زوجي سبب آلامي

بحكي لكم مشكلتي وياليت تفيدوني لو بنصيحه
انا متزوجه من ثلاث سنه ونص تقريبا
عندي ولد وبنت
انا احب زوجي وامووت عليه لان ما فيه احد شاغل حياتي غيره هو واولادي
في بداية زواجنا كان حبوب ويدلعني وما يرضى علي ويحاول يسعدني ويرضيني قد مايقدر
لكن مع الوقت تغير صار عادي عنده كل شي
ما يحب يجلس معي ولا يسولف كل وقته يا نايم او بالدوام او ع الكمبيوتر
اذا كلمته اوسالته عن شي يرد على سؤالي ويسكت
ما يفتح معي مواضيع او اي شي نتناقش فيه
حاولت اجذب انتباهه اكثر من مرره اكشخ اتزين ما ينتبه الا اذا قلت له وش رايك فيني
صار ما يجي يمي الا وقت اللي يبغاني ع الفراش غير كذا مافيه
ودايم نتهاوش على ها السبب
لاني ما احب اكون وحده يفرغ فيها رغباته وخلاص حاولت اكلمه اكثر من مرره لكن بدون فايده
مدري وش اسوي عشان اكون انا كل شي ابغاه يفرح لما يشوفني ويحب انه يسولف معي
ودي انه يبقى ما يقدر يقعد بدوني لكن مدري كيف
اللي عندها حل ياليت تسعفني واكون شاكره