق جوال شذى وردت..وكانت عبير
وطلعت
فتحت ولقت عبير راكبه مع الجهه الثانيه
عبير:ماشالله برق..على طول طلعتي
شذى وهي تركب:ههه شفتي شلون
في هاللحظه طلع نايف..وعرف سيارة عبير..وأشر بيده يعني سلام
عبير:هذا نايف صح؟
شذى:لا عمه..اكيد نايووف مين يعني
عبير:وجعه كلتني بقشوري..المهم وين تبين نروح؟
شذى:ام..نروح لل...لل...مدري..خل نروح لحياة مول..لالا رويال مول..لالا
عبيرتكلم رحمه:رحمه روح للمملكه
شذى:لاوالله تسأليني ليه؟
عبير:توقعت بتنفعيني بس للأسف
شذى:اوكي اصلن انا كنت مفكره بالمملكه
في السوق

عبير:شوشو شرايك بهذا؟
شذى:يووه ياعبير
عبير رفعت حاجبها:خير؟
شذى:لو تشترين هذا بيصير خامس فستان
عبير:وانتي شدخلك..شاريه بفلوسك انا
شذى:لا بس حرام كذا كل واحد اغلى من الثاني
عبير:عادي.. I don't care..اهم شي اطلع حلووه..المهم شرايك؟
شذى:حلو مره..بس مو كأنه يبي له شي يغطي من فوق؟
عبير وهي تناظر الفستان:ليش؟
شذى:ام..فتحت صدره كبيره مره
عبير:ام..اللبس معاه جاكيت جينز
شذى:بس يروح الموديل
عبير:طيب بدي
شذى:معقول
عبير:اوكي يالله ماخلصتي حامت كبدي من هالمحل
شذى:وانتي كل ماجلستي في محل خمس دقايق حامت كبدك
عبير:كيفي
طلعوا من محلات الملابس وهم مخلصين بس شذى بقى لها بعض الاغراض
عبير:يوه ياشذى انتي ماتعرفين تخلصين اغراضك في يوم واحد؟
شذى:على حسب..لازم افكر واقرر..يعني تعرفين
عبير:لحظه لحظه..كم التاريخ اليوم
وقالت لها شذى عن التاريخ
عبير:اوف اوف اوف..تذكرين طلعة المزرعه؟
شذى:لاتقولين بتشترين ملابس؟..طلعة المزرعه عاديه يعني كل شهر نفس الناس..ل..
قاطعتها:ياغبيه تذكرين مرة عمي وش قالت لنا في اخر طلعه
جلست شذى تتذكر وبعدين شهقت..:بيجون ضيوف..
عبير:عليك نوور..
شذى:يعني لازم لبس ثاني؟
عبير:يس..لك طبعا اما انا ف لا..لاني خلاص اكتفيت
شذى:اوكي امشي نروح لل دبنهامز..ناخذ الفستان اللي قلت لك عليه
عبر:اوكي
طلعوا من السوق..
وكل وحده رجعت للبيتها
لما دخلت شذى للبيت لقت اختها نوال
شذى:هلا والله وغلا
نوال:اهلين..كيفك شوشو
شذى:يختي وينك..ماتنشافين
تنهدت نوال:وش اقولك يختي..محمد دايم على هالحال..كل ماأقول بطلع يقول لا شسوي
شذى تبي تهون عليها:يحبك مايقدر على فرقاك
نوال:ياليت..ياليت ياشوشو..والله اهون لي بس هو مدري ليه يرفض..كل شي يعيي عليه
شذى:كيف البيبي؟
نوال وكأنها نست:خ كلها كم شهر ويطلع
نوال..بنت طيوبه وحبوبه..محبوبه من الكل..متزوجه وهي الحين حامل تعاني من زوجها لأنه كل ماتطلب منه شي قال لا..عومه..ومزاجي..ولما يعصب يعصب..يكره الاسواق لابعد الحدود ويظن ان مالها فايده والحرمه لاز تجلس بالبيت..صحيح انه يخليها تروح للسوق بس وقت الحاجه الملحه..راح تتعرفون عليه اكثر

^^^^^^
خلص الجزء الاول
ام مدري انزل البارت الثاني باكر او اليوم ام على حسب الردود
ردود؟؟

السلام عليكم ورحمة الله وبركاته
أختي العزيزة (بنوته رجه)
كتابتك رائعة جدا
اتمنى لك التوفيق
لموويه

^^^^^^^^^^^^^^
وعليكم السلام
اهلين لموويه
خيتو الروايه مو بتاعتي انا ناقلتها
ع العمووم نورتي

الجزء الثاني
مرت اللايام..والايام..وجا موعد العزيمه..
شذى:آلو عبوره خلصتي؟
عبير:أيه..وش تبين؟
شذى:ابغا نروح انا وانتي للعزيمه مع بعض..ولابتروحين مع ابوك؟
عبير:لا بروح مع السواق..
شذى:اوكي انا بروح مع اهلي خل ندخل مع بعض..اوكي؟
عبير:اوكي خلاص
شذى:يالله باي..
