زوجي طردني من البيت والحين ندمان

1. وانا ماابغى مشاكلنا تطلع لا حد من اهلينا

انا متزوجه من 3 سنوات وماعندي عيال بالرغم ان تحاليلنا سليمه الله يرزقنا
زوجي طيب وحنون ما شاء الله لا قوة الا بالله لكن لما نتخاصم ينقلب شخص ثاني يقعد يتكلم ويسبني ويطردني من البيت ويهددني بالطلاق وانا اقول ما بطلع لين تطلقني

وانا ماابغى مشاكلنا تطلع لا حد من اهلينا

المهم في اخر مشكله طردني وقال لو في قلبك كرامه اطلعي وعزي سمعة اهللك وكرامتهم انا قلت ابشر واللي يبيعني ببيعه ورحت جهزت شنطتي وشلت كل شي......كل شي يخصني وانا اجهز اغراضي كان الصمت مسيطر ع البيت انا عارفه ان زوجي ندم وكان يبغى اي فرصه حتى يعتذر طبعآ انا لما خلصت اغراضي وكنت ارتبها بكل هدوء وثقه رحت تروشت ولبست لبس مرتب ولبست عبايتي قلت له انا خلصت يالله نروح لأهلي قال بنام وبكره بوديكي قلت بدق ع اخويه يجي ياخذني قال لا انا بوديكي انا رحت بدلت ملابسي وجلست فغرفتي دخل هو وانا طلعت سويت لي سندوتش وتعشيت وهو فغرفت النوم انا جلست فالصاله وهو شكله ينتظرني ادخل انام ولما طولت نام وانا جلست ع النت واليوم الثاني داوم وان نمت جاب غداء معه وحضر لنفسه الغداء وانا نايمه صحاني لصلاة العصر صليت ولبست عبايتي وقلت مشينا قال بكيفك انا قلت رحم الله امرؤء عرف قدر نفسه ولما طلعنا مع باب الشقه كان يسوي حركات يحاول يقرب مني وكأن هذي الحركات عفويه انا طنشت وسحبت شنطتي فقال خليها انا بنزلها ولما ركبنا السياره قال خلي الشنطه بنرجع لها بعدين خرجنا وقعدنا نلف طول 4ساعات بالسياره ماندري وين نروح ووالله ماتكلمنا بكلمه وحده وبعدين قلت جعت ودني المطعم اتعشى قال ابشري تعشينا ورجعنا للبيت ع الساعه11دخلنا البيت وقام يرحب فيني وصلح كوبين شاي انا ما شربته ورحت نمت وهو نام جنبي وقال الله لا يحرمني منك
انا طنشت ونمت والحين هو قاعد يتقرب ويحاول يراضيني من يومين وانا زي الجدار ما ارد عليه
اش رايكم انا احبه بجنون لكن تتعبني كلمة اطلعي من بيتي في كل مشكله ولا ودي بصراحه ادخل اهلي فمواضيعنا وودي احط حد لهذي المشكله ما ينطق كلمة الطلاق او يطردني من البيت