زوجي بيطلع من المستشفى ساعدوني بأفكاركم

الحمدلله على سلامتك
انا من رايي تسوين له عشاء والغرفه يكون به تجديد من ناحيه الفراش واكسسوارات الحمام وكيكه لو كانت صورته مطبوعه على الكيكه احلى ودرع اكتبي فيه ابيات على سلامته بروح ادور لك ابيات اذا لقيت جيت وكتبتها لك

ليت التعب بعروق قلبي ولافيك
وليت الوجع غلطان ساهي ولاجاك
لو الشفاء بضلوع صدري لاداويك
وأطحن جميع ضلوع صدري فداياك
الله من شر المقادير يحميك
والله يحفظك ياعيوني ويرعاك
خطاكِ الشر ياعمري خطاك
عسى عمرك تفاريح وربيع
وتصحبك السلامة في خطاك
وقال السعد دايم ربيع
ياليتني خذت المرض
عنك وما جاك ...
و تصير من بد
الخلايق طبيبي ...
والله احولن عيوني مالقيت شي بس ان شاء الله هالبيتين يفيدنك بشي

الف الف شكر ماقصرتي والله
والله يسعدك

لا باس .. لا باس يالمحبوب روحي تفدّاك .. لا باس يامضنون عيني حبيبي .. ياعلّ ربي ياهوى البال ياقاك .. من كل شر وكل جرحٍ عطيبي .. ياليتني خذت المرض عنك ماجاك .. وتصير منبدّ الخلايق طبيبي .. ترى حياتي ماتهنّا بلياك .. ليتك دوام من عند عيني قريبي .. ياليتني نسمة صباحٍ بدنياك .. الثم جبينك عقب طول المغيبي .. أو ليتني طيفٍ يزورك بممساك .. وأشاهدك واقول يانفس طيبي .. بالحيل أحبك و أعشقك واتمناك .. يشهد على ما اقول دمعٍ سكيبي .. انا دخيلك لا تطوّل بفرقاك .. رد لعيوني نومها اللي حريبي

ياللي سكنت القلب من بد الاجناس
............ارحم محبك يابعد كل ناسه
وشغيّرك. ياطيب. القلب. والساس
............اللي يحبك ليه شيبت راسه
وينك. حبيبي. جعلك بخير. لاباس
.........وين الرسايل والغلا والوناسه
وينك حبيبي طار عقلي من الراس
...........وينك عسى الله مايوريك باسه
دايم تلوعني وانا انسان. حساس
............أرحم محبك لاتجيه انتكاسه
عقبك حياتي صابها الهم والياس
...........تبدلت فيها السعاده تعاسه
مالي بهالدنيا حبيب(ن)من الناس
.........الا انت ياللي شل فكري وحاسه
عزاه ياقلب(ن) أذا حب ينداس
.........اخلص بحبه وأقرب الناس داسه

عندي لك راي وشرايك تلقطين لك كم بيت من هالقصايد وتكتبنهن باوراق وتثبتينهن على الجدار حق الغرفه او الصاله وعلى الطاوله الكيكه والدرع

الحمد الله على سلامته ولا باس عليه
وانشاء اله يفيدونك البنات

الف لا باس علية وتنذكر وما تنعاد انشاء اللة
زينى البيت كلة وكثري بلالين وعبارة حمداللة على السلامة ونورت بيتك فى كل مكان
وسوى شهادة بانة البيت من دونة مايسوى على الكمبيوتر واطبعيها وحطيها ببرواز ووقفيها على الطاولة جنب سريرة مع باقة ورد وكثير من الورد منثر فى غرفة النوم
وفالك الصحة

جيبي كيكه وعصير وشموع ورتبيهم على طاوله مزينه وطفي الانوار ورشي ورود بالغرفه والبسي فستان حلو