ريحوني بكلامكم

السلام عليكم
كيفكم بنات..؟؟
بقولكم قصتي
انا ع بالي انو زوجي شريك حياتي يعني كاتم اسراري مادريت انو يقول لامو كل شي اقولو له
وام زوجي واختو بس يدقو بالهرج وانهم احسن ناس وهما اللي يعرفو كل شي وانهم هما اهل الذوق ويسبو قبيلتنا وانهم متخلفين رغم انهم من نفس القبيله
انا ماهمني ذا كلو
بس سلفتي تزاعلت مع زوجها وقالت ام زوجي والله لازوج ولدي اللي احسن منها لانها وصلها هرج انو سلفتي تقول انو ام زوجي تحرش ولدها عليها
وبعدين ام زوجي تبغى ترجعها لولدها وقالت والله معزتها من معزت ولدي الكبير
انا قلت لزوجي غريبة سلفتي تقول كدا وامك تحبها وتعزها وتقول انها من معزة ولدي الكبير
ورجعت سلفتي لزوجها وسولها حفله في البيت وعزموني تخيلو مخليني في الغرفة يمكن ساعتين وهما دق ورقص مع ولدهم وزوجتو وانا محد طل عليا ولا جابلي شي مراا زعلت قلت طيب ليه تدق عليا وقلت لزوجي وعصبت بعدين لما خلصو نادوني قلت لزوجي لاتقول لامك شي خلاص يمكن مو قصدهم
زوجي ودق على امو قالها كل شي انتم سيبتوها لوحدها واصلا زوجتي تقول تحبون زوجة اخويا اكثر و قلتي انو معزتها من معزة ولدي الكبير يعني تحبيها اكثر وماقلي انو قالها لاني ماابغى المشاكل
ومن يومها ام زوجي شايله عليه لما جيتها ماتطل فيا وبعدها تعبت ولا احد فكر فيني ولادقو
يوم جيتها قبل يومين تقولي انتي بتفرقي بين عيالي انا كنت احبك بس خلااص تحرشين ولدي عليا وانتي اصلا كذابه وتقولي لولدي انو معزة سلفتك من معزة ولدي الكبير وانتي كذابه وتحلف انها ماقالت
قلتلها والله قلتي وحتى لو قلتي ايش فيها بالعكس انا قلتو مدح فيكي
وتقول والله كنت بدق ع امك وبقول ترى بنتك تحرش ولدي وبتفرق بينا
وصارت تعاتبني قدام بناتها وزوجي كلهم ضدي قالت اني حقدتي من بعد الحفله وصرتي تطلعي كلام
وصرت ابكي واقولها لاتزعلين مني والله مااحب احد يزعل بس انا ماني كذابه وفي ذمتي لا يوم القيامه
والله ماتدرون اني ماقصرت معاهم اجيهم كثير واساعدهم واطبخ وارسلهم ليه يجرحوني
من بعدها كرهت زوجي هوا اللي حطني بذا الموقف كيف يرضاها عليا هذا بدل مايحبب اهلو فيني
واعتذرلي بس مقدر اسامحو وقلتلو بروح عند اهلي عشان انسى مقدر انسى كلامها والموقف اللي انحطيت فيه قدام الكل
ماني عارفه ايش اسوي تعبت