زوجى والنيو لوك

يافراشات وينكم ؟؟ بلييزز اريدا حلا وش اسوى ما عندى فكر خلاق انا وحده عمليه اكثر من انى اكون راعيه هالحركات وزوجى يحب هالحركات وابى ارضيه واسعده..

خلي النيولوك هالمره بطرقة لبسك
يعني البسي شي جديد بطريقه مختلفه ماقد شافك فيها
وخلي اضاءة البيت تعتمد بس على الشموع بيطلع الجو كثير شاعري
والله يرده لك بالسلامه

مشكوره حبيبتى على الرد وتسلمين

انا مع نعومه البسي شي جديد مامره شافه وقولي له وحشتني موت وخليك نعومه والمكياج بناتي خفيف يعني شوية كريم اساس مع كحل وماسكرا لابراز جمال العينين وروج لامع يبرز الشفتين(ملاحظه :هذا اذا كان زوجك مايحب الماكياج ثقيل) ارجو اني افدتك والله يرجعه لك بالسلامه

غيري بالبيت وترتيبه اكثر وبعد غيري مفرش السرير وغيري عطرك

مشكورين يا حلوين بس انا دايم الميك الخفيف و البس كذا القصير والشفاف يعنى مارح يكون فيه تغير كثير نوعيه اللبس والبيت توه جديد وكل شى فيه جديد هذا الى مهبل فينى حاولت اجيب شى في البيت اغير ما لقيت.. عندى غرفه فاضيه تونى ماحطيت فيها شى بس قالى قبل يسافر لاتسوين فيها شى ابى احط فيها مكتب لى انا ابيه واخاف اجيب شى مايرتاح فيه ومايعجبه خصوصا انه موصين لو ماقالى شى كان سويتها مفاجاءه .. والمفارش عندى اكثر من5 مفارش تقريبا جديده والله محتاسه ومشتاقه له كثير وودى ابسطه اذا جا كنت مفكره احجز لليله في فندق الممكله عشان زواجنا كان فيه بس هو بيرجع الجمعه المغرب والسبت ما يقدر ياخذ اجازه ابدا يعنى ماتسوى الحجز اقل من لليله .. من جد احس انى مرره محتاره

البسي لبس مرتب او فستان هادي واختاري الالوان الي يحبها او لون ماقد شافه عليك واستقبليه بالاحضان وبدموع الشوق هاذي بتكفيه بدل ماتحوسين وش تسوين وانت تقولين هاذي اول سفره له يعني يكفي اذا شافك متلهفه له ومجهزه له شي بارد يشربه وعشى مرتب كذا انت ادرى بلي يحبه زوجك ولو تجهزين الي تقدرين عليه في البيت واذا انت معزمه بحاجه جديده تفاجئينه فيها اقلبي الغرفه الفاظيه الي عندك غرفة مساج حطيلك مفرش على الارض وحطي عليه تل اوستان احمر مثلا وحطي شموع وبعض التحف وحطي اغراض المساج بسله لوتغلفينها بنفس الي راح تحطينه على المفرش وحطي فواحه ولوتلبسين بعد لبس يناسب والله يرجع لك زوجك بالسلامه 0

نسيت اوصيك ياوخيتي ترا الرجال موهوب جاي الا المغرب ووراه الصبح دوام ارفقي عليه لا تتعبينه تراه جاي من سفر.

اكشخي كانج بتروحين عرس يعني فستان ناعم ومكياج صارخ والبيت خلى الاضاءه على الشموع وانثري الورد المجفف على السرير بطريقه قلب ،، والبيت طبعا ريحته بخور ولا تنسين الفواح 000