عبير:باي
سكرت عبير التلفون وراحت للمرايه..وشافت نفسها
كانت جميله جدا جدا..كانت لابسه فستان اسود قصير تحت الركبه وحزام تحت الصدر..وكعبها كان ربط ف الساق..كانت روعه
وصلت شذى مع امها ونايف للعزيمه..وشذى تتوعد في عبير للي جحدتها وراحت
دخلوا وسلموا
وجلس شذى مع البنات اللي في زاويه لحالهم بعيد عن حش الحريم خ
العنود:اهلين شوشو..مابغيتتوا تجون
شذى وهي تناظر عبير:في ناس يقهرون قلت لهم ينتطروني بس جحدوني
العنود:ههه عاد عبير احسن منك جت قبلك
عبير:احسن..حره
شذى:هذا جزاي مابيك تدخلين لحالك..بس ناس ماتستحي
عبير:اقول شذى لايكثر هرجك..ترا الغرور ماينفع لك .."وكملت بغرور"..بعدين انتي اللي جبيتني وتبغيني
شذى سكتت ماعندها شي تقوله
منال:هي..بنات شفيكم ليش العداوه والبغضاء؟
عبير:ههه حلوه
شذى:عنوده متى جيتوا؟
العنود:ام..جينا قبل منوله بشوي
منال:تصدقين عاد العاده نجي احنا قبل..بس السواق ينرفز
"هاي قايز"
في هاللحظه طبت عليهم بنت عمهم ابرار
عبير:بربوره..هير
شذى:بربوره متى جيتوا
منال:وانتي وراك كل ماجا احد قلتي متى جينوا؟
عبير وعنود:ههه
شذى:مالك شغل..بربوره
ابرار تكشر:وجع..وشو بربوره عمى..
العنود 19سنه..منال 18..أبرار 22
وجلسوا ضحك وسواليف..هيا شوي تجلس معاهم وشوي تقوم تضيف الناس مسكينه مكروفه وابرار معاها..
العنود:مسكينه هيونه مكروفه كرف مو بصاحي..وابرار وش حادها
عبير:ههه أي والله
طبت عليهم منال:هي!..شوفوا من جا
عبير:مين؟
منال:اريج..ياكرهي لها
العنود:انا بفهم ليش تكرهونها
منال:انت يجربي اجلسي معاها..تموتين
العنود:مدري احسها ادميه عاديه
منال انتبهت على سكوت عبير:عبور..ليش ساكته؟
عبير:آآآآه بس ياليتها ماجت
وصلت عندهم وهي تناظر عبير نظرات غرور
سلمت عليهم..ولما وصلت ل عبير..عبير ماأبتسمت حتى مجامله
مما خلى اريج تنقهر منها..
قالت اريج بأسلوب:تدرين الابتسامه في وجه اخيك صدقه؟
عبير:ام..ياقلبي انا ابتسم للي ابي..وبعدين اذا انتي عارفه نفسك تبين صدقه لاتدورينها عندي..
اريج انقهههرت من قلب
تعدتها وراحت تسلم على البقيه
منال:ههه احبك موت..تعجبيني لوه انا كان ماعرفت ارد
عبير:ههه ياحبي لك
شذى:بليز عبير لاتكرهيني
العنود:ههه حلوه امر هذا؟
شذى:مدري المهم لاتكرهيني
عبير:انا ماراح اكرهك انتي مثل اختي اللي ماجابتها امي..وحبيبتي
منال والعنود:اوه
باست شذى عبير على خدها
دخلت اريج عليهم وكأنها تبي ترد الحركه:اقوول وش عند اللزبو؟(لزبو اختصار لزبيون ومعناها شذوذ)
انصدموا العنود وشذى..لكن عبيرو منال لا.. لآنهم متعودين عليها وعلى كلامها...الوقح
ناظرتها عبير نظرات كلها غرور:والله عاد كيفي ان بغيت صرت غييّ..انتي شعليك..محتره؟..وترا ياحلوه كلن يرا الناس بعين طبعه
اريج انقههر اكثر من عبير..كانت متوقعه منها انها بتجلس تقول احترمي نفسك ومدري ايش..لكن عبير فاجأتها انها مانفت كلامها بأنها لزبيون
منال:اذا هم لزبو انتي عبد مارحتي بعيد يخلق من الشبه اربعين
اريج تناظرها:وانتي شعليك احد كلمك
منال كانت بترد بس عبير سبقتها:اقول اريج..البنت تبي تدافع عني..لانها.. "ووضحتها كثير" ..تحبي..اما انتي ماأضن هنا في احد يحبك فا وانتي طالعه سكري معاك الباب اوكي قلبو؟
العنود:اريج حبيبتي تعالي عندي..انا ابغاك
كانت اريج بترفض بس دخلت هيا وابرار بهالوقت..
