رومنسية رجل مع زوجته لايفوتكم

هذي ليلة مسويها زوج كويتي لزوجته بمناسبة ذكرى يوم ولادتها
طبعا الفكرة سهلة بالحيل بس نبي اللي يطبقها ويسويها وما تكلف شي كثير مقابل انك تسعد
نصفك الثاني وتخليها هو أول اهتماماتك وانا متأكد انه لو الرجال سووا هالطريقة راح يجيهم نتائج اكثر من اللي هم يحلمون فيهن
اترككم مع الرجال وقصته مع زوجه
هاي شلونكم حبيت اسويلكم تقرير من الألف لي الياء عن يوم ميلاد زوجتي وكل الترتيبات اللي سويتها
وكل شي صار شي بهاليوم بالتفصيل الممل بس اتمنى ماتملون
طبعا يوم ميلاد زوجتي 23 فبراير بس كان دوامات ولويه فأجلت المفاجأة حق يوم 26 فبراير اللي هو يوم تحرير الكويت الحبيبة
طبعا مر يوم 23 زوجتي حدها متضايقة ومصدومة إني شلون ماذكرتها وماسويتلها شي أو إشتريت لها هدية
وأنا حدي أعصاب باردة
المهم يوم 25 بالليل قبل لاأنام قلت لها أنا حاجز سويت بفندق
إستانست وماقلت لها أي فندق قلت خله مفاجأة لأن أساسا بعد الفندق جديد وما تعرفه
المهم ثاني يوم لبسنا وطلعنا
وصلنا هناك الساعة وحدة ودخلنا السويت الساعة وحدة وعشر الصراحة السويت حده راقي وهادي
هذي الصالة
هذي غرفة النوم
هذا الحمام وأنتو بكرامه
الجاكوزي
بعد ما ألقينا نظرة على الغرفة نزلنا حق المطعم مال الفندق كنا حدنا يواعا
وهذا بوفية الغداء صوب السلطات والحلو الأكل كان حده روعة ولذيذ
السويت مالنا كان بالدور ال 18 طبعا الدرايش كبار على كبر السويت وعلى البحر والخليج دايركت
صراحة المنظر كان واو ،،، صورت لكم صور من المسيرة وبعض المناظر
مسيرة السيارات وهرنات كان وناسة وحنا قاعدين نشوفهم من فوق
ماكدونالدز والزحمة والناس
خليجنا واحد وشعبنا واحد
الفوم
ونآآآآآسة
المهم
الحين أنا مسوي مفاجاه ثانية زوجتي ما تدري عنها للحين
أنا مزهب كل شي بالونات ، شموع ، ورد ، كيكه ، وهدية
واتفقت مع الفندق إن الساعة 8 لما ننزل اللوبي يظبطون كل شي طبعا الفلبينيات اللي بالرسبشن هن اللي ساعدوني
انا قلت لهم شنو أبي بالضبط وكل شي وين يحطونه بالضبط
المهم نزلنا من السويت ورحنا اللوبي هذا هو
الخيمة هذي باللوبي واحد يصب لكم قهوة مع تمر
وأنا نازل غمزت لي الفلبينية يعني كل شي اوكي
احنا نزلنا منيه جان يصعدون منيه
المهم طلعنا تمشينا برا وردينا وإلا اهما موجودين يعني نازلين من السويت وكل شي اوكي
صعدنا فوق بطلت لها الباب جان تنصدم
ولا كلمه من اللي شافته
مدخل السويت
الصالة
غرفة النوم
الهدية
الجاكوزي
جان زوجتي تشوفه وهي اللي تصفر وتزلج ويرنع راسها بالجاكوزي وتفطس خ
وبس انتهينا
أتمنى أن هالفكرة وصلت للكثير من الرجال
منقول من ايميلي,,,, ,