زمن كافر زمن قاسي بليا مذهب ومله

رميتك ياالعذاب اللي على الماضي تقود خطاي
نسيتك والله صدقني وصادقت الأمل كله
كتبت الوحشه بدروبي وخليت الحزن مرساي
رسمت العبرة بعيوني وصارت قصتي عله
انا ماابغى اجيب الجرح واجدد كل ظروف بكاي
زمن كافر .. زمن قاسي .. بليا مذهبُ ومله
انا اطول قصة مكتوبه كتبها حظي ومبداي
انا اغرب سالفه قيلت لعشاق الهوى كله
عشقت البرد بعظامي وعجزت اتهنى في مدفاي
عشقت ابقى وحيد الليل واجر الصوت وآتله
واقطّع دفتر الماضي !! كتب همي وكتب بلواي
واخلي الريح تقفي به وترحل به قبل حله
الا ياول هموم القلب وش آخر ماجنت يمناي
ماغير جروح تكويني وسيوف العشق منسله
سكنتك يالخيال اللي بنى وهمه على دنياي
تطيح الدنيا من عيني وتموت قلوب منذله
وادوّر مابقى فيني واغني من عزوف الناي
على شط البحر صوتي يبكّي الموج ويهلّه
الاياموج خبرني عن احلامي وعمري الجاي
رجيتك تكفا وارسمها بصورة حب مامله
ولو شفت الملل فيني فتأكد ماوصلت رضاي
انا صعب المزاج وصعب ياموج توصل له
دموعي ماشكت همي وهمي مارضى بحكاي
تموت الكلمة وادفنها وقلبي يشتكي من له
ظروفي تزعل العاذل ويترحّم عليّ عداي
وصار الكل يعرفني بشر معشوق للزله
وصار الهم مسباحي وصار الغم هو مركاي
ماغير اجلس واعد الليل وازوّد طينتي بله
يضيق الكون بعيوني وآنا اضيق بعيون فضاي
مثل طفلً غشاه الدمع وقلبه مايبي ذله
بشبه حالتي وارسم واوضح من خفايا حشاي
بقايا قلب عنوانه ( زماني ياكبر غله)
تجمل يالزمان اللي كثر قربك تبي فرقاي
مفارق والله صدقني !! مفارق هالوطن كله
الا ياهل الهوى قولوا وش الحيله وكيف الراي
هذاك الماضي اقصد به !هوى خلً جفا خله!
وداع الجرح ولاقسى من وداع الجرح غير خطاي
ابرحل وين يادنيا؟؟ وحملي ياصعب حمله
منقول