هيا:حيّا الله اريج..تفضلي ليش واقفه
اريج ماحبت تكسر بخاطر هيا..ماراح تحرم نفسها المتعه عشان عبير
راحت اريج وجلست مع العننود وابرار وهيا
والعنود كانت من فتره لفتره تجلس يامع عبير وشذى ومنال...ولا ابرار وهيا اريج
اريج..بنت عمة عبير..عمرها 20سنه..مغرووره..تنرفز الواحد بكلامه اللي ماتثمنه..
دخلت ام طلال عليهم وسلمت عليهم وسولفت معاهم شوي..
ام طلال:هيونه حبيبتي روحي شوفي القهوه جقت الرجال وش اخبارها..الشغاله فاهيه ماتدبر شي
قام هيا:ان شالله
قامت معاها منال:هيونه ويت..بروح معاك
راحوا للمطبخ
هيا:خلصتي القهوه؟
الشغاله:سوي..بس باقي سوي
هيا:اوكي خلصي بسرعه
رن جوال هيا
هيا:آلو هلا طلوّل
طلال:هلا هيون وين القهوه؟
هيا هذا انا قول للشغاله.."وهي تكلم الشغاله"..لالا مو هذي الزمزميه حطي الدله الذهبيه ياخبله
طلال:ههه ياحبي لك تكرفين والله اني آآآآسف
هيا: لاشدعوه..تعبك راحه
طلال:ياقلبي يلوموني فيك..بس لازم اعوضك
هيا:ههه لالا مابي شي مشكور ياحبيبي اهم شي انت توسع صدرك..خلنا نفرح بك وبرجعتك
قاطعتهم منال:ههه من تكلمين اخوك ولا حبيبك
ظربتها هيا على كتفها بخفه:وجعه ماتستحين
منال:ههه
طلال:ههه من هذي؟
هيا:بنت عمك لابارك الله فيها..تقولي تكلمين حبيبك ولا اخوك
طلال:ههه اوكي لاتطولين بالقهوه
هيا:ثواني وهي عندك انت اطلع لي وانا بعطيك اياها
طلال:اوكي..باي
هيا:باي
رجعت منال للبنات وهيا عطت الدله لل طلال وراحت تمكل سواليف
جلسوا طول اليوم ضحك وسواليف..
عند الرجال
طلال:انا اقوول ان هينري غبي يوم يروح لل برشلونه
نايف:ههه لايسمعك طارق
طارق:سمعت..والله هينري حر..بس انت محتر عشانه سحب على ارسنال
طلال:وانت وش دراك يالفالح
طارق:ادري
نايف:واذا قلت لك ياعمي طلال مدريدي
طارق بقرف:تشجع ريال مدريد.. لله يخلف بس
نايف:اقول وش في ريال مدريد احسن من خشك انت وبرشلونه
طارق:برشلونه وبس..
طلال:خله الاخ باز ب رونالدينيو وميسي..خلك على جهلك بس
طب عليهم مشعل:طراحه ياطلوّل القهوه مسكته
طلال:ههه مو هيا اللي مسويتها
مشعل:اهاا وانا اقول ليش احسها مو حلوه
طارق:سبحان الله توها مسكته..الحين صارت شينه
مشعل:ههه
نايف:الحب ياحبيبي الحب
مشعل:على الاقل انا مافكرت بوحده انا عارف انها ماراح تعطيني وجه
طلال:تقصد عبير؟
مشعل:هو في غيرها معذبة قلوب الرجال اصحوا
طلال:عاد انا ماتعجبني..ماحب البنت اللي تجاري الرجل ب جرأته ..واللي تطلع من سواق لحالها وغيره وغيره..صحيح جمال بس الجمال مو كل شي
نايف وطارق ماعجبهم الكلام خصوصا انهم يتكلمون عن بنت بين رجال
نايف يبي يقفل الموضوع بطريقه مرحه:لا يسمعكم عبد الله
مشعل:أيه الله يهديه يحبها حب ماينوصف..
