زوجي عنييد وش اسووي ضايقه حييل

هدي ياقلبي ولاتضاايقين نفسك
انتي تفاهمي معه بهدوء وانتي مو كل شهر بتنزلين عند اهلك حتى يتضاايقك لكن اذ حسيتيه مصر على رايه فااستسلمي اهم شيء زوجك اذ صار شيء لاسمح الله مااراح ينفعونك خوالك ويمكن اذ رحتوا يغير رايه ويعجبه الوضع ويجلس اكثر

الله يحنن قلبه عليكي
بس في احيانا رجال يرفعون الضغط كذا
بس حاولي تتناقشي معاه بهدؤ الليله سوي براد الشاهي واتكلمي معاه بهدؤ قوليله انك مشتاقه لأهلك ولخوالك ومن ذا الكلام الين ما يقتنع .. والله يسهلكم روحتكم ورجعتكم ... لا تنسين تدعيلي

الله يهدي زوجك ويكون بعونك يارب

الهون ابرك مايكون خلك ريلاكس ولاتعصبين واذا شفتيه مروق سوي له العصير او الحلا اللي يحبه وجلسي ناقشية بس موتنفخين عليه وانشالله يقتنع

تعوذي من ابليس..
ولا تتعاندون على موضوع بسيط وسهل
سايسيه يعني خذيه بسياسة
كلمه حلوه وكلمتين بتحل لك المشكله
وقولي له خلاص انت توديني لأنك زوجي حبيبي مايرفضلي طلب الله يخليك لي
في هذي النقطه دلعيه اعصريه دلع
وقولي
راح اقعد معهم مثلاً السبوع وفي ارجعه
وكمان جيبي له كلمتين حلوين واضربي فيه دلع
وفي هذا السطر قولي له
واحد من اخواني يرجعني
واتفقي انت واحد من اخوانك للرجعه
وخليك ذربه معه اليوم كله وبعده كمان حرام يستاهل
وان شاءالله مايصير الا كل خير
لكن نصيحه لا تعانديه اذا عاند وقفي
واسكتي وافتحي له الموضوع في وقت يكون هو فيه رايق
صدقيني ماراح يقصر
والله يبعد عنكم المشاكل يارب

اقلك على شي مرة مهم
كبري المخدة ((((((( بمعنى ريحي راسك )
هاذا افضل حل
لانه مجربة العناد
زوجي مو عنيد زوجي راسه حجر
وما اقدر اخذ شي الا بطريقة وحدة
وهي اللي انصحك تسويها
واليك المقادير
رقم واحد*** ابشر وحاضر ومن عيوني وتحت امرك
وهاذي مفعولها تشبعي الشي الكثير من الغرور والعناد اللي براسه
لان هم اهم غاياتهم من العناد يمشي كلمته ويشوف زوجته مطيعة او لا
رقم اثنين ********* جلسه حلوة وهادية
واهم شي هو يكون رايق وفهميه بشويش وبروقان كانك تكلمي طفل
لانه والله كثير من الرجال عقولهم زي الاطفالا تفهميه شوية شوية تحسي تفكيره كله اتغير
وحطي في بالك وتوقعي اي ردة فعل ممكن يحاول يستفزك ويرد عليك رد ما يعجبك
انت خليك محافظة على هدوءك وروقانك مهما سوا ومهما قال
لا تنسي تكثري من قلبي وحبيبي
وقوليله انا عارفة انك تحبني واكيد ما قصدك تزعلني وانت ما قصرت تبغى توديني اسلم على اهلي
بس والله انا مرة مشتاقة لخيلاني ونفسي اشوفهم ومشتاقة لجمعتهم
ولو عصب ولا حسيتي انه مافي فايدة قوليله طيب على كيف وقفلي على الموضوع بكل هدوء
وارجعي كلميه مرة ثانية عسى ربي يهديه ويسخر لك
الله يسر لك اللي فيه الخير

ياختي طنشي
لاتاخذين الموضوع بحساسيه
خليكي بارده .. بس سوي نفسك متأثره
يعني لا تقولين له ليش وماليش .. اسكتي وبيني له انك متضايقه من الي صار
قولي له اذا انفتح الموضوع .. انا فرحانه انك بتوديني .. لكن على الاقل خل سعة الصدر تكمل
خلنا نروح بدري ونوسع الصدر اكثر .
ومنها سايسيه بس لا تعصبين .. أهم شي لا تعصبين
علشان تطلعين بفايده ..
وربي يحننه عليك .. ويسخركم لبعض

مره شكرا
وربي فرحتوني

رنيم ,,شوفي ياقلبي ماشاءالله على الردود اللي تفتح النفس والله يجزاهم خير
بس بقولك على حركه سويها اذا مانفع معاه كل اللي فات
وتراها حقوق الطبع محفوظه عندي...الحركه هي
تعالي وروحي قدامه وقولي يارب خلي زوجي وحبيبي يرضى ..
ولازم تخليه يسمعك وانت تدعي ..
وعيدي وزيدي وشوفي النتيجه,,,