زوجة مدخن خويتي تدخل

والله يالغاليه ما اقول الا الله يعصمهم عن هالدخان اللي هلكنا
والله اني دايم اتكلم مع زوجي عنه ويقول ان شاء الله اتركه وكله واحد
انا ودي بس يخفف منه يشرب بشراهه وبالسياره وبغرفة النوم وبكل مكان الا الاماكن العامه مايدخن فيها
الحين مبهذلني يطفي الدخان بالصحون اللي اجيب فيها القهوه والشاي
ومواقف كثيره تحصل بالبيت سببها الدخان والطفايات حقات الدخان
اقوله يارب يرفعون سعره يقول اشريه لو سعره غالي
الله يهديهم ويكرههم فيه والله انه من تالي يقول فيه وجع بقلبي لاقلت من الدخان يقولي لا ماله دخل
الله يعين وبس

والله حبيبتي انا اتضايق لمااشوفه يشرب لاني مره اخاف عليه وهو مايشرب عندي في البيت ولا في السياره في البيت يروح لوحده ويشرب ويرجع عندنا واذا بروح مشوار يشرب قبل مايدخل السياره اه قلبي يتقطع عشانه هو
الله يكرهم فيه والله لايوفق الي سواه ونشره

وش بيكون شعوري يعني !!!!!!!!!!!!
(منبطه كبدي و قلبي يعورني و انكتمت انفاسي) و الله ذبحني بدخانه بس وش اسوي عاد ؟؟؟
اتكلمت ما نفع برطمت ما نفع نصحت ما نفع !!!!!!!!!
ما لنا الا الدعاء والله المستعان ...

الله يهدي شباب المسلمين جميع يارب

طيب وشي الحل معهم

شوفي حبيبتي أنا نفس حالتك
بس الفرق لما تزوجت شرطت عليه مااشوفه يدخن قدامي ولا في البيت يعني يدخن برى ويجي
ويعني حطيت في باله انو صعبه اشوفه بالموقف هذا
وخلاص مشينا على كذا بس نفس الشي انقرف من ريحته ومن ريحة الشيشه اللي تلصق بملابسه
بس انا ناويه إن شاء الله اشتري حبوب له حقت التدخين من غير مايدري
بس الحين مااقرد إذا سافرت أهلي شريتها من الصيدليه اللي بجنبنا
ابحثي عنها بالنت
وبحاول احطها في العصير او في الشاهي او الحليب او الكابتشينو
كل يوم وبصبر عليها شهرين وبحسن النيه لله
وإن شاء الله تنفع من غير مايدري إلين يكره الدخان
انا باقي لي كم يوم واولد وناويه اسوي الخطه بعد مااطلع من الاربعين
والله يهون علي ويفرجها علي وعليكم

الله بعينا عليهم يارب انا مااخليه يدخن لاقدامي ولا قدام عياله

الله يعين

الله يهديهم ويفكهم من هالسم انا زوجي مايدخن قدام عياله بس اذا كنت انا وياه لحالنا يدخن,,,ةاتضايق عشان صحته قبل كلل شي ,,, الله يتوب عليهم منه ويحفظظهم لنا يارب