نايف يبي يغير الموضوع:لييش جالس مع الشياب..شكله طفشان
مشعل:انا جلست معاه بحكم اني بعمره بس هو الله يهديه موب يعطي الواحد وجه..مايبي الا فيصل..وفصول ماجا..قلت اجلس مع البزارين شوي اسمع سواليفهم واضحك
نايف يكلم طارق:نقوم عليه نحشره بالزاويه؟

طارق: يالله
طلال:ههه جاك الموت يالتارك الصلاه اجل احنا بزران؟..اصغر منك بثلاث سنين صرنا بزران
مشعل:ههه
طارق:وش عنده ليش ماجا فصول؟
طلال:انا دقيت عليه يقول انه مشغول وعند سفره بكره
نايف:شف شف..وش عنده عبود يتساسر مع عمي سعد(ابو عبير)
مشعل:أيه.ومعهم عمي ابو عبدالله
نايف:شكل عندهم بزنس..ههه
نادا ابوطلال طلال وراح له
عند البنات
منال:وش بتلبسون للعزيمه؟
عبير:انا عندي ملابس كثيره ..محتاره وش اللبس
شذى:انا بلبس جينز والحركه بخليها في التي شيرت وبس
منال:وانا بعد..والله اريح لنا
دخلت ام طلال للمره الالف:هيون دقي على طلال خله يجي ياخذ الشاهي من زمان وهو خالص
هيا:ان شالله
راحت ودقت عليه
رن الجوال..رن رن رن لكن مافي احد يرد..للحظه كانت هيا بتسكر بس رد
هيا:طلول حرام عليك صار لي اسبوع اكرف كرف..وانت تزيد علي.بمووت
...........:ماعاش من يموت هيونه حبيبتي
هيا صنمت..هذا مو صوت طلال...هذا صوت....مشعل..وش جابه لجوال طلال
هيا:آلو
مشعل:كيفك هيا؟
هيا:الحمدالله بخير شلونك انت؟
مشعل:الحمدالله..اجل تبين طلال
هيا بأحراج واضح:أ..ايه
مشعل:دقي بعد شوي هو الحين مشغول
هيا:خلاص بس انت قل له يجي ياخذ الشاهي
مشعل :حطيه عند الباب انا بجي اخذها
هيا:طيب
راحت وخذت الشاهي..وحطته عند باب المجلس
وراحت بسرعه
بعد شوي الكل راح يتعشى..وراحو للبيتهم
لما دخلت لبيتها..كانت تدندن لأن لااريج ولا غيرها يقدرون يعكرون لها مزاجها
رن التلفون
استغربت من بيدق عليهم بهذا الوقت
ناظرت الساعه كانت 12ونص
ماأهتمت وراحت ترد
هي مو عاده ترد لكن قالت خل ارد وش وراي
ورفعت السماعه
عبير:آلو
-آلو
رد عليها صوت رجولي ساحر..كان صوته جنان روعه..وباين انه هادي والأخ مروق وماوراه شي
عبير:هلا اخوي
الرجال:هلا هذا بيت سعد محمد ال(.....)
عبير:ايه نعم من معي؟
الرجال:اهاا..عبير؟؟
عبير:من معي؟..ومن وين تعرفني انت
الرجال:مو مهم من وين اعرفك..ابوك وين؟
عبير:لحظه..من انت اول شي؟
الرجال:انا واحد..
عبير:لاوالله حسبتك أثنين زين ياشيخ اللي قلت لي
الرجال ضحك:ههه لين الحين ماتغيرتي..
عبير:شفت شلون؟
تبي تقهره وتبين له انها مو مهتمه
ابتسم الرجال:اوكي.. ابوك ابغاه ضروري
عبير تبي تقهره زي ماقهرها:ابوي عنده جوال..
الرجال فهم وش تقصد:ام..بس انا دقيت عليه مقفل
عبير:مدري عنه
الرجل:اوكي عبير اذا جا ابوك قولي له يتصل فيني
عبير:حلوه ذي..طيب من اقوله..ترا والله انبح حلقي وانا اقول من معي
الرجل:ههه بسم الله على حلقك ..هو بيعرفني
عبير:الحكي معااك ضايع
وسكرت الخط
الحمد الله والشكر خبل!!..شلون بقول لآبوي..بس احسن عناد فيك ماراح اقول لو وش يصير..والله حسافه عليك هالصوت..والله انه روعه صوته..
ورقت غرفتها ونست السالفه تماما
بعد تقريبا 3ايام
قامت من النوم..وهي كسلانه تحس ان ودها تنام اكثر..رجعت حطت راسها على الوساده بس ماجاها النوم..
قررت تنزل تاكل لها شي..ناظرت الساعه لقتها 8..اوف 8 وانا امس نمت 2 او 1..يالله مومشكله
نزلت لقت ابوها جالس على الفطور
عبير:هاي دادي
ابوها:هلا ببنيتي اليوم قايمه مبكر شعندك؟
عبير:خ مدري والله قمت قبل شوي وطار النوم
ابوها:عبير حبيبتي..انا داري ان مو بوقته بس بقولك
عبير:خير يبه
ابوها:عبدالله ولد عمك..خطبك مني
عبير ابتسمت ابتسامه بالغصب طلعت:بس انت عارف رايي بهالموضوع
ابوها:طيب ليش..انا ماراح ادووم لك ودي افرح بك
عبير:يبه انا ماراح اتزوج الا بسن 23وطالع غير كذا لأ
ابوعبير:والله يابنيتي انا ماغصبتك على شي طول عمرك..طيب ماودك تاخذين فرصه تفكرين؟
عبير:لا..ماراح افكر ولاشي..وبعدين هذي مو اول مره انخطب وكل مره اقول لا..قول له ماعندنا حريم للزواج وبس
عرف ابوها ان الحكي معاها لايودي ولايجيب..وقرر انه اليوم بيقول لأخوه ان بنته رافضه
تذكرت كانت بتقول له عن اللي متصل هذيك المره..بس احسن خلك عشان تعرف من عبير..ماراح اقول
ابو عبدالله:لا انا فاهمك ياخوي
سعد:انا قلت لها بس هي اللي رفضت..وانت عارفني منيب احب اغصب بنتي على شي
ابوعبدالله:طيب انت ماحاولت تعرف سبب رفضها؟
سعد:تقول انها مو مستعده للزواج..وان شالله لي صار عمرها 23وفوق فكرت
ابوعبدالله:مهوب كلام ذا وانا اخوك..البنت مالها الا بيت زوجها..
