زواج اختى بعد 11 يوم

ريتاج جده

22-06-2022 - 07:54 am

اخواتى الفراشات زواج اختى قرب وجاء فستانها من الهند شي خيالى بس حبيت اسالكم عن حركات بالهندى يعنى المسكه واذا احد يعرف كيف تكون زفه الهنود انا عندى اغنيه عجبتنى اسمها مبارك بس اتمنى انكم تفيدونى اذا ممكن تحطو لى روابط اغانى هنديه حلوه الله يسعدكم انا فى انتظاركم..........

التعليقات (9)

انين فراشه

22-06-2022 - 10:29 am

ريتاج الف مبروك لختك وربي يوفقها ..
عمري انا من يوم ماقريته وانا جايزلي الموضوع والفكره نفسها >>>اسوي تقليد لعرسي انشالله >>>اذا بغيت اعرس يعني اسكت احسن لي ..
حبيبتي والله مالقيت لك والا وربي اعجبتني الفكره احس انها غريبه ورهيبه ..
الله يوفقكم ..
واذا لقيتي قولي لي وين ..
مشكوره خيتو وربي يوفقكم ..
اختك:انين فراشه ..

نمووله

22-06-2022 - 11:30 am

أختي .. بقولج كم حركه حلوة سويتها في ملجتي " عقد القران " .. اتمنى يعجبونج
1- اخذي لج ورد طبيعي أو صناعي شكله حلوو و حطيه داخل الكاسات و في الكاسات حطي عصير ليمون
والله والله يطلع المنظر رهيب و جديد ..
*********
2- حطي في الصاله اللي بتكونين فيها طاوله حجمها كبير شوي .. و حطي فيها شمووع بأشكال
و الوان مختلفه و نثري على الطاوله بتلات ورد و تقدرين تحطين قفص ذهبي فيه عصفورين
و في مقدمه الطاوله قرآن مفتوح على سورة الرحمن "عروس القرآن "
***********
3- سوي لج 100 او 200 حبه حلاوة .. مغلفين بطريقه حلوة و جذابه بشرايط و خرز
و ورق مقوى ...الخ و وزعيها في سلال على قد الطاوله و اذا صديقاتج سلمو عليج اعطيهم من هالحلاوة
و تقدرين تاخذين افكار اشكال الحلاوة من الصور
و برجع لج بقولج افكار زيادة ..
انتظريني

نمووله

22-06-2022 - 12:31 pm

عدنا ..
سمعي عندي لج كم حركه ..
1- لا تنسين تحطين على بيتكم زينه ترى يعطي منظر حلو
و يبين بيت معاريس و يلمع بيتكم بين البيوت ههه
***********
2- الدبل حطيهم في شيء مميز .. مثلا شجرة غصون .. علبه راقيه و شكلها حلوو
***********
- لا تنسين الحنه .. تراه شيء مهم و حلو .. حني اليدين و الرجلين
***********
- حطي صحن صغير فيه عسل و بعد تلبيس الدبل اخذي شويه عسل بالاصبع الاخيرة
الصغيرة و خلي زوجك ياكله و هو يسوي لج نفس الشيء (( يقولون تخلد الحب و تخلي ايامهم
عسل و سكر ))
5- حطي لج وعاء معدني حجمه متوسط و حطي فيه ماء ورد و بتلات ورد و غطسي رجلينج فيه
يبارك لج و يعطي شكل حلو "طقوس هنديه " تقدرين تسوينها بنهايه الحفله و تصورين

نمووله

22-06-2022 - 01:32 pm

هذه الحركه حلوة
تقدرين تسوينها في اليد او الرجل
************
و هذه تسريحه عروس هنديه لاحظي بالصورة الهنود يحبون الورد وايد
يعني بالكوشة وزعوا صحون غزيرة و فيها ماء ورد و بتلات ورد و شويه شموع
************
و هذا مكياج هندي

نمووله

22-06-2022 - 02:33 pm

و هذه باقات غريبه شوي
بس رائعه و مميزة و تقدرين على الخيش تحطون اكسسوار
او قطع شك من نفس الفستان
**********
و هذه باقه ورد مع ريش
و الله يبارك لكم ..

ميعاد

22-06-2022 - 03:34 pm

واو
تسلمين يا قلبي يا نموله على أفكارك الحلوه
رتاج مبروك يا قلبي
والفال لك
وربي يسعد أختك حبيبتي ويسعدك
ميعاد

نمووله

22-06-2022 - 04:35 pm

حصلت موقع هندي ..
فيه باقات زواج بس غريبه .. بس بعرضها
يمكن تعجبج حركات

نمووله

22-06-2022 - 05:36 pm

مشكورة ميعاد
كلك ذوق
ان شاءالله الاخت ريتاج يعجبها شيء..
تحياتي

"الصغيرونة"

22-06-2022 - 06:37 pm

الف مبروك
ياريتاج على اختك
وتسلمين حبيبتي نمولة
ع هذه الافكار الرائعه

خلطه روعه للملابس الداخليه←
ما يحلي التسريحه غير الاكسسوار→