سعد:والله اني مدري شقولك ياخوي بس هذا اللي قالته وانا منيب جابرها على أي شي
شذى:خطبك؟؟
عبير:تخيلي..
شذى ماتت ضحك:ههه
ههه
عبير:خير ان شالله ليش كل هالضحك
شذى:انتي خلقه ماتبين تتزوجين عاد شلون عبدالله هاللي مايضحك الا بطلعة الروح ههه والله حاله
عبير:ههه من جد..ألاحظ هالشي..بعدين عبدالله مايناسبني احسه من النوع الرومنسي بزياده..يع..يقلب الكبد
شذى:هذا ان طلع رومنسي خ
عبير:ههه حلوه شكلك تكرهينه مره
شذى:ههه لاوالله عادي..بس انتي لاتتزوجين موب لازم..خلك على ماأنتي عليه
في مكان ثاني..في محل الكوفي شوب...هناك عند شابين جالسين عبدالله ومعه واحد ثاني
.........:مالقيت طيب سبب لرفضها؟
عبدالله:لا ابوي يقول ان البنت قالت لأبوها ماعندنا حريم للزواج..شفت يافيصل شفت اني منحوس وين ماأروح
فيصل:ماأظن ان كذا من ربي ماتبي تتزوج..يمكن ابوها خايف عليها او شي انت ماتدري عنه
عبدالله انفعل:يخاف عليها معي؟؟؟
فيصل:انا قلت يمكن..بعدين مو معك..يمكن البنت مو وجه مسؤوليه
عبدالله:مالي شغل انا ابيها لو شيصير
فيصل:مشكلتك عنيد..والبنت نفس الشي
عبدالله استغرب:ليش؟..وش دراك انها عنيده..انا من يومها ام 13سنه ماشفتها
فيصل:قبل كم يوم كلمت ابوها عشان الشغل ولقيت جواله مقفل وهو قال اذا لقيته مقفل دق ع البيت وانا دقيت....وردت علي هي..ههه..تصدق جلست اضحك عليها تبي تعرف من انا بس ماقلت لها..واخر شي سكرت السماعه بوجهي.."وكمل بهمس"..بس ماراح اعديها لها
عبدالله ماسمع اخر كلمه:وأتصل عليك عمي؟
فيصل:ههه لا ماأتصل بس مصيره بيتصل
عبدالله:ههه والله انك ماتنتحارش..تدور الشر
فيصل:تعجبني شخصيتها يوم كنّا صغار كانت قويه..وشكل لي الحين ماتغيرت خ
عبدالله:أي والله..ليتها بس توافق والله اعيشها احسن عيشه
فيصل:خلاص ياعبود والله ماتسوى عليك
عبدالله:انت ولد عمي وعارفني زين..ليش ترفضني.. فيني شي؟
فيصل:لامافيك شي بس انت الله يهديك توسوس
فيصل..رجل أعمال كبير..وعنده شركه ..لكنها حقت امه ..بعض شغله يكون مع ابو عبير وابو عبدالله..ماسك الشركه مع اخوانه..لكنه هو المدير والآمر والناهي فيها..طيب.. وخلوق .. ومتواضع ومثقف..خفيف دم لكنه عنيد وراسه يابس..من ناحية الشكل فهو وسيم مره..طويل..حنطي البشره..شعره اسود..عمره 26سنه
فيصل:طيب بكره المزرعه ماودك توسع صدرك
عبدالله:بتجي؟؟
فيصل:أيه
عبدالله فتح عيونه لأخر شي:من جدك..فيصل خالد..يتكرم ويتنزل ويجي عندنا..لالا انت مو طبيعي..او انك بتودع هالدنيا
فيصل:وجع!!..لاتفاول..وبعدين انا ماجيت متكبر عليكم ..عشان الشغل
عبدالله:ايه انت وشغل..تسافر يوم يومين بالكثير وترجع..أبي افهم ليش
فيصل:شغل مع عمي سعد..هو اللي شغله يتطلب سفر..ولا انا انسان مستقر بالرياض
عبدالله:اهاا..الا صح اخوانك ماراح يجون؟
فيصل:ليش هي عاده يجون؟
عبدالله:شمعني انت اللي تجي وهم لا..ولا فوق راسهم ريشه
فيصل:هم مايحبون يجون بمكان فيه ابوي من عقب ذيك السالفه وانت عارف هالشي
عبدالله:اهاا..حاول والله مشتاقين لل سلطان..وعزوز..و
فيصل:ههه قل منى ونوف
عبدالله:ههه لاماراح اقول
فيصل علاقته مع عمانه مو ذاك الزود..لأنه ابوه شخص مو والنعم..صحيح عمانه كلهم لهم اسمهم..بس علااقته معاهم شغل وبس..ولا له أي احتكاك معاهم..لأنه مايحب اوبوه ل سالفه صار بعدين تعرفونها..فا يحس ان عمانه نفس الشي..كل شي بيتح مع الاجزاء الجايه
ناظر فيصل عبدالله اللي يفكر
فيصل:عبود..وش تفكر فيه؟
عبدالله:محد
فيصل:انا قلت وش تفكر فيه مو من تفكر فيه بس انت غبي فضحت نفسك..
عبدالله:احبها ياخي
فيصل:اوف منك
عبدالله:هذي محد يوصل لها
فيصل:يمديني
عبدالله:اتحداك
فيصل:لاتتحدا
عبدالله:مايمديك هي عنيده
فيصل:اقدر وبتشوف
عبدالله حس انه غبي فيصل مايحب احد يتحدااه
فيصل:يالله انا استأذن بمشي
عبدالله:شعندك مؤدب
فيصل:طول عمري مؤدب..المهم اخلص علينا تبي شي ولا ترا اذا تبي مانيب جايبه عبدالله:ههه الا ابي بوسه
فيصل:تحلم بوستي ماتاخذها الا ام عيالي
عبدالله يتلفت حواليه:وينها ماأشوفها
فيصل: اذا اعرست عليها قلت لك عنها
عبدالله:ههه
فيصل:يالله عطيتك وجه عاد..مع السلامه
عبدالله:على وين؟؟ مامليت منك
فيصل:خبل انا اخليك تمل مني..لالا ياحلو..
عبدالله:أيه من جد على وين؟
فيصل:البيت..يالله عاد صدق انك ماتنعطى وجه..مع السلامه
عبدالله:ههه مع السلامه
ياحبي له هالفيصل محد منسيني حبي ل عبير وعذابي معااها الا هو
ركب فيصل سيارته وانطلق للبيت وهو في نفسه عارف ان حب عبدالله ل عبير مو حقيقي..لأنه حبها على شكلها..مو على اخلاقها..بس ياأنا ياأنتي ياعبير
والتحدي قايم ياعبدالله

من بكره..بالمزرعه
كانوا البنات جالسين مع بعض
العنود:هيونه كيفك بعد العزيمه
هيا:آآآآآآه بس لوتعرفين وش كثر تعبت..
منال تغمز لها:بس تعب طلال راحه صح؟
هيا تضربها:انتي ماقد شفتي اخت تحب اخوها؟
منال:ههه الا قد شفت..واانا عندي اخوان..بس ماقد شفت
اخوان يتغزلون ببعض
طبت عليهم عبير:وش عندكم؟..
منال تكلم هيا:اقول؟
عبير:ايه ايه قولي
منال:هاه هيا اقول
هيا:قولي..اصلا انا احب مشعل وبس..
عبير+منال:ياهو!!
حمر وجهها
شذى:ههه وش صاير
عبير:الاخت غرقانه بالحب لين شوشتها
شذى:اهاا
العنود اللي طبت في نفس وقت شذى:ههه ياعيني..انا سمعت اخر كلمه
منال:الا اقول بنات عمتي قوزيه بتجي؟
العنود:مري واالله
هيا:تقول امي انها بتجي بكره
جتهم ناديه ركض
ناديه:اتحداكم من قبل شوي شفت
العنود:الجني
منال:لالا توم كروز ولا مساري ولا جينفر انستون ولا براد بيت ولا...
قاطعتها عبير:ههه ولا واحد وش بيجيبهم للمزرعه
شذى:ههه يمكن بيجلسون مع الشياب
منال :ههه مساري يجلس يغني عليهم.."وهي تغني"..it's real love that you don't know about
عبير:ههه بنات مساري بيعتزل بكره
شذى:ههه من جد
ناديه:هي اسمعوا
العنود:أيه..قولي مين؟
ناديه:فيصل ولد عمي
منال:فصول..الفتى الوسيم
شذى:آآآآآآآآه فيصل هنا..ياويل قلبي
العنود:ههه هو حلو صح بس ليش كل هالخقه
منال:لأنه وسيم..زي توم كروز
عبير:ههه هذا همك
منال:خ لالا جد وش جابه
العنود:جاي يشوف اهله حاله حالنا
منال:بس هي مو عاده
شذى:مدري يمكن..يمكن..يمكن..والله ماعندي تفسير مقنع
العنود:الا وين هيا وابرار؟
منال:هيا تتغزل باخوها..وابرار يمكن الحريم استلموها طلبات جيبي وودي
عبير:انتي قاهرك اخوها
منال:من جد اثنينهم قاهريني..اجل في اخوان يتغزلون ببعض؟..والله شي
شذى والعنود وعبير:ههه
جت ابرار معاها هيا
هيا:بنات وش رايكم نطلع نتمشى؟
العنود:اوكي يالله
شذى:يالله ودي احرك رجولي بس طول الوقت جالسه
منال:تأكدوا ان مافي ورعان بالجوار
شذى:ههه عليك لغه
العنود:صادقه
عبير:يالله وش تحترون..
قاموا كلهم...زيّنت عبير لبسها..كان بنطلون جينز ازرق غامق وتي شيرت احمر مزموم من الخصر وكت ومكتوب عليه بالذهبي..I love my man
لكن من هو؟؟؟ خ
جلسوا يمشكون طبعا كل وحد اخذت طرحتها عشان لما يمر احد من الاولاد
منال:مره الجو روعه
شذى:صح واحنا جالسين جوا الله يخلف
العنود:بنات من عنده نكته
عبير:ههه فجاه
العنود:ههه مدري حسيت اني ابي اسمع نكته
منال:لايكون متوحمه من ورانا
العنود تضربها بخفه:على ........سخيفه
منال:اوخس عنوده تسب
هيا:اقول منوله بدال ماتطلعين اشاعات على الناس غني لنا
منال:لالا عشان تضحكون علي
عبير:لا منوله انا احب صوتك خصوصا بالغربي
شذى:ايه ذبحتني كل يوم تمدح فيك
العنود:لاتكبرون راسها
منال:غيرانه
ابرار:خ العائله الكريمه كلها مغنين
عبير:ليش؟
ابرار:نسيتوا فيصل ولد عمي؟؟..صووته جنان..بس منال بالغربي حلو اما هو بالعربي
هيا:يالله عاد غني لنا
منال:اوكي وش اغني؟
عبير:too little too late
ابرار:أي حقت jojo
منال:على هالخشم
شذى:الله يالله نسمع
منال:
Come with me, stay the night
You say the words but boy it don't feel right
What do you expect me to say
عبير: You know it's just too little too late
منال: You take my hand, and you say you've changed
But boy you know your beggin don't fool me
Because to you it's just a game
عبير: You know it's just too little too late
منال تحمست ع الاخر..نطت مقطع خ
منال: It's just too little too late
A little too wrong
And I can't wait
Boy you know all the right things to say
عبير: You know it's just too little too late
صفقوا لها البنات
هيا:منول احبك موت..
منال:شعور متبادل خ
هيا: بس الاغنيه نطيتي مقطع ولا كمليتي هالمقطع
منال:مدري ارتبكت حسيت اني سمعت صوت
شذى:كشخه والله اني احبكم
عبير ل منال:بدت المصالح ههه
منال:ههه
العنود: عبور انتي كورال شي
عبير:ههه ماعندي سالفه الا.You know it's just too.. little. too late.. وتقولين كشخه ؟
شذى:بس حلوو
سمعوا اصوات من بعيد
هيا :بنات تغطوا الاولاد هنا
كل وحده تغطت بطرحتها
جوا مجموعه من عيال عم عبير ومنهم..نايف.. وطارق.. ووفهد..ومشعل.. وطلال.. واحمد .. وعبدالله.....وفيصل!!!
منال بهمس ل هيا:شوفي مشعل اللي لابس كاب اخضر وولابس شيرت اصفر .. عشان بس ماتتعبين وانتي تدورين
هيا:وجعه..جعلي اشوف فيك يوم قولي امين
منال:ههه لا
لما وصولوا عندهم قال فهد
فهد:مين اللي تو تغني..اللي صوتها حلو تقول jojo
منال:وانت وش عليك
فهد:أهاا...انتي
منال انحرجت مره..غبيه فضحت نفسها
طارق يحب ينرفز الواحد ف قال خل اشترك معاهم
طارق:صوتك شي..لو تشتركين ب سار اكدمي تفوزين من اول اسبووع
فهد:ههه قصدك تطلع
منال كانت دمعتها على الطرف..شافتها عبير ولا حبت تكون ساكته
عبير:وانت وأياه شدخلكم ان بغت تشترك في اللبوم في ستار اكدمي اشتركت.. ماناقصنا بس ناخذ رايكم
فهد عرف هالصوت:عبير هنا؟
عبير:لاتغير الموضوع..وبعدين صوتها حلو مافي كلام..
طارق:ههه الله يهديك انا قلت شي؟
عبير:لا ابد ماقلت شي..جالس تمدح..
فهد:اوكي على راسي ان بغيتي .."وهو يكلم منال"..صوتك شي والله اني ماأكذب
منال ماتحملت الموقف كان محرج مرره و منال من النوع الحساس..رمت نفسها في حضن هيا..وهي تقاوم عبراتها..لكنها كانت ضعيفه وصاحت بدون صوت
عبير عصبت مرره كل شي ولا زعل اللي تحبهم
عبير بعصبيه:زين اللي سويته؟
فهد:وشو والله اني كنت امزح
عبير:ايه مزح صعايده..المزح موب المشاعر
اللتفت لها فيصل اللي كان لاهي بجواله..كان يسمع بس لفت نظره جراة عبير وعصبيتها عشان بنت عمها
طارق حس انها مستقويه قال خل اورها اني موب ضعيف
طارق:والله انا انسان عن نفسي ماقلت غير الحق صوتها بايخ
عبير:والله ياقلبي ماأذكر انها اخذت رايك ولالا؟
طارق خق على كلمة قلبي
طلال شاف ان الجو بدا يكهرب..او كهرب وخلص..قال خل افصل بينهم خصوصا ان عبير ضد هالاثنين..وهو المشاعر عنده شي مهم
طلال:خلاص عاد..والله حاله.."وناظر منال بحنان"..منال ماعليك منهم تراهم مايقصدون اللي يقولونه
منال:.................
طلال:منال!..خلك واثقه من نفسك..صوتك حلو
هيا:هي مو على كذا بس ليش يتهزون؟؟
طلال ناظرها..ب معنى..انتي تهدينها ولاتزيدين عليها؟؟
هيا فهمت:أ..أ..منوله حبيبتي..ماعليك خلاص
عبير:انت وأياه عاجبكم الوضع يعني الهالدرجه ماهمتكم مشاعر بنت عمكم
فهد مايدري شيقول هو بس قصد المزح اما طارق اللي يقال له فزعه طلع مهايطي عندها..صدق الحب اعمى خ
عبير:ماتردون!
-اقول لايكثر تراك بنت قدام رجالين
اللتفتت عبير لمصدر الصوت اللي كان...فيصل!!
عبير:وانت وش دخلك؟؟
فيصل بدون اهتمام:الباب
عبير:طيب اطلع منه
فيصل:بأمر مين؟
عبير:بأمري انا
فيصل:تراك ماخذه مقلب بنفس بزياده..لاتطالعين فوق لاتنكسر رقبتك
عبير:والله كيفي..اطالع فوق ولا تحت..وبعدين من ماحكيتك
فيصل: مثل ماهم "ياشر على فهد وطارق"..ماحاكوك وتدخلتي انا بعد اعتقد لي حق
عبير:بس هي وحده وهم اثنين
فيصل:طيب خلاص لاتجلسين تسوين لنا سالفه..درينا انك فزعه..كل واحد يروح في حاله
عبير:ومن انت عشان تسكتني
سكت فيصل وناظرها نظرات خلتها تسكت
فيصل:يالله نايف وطارق
طلال:يالله خل نروح
مر طلال من عند هيا ومنال اللي كانت لين الحين بحضن هيا وقال شي بأذن هيا طبعا منال سمعت..وراح
الكل لاحظ تغير منال..طبعا منال من النوع اللي يزعل خمس دقايق ويرضى
عبير:اقول منوله وش هالتغير المفاجئ..توك كنتي تصيحين
منال:انا؟؟
شذى:لابنت الجيران..وش قال طلال
هيا:ابد قال انهم اساسا ماسمعوا شي سمعوا اخر كلمتين حتى ماقدروا يحددون اذا الصوت حلو ولاشين..بس
عبير:وانتي وش عليك منهم اذا انتي عاجبك صوتك لايهمك
منال:انا ماهمني بس هم كانوا ضدي..بصراحه كبرتي بعيني لم دافعتي عني
عبير:بس هالزلايب ولا وحده فتحت فمها بكلمه
العنود:والله اذا انتي جريئه موب لازم كلنا نكون مثلك
شذى:صح..انتي لسانك طويل..اما احنا لا
عبير:اللي لسانه مو طويل مايعيش
هيا:الحمدالله انا مو زلابه انا تكلمت
شذى:لحظه!!..اصلا نايف كان موجود..ماكنت اقدر اتكلم
طلال:صراحه انتوا ناس فاضيه حاطين عقلكم بعقل هالمسكينه؟
فهد:ياخي قلنا بنلعب باعصابها شوي بس..مادرينا ذي بتنط لنا
فيصل:حتى ولو..بعدين انتوا شفتوها تصيح مفروض وقفتوا
طارق:انا كنت ماسك نفسي لااقوم عليها.. القهر انها بنت ولا كان..اخ يالقهر
طلال:امسك نفسك انت بالذات تراك عصبي بزياده
فيصل:لاوالله مهايطي..
طارق:انا مهايطي يال...
فيصل بكل هدوء:احترم نفسك
طلال:شباب خلاص
طارق:انت اللي ماحترمت نفسك من الاول عشان الناس تحترمك
فيصل:بس انت اللي جيته ل نفسك..محد قال لك تهايط
طارق كان بيقوم عليه بس نايف وطلال وقفوه
اما فيصل ماتحرك..كأنه ينتظره يجي يضربه
فيصل:شفت ان ماعندك سالفه؟..جاي بتضربني؟..لو فيك خير..
طلال:فيصل عشاني خلاص
فيصل سكت لأن طلال له معزه عنده
طارق:كمل..كمل
فيصل:لو بكمل كملت بس انا محترم اللي جالسين وأولهم طلال..ولامو عشانك..
طارق:قل انك خايف
فيصل بسخريه:هه..انا اخاف منك..بنت قدرت عليك يعني انا الرجال منيب قادر؟
طارق بسخريه يبي يقهره:انت رجال؟
بس فيصل كأن اللي قدامه بزر:ايه رجال عندك شك
جا طارق بيتكلم بس فيصل سبقه:لاتنسا اني انا اللي خليت عبير تسكت عنك ولاكان غسلت شراعك..ف يعني رجال غصبن عن اللي مايرضى
وطلع وطارق يصرخ عليه بس فيصل ماراح يعور راسه عشان واحد مثل طارق